تجمع الراغبات بالتقديم على ماجستير أحياء .13/3. نفيد ونستفيد

[sam sh]

^
عني بوافقك الرأي .. أكيد إننا محتاجين إرشادات وتعليمات على الأقل نعرف المباني والقاعات إلي بندرس فيها

بصراحة ماني شايلة هم الدراسة قد ماني شايلة هم التأقلم في وسط مجموعة جديدة وناس جدد بروح أحاول أتأقلم على الأجواء هناك (:

[ميا]

من جد لازم نعمل كذا بس انا ما أقدر انا موظفة معيدة في كلية التربية و ماجستير في الجامعة وقالولوا لي ما أقدر أقدم تفرغ عشان وظيفتي تبع الجامعة نفسها بلاهم مو عارفين المسافة بين حي الجامعة وحي الفيصلية إيش تنصحوني ؟؟؟

[ابتسامة دمعة]

sam sh ,, اشكرك على حسن تجاوبك وان شاء الله البنات يوافقونا الرأي ونسير مع بعض ,,
عزيزتي ميا .. شاكرة لك .. وحابه اقولك اذا انت من سكان جده وسمحوا لك بدارسة الماجستير بدون تفرغ .. فانا اشوف والله هذه نعمة لك من الله .. المسافة ماهي كبيرة جدا من الفيصلية لمقر الجامعة .. توكلي على الله وشوفي لك نقل اذا ماعندك سواق خاص .. في بنات يجوا من خارج جده وصاحبتي بتسير تداوم من الطائف لجده بسبب ضروفها ..
توكلي على الله وان شاء الله بتتعودي وتسير الامور سهله بالنسبة لك ..
..............
ياحلوين يابنات اي احد يوافقنا الراي نبغى نتفق على يوم لو سمحتوا نروح فيه ونكون يد وحده ونشوف ملنا وماعلينا .. موفقين حبايبي

[ميا]

ابتسامة دمعة تسلمي يارب والله خايفة كيف أقدر أوفق بين الاثنين بس ريحتيني الله يريحك دنياو آخرة يااارب

[جبرني الشوق]

السلام عليكم ورحمة الله وبركاته ...
انا حابه استفسر عن دراسة الماجستير باقيلي سنه واتخرج ان شاء الله ابغى اعرف كلية العلوم لازم شهادة التوفل والا تقبل اي شهادة وكمان ابغى اعرف ايش الاختبارات اللي لازم اعملها قبل التقديم انا عارفة انو هالاسئلة متكررة بس ابغى اجهز من بدري .... وشكرا
جبرني الشوق ... [ احياء نبات ]

[جبرني الشوق]

بليييييييييييييز احد يرد علي ...*؟

[(( ليمونة ))]

شوفي جبرني الشوق
شهادة التوفل مو شرط فية عندك الستيب اوال gee
انا مدري اقروا القدرات لكلية العلوم ولا لا لية شهرين عن المنتدى مدري لكن اذا ما اقروه فاختبار القسم .

اتمنى اكون افدتك ..

[$اروى$]

المشاركة الأصلية كتبت بواسطة ابتسامة دمعة السلام عليكم ورحمة الله كيفكم يابنات ان شاء الله تكونوا بصحه وسلامه .. وتقبل الله منا ومنك صالح العمال .. وكل عام وأنتن بخير .. حبيت اسالكم واشوف خططكم لبداية الدراسه .. قررتوا تعملوا اول اسبوع في الدراسة قبل تسجيل المواد .. في احد منك بيداوم الجامعه للأستفسار او اكمال اجراءات متل استخراج البطاقة الجامعية او معرفة مايجب وما ينبغي فعله يعني زي كدا ... برأيي نروح قبل بدء تسجيل المقررات ونعرف اللي علينا نسويه ونشوف اذا في جلسات ارشادية لنا كمستجدات . هل توافقوني الراي .. اتمنى الاقي جوابكم حبابيبي ..

السلام عليكم ورحمة الله وبركاته
كيفكم يا حلوين .. كل عام والجميع بخير وعيدكم مبارك ياااارب
رأيك سديد أختي ابتسامة وأوافقك عليه .. وإن شاالله شركة النقل اللي اتفقت معاها ترد علي قبل اليوم اللي بتحددوه عشان نلتقي في الجامعه بإذن الله ..
والله ييسر للجميع يااارب

[جبرني الشوق]

السلام عيكم ورحمة الله وبركاته ....*
عندي استفسار بسيط والله يسعد اللي يرد علي ،، كم المعدل المتاح لتسجيل في الماجستير ؟؟؟
وشكراااا...

[ابتسامة دمعة]

عزيزتي جبرني الشوق ... يقبلوا الى جيدا جدا .. طبعا هناك اختبار التخصص وعليه نسبة معينه ..
ربي يوفقك ويسهل عليك