نحن هنا لاي استفسار عن تقنية المختبرات الطبية.

[قصة غروب]

^^^
اختي الغاليه بالنسبه للسهوله او الصعوبه تختلف من شخص الى اخر لكن بشكل عام اذا دخلتي القسم وحبيتيه بيكون كل شي سهل ان شاء الله.
ونصيحتي لك وللجميع لاتسمعي اراء اي احد عن اي ماده انها صعبع وانها معقده لانها حتى لو كانت سهله من كلامهم بتكون صعبه.
وانا من وجهة نظري في اكثر من تخصص يعتبر سهل وممتع الصراحه منها امراض الدم, والاحياء الجزيئيه والاحياء الدقيقه.
بالنسبه للصعوبه, المواد اصلا تكون سهله وممتعه للي يفهمها وماهي صعبه لكن المشكله ف الدكاتره او اعضاء هيئة التدريس اللي يوصلوا المعلومه. لكن بشكل عام اذا فهمتي وذاكرتي كويس ان شاء الله مافي شي صعب.
ربي يوفقكم ويكتبلكم الخير.

[NoOoNy360]

جزاك الله خير =)

[قصة غروب]

امين يارب وياك
بالتوفيق ان شاء الله

[Dr.joody]

السلام علييكككككم ورحمة الله..
يــــــــــــــآآآآآآآآآآآآآآه كم أعشق هذه الكليةة..
وبالذات قسم المختبرات الطبية..
/
أبي أسألكم الحين أنا مثلا دخلت مختبرات طبية
هل اتخصص بعدين شي ..
لأني سمععتكم اللي يقول رح أتخصص هيماتولوجي ..
حابة أسأل يعني فيه تفرعات بعدها .؟

[قصة غروب]

المشاركة الأصلية كتبت بواسطة dr.joody السلام علييكككككم ورحمة الله.. يــــــــــــــآآآآآآآآآآآآآآه كم أعشق هذه الكليةة.. وبالذات قسم المختبرات الطبية.. / أبي أسألكم الحين أنا مثلا دخلت مختبرات طبية هل اتخصص بعدين شي .. لأني سمععتكم اللي يقول رح أتخصص هيماتولوجي .. حابة أسأل يعني فيه تفرعات بعدها .؟

وعليكم السلام ورحمة الله وبركاته.
الله يحييكي اختي ف كليتنا الغاليه.
هذا الكلام ف السنه الخامسه ان شاء الله تختاري تخصص رئيسي 6 شهور وتخصصين فرعيين 3 شهور تطبقي فيهم.
يعني مثلا: سنه كامله, تاخذي 6 شهور ف لاب الهيماتولوجي, و3 شهور ف لاب المايكرو و 3 شهور ف لاب الاميون. كذا انتي تخصصك الرئيسي هيماتولوجي .
اتمنى اني اكون افدتك واي استفسار ثاني احنا ف الخدمه.
ربي يوفقك ويسعدك ويكتبلكم الخير.
تحياتي....

[sara sami]

حابه اسأل ..

دحين انا انقبلت تقنيه مختبرات اوكي .. سمعت انو اول يوم حيخلونا نعبي رغباتنا بالترتيب
اكيد حننقبل بالرغبه الاولى، ولا فيها انقبل او لا !؟

ووكمان سؤالين تانيه .. :)

ايش مجالات العمل غير مختبر المستشفى ؟؟

ولو اتخرجت واخدت البكالوريوس ان شاء الله

ايش تفرعات دا التخصص لو ابغا اكمل ماستر؟!

ومرررا شكرا مقدماا :)

[قصة غروب]

المشاركة الأصلية كتبت بواسطة sara sami حابه اسأل .. دحين انا انقبلت تقنيه مختبرات اوكي .. سمعت انو اول يوم حيخلونا نعبي رغباتنا بالترتيب اكيد حننقبل بالرغبه الاولى، ولا فيها انقبل او لا !؟ اول اسبوع ان شاء الله بتحطي رغبتك اللي تبغيها وبتتسكني فيها ان شاء الله مافيها ايوه او لا 99% ان شاء الله بتنقبلي ف رغبتك. ووكمان سؤالين تانيه .. :) ايش مجالات العمل غير مختبر المستشفى ؟؟ ولو اتخرجت واخدت البكالوريوس ان شاء الله غير المستشفى انك تشتغلي ف مراكز ابحاث او تاخذي المعيديه وتصيري من اعضاء هيئة التدريس ف الجامعه او ف شركات ادويه والشركات الطبيه. ايش تفرعات دا التخصص لو ابغا اكمل ماستر؟! اللحين ف كليتنا فتحوا الماستر وبيبدء من السنه الجايه ان شاء الله والتخصصات المتاحه كمستري وهيماتولوجي ومايكرو اظن. ومرررا شكرا مقدماا :)

اتمني اني اكون افدتك واي استفسار ثاني ان شاء الله اعضاء منتدانا الغالي مابنقصر.
ربي يوفقكم ويكتبلكم الخير يارب

[sara sami]

مرررا شكرا ..

ربي يسعدك ويكتبلك الخير :)

[قصة غروب]

الله يسعدك اختي لاشكر ع واجب.
امين يارب وياك.
بالتوفيق ان شاء الله

[a7la foOofoOo]

up up up

نرفع موضوعنا العزيز للاعلى :p