][ تجمـع طـآلبـآت الإنتســآب :: مـــوآد - جـــدآول - استفسـآرات :: هُنـــآ ][

[lolaa.2]

السلام عليكم بنات انا حاولت اسدد وطلع السداد ومو راضي هل هو من البنك ام من الجامعه نفسها ؟؟؟؟

[بسبوسة الشام]

جزالة الله خير white rose
وجعلك الله من الموفقين والفائزين في الدنيا والآخره 😊

[وردة الصباح2010]

الله يسعدكم ابغي بس دقيقتين تردوا علي حتى استقر علي المواد خاصة المستوى الثامن ما اعرف عنها اي شي

اي اصعب واى يصير اخذها مع المودرن

http://www.skaau.com/vb/showpost.php...&postcount=470

[لصممتي حكممه]

وردة الصباح ..

حاولي تنوعي في جدولك ,, يعني بين مواد الادب واللغويات والعامه ,,..~

انا بالنسبه لي اخذت من هذي المواد نحو ولغويات اجتماعيه كلها مع د/خوله زهران ,, بالنسبه للشرح انا ماحضرت

الدورات لكن الاسئله كانت شويه دقيقه والتصحيح ادق ,,النحو تعتمد عالفهم اكثر , واللغويات الاجتماعيه تتكلم عن

اختلاف اللهجات سواء من حلال الطبقات الاجتماعيه او بين الذكر والانثى او القرى والمدن , تقريبا 10 ابواب كل

باب يتكلم عن اختلاف مزوده بتجارب واستنتاجات الماده مو صعبه قد انها كثيييره وتحتاج وقت طويل ومذاكره

مكثفه ..~

اذا تبغين نصيحتي خذي هذا الترم 5 مواد تخصص مع ماده عامه ,, والترم الثاني 4 مواد تخصص مع ماده عامه ,

مااقدر اقولك المواد لاني ماعندي فكره عن التعارضات واغلب المواد مادرستها لسى لكن سويلك جدولك واطرحيه وان

شاء الله البنات مايقصرون ..~

بما انك اخذتي الشعر والفكشن والدراما ماشاء الله انا عني اضفتهم كلهم هذا الترم رأيك كذا حلو ولا كثيير ؟؟

لان التعارضات ماخلتلنا حل ثاني .. وكنت بسأل اذا انتي اخذتي دراما مع الاستاذه ايمان بو ترعه كيف اسلوبها ؟؟

ومعليش لو كثرت اسئله ..~

[وردة الصباح2010]

المشاركة الأصلية كتبت بواسطة لصممتي حكممه وردة الصباح .. حاولي تنوعي في جدولك ,, يعني بين مواد الادب واللغويات والعامه ,,..~ انا بالنسبه لي اخذت من هذي المواد نحو ولغويات اجتماعيه كلها مع د/خوله زهران ,, بالنسبه للشرح انا ماحضرت الدورات لكن الاسئله كانت شويه دقيقه والتصحيح ادق ,,النحو تعتمد عالفهم اكثر , واللغويات الاجتماعيه تتكلم عن اختلاف اللهجات سواء من حلال الطبقات الاجتماعيه او بين الذكر والانثى او القرى والمدن , تقريبا 10 ابواب كل باب يتكلم عن اختلاف مزوده بتجارب واستنتاجات الماده مو صعبه قد انها كثيييره وتحتاج وقت طويل ومذاكره مكثفه ..~ اذا تبغين نصيحتي خذي هذا الترم 5 مواد تخصص مع ماده عامه ,, والترم الثاني 4 مواد تخصص مع ماده عامه , مااقدر اقولك المواد لاني ماعندي فكره عن التعارضات واغلب المواد مادرستها لسى لكن سويلك جدولك واطرحيه وان شاء الله البنات مايقصرون ..~ بما انك اخذتي الشعر والفكشن والدراما ماشاء الله انا عني اضفتهم كلهم هذا الترم رأيك كذا حلو ولا كثيير ؟؟ لان التعارضات ماخلتلنا حل ثاني .. وكنت بسأل اذا انتي اخذتي دراما مع الاستاذه ايمان بو ترعه كيف اسلوبها ؟؟ ومعليش لو كثرت اسئله ..~

ان شاء الله خير

شوفي الدرما مو صعبة بس يبغالها تركيز مع حفظ يعنى ركزى علي الاحداث المهمة والشخصيات

المقارنة بينهم او مواقفهم وشيء مرة مهم جابت لنا في سؤال عن الدراما نفسها يعنى عناصر الدراما

لا مو كثير الفكشن والشعر مع الدراما بس يبغالك تركيز ومذاكرة كثيرة من الحين وفالك طيب باذن الله

[اشراقة مستقبل لامع.!*]

انا بعد ماارسلت لأستاذة جميلة ضافتلي المادتين الله يسعدها
بس مانضافت للجدول
ومو مكتوب عندها مسجل في الويب !!
مكتوب اسقاط/ حذف
هل معناه انها انضافت او لا ؟

[lolaa.2]

بنات انا حملت ماده مناهج البحث بسبب ظروف خاصه ودحين ابغا اضيفها واضيف ماده التدريب العملي2 بس مو راضي لانو متطلب ... هل في طريقه اقدر اضيف الاثنين علشان اتخرج وافتك من جامعه الهم دي :(

[white rose]

المشاركة الأصلية كتبت بواسطة ѕυрзя пıdσ السلام عليكم ورحمة الله يابنات انا تخرج الحمدلله بالنسبه للتسجيل والجداول اول شي اسدد و ينزل الجدول ؟؟ زي كل ترم ولا اروح الجامعه اسجل المواد وبعدييين اسدد ؟؟ لانو بنات يقولولي النظام الجديد لازم اروح الجامعه و اسجل المواد الي ابغاها بعدين اسدد يعني لو سددت اول شي ماحينزلي جدول مزبوط دا الكلام ولا ؟؟؟؟

وعليكم السلام ورحمة الله وبركاته

هلا ندو كيفك لك وحشة

سددي اول بعدها تضيفي المواد لجدولك لانو من غير تسديد ما يفتح لك الحذف والاضافة ولا يفتح حتى لمس جميلة عشان تضيف لك الين يتفعل الاودس لك

واذا سددتي انتي تنزلي الجدول بنفسك يطلع لك غير مسجل في الفصل الدراسي لمن تفتحي الجدول فمعناها انتي ضيفي لحالك المواد اللي تبغيها واذا عندك براكتكم ما تنضاف غير من الجامعة وما تنضاف من الاودس

ربي يوفقك :-)

المشاركة الأصلية كتبت بواسطة lolaa.2 السلام عليكم بنات انا حاولت اسدد وطلع السداد ومو راضي هل هو من البنك ام من الجامعه نفسها ؟؟؟؟

حياك الله عزيزتي

السداد فيه مشكلة من الجامعة في تفعيل الارقام اذا استمرت معاك تروحي للجامعة

المبنى الثالث - الدور الثاني - عمادة خدمة المجتمع

وتسجلي رقمك عندهم وبعد 3 ايام المفروض يتفعل لك التسديد

ربي يوفقك :-)

المشاركة الأصلية كتبت بواسطة بسبوسة الشام جزالة الله خير white rose وجعلك الله من الموفقين والفائزين في الدنيا والآخره 😊

واياك يا قلبي ربي يعطيك ضعف كل دعوة دعيتي لي بها

نورتي يا عسل :-)

المشاركة الأصلية كتبت بواسطة وردة الصباح2010 الله يسعدكم ابغي بس دقيقتين تردوا علي حتى استقر علي المواد خاصة المستوى الثامن ما اعرف عنها اي شي اي اصعب واى يصير اخذها مع المودرن http://www.skaau.com/vb/showpost.php...&postcount=470

+

المشاركة الأصلية كتبت بواسطة وردة الصباح2010 كيف حالكم يا طيبات موفقات ان شاء الله هاى اول مرة اسويها بس دا الترم مو فاهمة شيء ابغي رايكم بالمواد ربي يجعلها سنة التخرج يارب انا باقي لي 11 مادة ابغي اخذهم علي ترمين الفكر الفلسفي في ضوء الاسلام -النحو -علم الاصوات -النقد -المودرن اللغويات التطبيقية -اللغويات الاجتماعية-علم الدلالة -حلقة بحث في اللغويات-الشباب وقيم المواطنة -تدريب عملى كيف ارتب الجدول و والله يجازيكم الجنة ابغي نبذة عن كل مادة واى دكتورة افضل ؟ خصوصا بالتدريب العملى وايش قصة السنترا الجديدة ؟ كيف ما في محاضرات ؟ والمسجلة مو كل المواد ؟

هلا وردة نورتي

بالنسبة لجدولك افضل تنزليها على 3 اترام عشان المعدل تبعك لكن اذا مصرة على ترمين نزلي هالترم ستة والجاي خمسة بس راح يكون مجهود كبير عليك نزلي الفكر الفلسفي والنحو وعلم الاصوات والنقد واللغويات الاجتماعية والسيمانتكس وخلي الترم اللي بعده ما تبقى ما انصحك بالمودرن الحين عشان تخلصي من السوسيو ( اللغويات الاجتماعية ) والسيمانتكس لانها ما ينفع تنجمع مع الابلايد كلها في ترم واحد راح تشدي شعرك وقتها

السنترا الجديد يا عسل شوفي هالرابط راح يوضح لك كل شي عنو :

إعلآن هـآم بخصوص موعد آلسنترآ لطآلبآت كلية آلإقتصآد وآلإدآرهـ + الآداب ...

المسجلة فعلا مو كل المواد لكن احتمال يتحدث لكم اصبروا الين 17-11 وربي يفرجها عليكم وتنزل المحاضرات الجديدة

وفقك الرحمن :-)

المشاركة الأصلية كتبت بواسطة lolaa.2 بنات انا حملت ماده مناهج البحث بسبب ظروف خاصه ودحين ابغا اضيفها واضيف ماده التدريب العملي2 بس مو راضي لانو متطلب ... هل في طريقه اقدر اضيف الاثنين علشان اتخرج وافتك من جامعه الهم دي :(

حياك الله عزيزتي

البراكتكم ( تدريب عملي 2 ) لازم تنضاف من عند مس جميلة عشان تتاكد انك اخذتي مقدمة في العلوم لانها متطلب للبراكتكم

واي تعارض عندك تحله عشانك تخرج وممكن تفتح لك شعبة لك لوحدك لا تخافي هيا تمشي الخريجات وتساعدهم وبإذن الله راح تضيف لك البحث وتضبط جدولك

هذي ساعاتها المكتبية :

★●•{ أوقات الحذف والإضافة لطالبات الإنتساب ( الفصل الأول )1433 _ 1434 هـ }•●★

ربي ييسر لك امرك :-)

[بحر الاسرار]

السلام عليكم

بنات عندى سؤال انا مستوى ثالث

وعندى ماده شباب وقيم المواطنة لاسف ماهى راضية تنضاف لحد الان

فقلت اضيف ماده حرة فا بصراحة ابغى اعرف منك اسهل ماده فى الكون

علشان اضيفها وشكرا

[لصممتي حكممه]

المشاركة الأصلية كتبت بواسطة بحر الاسرار السلام عليكم بنات عندى سؤال انا مستوى ثالث وعندى ماده شباب وقيم المواطنة لاسف ماهى راضية تنضاف لحد الان فقلت اضيف ماده حرة فا بصراحة ابغى اعرف منك اسهل ماده فى الكون علشان اضيفها وشكرا

بما انك مستوى ثالث عندك خيارات كثير لمواد عامه ،، المواد الحره افضل تخليها للمستويات

المتقدمه لأنك راح تحتاجينها وأقولها لك عن تجربه ..~

الافضل تاخذين مواد البيسك الثلاث ريدينق و لسننق و رايتنق مع مادتين عامه عندك ثقافه 2

او عربي او فرنسي ماده سهله وخفيفه ..~

بالتوفيق ..~