الان التقديم للانتظام في الجامعة

[يلدرم]

المشاركة الأصلية كتبت بواسطة حنين عبدالعزيز مشرفنا العزيز خلاص اخر سؤال قبل انطلاق رحلتي الى جده باذن الله دحين يقولوا اذا قبلت في جامعة عبدالعزيز مثلا ، الكترونيا سيتم الغاء تقديم لباقي الجامعات كون ان النظام ا العام مرتبط الكترونيا ، فما صحة ذلك تحياتي وشاكره لك كل ما تقدمه

سيبك من كلمه يقولو

استخيري وسجلي في الجامعة

والله اذا قبلتي في جامعة الملك فهذي نعمه كثير يتمنو يدخلوها

[~Noni~]

ممم طيب انا دحين قبلوني في الكليه مو في الجامعه ..

وانا ما ابى ادرس في الكليه وحسجل سنه تحضيريه تأهيلي

كيف اسوي اروح اغير الرغبات ولا ما حقدر اغير بما انو طلعت لي استمارة قبول للكليه ؟

[~Noni~]

خلاص انا حطيت من الرغبات انتظام مسار علمي و اداراي انساني .. تأهيلي

بس هل الطلب كدا مأكد خلاص ؟؟

ومتى حيبان نتايج الفرز لطلاب التأهيلي ؟؟

[يلدرم]

خلاص طنشي الكلية وموعد الفرز 8-8

صراحة مااعرف دحين غير انك تختاري التأهيلي مااعرف هل فيه تأكيد طلب

[Tamoh]

سلام على من اتبع الهدى

يلدرم
جزيت خيرا
اوجدت وظيفة حتى الان، اتمنى لك التوفيق

يقولون لا تهلك اسى وتجمل

لقد قمت بتقديم طلباتي لثلاث جامعات عالى امتداد واحد
الطائف/ام القرى/الملك عبدالعزيز
اتت المواعيد
26/25/24

احترت في الاختيار
ترددت كثيرا

الطائف/لاتبعد عن منزلي الا عشر دقائق اي مايعادل ستة الى سبعة كيلو مترات

مكة/والدي يحضر رسالة الماجستير هناك

جدة/جل اصدقائي يدرسون بها

علما بأن نسبتي المكافئة على الترتيب

84/84/82

كنت ومازلت اريد جامعة عبدالعزيز الملك لكن خفت ان نسبتي لن تؤهلني لحجز مقعد فيها

خير الامور الوسط

كان موعد جدة اخر موعد يسبقة موعد في مكة من بعد ميعاد الطائف

احترت كثيرا
فلم يبق الا خير الامور الوسط ونحن امة الوسطية

اخترت ام القرى فهل ياترى كان اختياري صائبا؟!

وهل ام القرى لاتعتمد السنة التحضيرية
القسم/هندسة حاسب

اخ يلدرم
افيدني بمالديك

دلني اين الطريق للمعالي يارفيق
دلني حارت خطاي في متاهات الطريق

اخوك
طموح
كان طموحي ان اصبح مكانك بعد ان استمر بجدة لكن
كل شيء بقضاء وقدر * والليالي عبر اي عبر

شكرا

[يلدرم]

وعليكم السلام ورحمة الله وبركاته

اولا في هذي المواقف استخير رب العالمين وان شاء الله تختار اللي ينفعك

صراحة مالي معرفة بجامعة الطائف وتخصصاتها

جامعة الملك

فرضا حجزت مقعد

لكن السؤال هل تقدر في السنة التحضيرية تجيب معدل عالي لدخول الهندسة

صراحة شهادة الهندسة عندنا افضل لان دراستنا كلها بالانجليزي ويوم ماتشتغل كل الشركات تبغى انجليزي

لو جيت لام القرى 25-7

انت تقول انك مقبول في هندسة حاسب بدون تحضيرية وحلمك هندسة والمكان مايفرق عندك اذا اختار ام القرى

اقلها تضمن انك دخلت الهندسة ولو تبغى ممكن بعد سنة تطلب تحويل لجامعة الملك صح راح تضيع وتحذف لك مواد لكن ممكن تدخل حسب شروط الجامعة

الشئ اللي يخوف الواحد من السنة التحضيرية انو مايضمن يدخل الكلية اللي يبغاها والمنافسة راح تكون شديده

عصفور في اليد ولا عشرة في الشجرة

هذا طبعا مجرد كلام مني

لكن انت استخير واختار اللي تشوفه مناسب

[بقدونس]

اخوي طموح انا مثلك انقبلت في الملك وام القرى

وام القرى يوم الثلاثاء 26

والملك يوم الاربعاء

اذا جات ام القرى راح درس فيها

وكما قال يلدرم

عصفور في اليد ولا عشرة في الشجرة

[يلدرم]

المشاركة الأصلية كتبت بواسطة بقدونس اخوي طموح انا مثلك انقبلت في الملك وام القرى وام القرى يوم الثلاثاء 26 والملك يوم الاربعاء اذا جات ام القرى راح درس فيها وكما قال يلدرم عصفور في اليد ولا عشرة في الشجرة

بالتوفيق لك

[Tamoh]

اشكركما فقد حزمت امري سابقا
لكن اردت استشير اصحاب الخبرة

استطراد
اما ترون ان هذا النظام الجديد الذي يعتمد على القدرات والتحصيلي
انه ظلم بل اشد ظلما

مقارنة بيني وبين احد زملائي(ابن عمي)
انتم تحكمون

نبدأ انا هو
الثانوية ٩٢.٠٣ ٩٨.٤٩
القياس ٨٤ ٧٨
التحصيلي ٦٨ ٦٢
الجامعات
جدة ٨٤.٠١ ٨٤.٤
مكة ٨٤.٨ ٨٤.٣
الطائف ٨٢ ٨٣

ارأيتم كيف الظلم
كان طموحه طب لكن...

من كان يظن انني انا الطالب المتوسط
احضر حصة واخرى خارج الفصل اتأخر عن الطابور لم احصل على علامة كاملة في اي مادة الا بالمساعدة من المعلمين تكفى يا استاذ ..... اخر سنة نريد معدل!!! وهكذا

وهو
جميع اختباراته كاملة الشهرية
النهائية بقي درجة او نصف الدرجة
لايتأخر عن الدوام بل انه لايخرج من الفصل الا للضرورة القصوى

فهل هناك عدل في الدرجات

ابشركم انقبل اليوم في مكة
العلاج الطبيعي
وانا الاثنين
ادعولي بالتوفيق والقبول

طموح

[يلدرم]

الثانوية العامه انتهت

الان كل الثقل في التحصيلي والقدرات وهذا النظام مطبق في جامعة البترول من زمان

طبعا انت ماراح تعرف الحكمه من هذا النظام لانك مادرست زينا

كانوا في طلاب يجيوك من قرية ولا مدينة ويكون ماعليهم رقابة ويجيب 99 ويدخل طب ومايجيك ترم الا وهو خارج من الكلية

وتكون انت اجدر منه لكن نسبتك اقل منه وبمجهودك لكن حولت لكلية اخرى

اللي يبغى طب يثبت نفسه بالجامعة لانها هيا الركيزه في التعليم العالي وليس تعليم المدارس

اتمنى لك التوفيق اينما درست