للمتضررين من مواد (طلعت سندي) للأهمية جمع البيانات هنا

[90909]

المشاركة الأصلية كتبت بواسطة nephrology السلام عليكم ، إستكمالاً لما وعدتكم فيه ، لقد ذهبت للجامعة الساعة السادسة والنصف صباحاً لأنني عجزت أنام البارحة بالشقة ، ودخلت الجامعة الساعة السابعة واتجهت لعمادة القبول والتسجيل وانتظرتهم حتى جاء الموظفين ، وبدأت بوحدة التوثيق والمعلومات الدور الثاني (فيها موظفين قمة في التعامل) وسألتهم عن التعديل وقالوا لم يصلنا شيء وبحثوا ولم يجدوا شيء ، ثم ذهبت لوحدة البحوث و(اسم المكتب غريب) الدور الأول وهو الموظف المسئول عن تسجيل الدرجات يدوياً وكان في غاية التواضع والاحترام وبحث عنده ولم يجد شيء ، وقالي روح للإتصالات الإدارية وايضاً الاتصالات الإدارية لم يجدوا شيء وعندما ضايقتهم بالكلام وقلت لهم : خلاص المعاملة ضاعت ؟ قالي روح للإستعلامات أو اعطني رقم المعاملة ، ذهبت للإستعلامات بالدور الأرضي وعلى طول قال عطني رقمها ، قلت له مامعي رقم ولكن معاملة تخص مجموعة من الطلاب واعطيته تفاصيل الموضوع ،، وقالي روح لكلية الاقتصاد والادارة وأحضر رقم الصادر من عندهم ، وحاولت فيه قالي ماوصلت ،،بعدها إتصلت بالجوال على الدكتور/ توفيق الخيال -وكيل كلية الاقتصاد والادارة- وقلت له يادكتور :عمادة القبول والتسجيل يقولون ماوصلهم شيء !! استغرب الدكتور وقال أنا مرسلها بنفسي وأنا الآن خارج الجامعة ، إتصل على أحمد ابالخير سكرتير المكتب ويعطيك رقمها ،، طبعاً كل المكاتب بالقبول والتسجيل يتحججون مايعرفون رقم تلفون مكتب الوكيل وووالخ ،، رحت للكلية أمشي بالشمس وحر (وأخوكم بالله دب) طبعاً مااقدر أروح بالسيارة (سيارة تأجير من المطار)لأنها في موقف وبسبب الزحمة لن اجد موقف إذا رجعت المهم عندما وصلت كلية الاقتصاد والادارة اتجهت مباشرة لمكتب الوكيل وكان السكرتير غير موجود وفيه شخص ثاني ، وقال مانعرف عن المعاملة شيء مع انه حاول مساعدتي ولكن بدون جدوى !!! قلت له وش الكلام ؟؟ اتصل على احمد بالخير وإسأله ، واتصل عليه وسأله بدون نتيجه ورحت للإتصالات الادارية بالكلية وايضاً مايعرفون ، قالوا روح لقسم الادارة العامة ، رحت لهم وافادوني أن الموضوع خرج من عندهم بــcd بدون رقم رجعت لمكتب الوكيل ولم يحضر حتى الآن ولا السكرتير أحمد الآن فهمت أن المعاملة فقدت وذهب تعبنا سدى >>> فبدأت شياطين السعودية ترقص قدامي رجعت إلى عمادة القبول والتسجيل واليأس يرافقني كالظل ، ومن يشاهدني يعتقد أنني تروشت بملابسي ، وجلست بالممر بالدور الثاني بالقبول والتسجيل أمشي واكلم نفسي من القهر وافرك ايديني ، واجهني واحد (كأنه نازل من السماء) قال وش صار عليك لأني سألته الصبح عن الموضوع ، قال تعال معاي وجلسني على كرسي >>> رحمني شكلي مسكين مفقود من أهله قال إصبر اشوي وارجع لك ،، ورجع الساعة 11 الصباح ومعه ورقة صورة المعاملة وجدها في مكتب الاتصالات الادارية مهجوره ، وعلى طول وابوسه وادعي له واقسم بالله أنني ادعي له وأنا بالطائرة وهو لايعرفني ولا اعرفه ، وقالي رح الآن لمكتب التسجيل اليدوي الدور الاول ،، ورحت اركض مثل الغزال الهارب من أسد ،، ودخلت المكتب وكان في غاية الاحترام وقبل اتكلم ، قال استريح وقالي هذة المعاملة دوبها وصلت (كانت مجموعتين : التقييم والمشروعات)وقلت له تأكد من إسمي ؟ وبعد ماتأكدت قلت له ابشوفها متعدله قبل أطلع ، وكان محترم وقالي استريح وبعد ماانتهى قالي : على البركة وجالس يعدل لبقية الطلاب ، وخرجت وكملت شغلي بالجامعة وإعادة طباعة الوثيقة ووو الخ وانتهيت في تمام الساعة الواحدة و20 دقيقة بالضبط بعدما سمعت أصوات غريبة ، فأكتشفت أنها أصوات بطني تغرد من الجوع وآسف على الإطالة ،،،، ومبروك للجميع وشكراً لكل من وقف معي بعمادة القبول والتسجيل في هذا اليوم الذي فقدت فيه عدد هائل من الكيلوات والسعرات الحرارية * هناك نقاط لم اتطرق لها لأنها تسيء لي قبل أن تسيء لبعض منسوبي الجامعة الله يسامحهم،، والمؤخذة من عمادة القبول والتسجيل لأن كلية الاقتصاد والادارة قامت بدورها وارسلتها مباشره ولكنها تاهت في دهاليز العمادة ولا تنسونا من عائكم

الله يجزاك الخير ولا يحرمك الاجر


لاكن المعدل تعدل عندك ولا لسى على القديم؟؟؟

[Nephrology]

المشاركة الأصلية كتبت بواسطة 90909 الله يجزاك الخير ولا يحرمك الاجر لاكن المعدل تعدل عندك ولا لسى على القديم؟؟؟

أكيد تعدل ، لأني كنت عندهم وتأكدت من ذلك علشان إستلام الوثيقة

[سرفآنتس]

المشاركة الأصلية كتبت بواسطة nephrology أكيد تعدل ، لأني كنت عندهم وتأكدت من ذلك علشان إستلام الوثيقة

ألف ألف ألف مبرووووكٍـ .. ربي يسعدك ويوفقك ولآ يضيع لك تعب

[ع ـبدالعزيز]

المشاركة الأصلية كتبت بواسطة nephrology وخرجت وكملت شغلي بالجامعة وإعادة طباعة الوثيقة ووو الخ

انا استلمت الوثيقة اليوم وللأسف لما رجعت الرياض عرفت انها تعدلت الدرجات
هل تستغرق وقت إعادة طباعة الوثيقة ؟؟ ولا في نفس اليوم تقدر تضبطها ؟؟

ونسيت اقولك مبروك التخرج الله يسعدك وبيض الله وجهك .....وعقبال الشباب الباقين ...

[Nephrology]

المشاركة الأصلية كتبت بواسطة ع ـبدالعزيز انا استلمت الوثيقة اليوم وللأسف لما رجعت الرياض عرفت انها تعدلت الدرجات هل تستغرق وقت إعادة طباعة الوثيقة ؟؟ ولا في نفس اليوم تقدر تضبطها ؟؟ ونسيت اقولك مبروك التخرج الله يسعدك وبيض الله وجهك .....وعقبال الشباب الباقين ...

مبروك التخرج ،، تعديل الوثيقة يستغرق بالكثير 3 دقائق ، طبعاً تجيب لهم الوثيقة والسجل الاكاديمي اللي معك وتروح لنفس الذي أعطاك الوثيقة ،، وراح يدق الحاسب ويتأكد ويقولك خلاص تعال بكرا ،، لكن قل له : أنا مربوط بحجز طيران وما معي وقت ومن الكلام الطيب ،، راح يضغط زر بالجهاز ويطبع الوثيقة من جديد بالمعدل الجديد ويأخذ القديمة ويعطيك الجديدة وتروح للمكتب اللي جنبه وكيل العمادة د/ المشايخي ويوقعها لك وخلاص ،،، ورح للإستقبال و اكمل طباعة السجل الاكاديمي وووالخ
أنا صار معي نفس الشيء ، وقبل الطباعة قلت له لو تكرمت أكتب اسمي بالانجليزي ، قال معك صورة الجواز ، قلت لا ،، معي السبلنق ،،، قال : ماني فاضي !!! قلت له مو مشكله عطني الوثيقة وشكراً

[khalid_999]

زميلي كلمهم قبل شوي ويقولون ان شاء الله على نهاية الاسبوع راح تتعدل . ننتظر ونشوف وش اخرتها

[( أبو عبدالله )]

تم التعديل في الأودس
وللأسف بالنسبة لي لم يكن بالتعديل المأمول
من 73 الى 85
ولاكن الحمدلله على كل حال
إدارة المشروعات العامة بالنسبة لي صفحه وأنطوت

[محمد112233]

تم التعديل الابدويسسسسسسسسسسسسسسس

ادارة المشروعات العامه

بااااقي تقيييييم البرامج الحكوميه

[ابوسجى11]

تم تعديل تقييم البرامج الحكوميه ولاكن ليست الدرجه المأموله من 60 الى70
الحمدلله على كل حال

[Rasheed104499]

اللهم لك الحمد والشكر
تعدلت درجة تقييم البرامج من 60 إلى 75 كل الشكر لجميع الأخوان وأخص بالشكر صاحب الموضوع الأخ خجلانكو