¨|| قُـروب طُـلاب و طـآلبــآت تخصص اللغَـــآت الأوروبيـة - تعليم عن بُعد }❥~

[حلم قريب]

المشاركة الأصلية كتبت بواسطة sмile بنات ايش رايكم ف خلود راشد واهس السريحي الحربي ؟؟؟؟ هل احد جربهاااا ؟؟؟ وايش رايكم ف جدولي .. صراحة احس مرا حوووسة ومخي مو قادر يركز وانا اسوية ... يوم الاثنين : نحو مع نها الشرفا .. صوتيات مه ليلي ادب القصة مع عمر باسلامة ايش رايكم اخذ الصرف مع ايمان عبدة او الادب الحديث مع سوزان . الاربعاء : تدريب عملي مع سوزان بقي مادة لسا ماحددتها ...

مس خلود مرة يمدحوها الانتساب في اللغويات هيا ومس ليلي
ما اعرف نهى في النحو ولا ليلي في الصوتيات
واستاذ عمر اخذت معه الفيكشن الترم الماضي ونصيحتي لك شدي حيلك من اول الترم
والتدريب العملي ليش تاخذيه دحين؟
أنا أشوف تخليه على اخر سنة او اخر ترم
وقتها بتكوني تقريبا ملمة بجزء كبير من تخصصك .. هذا رأيي
و

[sмile]

المشاركة الأصلية كتبت بواسطة حلم قريب مس خلود مرة يمدحوها الانتساب في اللغويات هيا ومس ليلي ما اعرف نهى في النحو ولا ليلي في الصوتيات واستاذ عمر اخذت معه الفيكشن الترم الماضي ونصيحتي لك شدي حيلك من اول الترم والتدريب العملي ليش تاخذيه دحين؟ أنا أشوف تخليه على اخر سنة او اخر ترم وقتها بتكوني تقريبا ملمة بجزء كبير من تخصصك .. هذا رأيي و

استاذ عمر باسلامة صح يبغالك جهد مو 100% الا 1000في 100

التدريب لانة انا اصلا اشتغل في مدرسة عالمية ولي خبرة 5 سنوات و قلت بستفيد من شغلي لانو احتمال اترك المدرسة قريب ..


وابشرك انا في اليوم الواحد اسوي 5 جداول هههههههههههه الله يسهل علينا و اثبت ع جدول واحد بس اللي قاهرني حكاية انو بس يومين المحاضرات ضغط مرااا و تعارض كثير ,,

[حلم قريب]

نزلت الجداول
جدولي / ليسننق2 مع ريم سائحي
مسرحية مع خديجة باوزير
شعر مع باسلامة
ترجمة مع منال التاوي
مناهج بحث مع نهى الشرفا
فكر فلسفي مع الميداني


ابى احذف اليسننق واخذ بدله لغويات لانو ما ابى اخذه مع ريم وحتى الترم الجاي
تفتح لي مواد الغويات.. واحذف كمان المناهج لانو ما اعرف نهى وكيف اسلوبها
وكمان ابى اخذ 5 مواد فقط
ايش رايكم ؟

[باذنجانه]

بنات مكتوب عندي غير مسموح للتسجيل 》
وحبيت استشيركم في جدولي المصون
كتابه2 ،، نحو،، مسرحيه،، لغويات تطبيقيه،، علم الاصوات،، وعلم الدلاله أو النقد الأدبي
ايش رأيكم مناسبه المواد مع بعض أو اغير

[حلم قريب]

فتح الحذف والاضافة

[miss--roro]

بنات ايش رايكم في المواد اللي باضيفها

مقدمه في اللغويات

مسرحيه

مقدمه في الترجمه

ادب حديث

فرنسي

رايكم في المسرحيه مع الادب الحديث هل راح يشكل علي ضغط ولخبطه
اتمنى تفيدوني في اقرب وقت
افكر احذف وحده فيهم واخذ ثقافه اسلاميه
بس في نفس الوقت ما ابغى افوت خديجه و سوزان

[sмile]

جدولي العزيز .. الله يعين ع الجهد..

1.تددريب مع سوزان حبيبة الكل ...
2.ادب حديث & ادب قصة عمر باسلامة الله يكون بعوني ..
3. نحو مع عبد الرحمن القرشي . يمدحونه اول مرا حدرس معاه
4. صوتيات مع ليلي ربنا يستر ..
5. راي عام مع دعاء فتحي يقولو حليوة وكويسة بس برضو التجربة خير برهان ..


الله يوفق الجميع

[حلم قريب]

^
نصيحة من مجربة
لاتاخذي مادتين دسمتين في نفس الترم لعمر باسلامة
بنات أخذوا معاه العام دراما وفيكشن وندمانين
وانا أخذت معاه رايتنق2 (لأني مضطرة آخذها مافيه شعبة غيره وما أبى أتأخر في البيسك) وفيكشن وندمانة
حتى تجيبي معاه درجة حلللوة يبالك تكوني بيرفكت في الإنجلش بدون مبالغة وما أعتقد تخاطري بمادتين أدبيتين وأسئلته في النهائي بتكون كلها مقالية
في ورقة الإختبار كاتب في أول صفحة تعليمات منها :
الرجاء الكتابة بلغة جيدة وماتنقص عدد الكلمات عن 80 كلمة !
يبالك في مواده مجهود جبار لتنجحي فخذي مادة وحدة وابذلي فيها مجهود أفضل
وإذا شايفة نفسك تقدري على مادتين معاه فالله يوفقك بس حبيت أحطك في الصورة

[sмile]

^

حلم انتى معايا شكلو الترم اللي فات مع باسلامة .. هوا و النفسية حقتو قال لاتكتبو بالمرسام ..

وانا اعشق المرسام واحب ماحب الورقة وسسسخة و هوا يقول لي النظافة مالها درجات ...

[متفائله،]

بنات ايش رايكم بهالدكتورات؟
سعيدة رويضي
انصاف حمزة حسين
حنان محمد جبر مصطفى
ريم الحفناوي سائحي>بتدرسني مادتين :/

موفقين يارب:*