تجمع طالبات اللغه الانجليزيه جميع المستويات

[متفاااائله]

هااااي صبايا
أخباركم !! ليش التجمع نايم
بدي مساعدتكم بنات قبل يوم الثلاثاء
أنا عندي ميد تيرم لنجوستك يوم الثلاثاء عند د/ ساميه
وما أتكلمت عن الاختبار ف ياليت اللي تعرف أسلوبها تقول لي وكيف تكون الأسئله ف دي الماده دائما
وطبيعة أسئلة الدكتوره !!!!!


بليزز قبل الاختبار

[متفاااائله]

هااااي صبايا
أخباركم !! ليش التجمع نايم
بدي مساعدتكم بنات قبل يوم الثلاثاء
أنا عندي ميد تيرم لنجوستك يوم الثلاثاء عند د/ ساميه
وما أتكلمت عن الاختبار ف ياليت اللي تعرف أسلوبها تقول لي وكيف تكون الأسئله ف دي الماده دائما
وطبيعة أسئلة الدكتوره !!!!!


بليزز قبل الاختبار

[رغد محمد]

المشاركة الأصلية كتبت بواسطة متفاااائله هااااي صبايا أخباركم !! ليش التجمع نايم بدي مساعدتكم بنات قبل يوم الثلاثاء أنا عندي ميد تيرم لنجوستك يوم الثلاثاء عند د/ ساميه وما أتكلمت عن الاختبار ف ياليت اللي تعرف أسلوبها تقول لي وكيف تكون الأسئله ف دي الماده دائما وطبيعة أسئلة الدكتوره !!!!! بليزز قبل الاختبار

أهلاً قمري ..~

وحشااني حياتو .. اتمنى تكوني بخير قمري ..~

من ناحية الأسئلة .. أنا سألت بنات كثييير درسوا عند د. سامية .. والغالبية العُظمى بيقولوا إنها تجيب عرفي .. وصح أو خطأ .. واختاري واكملي الفراغات ..~

يعني هي تجيب من بين السطور .. وعادة أسألتها قليلة كذلك ..~

وهي كمان تجيب الأسئلة كللللها من الكتاب .. يعني مافي شيء من خارجه ابدًا ..!!

أهم شيء ذاكري الكتاب تماااام وبين السطور وكذلك الأمثلة .. وراح تلقي الأمثلة محلولة في صفحة 119 على ما افتكر ..~

والله يوفقني وإياكِ حياااتو ..~



،’

[MS.Fabulous]

الله يسعدكم
وحشني التجمع النت كان خربان واليوم صلحناه واخيرا
اللي تسأل عن ساميه مره اسئلتها سهله لكن العيب في قلتها وتحتاج تركيز
اسئلتها عرفي,مثلي وهذا اكثر سؤال تحبه
فراغات,صح وخطأ وبس واي شي تقول عليه مهم يعني حيجي
بالتوفيق

[متفاااائله]

ربي يسسعدكم ‏​مٍــن كللل قلبي
مررره ريحتوني ماني عارفه أش أقول لكم
ثاااانكسس حبيباتي

[Rose11]

مساء الورد

كيفكم صبايا ؟ كيف الدراسه معاكم يارب تمام

بسأل عن استاذه خيريه الشهري اخذ معاها علوم قران في احد اخذ معاها قبل كذا هذي الماده

وكيف اسئلتهااا موضوعي ولا مقالي ..

وكمان دكتوره اميره قشقري كيف اسئلتها في السنتاكس ؟

ليت اللي عندها فكره تفيدني ...

[MS.Fabulous]

اميره قشقري الكل يمدح اسئلتها بس خيريه ماعندي معلوم عنها
بالتوفيق ^_^

[Jane Austen]

بنااااااااات الي اخدوا عند عيشه فكشن

سااااااعدوني بلييييييييييييز

كيف اسئلتها

[joudy Abbout]

سلام بنات

اخباركم

والله مررره ضط دي اليومين موقادره اسوي شي عندي تبلد مو طبيعي فاعذروني

مااقول الا ربي يعين انا حاايسه في الفيكشن كمان

القلب الدافيء وينك مو انتي اخدتيها مع عيشه قبل بليز فيدينا

[القلب الدافى]

الله يعيننا اجممممعين


وي من جد انهلكت من كثر ماجاوب صحباتي على دا السوال من جد الفكشن امتع كورس ..

بسم الله.............. انتو اسآلو الدكتورة وشوفو اش راح تجيب لكم فراغات صح وخطا وفي كوتيشن ولا لا

طبعا هي اسئلتها فراغات وصح وخطا على العروض الاولى اللي تتكلم عن النوفل وعناصر تطور النوفل علية 10 درجات

والسؤال التاني اسية << طبعا الاسية لابد منة في المواد الادبية . جا سؤال اسية تكلمي عن الكلونيالزم ( العبويدية أو الاستعباد أو الاستعمار ) طبعا تكتبي وتمثلي يعني تقول ربنسون استعمر الجزيرة واستعبد فرايدي وووووو
نصيحة لوجة الله اذا تكلمت عن الثيم اكتبو معها الافكار لو بالعربي

طبعا قالو لي البنات انها قالت بتجيب اسية عن الثيم وشخصية ربنسون ( الثيم في ربنسون مو كثير 4 اتوقع )
طبعا فراغاتها كانت ( اذكري العناصر التي ادت الى تطور النوفل والفراغ التاني اذكري الكركترستك تبع النوفل(اللي هيا الشخصيات والمكان والزمان والسيتنق.

The Main Factors that led to the development of the English Novel دا السوال الاول
The characteristics of the 18th century novel دي الفقرة التانية من الفراغات عددي 3
There are two general divisions in the book ودي الفقرة الثالثة من الفراغات ( طبعا دا ماذاكرتو آآآآخ يالقهر وماجاوبت علية ) طبعا دا يقول انو الرواية كان لها جزئين الجزء الاول حياة ربنسون مع اهلة والجزء التاني حياة ربنسون في الجزيرة .. مووجود بالعرض ..آآآآآممممم يمكن في فقرة نسيتها بس دا كل الاختبار

الله يوفقكم يارب من جد لاتشيلو هم المادة مرا سهلة
سوري كلامي كثير و لخبطت ابو الهرجة عليكم

طمنوني لاتنسوا