تجارب الطالبات مواد + أستاذات

[الإمبراطورة]

^
^
لآ عزيزتي... هذه الموآد خآصة بطلآب السنة التحضيرية...
وأصلآ مآ لهآ شُعب. مو..
أنآ حآولت ومآلقيت


الموآد الحُرة .. إضآفتهآ من القسم



بالتوفيق...
:)

[Soosah89]

صباح الخير ياحلوين << ماقدرت تنام من الحماس
اخيراً رجعنا لهم الجامعة
والله وحشتني

حابة اسألكم عن مس نسرين الحربي في الريدنق 2 ايش رأيكم فيها؟
ومين قد اخد معاها المادة؟
لانو شعبتها الوحيدة اللي مو محمرة

بنات ماتحسو زي!! انو في استاذات كثير ناقصين؟؟
مس ليلى, شادن, ريم فطاني, وغيرهم

بالتوفيق للجميع

[nooni]

المشاركة الأصلية كتبت بواسطة soosah89 صباح الخير ياحلوين << ماقدرت تنام من الحماس اخيراً رجعنا لهم الجامعة والله وحشتني حابة اسألكم عن مس نسرين الحربي في الريدنق 2 ايش رأيكم فيها؟ ومين قد اخد معاها المادة؟ لانو شعبتها الوحيدة اللي مو محمرة بنات ماتحسو زي!! انو في استاذات كثير ناقصين؟؟ مس ليلى, شادن, ريم فطاني, وغيرهم بالتوفيق للجميع

إن شاء الله الحماس لغاية أخر يوم دوام
ما أعرف نسرين
اما الأستاذات ريم وشادن مايطلعو اسمائهم منذ مبطي
ليلى مش موجوده هذا الترم

[عزوفـ]

يعني لازم الواحد يداوم ويصف مع الطابور ! آخ بس..

شكرا امبراتوره ^^"

يسعدك ربي ...

[Soosah89]

المشاركة الأصلية كتبت بواسطة nooni إن شاء الله الحماس لغاية أخر يوم دوام ما أعرف نسرين اما الأستاذات ريم وشادن مايطلعو اسمائهم منذ مبطي ليلى مش موجوده هذا الترم

على كدا كويس ماني في شعبة مالها اسم استاذة
بس ليه مافي شعب كثيرة؟ احسها مرة محدودة
معقولة بس هدول البنات اللي ماخدين مواد المستوى الرابع؟؟

ميرسي نووني ع الرد
وبالتوفيق يارب بالحماس

[الإمبراطورة]

المشاركة الأصلية كتبت بواسطة عزوفـ يعني لازم الواحد يداوم ويصف مع الطابور ! آخ بس.. شكرا امبراتوره ^^" يسعدك ربي ...

أيش نسوي..
حُكم القوي على الضعيف..


لكنْ
هآنت يآ بنآت..
والظُلم سيتلآشى قريبآ بإذن الله..




مُوفقآت أيهآ الرفيقآت...
دُمتمـ سآلمآت...
:)

[redcandle]

بنات والله حيرانه ساعدوني قبل مايقفل الحذف والاضافه من الاودس انا ضايفه سمانتكس مع مس افنان فطاني وماني عارفه اسلوبها ولا احد من زميلاتي اخد معاها بليز يابنات اللي تعرف اسلوبها وتعاملها كيف تقولي واهم شئ اختباراتها كيـــــــــــــــــــــــــف؟؟؟ وكيف توزيعها في الدرجات ؟؟

ولا تنصحوني احذف الماده واخلي بدالها سوسيو مع د عزيزه العيسى؟؟
انصحوني بليزززززززززززززززززز

[مملكة عمري]

المشاركة الأصلية كتبت بواسطة redcandle بنات والله حيرانه ساعدوني قبل مايقفل الحذف والاضافه من الاودس انا ضايفه سمانتكس مع مس افنان فطاني وماني عارفه اسلوبها ولا احد من زميلاتي اخد معاها بليز يابنات اللي تعرف اسلوبها وتعاملها كيف تقولي واهم شئ اختباراتها كيـــــــــــــــــــــــــف؟؟؟ وكيف توزيعها في الدرجات ؟؟ ولا تنصحوني احذف الماده واخلي بدالها سوسيو مع د عزيزه العيسى؟؟ انصحوني بليزززززززززززززززززز

اللي اعرفه انو شرحها كويس
واسألتها كثييرة
وأظن انها تكرر الاسئلة في الشعبة الثانية
حتى عزيزة تكرر
عزيزة مرة كويسة من ناحية الشرح

الله يكتب لك الخير وين ماكان

[الإمبراطورة]

^
^
أهلآ أُختي..
الصرآحة اتكلمنآ عن د. أفنآن كثير .. هنآ بالمنتدى...

لكنْ حأحكيكِ عنهآ..

أخلآقهآ تمآم مآ شآء الله..
أسلوبهآ في الاختبآرآت غريب شوي .. الأسئلة مرررة كثيرة
تتعدى الخمس والسبع صفحآت..
عندهآ ثلآث اختبآرآت (من 20 درجة)
ودرجة الاختبآر تحسبهآ في البدآية (بعدد الأسئلة) .. يعني توصل الدرجة إلى 60 و80 و90 على حسب..
لكن الدرجة الحقيقية (لآزم لهآ قسمة)
وتنحسب من 20


شرحهآ كويس..
صوتهآ وآطي شوي.. وسريع..

مهمآ حليتْ في الإختبآر.. مآ آخذ الدرجة المتوقعة.. يعني أخرج على أني فل مآركـ.. وأنصدم إني نقصت
مآ أدري أيش السر... ربمآ بعض أسئلتهآ.. فيهآ أسئلة ذكآء.. ويبغى لهآ تركيز..


ع العموم أنآ رآضية عن د. أفنآنْ تمآم الرضآ..
ربي يسعدهآ..



مُوفقينْ...
:)

[redcandle]

ثانكس مملكه عمري والامبراطوره وجزاكم الله الف خير
ونخدمكم ان شاء الله في الافراح