اعلان لطالبات بحث و تدريب (د.نعيمة بوقري)

[بنت بالجيش]

وانا كمان ارسلت لي نفي الرساله اللي ارسلت لك
حسبي الله ونعم الوكيل
المشكلة تقريري كامل وارسلته لها يوم الخميس , وقلت لها اخر موعد مكتوب بالمقرر يوم السبت وانا مرسلته قبل
وقالت لي مالك الا التاجيل
لاحول ولاقوة الا بالله
تعرفو بابنات انا عندي هالترم 7مواد والا الان ماذاكرتها كله عشان البحث , وضغطت نفسي عشان اتخرج
وفي النهايه تعلقني
حسبي الله لا اله الا هو عليه توكلت , وافوض امري الى الله

[بنت بالجيش]

حسبي الله ونعم الوكيل
كانت تترصد وتدور الاخطاء ومافيه موضوع يعجبها وبعدين تتاخر على ماترد ,ارسل مرة وثنتين وثلاث وبعده ترد
كل هذا عشان تخلينا ناجل المادة اذا ماتبيها ليه تضيفها عندها !!!!!!
ليه التضييق على الناس اعوذ بالله , ليه التعسير !!!!
انا مو عارفه كيف اقول لابوي كان فرحان اني خلاص باتخرج (حبيبي تعب من السفر والصرف )لاحول ولاقوة الا بالله

[بنت بالجيش]

قلت لها انتي تقولين هذا الحل الوحيد يعني لامفر
ارغب بالتاجيل وافوض امري الى الله

[sam aj]

بنااات احنا نسلم التقرير ونقدم شكوى لعميد الكلية في قسم الطلاب وانا سألت وقالو بالعكس لو اشتكيتو للعميد ياخذ الموضوع في الاعتبار ويتصرف ، انا حخلص التقرير واسلمو واذا ما رضيت حقدم شكوى مو بكيفها قبل نهاية الترم بشهر تقول هاتو التقارير المفروض عندنا فرصة لاااااااخر الترم مومعقول كذا تدريب وكتابة تقارير واختبارات مواد ثانية في نفس الترم نقطع نفسنا مثلا .

حسبي الله ونعم الوكيل

[sam aj]

وبعدين هيا اللي ماخلتنا نخلص كتابة التقرير على كل سطر ملاحظة وموعاجبها وعيدي عمرووووو محا يخلص التقرير على كدا حسبي اللع ونعم الوكيل

[فجرجديد]

حسبنا الله سيؤتنا الله من فضله أنا الى الله راغبون

ادعوا ان الله يسخرها لنا ولاتستعجلون وتتخذون قرار تندمون عليه

[besho hason]

بنات انا ارسلتلها هوا امس وماردت عليا نحنا كم بنت ممكن تردو كيف ممكن نتواصل مع بعض لازم في حل ماينفع كدا والله حرام

[توله]

المشاركة الأصلية كتبت بواسطة بنت بالجيش وانا كمان ارسلت لي نفي الرساله اللي ارسلت لك حسبي الله ونعم الوكيل المشكلة تقريري كامل وارسلته لها يوم الخميس , وقلت لها اخر موعد مكتوب بالمقرر يوم السبت وانا مرسلته قبل وقالت لي مالك الا التاجيل لاحول ولاقوة الا بالله تعرفو بابنات انا عندي هالترم 7مواد والا الان ماذاكرتها كله عشان البحث , وضغطت نفسي عشان اتخرج وفي النهايه تعلقني حسبي الله لا اله الا هو عليه توكلت , وافوض امري الى الله

المشاركة الأصلية كتبت بواسطة بنت بالجيش حسبي الله ونعم الوكيل كانت تترصد وتدور الاخطاء ومافيه موضوع يعجبها وبعدين تتاخر على ماترد ,ارسل مرة وثنتين وثلاث وبعده ترد كل هذا عشان تخلينا ناجل المادة اذا ماتبيها ليه تضيفها عندها !!!!!! ليه التضييق على الناس اعوذ بالله , ليه التعسير !!!! انا مو عارفه كيف اقول لابوي كان فرحان اني خلاص باتخرج (حبيبي تعب من السفر والصرف )لاحول ولاقوة الا بالله

^
انا زيك , 6 مواد والسابعه الهم البحث , وربي اهلي مومصدقين اني بتخرج اخيرا
ونفس الحال , ماني عارفة اش اقولهم .. مالقيت حجة غير انو تأجيل عشان الدكتورة عندها ظروف
وحسلمو بعد العيد ان ربنا اعطانا عمر ><" ..
وربي شي يقهر ويرفع الضغط , مااظن باقي الدكاترة كده ..
والله صحبتي السنة اللي راحت المفروض تتخرج , ودكتورتها محترمة وتراعي الظروف وقالتلها وقت ماتسلميه سلميه , ماسلمته مع ظروفها الا دا الترم ..
مدري ليه التضييق على قولك , ان كانت ماتبى تمسك مادة البحث ليه مسكتها طيب ؟؟
والمصيبة ماعندها شي ولامواد كتير الترم دا تعطيها , وهما كده اصلا مداومين لنص رجب ؟؟..!

رديت عليها .. انو انتي يادكتورة مااعطتني فرصة مع اني كنت حابة اتخرج دا الترم , واقدر اسلمو لكي فتاني اسبوع فالإختببارات او الاسبوع اللي بعد الأختبارات .. بس ماخليتي ليا حل على قولك الا التأجيل .. الله المستعان
اش بيدي اقول غير اني اوافق .. =( ويارب تكون خيره ليا .. :(

وسألتها سؤال .. ان كنت ابدأ من بعد الأختبارات فالتقرير ..
واحاول اخلصو من بدري وانتي من بداية الترم تشوفي وتعلقي عليه ..

ردت عليا رد غريب .. فرسالتين =_=


الأولى ..

لا تقولي انني لم اعطك فرصة اين انت منذ بداية تسجيلك للمادة الطالبات اللاتي تابعن معي سيناقشن اما المتأخرات هن السبب وليس انا افوم بالرد في نفس اليوم لكل ارسلوا منذ البداية لم اوفق على موضوع بسبب ماذا؟؟؟؟؟؟؟؟؟؟؟؟؟؟؟؟؟؟؟

والثانية

راجعي طريقة مخاطبتك لاستاذتك انا لم اعطلك وانت سبب التعطيل يمكنك مراسلتي خلال الصيف لوسمحت ظروفي سافيدك واتابعك وتكون المناقشة على بداية الفصل الاول

^ .. مدري فين فكلامي اللي مو اسلوب .. *_*
مع العلم اني شرحت ظروفي اني سددت متأخر بعد اجازة الربيع
ومانزلولي المادة الا قبل شهر تقريبا في اخر اسبوعين للحذف
وقلتلها ورحتلها اكتر من مرة بنفسي , وكل مرة تقولي بدري دوبك تجي ..
ولما جبت موضوعين ماعجبها وقالت اش دخلو فتدريبك ولا فالموارد -_-
ولما جبت موضوع كويس وراسلتها انو وافقي عليه عشان ابدأ رفضت انو انتهى الموعد
لاحول ولاقوة الا بالله ..

وبعدين شوفو اش كاتبة .. ان سمحت ظروفها فالاجازة ترد عليا ..
ياليل بس ..
الله يعين ..


//

sam a .. انسي لاتحاولي , محد راح ينصفك ..
واحنا على نهاية السنة ماراح يطالعو فطلبك .. وراح يأجلوه عالسنة الجاية
اقبلي بواقع وحظك المر ومشي حالك , كلنا سوا ..


besho hason .. لاتحاولي حترد عليكي نفس الرد
قالت كلام نهائي محتقبل تقارير غير اللي سلموها والمناقشة لهم ..

فجر جديد .. نندم على ايش ياهمي ..
هوا صراحة حق من حقوقنا انو نرفع طلب او تظلم عاللي يظلمنا
لأنو السنة ماانتهت والمفروض لنا حق لأخر يوم دوام ..
وبعدين قالت كلام نهائي ..
مانقول غير حسبي الله .. ويارب خيره وانتهى الموضوع ..

خلونا نركز فالمواد حقتنا ونفتك ..
ويارب يسهل الأمور ..

[][بنت الأحمدي][]

بنات في احد اسالها عن عرض البوربونت و ردت له

[sam aj]

صدقوني اذا كلنا اشتكينا اكيد حيلاقو حل مستحيل مااااا ابغا اتخرج الترم الجاي ابغا افرح بتخرجي كااامل مو بنصوو

وبعدين انا صحباتي كلهم قدمو تقاريرهم عند استاذاتهم وخلصو مو زينا تعقيد كل صفحة لازم ترسليها وتديكي ملاحظات وتعيدي وتزيدي

بناااااات اللي لسة قاعدين تكتبو في التقرير تراسلوها وتديكم ملاحظات ولا حتكتبوه وتسلموه كامل ؟؟؟؟؟؟؟؟؟؟