تجمع الراغبات بالتقديم على ماجستير أحياء .13/3. نفيد ونستفيد

[جرح الغلا]

الله يوفقك اختي

ادخلي من غربية 1 أقرب بوابة اول ما تدخلين

روحي يمين وطولي يصي المبنى قدامك على طول

تشوفيه اول ما تدخلي من البوابه اسالي واضح لا تخافي


بالتوووفيق

[lavita]

جزاك الله خير جرح الغلا والله يعطيكِ العافية ويوفقك يارب مشكورة

[الواحة]

المشاركة الأصلية كتبت بواسطة lavita الواحة وسحر والجنوبية وغير المقبولات يارب يجبر بخاطركم ويوفقكم يارب وتنقبلوا المرة الجاية وسبحان الله يمكن خير لكم يمكن ربي كتب لكم بعثة او وظيفة (وعسى ان تكرهوا شيئا وهو خير لكم) واهم شيء لا تأيسوا حاولوا وحاولوا وربنا ماراح يضيع لكم جهد (ان الله لا يضيع اجر من احسن عملا) وربي ان كل مرة اقدم كل وظيفة او اعادة في الجامعة او ماستر بس ربي ماكتب لي صحيح حزنت شوية بس رضيت بقضائي وقدري وكنت اشوف مصائب غيري فتهون عليا مصيبتي من جد احنا في نعمة مو منتبهين لها فاكرين الرسول صلى الله عليه وسلم لما تأخر عليه الوحي وحزن فنزلت سورة الضحى كبلسم للجراح كلمه الله فيها بلطف ورحمة وحنان (ماودعك ربك وماقلى ) وعدد سبحانه نعمه عليه ليذكره بها اهم شيء ان تجددوا الامل والتفاؤل وتطوروا نفسكم في مجال اللغة الانجليزية وتذاكروا مضبوط للمرة الجاية وكمان استفيدوا من تجارب من سبقوكم يعني انا الان عالم الماستر مجهول وغامض بالنسبة ليا مدري ايش احتاج وكيف اختار رسالتي وتجاربي كيف حتكون وغير الغربة لاني من خارج جدة بس متوكلة على الله ومبروك للمقبولات وربنا يوفقنا في الدراسة ويسهل علينا طريق العلم بنات عندي سؤال : فين مبنى 3 ياليت توصفوا ليا لاني جامعة الملك عبدالعزيز ماشاء الله تبارك الله متاهة من اي بوابة

ألف شكر لك عزيزتي على كلمااتك الطيبة التي تثلج القلب فسلمت يداك و نور الله دربك و قلبك .
الحمدالله انا الآن بخير لقد تقبلت الموضوع بصدر رحب و بدأت استرجع المعلومات و كلي أمل بالله
أن يوفقني المرة المقبلة و ألحق بكم إنشألله .
و تقبلي مباركتي لك على القبول و دعواتي لك بالتوفيق و بحياة علمية مميزة آمين يارب.

[توتية]

السلام عليكم ورحمة الله وبركاته....

كيفكم صبايا ان شاء الله تكونوا باحسن حال ...

تم بحمد الله اليوم تسليم اوراقي عقبال عندكم يا احيائيات وقالوا لي تعالي بعد اسبوع

الله يوفق الجميع ...

[شتاء يختزن الرعود]

وعليكم السلام ورحمة الله

مبروك غاليتي توتيه الله يتمم لك الفرحه ..

لو سمحتي يالغاليه تقولي لنا كيف الاجراءات تمت ؟؟ وايش قالوا لك ..؟؟ وهل طلبوا منك مستندات مصدقه أو أخذوا الأصول فقط ؟؟

وهل انتي محققه شرط اللغه ؟؟ وطلعوا البطاقه الجامعيه او باقي ؟؟

وليش تراجعيهم بعد اسبوع ؟؟

اسفه على كثرة اسألتي لأني بجي من سفر وابغى تكون كل اوراقي كامله قبل امشي بكره .. ياليت تشرحي لي ..

مع خالص شكري ..

[ابتسامة دمعة]

السلام عليكم ورحمة الله ...
كيفكم يابنات .. طمنوني عنكم ..يارب تكون بأتم الصحه والعافية ...
إن شاء الله بكرة بروح الجامعه .. وبقولكم كل شي يسير ... ويارب اشوفكم جميعا على خير ...
اللي راحت ياحبايبي ياليت تقولنا على كل شي ...

[(( ليمونة ))]

سلام انا من اللي راحو اليوم
كل اللي اخذوة مني صورتين شخصية شهادة التوفل فقط وشافت بطاقة الاحوال و عطوني رقم جامعي وقالولي ابدا السنة الجاية إن شاء الله .
اما بالنسبة للي ماعندهم لغة سوا زينا بس قالت لهم انه لازم تاجل ترم الين تجيب شرط اللغة واول ماتجيبة تشيل التاجيل على طول يعني اللي بيدخلوا الستيب بثمانية فية مجال يبدون من بداية السنة .

بس بصراحة البنات ماكان فية تنظيم اللي تجي متاخرة كانت تدخل بنص الدور واللي من بدري وراء بس بعدين ظبطوا الوضع ورتبتنا وحدة .

[(( ليمونة ))]

نسيت ما اقول اذا جبتي اللغة باي وقت باي وقت كان تروحي تشيلي التاجيل وتبدا .

[توتية]

المشاركة الأصلية كتبت بواسطة شتاء يختزن الرعود وعليكم السلام ورحمة الله مبروك غاليتي توتيه الله يتمم لك الفرحه .. لو سمحتي يالغاليه تقولي لنا كيف الاجراءات تمت ؟؟ وايش قالوا لك ..؟؟ وهل طلبوا منك مستندات مصدقه أو أخذوا الأصول فقط ؟؟ وهل انتي محققه شرط اللغه ؟؟ وطلعوا البطاقه الجامعيه او باقي ؟؟ وليش تراجعيهم بعد اسبوع ؟؟ اسفه على كثرة اسألتي لأني بجي من سفر وابغى تكون كل اوراقي كامله قبل امشي بكره .. ياليت تشرحي لي .. مع خالص شكري ..

الله يبارك فيكي ياعسل ....

واعذريني على التأخير ...

بالنسبة لشرط اللغة الحمد لله كان معايا نتيجة اختبار الكفايات اخر واحد طبعته من النت

لم يكن معايا صور مصدقه ولكن كان معايا فقط الاصول طابقتها مع الملف اللي اول ارسلناه اخذت مني صورة لبطاقة الاحوال وصورتين شخصية ونتيجة اختبار الكفايات

اعطتني ورقة اسمها سند تسليم سجلت فيه اسمي والكلية والتخصص واشرت على الشروط
اصل وثيقة التخرج
وكشف الدرجات
وشرط اللغة
والصورتين الشخصية

وقعتها وختمتها وقالت تعالي بعد اسبوع ماقالت ليش لأن كان زحمة وانا متوترة
واشوفهم يرجعون بعض البنات من باقي الاقسام فما صدقت اخذت اوراقي ولا سألتها ليش بعد اسبوع

فأتوقع انه للرقم الجامعي والبطاقة وباقي الاجراءات ...


نصيحة للبنات يوم تروحون صفوا طابور احسن لا تجلسون على الكراسي
لأن مافي تنظيم ولافي ارقام وللأسف بعض البنات باقي ماكبروا شايفينا منتظرين بالدور ولا كأنه احد راحت سيدا على الشباك ولا همها وغيرها وغيرها .. يوم شفت كذا حرشت البنات طوابير ومشى الموضوع مع ان الغرفة صغيرة بس مشى الحال ...

ولا تخافون البنات اللي يردونهم يكونون الحاق يخلونهم ينتظرون شوي لين يطلعون اسمائهم

وبعض بنات طلع اسمهم بالنت ومافي الاسم عندهم لا تخافون بس عشان اول يوم خربطه وكذا

واللي موظفه لا زم تجيب موافقة جهة العمل

واللي ماحققت شرط اللغه تسجل في الدورة قيمتها 2000 ريال وتجيب السند وتاخذ اللغة ترم واحد مع موادها اتوقع الشي هذا ليس لجميع الأقسام ..

او تكتب تعهد انها راح تجيب التوفل وماتكمل اجراءاتها لين تحقق شرط اللغه

والله ولي التوفيق اعذروني على الاطاله بس يشرفني انقل لكم ماحدث عشان ماتتوترون مثلي عيون طارت ...

[توتية]

ليمونه مدري شكلي انا اللي رتبتكم كنتي الساعه كم هناك؟

انا كنت من 9 الى 10 ...

وبعدين كيف اعطتك الرقم الجامعي نفس الشباك ولا من وين انا مااعطتني شي اعطتني الورقة اليي مختوم عليها وقالت تعالي بعد اسبوع ..

يا بنات اللي تروح بكره تعلمنا

شكلي براجعهم ذي اليومين ...