منع الاتصال بين الزوجين في فترة الملكه

[soma al7elwa]

تعليقي: اتذكر قصة احدى صديقاتي كانت مخطوبه لشخص لمدة سنتين وكان يسمح لها من قَِبل اهلها ليس فقط مكالمته هاتفيا بل الخروج معه دوما وقبل موعد الزواج باسبوعين تم فسخ الملكه, وكانت من قِبل العريس الذي قال عنها انها كانت فتاه جريئه ولن اقبل بان تكون مثلها مربية لابنائي بالرغم من استمرار ملكتهم سنتين وخروجهم سوية بعلم اهله واهلها

منجد واحد عبيط ومتخلف

دا يبغالو يتزوج وحدة أهلها معاه حتى بليلة الدخلة ولا تنحط فولة بفمها وادق اسرار البيت تنشر غسيلها

عشان يعرف كيف الناس وجع فشكلو <<< عصبت p=

_____________________

من حقهم من حقهم من حقهم يخرجوا مع بعض في اماكن عامة لوحدهم

زيارات لبيوت بعض ويجلسوا لوحدهم

مكالمات براحتهم من غير ضغط من الاهل

ولا كيف يتعارفوا على بعض

ازا كنت انا جالسة معاها فبيتي ولا فبيتو ومعانا احد ايش حقولو؟

ايش سويت فشغلك؟؟

ولا ايش صار لما نزلت السوق؟

ولا ايش بالزبط؟؟؟

انا بحاول اتخيل ايش ممكن يقولوا اتنينن مخطوبين عرفا ومتزوجين شرعا قدام احد معاهم؟؟

كيف راح يتعرفوا على بعض

ممكن احد يقولي؟

منجد حرام يكون في بنات عندهم اهل زي كدا

ازا خايف عليها علمها انو حلاوة الاستمتاع بين الزوجين بعد الزواج والفرح

مو دحين

ازا من دحين حتسووا الي تبغوه ايش حلاوة الزواج؟؟

علمها انو انتي مو ضامنة الزمن

ممكن لاسمح الله يموت بعيد الشر

ممكن يصير أي ظرف يمنع زواجكم

لا تضيعي نفسك

خليها هي نفسها تقتنع انو المفروض ما يصير بينهم شي

مو تمنعها !!

لكن ايش تقول على ناس تفضل العادات والتقاليد على الشرع نفسو؟؟!

وزي ما قال استازنا الكبيييير يلدرم واستازنا بوليمر

انا معاهم 100%

دا للمجتمع ككل

عن نفسي انا

اشوف انو لازم تكون في تلاتة مراحل فترة خطوبة وفترة ملكة وفترة زواج

خطوبة

وتكون فيها مجرد مكالمات هاتفية وزيارات عائلية

وممكن برضو يخرجوا سوا مع اهلهم أماكن عامة

كحد أقصى يعني

وبعدها ملكة

اللي هيا ممكن فيها يقعدوا سوا لوحدهم فبيت الأهل

وممكن يخرجوا سوا أماكن عامة لوحدهم

وزي كدا

وبعدين الزواج

واعرف كتيييييييير عوايل زي كدا


والله يوفق الجميع يارب ويرزقهم بالشريك المناسب ياااارب

[* تركي *]

/

أَعتقد الجَميع تِحدث وَ نآقش المَسألة مِن النآحية الشَرعية ، خُصوصاً إِنهآ وَآضحة تَماماً ،’

لـِ ذلك ، سـَ أتحدث عَنِ مَصلحة الزوجين فِي ظلِ الأعرآف وَ التقآليد ،’

فَترة المِلكة ، هِي فَترة تَعآرف ليس أَكثر ، فَترة تَقآرب الأفكآر وَ امتزآج الآرآء ، كل طَرف يحآول يتقرب مِن الثَآني وَ يتعود عليه أَكثر ،’ .. ثُم بعد ذلك يأتي الزوآج بـِ مثآبة إِعلآن لـِ المجتمع ، لـِ الجيرآن لـِ الأهل ، لـِ البيئة التي حولهم .. بـِ أنهم " أزوآج " ، وَ هـَ النقطة وَ ضحهآ جيداً أخي بوليمر وَ أَتفق معه فيهآ ..





::

[:. مآء السمآء .:]

هل اذا دخل عليها عليه عقاب شرعي؟؟؟؟؟؟؟

و يجب عليه النفقـــة عليها


أهم شي

[عباطة]

طالما انك اخترت شريكة حياتك وانتي كمان اخترتيه عن اقتناع ليش الزمن الطويل في الملكة ؟؟؟

وتراها اذا طالت مسخت ... وأنا مع والد العرووس في وضع حد وليس المنع

وثقافتنا ثقافة معقده ومتخلفه ... البت اذا شافها الراجل كثير وتعود عليها يبدأ الملل بعد ماكان متلهف عليها وبس

[ساكنه في بيتنا]

المشاركة الأصلية كتبت بواسطة بوليمر® اهلا اخت نورث المشكلة اجتماعية وما هي سهلة ،، وبالذات للي داق المرارة .. واللي يتكلم في البراح مو زي اللي يتكلم وهو منكوي بالنار ما ادري ليه الموضوع انحرف شوي ،، الموضوع كان يتكلم عن قضية ان المجتمع بيطالب ان يكون هناك تواصل بعد الملكة حتى يتم التعرف على بعض اكثر من قبل الطرفين ،، وبعدين انحرف الموضوع وكأن الشرع منعهم او واقف عائق بيناتهم ،، ما راح اتكلم من الناحية الشرعية لأنها معروفة للجميع وما يحتاج البت فيها ،، لطالما ملك عليها تبقى زوجته خلاص. نجي للاعراف والتقاليد وليه فيه ناس متمسكة مثلا ان تكون فيه ضوابط اكثر شدة من ناحية فترة الخطوبة او ان يمنع بنته تخرج مع خطيبها لما يجي الولد ويخرج مع البنت وعلى انها زوجته ومعاه كرت العائلة والعقد واقنع البنت انها زوجته وحلاله وراحوا فندق واتعامل معاها على انها زوجته وجا قبل الفرح قال انا ما ابغى اتزوج وابغى افسخ الملكة وراح طلقها في المحكمة. ايش يكون موقف البنت والأب ،، البنت صح اطلقت طلاق شرعي وما فيه اي كلام ،، لكن مين يدري انت البنت الان ماهي (بنت)؟؟ ،، وهل المجتمع راح يتقبل الموضوع بسهولة؟؟ ،،، ما اتوقع وراح يكون فيه هناك مليون علامة استفهام ، والملام الاول والاخير البنت وابوها في الغالب للتساهل في خروج بنته مع اللي كان زوجها قبل الإعلام بالزواج امام الناس. هنا انا ما اعمم على المجتمع ككل لكن على فئة واغلب الناس صارت تخاف وتاخذ الحذر وما تبغى تغامر في بناتها ،، والمثال اللي ذكرته من مجتمعنا وسائد كثير وفي جميع المناطق. ابقى مع ان البنت والولد تكون هناك فترة بسيطة بعد الملكة للتعرف على بعض اكثر لكن ضمن حدود البيت وتحت نظر الاهل ،، وغير كذا كل مين يتحمل العواقب بعدها. * طبعا اتكلمت لما ريحة العواطف ومسألة الرومنسية شوي على الكنبة

صح كلامك .. بس بعض الاحيان الاهل يزودها ..

[الراقي]

افضل مرحلة مرحلة الملكة ..اللي تسبق اشهار الزواج ...
التواصل مطلب مهم ..بشرط مخافة الله << بعض الشباب يطلقـ البنت قرب اشهار الزواج ....

[ماسة المنتدى]

وووواه مكالمات قبل زواج وخرجات يحظكم فله يبغالي ادورلي واحد حق مكالمات وخرجات المهم علئ مين المكالمات والخرجات ولايكون تنحسب من المهر
اذ كان كذا بلاش منها انا ابغئ مهر 300 الف كامله مالي شغل لابحفله ولا طرطه ولامكالمات




مكا لمات مد ري وشه لا ماعندناكل الي قلتوا عليه حسافه حتئ الشوفه الشرعيه مافي بالعربي غش في غش
انا من الناس الي يايد الشوفه الشرعيه لانه عندنا طلاق كثير من الفجعه ايه من الفجعه تلاقي الشاب المسكين يحلم تكون زوجته مثل نانسي وعلئ باله كل البنات حلوين مايدري انه فيه بنات طبق لاصل من ابوها ولا حتئ ابوها احلئ
اما انه تطول فتره الملكه وخرجات لا المفروض ماتزيد عن كم شهر هذا الشي يرجع للثقل البنت ولاتعطيه وجه بزيااده لانه هذا زوجها الي بتعيش معها سنين فلاحقه علئ كل شي ولاهو صحبتها اذ ملت منها غيرها عشره البنت الخفيفه الي تعطيه وجه من اول للقاء هذا وحده غبيه مافي احد خسران غيره ترا هما شباب كذا البنت الي تديهم وجه وسهله يكرهونها والي تتغللئ وتعز نفسها شوي يجرون وراءها فا طبيعي يانورث طلق صحبتك لانه البنت علئ باله اذ مارفضت له طلب بتملكه ماتتردي انه لو تحكره وتطنشه يجريوراءها
جنس الرجال ماشفت زيه غريب يموت بالحقران وطناش ..... طنشوهم يابنات الي مخطوبه تجرب وشوفوا كيف
مره غريبين مسكينه الي تتدور راضاهم
بتكلم عن نقطعه قريبه من الموضوع حابه اتكلم عنها من زمان البنت الي تسوي تنازلات كثيره للخطيبها او زوجها منها قله المهر بدعوه انه ماتبي تكلف عليه وانها يحبها غلطانه لازم تاخذي منه مهر جامد ولا تخلي اهلك يساعده في تكاليف وحده من صحباتي ابوها كملها مهرها دفع 30 وابوها 20 ايش ذنبه ابوها بعدها طلقه وياليت كذا لا يطالب بالمهر الي مكتوب في العقد 50 هو مادفع الا 30صراحه لازم البنت تاخذ حقوقها كامله من البدايه نصيحه لكل بنت لاترخصي نفسك للشباب مالهم امان لمن تكوني اخذت حقوقك كامله بعدها ماعليه حسوفه لو طار الي جابه يجيب غيره دايم مافي احد خسران غير البنت ان متاكده انه صحبت نورث اتنازلات عن اشياء كثيره ماديه ومعنويه عشان كذا تركها لانه صغرت بعينه الرجال يحب البنت الثقيله والي تعارضه وتناقش
ولا تتتنازل عن شي هو دامه اخذك برخيص ببيعك برخيص زيدوا في المهور شويه وشوف والله مايفرط فيك هو دافع دم قلبه ههههه
رجال ماعليه ماافي احد خسران غيركم<<<وي وي صايره عجوز قريح
خلاص طلعنا من الموضوع وداخلنا بست ميه موضوع ... سي يو

[فتفوتة سكر]

الاسلام يراعي العادات والعرف بحدود

فترة الخطوبه : فتره فيها حجز مبدئي (( فلا يجوز للرجل ان يخطب على خطبة أخيه ))
للفتاه وفيها الشوفه الشرعيه و الكلام الجاد بينهما وقت الحاجه في وجود الاهل ((من كتاب الثقافه ))

فترة الملكه : اصبحت تحل له شرعا لكن يراعي الاسلام الاشهار والعرف في ذلك ,عن عائشة رضي الله عنها قالت قالت: قال رسول الله : [ أظهروا النكاح واضربوا عليه بالغربال ( يعني الدف ) ] حديث حسن
و
حديث حاطب عن النبي صلى الله عليه وسلم أنه قال: [ فصل ما بين الحلال والحرام الضرب بالدف ]

[m!ss muZza]

No commant

[northstar]

اشكركم جميعا للادلاء برايكم على هذا الموضوع

واختلاف ارائنا يعود لاختلاف ثقافتنا والبيئه التي ننتمي لها
ولكل قبيلة او عائلة تفكير وعادات خاصة بهم

رغم ان الشرع وحدنا

الا ان تفكيرنا مختلف

والشكر لكل من:

dre

soma

تركي

ماء السماء

عباطه


ساكنة في بيتنا

الراقي

ماسة المنتدى


فتفوتة سكر


miss muzza

دمتم نجوما