تجمع للمتقدمات للكيمياء الحيوية السريرية فقط

[batbot]

حتى انا جاني مسج
و مررره خايفة مو عارفة كيف راح يكون الانترفيو

[batbot]

ياليت لو وحده عندها صحبات في السريرية تسألهم

[رضاك يا رب]

طيب يا حلوات تتوقعو المقابلة بالانجليزي ولا عربي

[miss estakoza]

نداء للأخت toola b ياريت تجي تساعدنا و تقولنا على الأنترفيو .. مرة أعصابي تلفانة من موضوع الأنترفيو دا , لأننا عدينا الصعب اللي هوا الأختبار و أخاف نعك الدنيا بالأنترفيو ..
يا ربي يا حي يا قيوم أنك توفقني أنا و أخواتي و تقسملنا الخير و ترضينا فيه ..

[batbot]

اهلين بنوتات
شوفوا ده الرابط في رد من الردود وحدهكاتبة تجربتها مع المقابلة
http://www.skaau.com/vb/archive/index.php/t-201547.html
وموفقين يااااااااااااارب

ولا تنسوني من دعواتكم

[miss estakoza]

^^
يعطيكي العافية بتبوت .. يارب توفقنا جميعاً ..

[رضاك يا رب]

الله يوفقكم يابنات ويسعدكم وجزاك الله الف خير يا بتوت على المساعدة

[AM&AM]

الله يجزاكم الف خير يارب ويارب تنقبلووووون كلكم

[mejoh]

شكراااااا الله يعطيكي العافية وربنا يختارلنا اللي في الخير..

[miss estakoza]

هاه يا بنات كيف كان الأنترفيو ؟؟
ان شاء الله الجميع يكونو مرتاحين منها ..أنا حسيت أسألتهم مرة عامة يعني سألوا عالمعدل و عن دراستنا بالعلوم .. سألوني فين قدمتي وظايف , ولو قبلناكي و جاتك وظيفة حتسيبي الدراسة ؟؟
خلوني أتكلم شوية عن التدريب وعن بحث التخرج .. بس اللي لاحظتو أنو أسألهم كثيرة يعني مرة مايمديه الواحد ياخذ نفسه , و حسيتهم يبغو يوتروني و يشوفو هل حكون هادية و لا متوترة ..
يعني أجمالاً لم يكن بالأمكان احسن مما كان و الحمدلله قلبي مرتاح مع اني عكيت شوية بس مو مشكلة ..

يلله كل وحدة تكتب أيش سألوها عشان البنات اللي بيقدموا السنة الجاية ما يحوسوا حوستنا ..
الله يوفقنا جميعاً ..