نحن هنا لاي استفسار عن تقنية المختبرات الطبية.

[قصة غروب]

المشاركة الأصلية كتبت بواسطة sara sami حابه اسأل .. دحين انا انقبلت تقنيه مختبرات اوكي .. سمعت انو اول يوم حيخلونا نعبي رغباتنا بالترتيب اكيد حننقبل بالرغبه الاولى، ولا فيها انقبل او لا !؟ اول اسبوع ان شاء الله بتحطي رغبتك اللي تبغيها وبتتسكني فيها ان شاء الله مافيها ايوه او لا 99% ان شاء الله بتنقبلي ف رغبتك. ووكمان سؤالين تانيه .. :) ايش مجالات العمل غير مختبر المستشفى ؟؟ ولو اتخرجت واخدت البكالوريوس ان شاء الله غير المستشفى انك تشتغلي ف مراكز ابحاث او تاخذي المعيديه وتصيري من اعضاء هيئة التدريس ف الجامعه او ف شركات ادويه والشركات الطبيه. ايش تفرعات دا التخصص لو ابغا اكمل ماستر؟! اللحين ف كليتنا فتحوا الماستر وبيبدء من السنه الجايه ان شاء الله والتخصصات المتاحه كمستري وهيماتولوجي ومايكرو اظن. ومرررا شكرا مقدماا :)

اتمني اني اكون افدتك واي استفسار ثاني ان شاء الله اعضاء منتدانا الغالي مابنقصر.
ربي يوفقكم ويكتبلكم الخير يارب

[sara sami]

مرررا شكرا ..

ربي يسعدك ويكتبلك الخير :)

[قصة غروب]

الله يسعدك اختي لاشكر ع واجب.
امين يارب وياك.
بالتوفيق ان شاء الله

[a7la foOofoOo]

up up up

نرفع موضوعنا العزيز للاعلى :p

[قصة غروب]

المشاركة الأصلية كتبت بواسطة a7la fooofooo up up up نرفع موضوعنا العزيز للاعلى :p

خلاص تم تعينك ولية عهد ف المختبرات^_^

[دره جده]

وعليكم السلام ورحمة الله وبركاته.

اختي اللي قبلي الله يسعدها جاوبت وماقصرت.

وهذي نبذه عن المواد حقت سنه ثانيه.
http://www.skaau.com/vb/showthread.php?t=229409

ربي يوفقكم ان شاء الله

.................................................. .......................

قصه غروب .. ممكن تنزل النبذه عن المواد الي نزلته في دا الرابط بطريقه تانيه لأني التحميل الي حملتو مو راضي ينفتح عدل وجزاك الله خير..( يعني طريقه تحميل أخرى )

[قصة غروب]

وعليكم السلااام ورحمة الله وبركاااته.
احم احم احم نحنا هنا شبااااب المختبرااات.
حبااايبنا باللنسبه لدرااسة المختبرااات دراااسه جدا ممتعه وجميله واترككم مع المواد اللي درسنااهاا خلااال السنه.
*الترم الاول*
بايو كمستريbiochemestry(الكيميااء الحيوية)
طبعا هذي ماااده جدا ممتعه ويبغاالها فهم اكثر من الحفظ,طبعا هيا تتكلم عن التفااعلاات داخل جسم الانسان. وبعض الدوراات داخل جسم الانسان زي مثلا دورة كربس. دورة كوريا,ومثلا كيف جسمنا يكتسب الطاقه وبعض الانزيمات اللي تااثر ع التفاعلااات وبعض الادوية اللي تعالج هذي المشااكل وكده يعني.
والشباااب اللي قبلي مااقصروا.
anatomy(تشريح)
طبعا هذي مااده جدا ممتعه احنا بس نااخذ فيها كورس واحد بس ,
وطبيعتها نعرف التراكيب والاشكال الداخليه داخل جسم الانسان يعني مثلا العضله الفلانيه ايش اسمها مثلا في القلب الوريد هذا ايش اسمه وايش يسوي وهكذا.
phesyology(وظائف الاعضاء)
مااده حلوه وممتعه بس نفهمها,وهذي طبيعتها تعرفي مثلا القلب ايش وظيفته وتعرفي كل صغيره وكبيره عن القلب هذا مثال وغير كذا في الجهاز التنفسي وباقي اجهزة الجسم.
Mt Skills(مهااراات المعملية)
طبعا هذي ماااده سهله جدا جدا لكن وااجهتنا صعوبه في توصيل المعلوومه من الدكااتره,لكنها حلووه وسهله.وطبيعة هذي الماده يعني في شوية رياضيات, وبعض الاشياء اللي راح نستخدمها زي مثلا التخفيف, والتركيز والتحويلات والاشيااء اللي زي كذا.
instromentaion(علم الاجهزه):
مااااااااااااده سهله بس تحفظ وشوية فهم عكس الا ام تي تحتااج الفهم اكثر من الحفظ.
طبيعة الماده تتكلم عن الاجهزه,يعني مثلا نشووف الجهااز هذا كيف طريقة شغله والمباادئ حقته ومن ايش يتكون وفي ايش نستخدمه وهكذا.
+الثقافه الاسلامية واللغه العربية.
بصفة عااامه الترم الاول يعتبر ترم موااد عاامه يعني ما فيها تعمق في التخصص.
*الترم الثااااني*
ترم ممتع جدا جدا جدا والصراحه ترم علشان ترفع معدلك,وهوا بيكوون متعمقين في تخصصنا اكثر من الترم الاول.
HEMATOLOGY(امراااض الدم):
يااااااااااقلبي يااا الهيماااتووووو.ان شاااء الله رااح اتخصصها في اخر سنه بااذن الله.
مااده لا تعليق عليها الصرااااحه ممتعه جدا جدا جدا.طبيعتها طبعا من اسمها نعرف انها تتكلم عن الدم والخلااياااا,هذي بشكل عاام نعرف مراحل تكووين خلااياا الدم وقبل كذا ايش الخلاايااا الموجووده في الدم وبعض الامرااض زي الانيميا وهكذا.IMMUNOLOGY(علم المنااعه):
مااده جدا سهله وزااده سهووله البرنس الدكتوور رفعت الفيووومي,طبيعتها احنا نعرف من اسمها انها تتكلم عن المناعه نعرف طبعا ايش الخلايا المسؤله عن المناعه داخل جسمنا وكيف تشتغل وكيف تتطور وتنمو ولو مثلا جسمنا اتعرض لفايروس ايش اللي يشتغل ولو اتعرض لبكتيريا ايش الليش يشتغل وبرضوا الفطريات والاشيااء هذي,لا تخافوا الماده بطبيعتها سهله يعني.
MELOCULAR BIOLOGY(احياااء جزيئة ووراثه):
ماده روعه وسهله وطبيعتها تتكلم عن الجينات والاشيااء الدقيقه هذي وبعض الاختبارات اللي نسويها وفيها الوراثه المندليه واشيااء كثير,بصرااحه هذي ماادة فهم ومتعه مره حماااس الصرااااحه.
HESTOLOGY(علم الانسجه):
مااده سهله بس كثيره مره وفيها معلومات كثيره,طبيعتها تتكلم عن الانسجه اللي جسمنا متكون منها, يعني مثلا الرئتين ايش الخلايا المكونه لها وايش نوعها وايش وظيفتها وكذا يعني.
+الثقاافه واللغه العربية.
عمووما الترم الثااني اسهل من الاول بكثير ومواده حلوه ومواد تخصص يعني اللي يحب التخصص رااح يستمتع فيها كثير.
والدكااتره مره ممتاازين وعلى درجه عالية من التفاهم وااالاخلاااق الصرااحه.
هذا اللي قدرت اوصله لكم واسف اني طولت حسيت اني اتحمست شوي, حباايبنا احنا طلاب وطالبات المختبراات موجوودين في الخدمه 24 سااعه في اليوم وسبعه ايام في الاسبوع و360 يوم في السنه وقبلها ثلاثين يوم في الشهر.....,
تمنااايتي لكم بالتوفيق وبرضوا اللي يبغى المحااضرااات او يبغى اي شئ يعطينا خبر وان شااء الله ماا نقصر معااكم وبرضوا شبااب العلااااج حبااايبنا وشبااب الاشعه الحلوين ماايقصروا.
تمنااايتنا للجميع بالتوفيق.
اخوكم*قصة غروووب

[قصة غروب]

المعذره ع التاخير

وبالتوفيق ان شاء الله

[xx MEMe xx]

السلام عليكم
انا كنت حابة اسال هل السنةالتحضيرية تنحسب من ضمن ال4 سنين لتخصصات العلوم التطبيقة
ويسير باقيلنا 3 سنين او لا مالها دخل ؟؟

[قصة غروب]

ايوه اختي السنه التحضيريه تدخل من ضمن سنوات الدراسه.
سنه تحضيريه+3سنوات دراسه+سنة امتياز.
وبالتوفيق ان شاء الله