هنا ماحدث اثناء المراجعة- نرجو من الجميع المشاركة

[روح الجنون]

حسب معرفتي أمس

إنتظام السليمانية إداري مفتوح ( بنات )

والله اعلم ايش صار اليوم

بس عدد الطالبات كما لاحظت قليل
وأتمنى الكل يلاقي مُراده

[مروه محمد]

^

الله يطمن بالك ويشرح صدرك
يارب يجي أحد ويأيد كلامك :(

[روح الجنون]

حبيبتي ..

قبول إحدى صديقاتي كان بالأمس

لذلك تسنى لي تأكيد الخبر بأريحية

لكن اليوم
نتمنى نلاقي رد يريح بالكم

لأن موعد صديقة عزيزة علي السبت
وأتمنى تكون إنتظام بالسليمانية

[عَـــهـــد]

أنا اليوم روووحت الجامعه ..
ماكان الاستقبال مرة حلو في وحدة بس كانت تصرخ ههههههههههههه
بس معاها حق لانو في بنات طلعولها قرووون هع

المهم ..
انا موعدي كان من 9 لـ 10 ،، اللي كان مفتوح للعلمي : انتظام في الشرفية بس
والتأهيلي لسة مافتحووه .
انا سألت عنو قولتلها طيب اللي يبى تأهيلي .
قالتلي التأهيلي دا ماندري متى نفتحو بس دا للي نسبهم منخفضة ..
صحبتي كان موعدها من 12 لـ 1 وبرضو سجلت معايا انتظام في الشرفية ..
ان شاء الله يكون مفتوح للسبت ,, لكن ماادري ...

مممممممم قبل مااروح الجامعه في الصبح روحت الشرفية عشان اشوف مكان الكلية اللي يقولو عليها
مرررة قريبة من المقر الرئيسي حوالي الفرق 10 دقايق ..
المبنى اللي شفتو مهو حلو .. لكن يقولو جددوه ..
المهم لمن رحت الجامعه وحدة مسؤولة قالت لا مو اللي في الشرفية هداك خلاص الغوه
حيودوكم اللي في الفيصلية ... رووووحت الفيصلية .. كلمت الوكيلة
قالت لا ماعندنا دراسة للتحضيري هنا .. بس حقون الدفعات اللي راحت اللي خلاص طالعين تانية وتالتة لانو
المبنى مايكفيهم ..

مع انو يابنات مررررة المبنى مرررة حلو ويفتح النفس ..
قالتلي اختبار الانجليزي ممكن يكون هنا وممكن يغيرو مكانو <<< احترنا ..
قالت انتي قبل الاختبار بيوم تعالي اتأكدي << فاضي

بس وليين دحين انا ماادري فين حندرس بالزبط !!!!!!!!!!!!!!!!!!!!

والإختبار فين حيكون الله أعلم ..!


:(

[مروه محمد]

^

بِ النسبه للعلمي تقريباً من يومين قفلوا الإنتظام بِ السليمانيه
لكن للحين الإداري ماجانا خبر أكيد عن إغلاقه :(
ومبروك قبولك فِ الشرفيه انتظام

[jody 66]

التحضيري انتظام سليمانيه مقفل ..:(

لاكن في السسلامه

[رنيم سليمان]

http://www.skaau.com/vb/showthread.php?t=230553&page=7


كتب الله لكم خير الأمور ~

[زهرة للوتس]

كان اقلق يوم في حياتي بس الحمد الله مر على خير وانقبلت وهذا من فضل ربي واتمنى لكن يا اخواتي التوفيق والقبول والنجاح ليس في الدنيا فقط بل في اخرة بها جنة لا تزول

[PinKyah]

^^ مبرووووك يآآرب

عقبالنآ القبول يااااارب

[الورد الصافي]

مبرووووووووووووووك يا بنات وعقبال إن شاء الله التخصص بس وين الشباب وليش ما يطمنونا على اخبارهم وادا ممكن اللي تعرف منكم على كم وصل المسار العلمي انتظام للاولاد ويعطيكم العافيه