اليوم 23/3/1433 استلمت وثيقة التخرج وما حدث معي

[تالي نهار]

الحمد لله بفضل الله تم استلام الوثيقة اليوم
طبعا انا من خارج جدة و وصلت جدة البارح بالليل وصحيت الساعه 8 واخذ شور والذي منه وطلعت من الشقة الى الجامعة وصلت عمادة القبول والتسجيل الساعه 8.52 دقيقة بالضبط صباحا واخذت ابحث عن موقف لسيارتي قرب لم اجد الا بعد وقت من الزحمه .
دخلت العمادة وسالت عن تسليم الوثائق وقالوا في الدور الثاني المهم طلعت مكتب (72) الوحدة التعليمية للانتساب ودخلت وجدت زحمه عند موظف يقال له ( هاني ) اعانكم الله على تعامله وعدم تعاونه وعدم تجاوبه ومن جاء دوري قلت له يا استاذ هاني انا ابغى الاسبلنق الانجليزي مطابق لاسمي بالجواز لان عندي بعثة وكذا وكاني لا اكلم كاني اكلم الجدار الخلفي لم يرد علي بكلمه
المهم اخذ البطاقة وجلس يبحث في كشف اسماء لديه وحصل اسمي و وقعني على الكشف وسلمني الوثيقة و كشف الدرجات وقال اذهب وقعها من العميد او وكيل العميد المهم قعدت ادقق في الاسم بالانجليزي والسبلنق وبالاسم في جوازي ولقيت كل اسم فيه احرف زايدة او ناقصه او معدله المهم رجعت له وقلت يا استاذ هاني انا قلت لك اني ابغى الاسم بالانجليزي مطابق .. هنا قاطعني رح سدد 50 ريال وتعال اعدل لك .. قلت له طيب انا قلت لك من البداية ليش ما تلافيت الخطأ ولم يرد وكاني غير موجود تعوذت من الشيطان وقلت من وين اسدد قال انزل تحت قلت وين تحت لم يرد علي قلت لاحول ولا قوة الله بالله
المهم نزلت تحت وجلست اسال وكاني اجنبي لا يفهمون كلامي كل واحد يقول مدري المهم الى ان وصلت الصاله تحت في مدخل العماده وتقدمت لاحد الشباب قال لحظه واعطاني قسيمة ايداع وقال تبي كشف درجات قلت اكيد قال كل صورة عشرة ريال قلنا توكل على الله عطنا خمس واعطاني القسيمة 100 ريال لبنك سامبا ... الحين اجلس دور لبنك سامبا اي واحد تساله يقول برا طيب وين برا شرق غرب جنب معلم جنب ادارة اي مواصفات فسالت واحد من الموظفين يدخن برا قلت له عندك خريطه الجامعة قعد يناظرني باسلوب التعجب وقال وهو يضحك ليش قلت ابغى اوصل لبنك سامبا ضحك ضحكة حلوه مره اعجبتني وقال روح من هنا ثم يمين في يمين تحصل البنك على يمينك ( شوف الوصف الخنفشاري ) بس الحمد لله وصلت البنك
وادخل الى سرا طويل عريض يا الله ... الله يعين الطلبة المهم في السرا وجيت عند موظف البنك قال بالله سجل بياناتك الاسم والتاريخ على القسيمة قلت الموظف ما سجلها قالي اذا رحت له اساله يمكن يجاوبك ..( انا ما اعرف ليش ما حصلت وجه يضحك لا من موظفين الجامعة ولا من موظفين البنك نقول يمكن ضغط عمل ) المهم سددت وشليت نسخة القسيمة ورجعت للاستاذ هاني وكل فرحه يا استاذ هاني يا استاذ هاني ابشرك سددت قال لي بعد نص ساعه تعال شيل الوثيقة قلت ليش قال كذا مشغول قلت ابشر طال عمرك .
وانزل تحت للبوفيه قلت افطر اصبحت الساعه 10.30 ولم افطر وطلبت من العامل المصري شكشوكه قال خلصت باقي دجاج و تونه قلت عطني دجاج قال بالرز والا بدون وضحك العامل المصري وضحكت وقلت له تعال اضمك من الفرحه اول وجه احصله يضحك وتشكرته وقلت له ربي يسعدك لقد اسعدتني بالابتسامه يا عزيزي
المهم وافطر وارجع الى الاستاذ هاني وحصلته وبجواره شخص اخر اسمه سعيد وحصلت وثيقتي جاهزة بعد ان تمعنوا جوازي المهم خرجت ابحث عن من يوقع الوثيقة قالوا العميد وبعد الانتظار 10 دقايق السكرتير يقول رح للدكتور عابد وقلت وينه قال في السيب الثاني واقعد ادور في المكاتب وين مكتب الدكتور عابد واخيرا حصلت انسان فعلا محترم جدا جدا جدا خذ اوراقي و وقعها وبارك لي وقال رح صور الوثيقه وتعال لصاله بالاسفل لمصادقتها قلت ابشر واطير الى البوفيه واصور الوثيقة عشر صور بخمسة ريال وارجع للصاله عشان يصدقونها و اسحب كشف الدرجات قالوا هات البطاقة قلت والله نسيتها قالوا تفضل قسيمة ايداع 50 ريال اخرى رسوم بطاقة مفقوده قلت ليش طيب وش الفايده قالوا النظام وخرجت من مبنى العماده ابحث عن سيكل او دباب لتوصيلي للبنك حيث البنك يبعد عن العماده مشوار طويل مشي ما حصلت استعنى بالله ورحت وصف سرا مره اخرى ونسدد وقاربت الساعه 11.15 ورجعت لهم واعطوني كشف الدرجات و ورقة اخلاء طرف في الحال تعبيها وتعطيهم الورقة الحين خرجت فرحان من الساعه 9 الى الساعه 11.30 عشان تاخذ وثيقه الى هنا انتهيت من العماده

يتبع موضوع اخذ التوصيات من كلية الادارة والاقتصاد