قروب * تجمع بحث وتدريب استاذه اقبال خاطر (شعبه 03)

[la3yonak]

رحت اليوم للجامعه عشان اسلم الدكتوره مسودة البحث صار عندها اجتماع ولا حضرت وانا جايه من خارج جده بس عشان أسلمها :((
ورجعت رحلتي كانت الظهر مااقدر انتظر لبكره مرتبطه بعمل وأطفال والمشكله مابلغتنا قبل انو الموعد تغير!!!! مررره تنرفزت

[عفت الخضوع]

طيب بكرا عندها اجتماع ؟ عشان م اروح

[la3yonak]

ما اظن عندها لأنها قالت لي تعالي بكره بس مااقدر خلاص رجعت برسل لها البحث والاستبيان عالإيميل

[K.L]

بنااااات الدكتوره طلبت منكم تحليل الاستبيان؟؟

والا بس تحطو قائمه الاسئله تبع الاستبيان فقط بدون تحليل ؟؟

[ساروونهـ]

كويس مارحت
انا بكرا رايحه اسلمها المسوده اعتقد اخر يوم بكرا

ارسلتها المسوده على الاييميل بس ماردت علي مع اني قلت لها اني مرتبطه بجهة التدريب بس بكرا بروح استأذنت

والله يعين

[ساروونهـ]

المشاركة الأصلية كتبت بواسطة k.l بنااااات الدكتوره طلبت منكم تحليل الاستبيان؟؟ والا بس تحطو قائمه الاسئله تبع الاستبيان فقط بدون تحليل ؟؟

انا ما سويت استبيان مالحقت التدريب اخذ وقتي كله وفوقها عندي مواد غير البحث واهم منها

[عفت الخضوع]

بجد فيه مواد اهم من البحث الي مامنه فايده مليوووون مرا ودي اناقش الاسبوع هذا ومعد اشوف وجهها

بالنسبة للاستبيان بس تحطي الاسئله مافي تحليل ولا أي شي ثاني

[جمآآآنه]

بنات المادة ذي الترم الجاي باخذها احط على الاستاذه اكس من كلامكم شكلها مو تمام ايغى وحدة متعاونة خاصة اني برا جدة مو ناقصه نكد الله يوفقكن يارب هانت حبايبي

[ساروونهـ]

المشاركة الأصلية كتبت بواسطة جمآآآنه بنات المادة ذي الترم الجاي باخذها احط على الاستاذه اكس من كلامكم شكلها مو تمام ايغى وحدة متعاونة خاصة اني برا جدة مو ناقصه نكد الله يوفقكن يارب هانت حبايبي

متعاونه بكيفها
يعني شوي ترد عليك وشوي تسفهك
نصيحه الماده لا تاخذينها الا مع الجوهره القحطاني
متعاونه بشكل مو طبيعي

[la3yonak]

ارسلت للدكتوره المسوده ردت علي ب
(خطة البحث فقط هى المطلوب كتابتها و ليس الفصول الاخرى) مافهمت ايش تقصد احد يشرح لي طيب انا مشيت على نفس المكونات تبع كل فصل اللي هي كاتبتها بالخطه