هنا تجّمع بنات المحاسبه (حست في القروبات الثانيه) :)

[فراااااشة]

انا سويت حركة السمستر اللي فات و ما انقفل الحذف و الاضافة الا لما قفلت الاودس لاني خليته شغال من الظهر الين الليل و ما راح الحذف و الاضافة

[العمر لحظه]

بنات ممكن تساعدوني
اختياري ..
مبادئ قانون ,, نظام سياسي مع امل عرب ,, تحليل احصائي ,, مشروعات صغيره مع شذى ,,

وحره ماني عارفه ايش اخذ غير فقه عبادات لاني اخذتها وعجبتني بس ماكنت فاهمه كيف ادرسها على اول اختبار وغيره سيره نبويه لانها دايما تقفل بسرعه ,,

ممكن تقولوي على صباح الغامدي ماقد اخذت معاها منزله زكويه وضريبيه ,

وتجاره الاكترونيه مع اقبال صالح ايش وضعها

[lolipop]

المشاركة الأصلية كتبت بواسطة r0r0 سلام لجميع بنات المحاسبه بعد الاطلاع لكل المواضيع قررت اخذ المراجعه 1و محاسبه متوسطه 2 مع صفيه (الله يسهل) لكن عندي استفسار ....انا في المستوى 6 وحابه اضيف ماده اخرى من المستوى السابع لظروفي القاهره فهل اضيف محاسبه زكويه هل هي سهله وخفيفه ولا مادة محاسبه منشات متخصصه؟ رجاء ساعدوني وافيدوني وجزاكم الله خيرا

بما انو حتاخدي مراجعه و هادي الماده غلسه و ثقيله دم
خدي ماده سهله معاها .... زكويه اسهل من منشات

و بالتوفيق

[NoOoSaH]

صباحـكمـ ورد ..

بسأل عن الأستاذه أسماء با هرمز والأستاذة أمل تركستاني بيدرسوا مادة بحوث عمليات مين الأفضل من حيث الشرح والأسلوب ..
وأهم شي الأخلاق

;)

(ابغى الرد ضرووووري وبأسرع وقت من وحدة جربت التعامل معاهم)

[يآحبني لي ~]

--


مرحبا بنات


انا الحين نزلت في جدولي 6 مواد ( مبادئ محاسبة - اقتصاد كلي - اقتصاد جزئي - عربي 2 - ثقافه 2 - مبادئ ادارة ) بس المفروض انزل 7 مواد حسب الخطة ..
بس احس راح يكون الجدول ثقيل :( .. وش رايكم اضيف ماده حرة او كذا الجدول اوكي ؟!


وبالنسبة لتوسيع الشعب .. انا نزلت مادة مع استاذة ماابغاها .. وابغى اغير الشعبة لاستاذة ثانية شعبتها مليانة
عادي يغيروها ليا او راح يقولوا التوسيع للبنات اللي مالهم مكان في كل الشعب ؟؟!





بنات الله يسعدكم ردوا علي بسسرعة

[فرح السنين]

بليز بنات (((علاقات عامه))) هيا من المواد الاختياريه في المحاسبه لانو في الخطه مو موجوده هالماده

ياليت تجاوبوا

[حأقعد عالكاشير]

نووسه

بالنسبة لمادة بحوث عمليات

انا درستها مع امل تركستاني

والله الاستاذه عسل واخلاق وشبابيه ^^

توزيع درجاتها 20 دوري اول
25 دوري ثاني
10 درجات تسوي تكليف عندك ثلاثه خيارات اذا كان عندك شهادة حاسب اخذتيها من زمان وريها هيا وتعطيكي عليها ال10 او تاخذي دوره في الاكسل داخل او خارج الجامعه وتوريها الشهادة وتعطيكي ال10 انا عن نفسي اخذتها في الجامعه ب300 ريال او تسوي تطبيق لواحد من الدروس اللي تاخذوها معاها هيا تحددلكم

و5 درجات واجبات تعطيكم واجب بعد كل درس لمن تقلكم حاخذه تسلميلها هوا وعلى كل واجب درجه وحده

سوتلنا اختبارين مفاجأه في الدرس اللي انأخذ في المحاضره اللي فاتت عشان تشوف فاهمين ولا لأ
ماعليه درجات اجبايه لكن اذا حليتي تعطيكي درجتين رصيد عندها واذا سوت اختبارين يعني عندك 4 درجات ممكن تحتاجيها بعدين
واحيانا اذا كان في لقاءات ومحاضرات في الجامعه تخص الماده تقولكم احضروها واعطيكم عليها درجه

وبالامانه ماتكذب تدينا هيا

المحاضرات ماتدينا هيا للنهاااايه لا يعني ممكن قبل المحاضره بربع تلت ساعه نكون مخلصين
واذا حتغيب ولا تتأخر تبلغ من بدرررري هذا احلى شي فيها

اسئلتها صح وخطأ واختياري ومسائل حل
اغلب الصح والخطأ والاختياري يكون من الجزء النظري اللي في الكتاب وتجيبوا من اسئلة نهاية الفصل اللي موجوده في الكتاب


يعني باختصار انصحك وبقووووووووووه تاخذيها عندها وبس
طبعا الكتاب هوا كتاب اسماء باهرمز وفي كم كتاب ثاني بس ماندرسوا كلو فخلتنا نشتري بس الفصل اللي معانا

الماده معاها ممتعه وحلوه وتبسطلك هيا لانها تديكي المختصر المفيد في ناس يقولوا سريعه بس انا اشوفها راااائعه من كل النواحي

اخذت عندا a+ الحمدلله

انصحك بيها

وبالتوفيق

[*(جونو)*]

السلام عليكم يابنات كيف اضيف المواد الحره
وبكره في دراسه ومحاضرات
لاني ماعرف شي عن الانتظام
كنت انتساب وحولت
ردوا الله يوفقكم

[تورللي]

لا مافي دراسه
تضيفي الماده من عند مشرفتك

[hot cocoa]

انا حددولي المسار محاسبه عام

بس الين دححيييين ماني قادره اضيف مواد من النت , لازم اروح الجامعه يعني ولا استنى

انا رحت يوم الربوع قالولي استني 24ساعه بعدين اضيفي من عندك كل البنات اضافو من النت

بس ماادري ايش اللي ساير

المهم
اروح الاحد او السبت ولا انتظر؟؟؟؟؟