~~ شــــــتــــــات ~~ ♥ مُصرهـ علـى قــراري ♥..

[مصره على قراري]

احتاج لدورة (تسويق)
لكن لا اعلم من اين سوف احصل على هذه الدوره
بعد تكليف خواطر الاخير اكتشفت اني ضعيفه بشؤون التسوق
سوف احاول تطوير نفسي من هذه الناحيه في القريب العاجل
ان شاء الله
//
الي يعرف من فين ممكن اخذ هالدوره ياريت يفيدني
واكون شاكره له
^_^

[مصره على قراري]

ياليتهم حلو ازمة السكن
ولا على الاقل فرضوا رسوم على الاراضي
بدل قرار السماح بالترشيح للمراءه
انا عن نفسي اشوف مشكلة السكن اهم من المره ترشحت ولا قعدت في بيتهم
//
عذرا بنات جنسي
بس انا كذا راضيه تمام الرضى
ادرس واخذ دورات واشتغل بالشي الي احبه
واخدم الناس ولا علي قاصر
يعني سمحوا بالترشح ولا ما سمحوا
هالقرار ما يعني لي ابدا
فيه وبلياه مرتاحه
الحمد الله
^_^
لو اختاروا معاناه اهم واشمل وبتوا في امرها
كان افضل
بس يلا ما اقول الا
الله يستر من تبعات هالقرار
وزي ما قلت قبل
التصريح
انتصار للمراءه وانتصار لضوابط الشرعيه
وخوفي تعلوا الاصوات فوق الضوابط الشرعيه
//
ان غدا لناظره قريب
....
متفرجه
^_^

[مصره على قراري]

أغداً ألقاك يا خوف ..... فؤادي من غدٍ~
يالشوقي وإحتراقي في إنتظار الموعد~
آه كم أخشى غدي هذا وأرجوه إقترابا ~
كنت أستدنيه لكن هبته لما أهابا~
وأهلت فرحة القرب به حين استجابا~
هكذا أحتمل العمر نعيماً وعذابا~
مهجة حرة وقلباً مسه الشوق فذابا~
//
مدري ليه تحب تخوفني
...

[مصره على قراري]

نصيحة أهديها للأخ دارس والأخت مصرة .. مهما فعلت للساحة العامة , لا تتوقع إعجاب رواده ( سوي خير وأرميه في البحر ) :) ملاحظة : أعتذر لعدم تغليف الهدية لكون محل الهدايا مغلق هذه الساعة :)

تصدق احب الهدايا من دون تغليف<<ماعندي صبر افتح التغليف^^

شكرا على الهديه جات بوقتها ^_^
والايام الجايه اتوقع اني لازم استخدمها
بسوي الخير وارميه بحر واذا مر الوقت عليه
بيصير كنز وكل الناس تتعب عشان تلقاه^^
نظره ايجابيه شويتين^^

//

[مصره على قراري]

ليه اتصلتي...
مهندس الكلمة (بدر بن عبد المحسن)
~~

[مصره على قراري]

يا صاحبي...
هذا مزاجي الحين~
//

[مصره على قراري]

كنت بروح في حديد<<على قولت الشباب
جرت قلم كانت بتخسر الشركه ما يقارب المليون ونص
وانا لو تنفضوني نفض ما عندي ريال ونص<بس عندي اكثر
الحمد الله بس انوا في ناس تراجع وراي
ولا كان زرتوني الحين من وراء القضبان
وتجيبولي معكم عيش وحلاوه
وميتين ريال تهريب
هههههههههههههههههههه
واهم شي ملبوروا احمر<<ما ادخن طبعا بس هذي طقوس السجن
//
والله قلتلهم يا جماعه انا بالفلوس والحولاات والبنوك
اجيب العيد
لكن الشكوى لله كالعاده استحيت وما عرفت اقول لا
متى بترك هالعاده الغريبه ...؟ الله اعلم
//

اما لو طارت الفلوس يوووووووووه مصيبه
اتخيل شكلي وانا بالسجن وانتظر مكرمة الملك
عشان يعفوا عن سجناء الحق العام والديون
ههههههههههههههه
....
رحمه ان الشركه لعمي ولا كان صارت علوم

خلاص حرررررررمت
لا فلوس ولاحولات بنوك ولا ايداع ولا هم
اصلا مدري وش خلاهم يطلبون خدماتي<<امهم داعيه عليهم
//
يوبه معصي اتعلم اصول التجاره بذات بعد هالحركه
.....

تدرون ابوي عنده مشكله...
4 شباب عنده بسم الله عليهم
بس لازم يخلي البنات يجربون كل شي
على قولته عشان ما نيأخذ حقك محد دايملك طول العمر<<بسم الله عليهم
//
انا وجهي وجه تجاره بالله
زين ان اعرف استخدم الشبكه الي فالمحلات
قرار بدون رجعه
يا اني انكرف صح لحد ما اعرف كل شي
او اني اقعد بعيد احسن لي
......
من جد الحمد الله ان الورق تعدل
الله يسعدك يا عبد العزيز قسما بالله ما في منك
ملاحظه:
السالفه صايره من فتره ولا دريت عنها الا الحين
قاعده اهايط عليهم واني سيدة اعمال<<عشان اسبوع واحد داومته بالشركه
ولا بعد طلعت جايبه العيد ليتني مشتغله صح
وصدموني بهالخبر
عموما
وجهي طاااااااااااااح
وصرت نكتة الاسبوع<<هذا منصب مهم نتناوب عليه انا واخواني

[مصره على قراري]

لما كنت صغيره
كان عندي كلمات خاصه فيني
زي مثلا
لما احد من اخواني يسألني (تحبيني؟)
كنت اقول:
(احبك قد البحر وسمكاته)<<متأثربالبيئه بيتنا كان على البحر^^
ولما كانوا يسألوني عن اي شي عندي(هذا من وين او مين جابه لك؟)
(كنت اقول جابته ماما من باريس)<<حتى لو الشي من جده<<مهايطيه من يومي
واي شي يعجني كنت اقول:
(الله حلوووو من باريس)<<ياذي باريس الي اكلت مخي
//
وكنت طووووول الوقت اغني
ومو لأي احد لراشد الماجد وبس<<اعرف اختار من صغري
وعلي تحريف خطيييييييييييير على حسب المواقف<<مدري من وين كنت اجيب الكلام
//
ولا يفوتكم يوم كنت اتابع مباريات الهلال<<هلاليه من يومي
كل ما ضاعت هجمه اقول (ياااااارجل ليييييييييييه ليييييييييييييييه والله ما تسوى علينا)<<للحين اخواني يتريقون على هذي الجمله لاني يوم كبرت غيرتها^^
وعاد لازم تيشرت الهلال وقت المباره وكل شي ازرق بالبيت احطه حولي<<زمان الحين الوضع تغير شوي<<تقصد زاد

اما اذا فاز الهلال هذا شي ثاااااااني
اكسر البيت وقتها<<وهذا الشي ما زال^^
مدري متى بعقل
//
بالعموم طفولتي كانت ((خاصه))
كل شي كان غير وكنت طفله محبوبه

//
عندي فيديو وانا عمري 4 سنوات صاحب اخوي يسألني اسئله وكل ما جاوبت يضحك ويسلم علي<<عاد اكيد متوقعين الاجابات مني كيف بتكون
بقولكم وش صار بالمقطع

قال وش اسمك:
سردت الاسم كامل <<وصلت لسابع جد
وختمتها بـ(والنعم وبحماس)
قالي ليش والنعم الــ(وقال قبيلتي) ماعندهم الا الحروب والقتل مو زينين
قلتله:
لانك منت رجال لو رجال ما تقول كذا<<مصخرته
طبعا انفجر ضحك وجلس يقول الله يحفظك
ويسلم علي وحاله
وبعدين قال:
اخوانك خبول بذات محمد فيه كل خبالت الدنيا<<وهو صاحب محمد
قلتله:
لانه مخاويك انهبل الهباله ماعرفها الا منك<<ومصخرته للمره الثانيه^^
وطبعا ماقدر يرد وبس يدعي ان ربي يحفظني
وبأخر المقطع عاد جبت العيد<<هو ذا كله مو عيد
قلتله انت من اليوم تسلم علي وتدعي انا الحجر الاسود مثلا
وعاد ما اذكر وش صار بعدها
و المقطع انتهى

اقلكم تربية شباب احش واقط على خلق الله من يومي
......
تركي صاحب محمد الي بالمقطع
بنته صايره زي واكثر<<لسانها طويل^^
ربي بلاه من كثر ما ضحك علي
ههههههههههههههههههههههههههههههههه
//
والله ايام تجنن كنت مقومه الدنيا من حولي
يا زين الطفوله والله
.....

[مصره على قراري]

نصيحه لكل البنات:
ولا وحده منكم تفكر تتزوج واحد متربيه معاها من يوم كانوا صغار
وخصوصا فترة اولى ابتدائي
يوم تبداء الاسنان تطيح والبلكونات تنفتح على البحري

لأن بيجيكم انواع التريقه<<اسئلوني انا

والله ذلونا الرجال
المشكله ما اذكر ان اسنانه طاحت <<شكلها يوم كانت تطيح ما يجينا
//

[مصره على قراري]

لماذا أنت باق على رأيك أبدا؟ هل نزل عليك باليقين جبريل أم جاءك باليقين عزرائيل؟..
اليقين:الحق والموت.
//
سلمان العوده.