الأسئلة والاستفسارات عن كلية طب الأسنان ..

[yaa raab]

الله يبشرك بالخير ، يعني مايكون فيه اختلاطباي شكل اكيد!؟

[Dr~NanoOok]

المشاركة الأصلية كتبت بواسطة yaa raab الله يبشرك بالخير ، يعني مايكون فيه اختلاطباي شكل اكيد!؟

الاختلاط لابد منه بكل مكان
لكن له حدود وضوابط ..

وبما اننا في مركز صحي سواء مستشفى أو عيادات أكيد حيكون هناك بعض الاختلاط

لكن كصورة مباشرة.. والفكرة اللي يتدوالها الناس عن طلبة الطب وحالهم ..
فهي ليست كذلك

ما أنكر اننا نحتاج نتواصل مع أولاد دفعتنا.. بما أن دكاترتنا اللي يدرسونا هم نفسهم والاسئلة موحدة ما بيننا وبينهم

نتواصل معاهم عن طريق منتدى.. او اننا نوصل لهم ملازم واغراض وهكذا

تعاملنا يكون على أساس "زملاء عمل ودراسة" وهذا موجود بكل مكان

[hadeel a]

Dr~NanoOok يعطيها العافيه جاوبتك عن سؤالك ..
ادا أنت حابه طب الاسنان و تبغي تدخلي بس ركزي في دراستيك و حطي في بالك انك تخلصي التحضيري بمعدل عالي يدخلك ده القسم لان انا شفتك كاتبه موضوع تاني في قسم الطب البشري ..
أنا كنت زيك وكنت أبغا اطب اسنان وماكنت اتخيل نفسي ابدا أن ادخلو مو لاني كسلانه ولا شي .. بس لان عارفه أن قسم طب الاسنان بياخد اكتر معدل و و كل اللي حولي يبغو طب اسنان .. و جلست أحاول أقنع نفسي بتخصصات تانيه و جلست أحاول أحبب نفسي في الطب البشري عشان لو ما اتقبلت اسنان .. و في النهايه الحمدلله أنقبلت أسنان و كان في فرق كبير بين نسبتي و أخر نسبه أنقبلت ..
طولت عليكي بالكلام بس أنا بأوصلك أن لو تبغي شي حطي قدامكو وفكري في و بس وداكري كويس بالتحضيري و حاولي أن مداكرتيك تكون باخلاص و فهم و دايما أدعي وتوكلي على الله في كل شي .
يارب يسهلك و ييسرلك و تجي السنه الجيه و تقولي أنك انقبلتي اسنان .

[amiwa]

شكرا د.نانوك عالتوضيح^^
بس طيب في المستشفى خلاص لمن الواحد يتوظف؟ اللي اشوفو انو عادي اختلاط، بس ينفع الواحد يحدد، مثلا اذا وحدة ما تبغا تشتغل الا على حريم عادي؟ ولا ما ينفع؟

اختي كاتبة الموضوع^^ ممكن تقولي لبابتك الكلام اللي قالتو د.نانوك + انك مثلا تفكري تتخصصي بعدين ان شاءالله "أسنان أطفال" عشان لا يقول شي عن الاحتكاك بالرجال وكذة >< ان شاءالله يقتنع ياااااااااارب
والله يكتبلك اللي فيه الخير ؛)

[Dr~NanoOok]

أميرة
حلوة فكرتك لأقناع والدها ^_^ تقوله عن تخصص الأطفال وإن شاء الله يرضى مبدئيا

أعرف أكتر من بنت.. اهلها وعيلتها كلها ما اكنت موافقة على انها تدخل طب عشان الاختلاط والعمل بعدين
لكن سبحان الله اللي غير الأحوال.. وصارت أمها وأبوها أكثر الناس المؤيدين لها.. حتى انهم وقفوا قدام العيلة وبينوا لهم مسانتدهم ليها
خليكِ بالدعاء.. و بالاقناع بالطريقة الصح


بالنسبة لسؤالك

بس طيب في المستشفى خلاص لمن الواحد يتوظف؟ اللي اشوفو انو عادي اختلاط، بس ينفع الواحد يحدد، مثلا اذا وحدة ما تبغا تشتغل الا على حريم عادي؟ ولا ما ينفع؟

سألنا السؤال هذا بين بعض كثير.. بس ما عرفت الاجابة "^^
وفكرنا نعمل عيادة نسائية بالكامل.. وكأنك داخلة صالون تجميل نسائي مثلا

لكن الجواب الأكيد.. ما عندي فكرة عنه

[hadeel a]

في مستشفيات زي مستشفى الملك فهد للقوات المسلحه في جده ((المستشفى العسكري )) ما يدخلو للدكتورات غير الحريم و كدلك الدكاتره ما يدخلله الا رجال و ما يخلطو الا لو متلا ما في دكتوره فيدخلوكي عند دكتور او لمن يكن شي يبغالي أخصائي و لا كده .
Dr~NanoOok عجبتني فكره عياده نسائيه بالكامل لو سارت حتسير شي مميز .

[yaa raab]

الله يعطيكم عافيه قولوا اميين
طيب اخر اسئلتي انا سمعت ان في البشري في سنوات الكلينيك يدرسو مختلط
احنا كمانه بالكلينك ندرس مختلط يعني وكيف حندرس في العيادات ؟

[~RAN~]

المشاركة الأصلية كتبت بواسطة yaa raab الله يعطيكم عافيه قولوا اميين طيب اخر اسئلتي انا سمعت ان في البشري في سنوات الكلينيك يدرسو مختلط احنا كمانه بالكلينك ندرس مختلط يعني وكيف حندرس في العيادات ؟

انا الي فهمته انه طول سنوات دراستنا مافي اختلاط
حتى في العيادات
الاولاد تكون عياداتهم في الدور الاول
والبنات في الدور الثاني
يعني مافي اي اختلاط بالطلاب


لكن في العياده اكيد راح يجيك ذكور واناث تشتغلي عليهم

موفقه يارب ^^

[No0o0oN]

المشاركة الأصلية كتبت بواسطة yaa raab الله يعطيكم عافيه قولوا اميين طيب اخر اسئلتي انا سمعت ان في البشري في سنوات الكلينيك يدرسو مختلط احنا كمانه بالكلينك ندرس مختلط يعني وكيف حندرس في العيادات ؟

لا ياحلوه ..مين اللي قال انه البشري في سنوات الكلينك يدرسوا البنات و الاولاد مختلط ..
لا حتى كل منهم له مواد غير ..
يعني متلا في سنه رابع البنات الترم الاول ياخذوا جراحه عامه و مواد تانيه وكدا ..
اما الاولاد في الترم الاول احصاء طبي وطب أسره مجتمع .. وغيرها
والترم التاني يتبادلوا المواد -يعني مو مع بعض و المواد مختلفه كمان - وكمان في كل السنوات
بس ممكن البنات يدرسوهم دكاتره رجال..

فمستحيل يخلوا الاولاد والبنات يدرسوا مع بعض بقاعه وحده ..
فهمتي ..

ولا تخافي اذا الله كاتب لك انك تدخلي طب بشري او اسنان او اي تخصص ..
رح تدخلي باذن الله ..
ولا تنسي انه لسى وراك سنه تحضيريه ..
موفقه ..

[Dя.βℓυε ₥αя[G]яiττα]

إنتي شدي حيلك وركزي على السنة التحضيرية
وقبل خياراتك للتسكين تقدرين تروحين لأي كلية وتسألي بنفسك عن نظام الدراسه فيها


موفقه