رايك اختبار نظم معلومات موارد بشرية

[ابوعمارالحربي]

السلام عليكم
اولا فيه اخوان هنا اقوالهم متناقض يقول
الاسئله سهله ولكن فيها غموض كيف تجي ذي؟؟؟؟؟؟؟؟؟؟؟؟؟؟
ثانيا
الاسئله فيه نصفها تقريبا سهله مره والبقيه لحسة عقل
مثل السوال اللي يقول سياسة المنظمه من مدخلات الموراد البشريه ؟؟؟؟
وغيرها كثييرررر
لكن الله المستعان
لكن لاحظت ان الدكاتره الاجانب في طريقة وضع الاسئله افضل من السعوديوون
ملاحظين والا لا

[nectar soul]

اول شي اشكر الاستاذ وسام باطرفي
واقول الله يعطيه العافيه
ماقصر معنا من ناحية شرحه الوافي بالدوره وتسهيله للاسئله

اما الشباب اللي يتكلمون اقول وش تبون تبونه يجي ويحل معكم
او تبون تاخذون ميه وانتم ماذاكرتم 60 صفحه فقط!!!!!!!!!!

(( رضاء الناس غاية لاتدرك))

[تاورجي]

أولا : شهادة شكر وتقدير أبعثها للأبطال : أبو وسام
أبو نهاد
أبو فهد
لذة صعود المنحدر
ودكتور المادة
وكل من ساهم في تسهيل هذه المادة ممن لم تحضرني أسمائهم
ثانيا: رأيي الشخصي أن الاختبار كان من السهولة بمكان لكن جميع المجتهدين تاقت أنفسهم للحصول على الدرجة الكاملة والسبب هي الخرائط الذهنية لابو وسام وملخصات بقية الابطال والمنهج اليسير ذو الستين صفحة كل هذه كانت حوافز للطالب المجد للحصول على الدرجة الكاملة ولكن دكتور المادة أراد باسلوب اسئلته ان يميز بين الطلاب كل على حسب جهده وجميعنا وجدنا أن هناك أسئلة بسيطة جدا ولكن تعمد الدكتور أن يطمس معالمها ليجعل الحصول على الدرجة الكاملة حلما لا يتحقق الا لمن رضيت عنه حماته

[ابوعمارالحربي]

الاخ نكتار
والله العظيم الاسئله ماهي سهله وثانيا لاتمارس اسقاطات على زملائك
انا مذاكره زين
ترى احنا انتساب عارف يعني معنى انتساب
ترى الاسئله في ظاهرها سهله لكن لابد من التركيز بها وعدم الاجابه من اول مره
وهذا النوع من الاسئله من اكثر الاسئله صعووبه وتعقيد

[طلال_عبدالله]

هههههههههه على بالي انا الوحيد اللي طلعت من الاختبار ومخي ملحوس من طريقة صياغة بعض الاسئلة
ياجماعة الخير والله مصيبه اذا الدكتور بنفسه مو عارف يكتب الاسئلة بشكل علمي وواضح
ترى المادة اسمها نظم معلومات موارد بشرية مو (( لحسة مخ)) انا ماختلف معكم صحيح فيه اسئلة سهله
لكن بنفس الوقت فيه اسئلة صياغتها تجيب الهم وغثيثه بالحيل (( تقراها الف مره ماتفهم شي من معناها))
واللي يقول الاختبار كان سهل الوعد النتايج يالطيب ساعتها بنشوف المصايب
عموما لاحول ولا قوة الا بالله مع اسلوب بعض الدكاتره من جد شي يضيق الخلق

[د.سعد]

المشاركة الأصلية كتبت بواسطة nectar soul اول شي اشكر الاستاذ وسام باطرفي واقول الله يعطيه العافيه ماقصر معنا من ناحية شرحه الوافي بالدوره وتسهيله للاسئله اما الشباب اللي يتكلمون اقول وش تبون تبونه يجي ويحل معكم او تبون تاخذون ميه وانتم ماذاكرتم 60 صفحه فقط!!!!!!!!!! (( رضاء الناس غاية لاتدرك))

الأستاذ الله ييسر أمره ..

لكن هد أعصابك علينا .. الحمد لله معدلي تماما وكل الإختبارات ممتازة بالنسبة لي لكن هالمرة تحس أن الأسئلة ما تخدم الطالب كبقية الدكاتره ..

بعدين خذو هالمعلومه مني .. أتوقع الأسئلة راح تتكرر كل سنة والدليل (( الرجاء عدم الكتابة على ورقة الأسئلة )) !!!

فيه سؤال يبغاله هندي يترجمه !!

وآسف ع الإطالة .

أسأل الله أن يوفق الدكتور لما يحب ويرضى . لكن قاهرني بعض الفلسفة في الردود

[aburad]

نعيب زماننا والعيب فينا ومالزماننامن عيب سوانا
صحيح 60 صفحه لكن هل ركزنا وإلا قلنا الدكتور سهل علينا على العموم الماده يبغالها فهم لا حفظ ونقول ماذاكرنا صح لكن أنا حليت في الورقه لكن أتوقع أني بجيب80
على فكره نصيحه لاأحد يراجع تجي تجي تروح تروح أد إلي عليك والباقي على الله
ولانرمي الكلام والملومه على الدكتور
أستمعت لشرحه ممتاز
أخواننا ابونهاد صعود المنحدر ابووسام حسان مهند
كلهم ذاكرومن الملخص الي أعطانا الدكتور وبعض الملخصات تعبو عليها ونزلوها لنا لايجي واحد يقول ملخصهم غير الي عندي كثرومنها(مع نفسك) شكرا للي ذكرت اسمه من الأخوان والي نسيته ولكم أنتم وسمحولي على التعبير الجو بارد في أبها وبردان

[صاحب قراار]

اخطاء املائيه تقرى السؤال عشرين مره ماتفهمه ((وفي الأخير حقرى بقرى)) حسبنا الله ونعم الوكيل

[Charles]

.,,.


فيه اسئله سهله و فيه اسئله تحسها سهله بس مادري كيف تحلها !!

بالعربي كانت صياغتها مو واضحه و صعب جدا تفهمها !!
مشكلتنا كانت في صياغة بعض الاسئله بغض النظر عن سهولتها او صعوبتها


الله يوفق الجميع لكل ما يحب و يرضى

[wessam_h]

المشاركة الأصلية كتبت بواسطة الحسآني أسئلة معقده جداً وبعدين ليه مهم ومهم ومهم وفي النهايه سؤال واحد؟

ياخي حرام عليك ابونهاد يتعب وينزل ملخصات عشان نستفيد وانت تتكلم هذا الكلام والله مايجوز,, وانا والله ماذكرت الا الملخص اللي نزله ابو نهاد 7 صفحات واسئلة عادل عادل 100 سوال والحمدلله كان الاختبار سهل جدا جدا وتقريبا في كم سوال يبغالها ناس مذاكره صح يعني من الكتاب . وعلى العموم اذا انت زعلان من احد ازعل من نفسك ولاتعتمد على احد مره ثانية يعني ذاكر من الكتاب.