.:: حقيــقة وواقع أم مجرد كلامـ " طبيــعة علاقات الحب - غير المتزوجين - " ::.

[RHF]

مممممم ماجد مرة كدا فجأة حسيت نفسي متعاطفة مع البنات الغلابة هههههههههه

كنت مرة في وقت البريك بالكافتيريا وأسمع اثنين قاعدين جنبي يتكلموا .. يقولـ تبغى تخليـ البنت خاتم في إصباعك كلـ ما تتصل عليها قولها كيفك يا حلوة وكيف اختبارك :) البنت تبغى أحد يسأل عنها وإنت مجرد ما تسويـ هالشيء راح تجيـ معاك على طول ^_× ..

لانو فعلن ممممم اغلب البنات اللي يكلمو ، تلاقيها بتدور واحد يسأل عنها ، ويدلعها ، وكلام معسول ، واحد يهتم بيها ،

واغلبهم يكون عندهم مشاكل مع اهلهم و زي كدا يعني

وتكون البنت كارهة الدنيا فتلجأ لدا الطريق استغفر الله :(

مرة حزنت خلاص :(

الله يهدينا كلنا و يهديهم

[محمد عماد]

موضوع ممتاز .. يعطيك العافية د. ماجد

من وجهة نظري انا .. وراح اختصر في الكلام
هذي المشكلة موجودة في كل المجتمعات قديما وحديثا
واشوف انو السر في تقوى الله والتربية واشغال اوقات الفراغ
وايضا الشخص اذا ما وجد الراحة والكلمة الحلوة من اهله .. اكيد اذا سمعها من اي احد اخر راح يتعلق فيه
بصراحة الكلام الي ذكرته مؤسف ..
لكن الحل موجود .. بالنصيحة وتطبيق الشرع واشغال اوقات فراغهم بالشيء النافع

وايضا البنت اذا احترمت نفسها .. الأخرين يحترموها ولا احد راح يقرب لها
لكن اذا هي اهانت نفسها ولبست لبس يفتن الشباب فيها او نشرت رقمها او او او .. فهي هنا تستحق الإهانة
" ومن يهن يسهل الهوان عليه "

والأهل لهم اكبر تأثير في البنت .. يعني اذا كانت الأم او الأخت الكبيرة ماهي ملتزمة بدينها ومو مهتمة ببناتها اكيد بناتها حيكونو ضايعين

وبصراحة وخلينا نكون واقعيين ..
المثل يقول " فاقد الشيء لا يعطيه "
فاذا كان بعض الأباء والأمهات مو متربيين .. كيف تبغا اولادهم يطلعو متربيين ؟؟

الله يصلح الحال .. والله يحفظنا بحفظه ويستر علينا بستره ويرزقنا بالزوجة الصالحة

بالـــتـــوفـــيـــق

[RHF]

وبصراحة وخلينا نكون واقعيين .. المثل يقول " فاقد الشيء لا يعطيه " فاذا كان بعض الأباء والأمهات مو متربيين .. كيف تبغا اولادهم يطلعو متربيين ؟؟

والله يا ريال مو شرط ،

كانو معايا بنات ، لو اقولك قليلات ادبببببب فوق ما تتخيل ،

وامهاتهم و ابهاتهم ملتزمين وقمة في الادب و الاخلاق

لاكن البنت ايمانها ضعيف و خربوها البنات و انغرت بالدنيا:(

والمقابل موجود ، في اهالي زي الزفت قلت حيا اخر حاجة ، بزورتهم ادب و اخلاق مرة ^^

[محمد عماد]

المشاركة الأصلية كتبت بواسطة rhf والله يا ريال مو شرط ، كانو معايا بنات ، لو اقولك قليلات ادبببببب فوق ما تتخيل ، وامهاتهم و ابهاتهم ملتزمين وقمة في الادب و الاخلاق لاكن البنت ايمانها ضعيف و خربوها البنات و انغرت بالدنيا:( والمقابل موجود ، في اهالي زي الزفت قلت حيا اخر حاجة ، بزورتهم ادب و اخلاق مرة ^^

اختي .. كلامك صحيح
انا عارف انو مو شرط صلاح الوالدين يتبعه صلاح الأبناء
ولا انا عممت في كلامي السابق
لكن يبقى وجود اثر الوالدين على الأبناء

وزي ما احنا بنشوف في الأسواق .. تلقى البنت ماشيه جمب ابوها وكاشفة وجهها وبعض جسمها
واذا جيت نصحتها تقول لك " اذا ابوي راضي اني امشي كذا انت ايش دخلك "

ايش راح تقولي عن هذا الأب .. هل هو متربي ؟؟

وقس على ذلك

يعني شوف الى اي مرحلة وصلنا ..


الله المستعان

[LeLou]

باكـ..
ترى الموضوع عاجبني و شكلي ملصقة فيه..
كمان أنا ما احب أشوف أحد تعبانة نفسيته و معقد من موضوع من غير ما أساعده<< مسوية مصلحة نفسية..

المهم نرجع لموضوعنا..

أهلين خيتو ^_^ .. من جد وضعيـ كئيب

خلي الكآبة عنك شوية و اسمعني براسك دحين يا دكتور..

بسـ مين يعرف هالشيء - صاحبات البنت - .. فـ تلقيـ أهلها مو داريين عن شيء والمسكين اللي يتقدم لها يحسب إنها بنت ناس وطيبة ومالها حركات نص كم وإنها سوابق !!! أنا ما راح أكونـ قاسي جدا .. لكنـ فيه أشياء خط أحمر ما ينسكت عنها يعني البنت تطلع مع شباب ويصير بينهم حركات هالأشياء مستحيلـ أحد يغض الطرف عنها :)

معاك حق في النقطة هذي البنت صح لو لها سوابق ما احد راح يدرى عنها غير صاحباتها و المقربات منها جدًا..
بس هي لو تابت توبة نصوح معليش ساعتها حتى انت ما راح تدري إللي حتكون مستمرة بدا الحال و جاية تتزوج و تدري زوجها بكل عين وقحة دي يبغالها قطع راس..

و مو معناته أنه البنت ما تطلع مع شباب أنه تفكيرها مو مسموم..
و ما راح تعاير زوجها بأحد ثاني..
أعرف واحدة على حد علمي أنها ما خرجت مع شباب قبل كدا و جاها عريس ما شاء الله تبارك الله طالب طب و هي لما جاها طلعت تتحزم و ترقص على السرير و قالت أنا جاني فارس أحلام<< القصة دي حقيقية 100% لأنه البنت و الولد يقربوا لي..
و اتزوجوا و كان مدلعها دلع و معيشها رومنسيات زي اللي في المسلسلات و الولد صراحة حليوة ما شاء الله..
قامت أيش تقول له: أنا نفسي أتزوج كاكا ..
بكل عين وقحة تخيل و هما متزوجين..
المصيبة أنها ما عرفت لاعبين الكورة غير بعد ما ملكت من زوجها..
فالوقحة وقحة و راح يبان عليها فما عليك بصاحباتها و ما اعرف أيه لأنه حيبان معاك..
ساعتها بيت أهلها أولى بيها..
بابا يقول الزواج زي البطيخة تشتريها و تفتحها لو طلعت حمراء أكلتها و لو طلعت بيضاء ارميها..
و ترى أبغى أقول لك حاجة البنت اللي من دي العينة يبان عليها و إنت لما تجي تخطب أمك و إذا عندك أخوات أو خالات او عمات أكيد راح يشوفوها و ساعتها راح يبان و الحريم لهم نظرة..

بس النسبة مخيفة جدا .. يعني تخيليـ أولاد عمي الـثلاثة اللي كنت أمشي معاهم من الروضة ثلاثتهم طاحوا في هالشيء .. أعز أصحابيـ بالثانوية كلهم طاحوا فيها ..

لا تحكم من تجربتك الشخصية إذا إنت كان نصيبك انك توقع في ناس من دي العينة..
أنا عن نفسي صاحباتي إللي أعرفهم ما فيهم واحدة تكلم شباب و لاتخرج مع شباب و لا لها سوابق..
و اللي لهم ينعدوا على الأصابع،، و أنا الأشكل دي أسيبها من بدري..
و مع كدا ما اقدر أقول أنه العالم وردي و أنه اللي زي كدا هما الاكثرية..

آمين يا رب .. ونعم بالله :) اللله يدينا على قد نيتنا ويبعد عننا أولاد وبنات الحرام ::

آمين يا رب..
شفت البنت اللي حكيتك عليها هذي أكبر مثال..
البنت لما اتزوجت ما كانت نيتها انها تنستر و تفتح بيت،، لا تبغى تتفاخر قدام عماتها و بنات عماتها انه جاها واحد في الأحلام..
و سبحان الله قعد معاها فترة زي ما قلت لك زي المسلسلات و بعدين قلب حياتها جحيم و بصراحة ما أبغى أتشمت بس هي جابته لنفسها بتصرفاتها الغير طبيعية..

أنا فاهم قصدك .. بسـ صدقيني تجي وحده تجنن راسي ولا تجيني وحده ضيعت مراهقتها في مقابلة هذا وحب هذا .. حتى لو تابت بعض الاشياء زي ما قلت لك خط أحمر :)..

معاك حق بس إنت شكلك ما تعرف شي عن الزواج،، من جد و لا تعرف بلاوي الحريم،، إن كيدهن عظيم..
ترى أنا في يوم كنت أقول الحمد لله أني لم أخلق رجل كي لا أتزوج امرأة..
و أبغى أعطيك مثال أنا مثلا..
ما قد عمري كلمت رجال غير في منتديات أحيانا و على العام و أصلا أنا حتى المنتديات حالفة أني ما أشارك فيها و سكاو هو المنتدى الوحيد إللي أشارك فيه على اعتبار انه ما فيه حركات نص كم..
لكن و بصراحة فيني صفات أنا أشوف أنها ما تؤهلني أني أكون زوجة فلا تقول الكلام الفاضي ده،، من جد ما تعرف يمكن تكون أبواب السماء مفتوحة و تجيك واحدة تخلي مو بس الغابات،، إلا تخلي العصافير تعشش على راسك و القرود تنطط من شجرة لشجرة..
زي ما قلنا الواحد ربنا يديه على قد نيته قول اللهم ارزقني بنت الحلال اللي تعينني على آخرتي و دنياي..
أفرض جاتك واحدة أبوها أو أمها غضبانه عليها هذي بالنسبة ليا أشد و أنكى،، لأنه هذي واحدة كمان ربنا غاضب عليها يعني أتوقع جميع المصايب تحل على راسكم..
الواحد المفروض لما يدعي يطلب أعلى شي،، المفروض ما يقول اللهم إني أسألك الجنة،، المفروض اللهم إني أسألك الفردوس الأعلى..
فلما تطلب من ربنا أطلب أحسن شي..

هههههههههه طيب ترجعيـ بالسلامه ^_^

الله يسلمك..
تلقاك قلت يا ريتها ما رجعت خخخ..
لا خلاص الحمد لله شربت نسكافيه و خف الصداع هو سببه اني من فترة مخلص من عندنا البن و ما أشرب قهوة تركي و أنا عندي فنجان كبير للنسكافيه قد فنجانين عشان تعوض بدل القهوة و كسروه عيال أخواتي ..

معليش سوري ترى الكلام مرة ملخبط أنا لسا مزاجي ما انعدل << آثار قلة القهوة..
من جد كان نفسي أكتب كلام مرتب شوية عشان تقتنع أتمنى تكون غيرت رأيك شوية..

و بقول لك حاجة أنا هذي متبعتها قاعدة في حياتي..
بالنسبة للزواج،، ترى اللي راح تتزوجها شكلها و اخلاقها و عيلتها و طولها و وزنها و فصيلة دمها و الساعة و الدقيقة و الثانية اللي راح تتزوجها فيها و القاعة اللي راح تسووا فيها الفرح و الشقة اللي راح تسكوا فيها و المدينة اللي راح تعيشوا فيها هذا كله مكتوب و متحدد و متقرر خلاص انتهى..

فريح بالك و حط أعصابك في فريزر أنا كدا اسوي في موضوع الزواج ما احب لا افكر فيه و لا اتكلم عنه..
و أي شي يجي في بالي أبغاه في زوج المستقبل إن شاء الله أقوله لربنا..
عشان هو عارف الأحسن ليا أولا و اخيرًا،، الله يرضى عننا و يهدينا و يرحمنا برحمته و يغفر لنا..

و شوف من الآخر ترى ربنا ما يجمع بين اثنين إلا يكونوا هما الأنسب لبعض..
و الطيور على أشكالها تقع..
فخلي أملك بربنا كبير و ربنا ما يخيب عبده..

و سامحني على الإطالة شكلي بنقل لك الصداع خخخ..

[Majed7]

المشاركة الأصلية كتبت بواسطة rhf مممممم ماجد مرة كدا فجأة حسيت نفسي متعاطفة مع البنات الغلابة هههههههههه أحسـ إنو نحنا الغلابة المساكين تعاطفيـ مع نفسك لانو فعلن ممممم اغلب البنات اللي يكلمو ، تلاقيها بتدور واحد يسأل عنها ، ويدلعها ، وكلام معسول ، واحد يهتم بيها ، بالضبط .. فيه بنات برضوا يلقوا اهتمام من الاهل ولكنهم ماشيين في هالطريق لكن الأغلبية يتبعوا هالنوع ( فاقديـ حنان الأهلـ ) واغلبهم يكون عندهم مشاكل مع اهلهم و زي كدا يعني وتكون البنت كارهة الدنيا فتلجأ لدا الطريق استغفر الله :( مرة حزنت خلاص :( أستغفر الله بس .. والله دنيا مصايب الله يلطف بنا الله يهدينا كلنا و يهديهم

آمين يا رب ..

المشاركة الأصلية كتبت بواسطة ريال سعودي موضوع ممتاز .. يعطيك العافية د. ماجد حياك يا عسل ^_^ أسعدتنيـ طلتك يا د. محمد من وجهة نظري انا .. وراح اختصر في الكلام هذي المشكلة موجودة في كل المجتمعات قديما وحديثا واشوف انو السر في تقوى الله والتربية واشغال اوقات الفراغ وايضا الشخص اذا ما وجد الراحة والكلمة الحلوة من اهله .. اكيد اذا سمعها من اي احد اخر راح يتعلق فيه معاكـ حق هذي العوامل تقريبا هيا سبب المشكلة .. وركز على دور الأهلـ في الموضوع لازمـ يكونـ فيه توعية بشكل مباشر وغير مباشر ومتابعه واهتمام .. بصراحة الكلام الي ذكرته مؤسف .. لكن الحل موجود .. بالنصيحة وتطبيق الشرع واشغال اوقات فراغهم بالشيء النافع وايضا البنت اذا احترمت نفسها .. الأخرين يحترموها ولا احد راح يقرب لها لكن اذا هي اهانت نفسها ولبست لبس يفتن الشباب فيها او نشرت رقمها او او او .. فهي هنا تستحق الإهانة " ومن يهن يسهل الهوان عليه " عين العقل أخوي محمد هذى الكلام اللي مفروضـ يتطبق على الجميع - والكل مفروض يخاف على أولاده وبناته ويحرص على تربيتهم - :) والأهل لهم اكبر تأثير في البنت .. يعني اذا كانت الأم او الأخت الكبيرة ماهي ملتزمة بدينها ومو مهتمة ببناتها اكيد بناتها حيكونو ضايعين وبصراحة وخلينا نكون واقعيين .. المثل يقول " فاقد الشيء لا يعطيه " فاذا كان بعض الأباء والأمهات مو متربيين .. كيف تبغا اولادهم يطلعو متربيين ؟؟ الله يصلح الحال بس .. الواحد مو عارفـ إذا هذا الوضع الحين كيف بعد كم سنة !! ومن جد إذا الأب والأم عايشين في بيئة سيئة فـ غالبا راح يكونوا أولادهم وبناتهم من نفس الطينة .. الله يصلح الحال .. والله يحفظنا بحفظه ويستر علينا بستره ويرزقنا بالزوجة الصالحة آمين يا رب العالمين .. ويرزق أخواتنا وأخواننا كلـ بالشريك الصالح بالـــتـــوفـــيـــق

نورت الموضوع يا دكتور ^_^

[Super Linux]

خطير يادكتور وكلامك 100%

بس انتم عارفين سوبر وانبراشاته فحبيت استأذن اذا ممكن ادلي بدلوي ( اعلق على الموضوع )

ولا مستغنين عن تعليقي

تعرفون هالمواضيع لنا خبره واخذنا الدكتوراه فيها << صدق نفسه

ملاحظه اذا تم لي السماح بالمشاركه سوف اتجاوز قليلا من الخط الاحمر

شكرا يادكتور واسئل الله ان يهدي جميع الامه الاسلاميه

[Majed7]

جاري الرد عليكيـ يا ليــلو ردك طويل ما شاء الله

المشاركة الأصلية كتبت بواسطة super linux خطير يادكتور وكلامك 100% بس انتم عارفين سوبر وانبراشاته فحبيت استأذن اذا ممكن ادلي بدلوي ( اعلق على الموضوع ) ولا مستغنين عن تعليقي حياك الله أخوي عاصم .. ادلو به لو تكرمت .. تعرفون هالمواضيع لنا خبره واخذنا الدكتوراه فيها << صدق نفسه ملاحظه اذا تم لي السماح بالمشاركه سوف اتجاوز قليلا من الخط الاحمر اكتب اللي في خاطرك وإنـ شاء الله ما راح يصير شيء ^_^ شكرا يادكتور واسئل الله ان يهدي جميع الامه الاسلاميه

آمين يا رب الله يصلح الحال ..

[RHF]

^

^

^

عاصم باشوف فلسفتك يا بروفيسور

جاري الانتظار ..

[Brilliant Shores]

ماشا الله عليكي ياليلووو


كفيتي ووفيتي يسعدك ربي