تجارب و خبرة الطالبات مع أعضاء هيئة التدريس (ضبطي جدولك معانا و ارتاحي )

[شموع32]

اهلين حياة

لا تشيلي هم ولا حاجه (قل لن يصيبنا الا ماكتبه الله لنا)

انا في البدايه غلطتي اني ماتخصصت على طوول مع انه كان معدلي عالي كان يمديني ادخل ادارة اعمال ( كان مطلبي ) بس قعدت سنه وبعدها طلبت تخصص ودخلوني اقتصاد في البدايه تضايقت وبعدها لمن جلست اسال عن القسم ارتحت

على طووول روحي الشؤؤن التعليميه واطلبي تخصص من بداية الترم

وربي يسهلك امورك ولاتشيلي هم حاجه ياقمر
وعلى فكره كلية ادارة واقتصاد بكل اقسامها مطلوبه في سوق العمل يعني ان شاءالله ماراح تخسري بتحويلك للكليه

واذا تبغي تسالي عن اي شي انا في الخدمه

[حيـاة الروح]

مشكووره شموووع ريحتييني فدييتك :)

وان شاء الله من اول يووم ابسنتـر لهم بالجامعه هههههه

والله يسهلها ياارب ..

بس متى يبدأ دووامهم .؟

من 11/10 ؟؟؟ والا قبل.؟

[رهف]

تحليل كمي عند نرمين المصريه مشي حالك بس

انا اخذت عندها ربع المنهج وحذفت الماده عشان تعادلت لي مع رياضيات
بس صراحه ماش شرحها مره

بس مقابل كذا احسها تعطي درجات والله اعلم

[ميرال]

صباح الخير
بليز يا جماعة محتاجة مساعدة
انا نزل جدولي ودول الاساتذة الي لقيتهم
فايش رايك فيهم واذا عندكم اي تعليق قولولي الله يخليكم

مبادى محاسبة : جوهرة حسن القحطاني
قانون تجاري : سوزان علي حسن
مبادى ادارة : فتحية حسن عبدالفتاح
ثقافة 2 : تهاني رجب


اقتصاد جزئي 101
تحليل كمي 2
مين تنصحوني

[ظل الياسمين]

المشاركة الأصلية كتبت بواسطة ميرال صباح الخير بليز يا جماعة محتاجة مساعدة انا نزل جدولي ودول الاساتذة الي لقيتهم فايش رايك فيهم واذا عندكم اي تعليق قولولي الله يخليكم مبادى محاسبة : جوهرة حسن القحطاني قانون تجاري : سوزان علي حسن مبادى ادارة : فتحية حسن عبدالفتاح ثقافة 2 : تهاني رجب اقتصاد جزئي 101 تحليل كمي 2 مين تنصحوني

مبادئ محاسبة ==> الجوهرة سمعت انها مرة زينة بس لو لقيتي مها المرزوقي أو ريم صقر يكون أفضل درست معاهم وكانوا خطيرين

قانون تجاري ==> سوزان رائعة ,, خليكي معاها ولا تروحي مع أمل

مبادئ ادارة ==> ما اعرفها فتحية بس أكيد رح تكون أحسن من حياة صوفي

ثقافة ==> تهاني رجب مرة يمدحونها خليكي معاها لا تغيري

اقتصاد جزئي ==> كوثر شغراب راااائعة لا تفوتك

تحليل كمي 2 ==> فيفيان إذا موجودة ,, اذا كنتي مع سلوى صابر اهربي على طووول وانفذي بجلدك

[ظل الياسمين]

رهوفة بالنسبة لمحاضرات سوزان أنا ما كنت أكتب معها لأني ما كنت مصدقة إن نفس الكلام يجي
وندمت ندم الله لا يوريكي ,, حتى تأشيري كان الله أعلم فيه
بس الحمد لله جبت درجة زيييييينة

انتي لا تغلطين غلطتي واكتبي معها
وتراها رح تقولكم لا تكتبون ,, انتو لا تعطوها وجه واكتبوا << ونعم النصائح

[رهف]

اهااااااااااا

الله يعين

كنت اتمنى اي شي يجيني على الجاهز

فديتك تسلمين ما قصرتي على النصايح بدعيلك من قلبي والله

[عـــســـل]

اقتصاد جزئي روحي مع عفاف عايد مره خطيييييييييييييره انا اخدت معاها

تعطيكم أسئلة الاختبار الدوري


اذا كتبتي معاها كل كلمه تقولها مايحتاج للكتاب حتى لو هيا قالت جيبو الكتآب

[عـــســـل]

ابغى وحده درست تجاره الكترونيه مع اقبال الصالح تقولي كيف شرحها الله يخليكم طمنوني مره شايله هم :(


لأن اصلا مقفله الشعب مااقدر احول مع فهد :(

[خلود المشاعر]

المشاركة الأصلية كتبت بواسطة عـــســـل ابغى وحده درست تجاره الكترونيه مع اقبال الصالح تقولي كيف شرحها الله يخليكم طمنوني مره شايله هم :( لأن اصلا مقفله الشعب مااقدر احول مع فهد :(

انا يا عسوله درستها مع د. اقبال الصالح

الماده مع الدكتوره كان فيها شوية أكشن .. دورة فرونت بيج .. تصميم موقع تجاري ع النت .. والنظري فيها مو صعب .. واعطتنا مقالة بالانجليزي عليها اسئلة ... واعطتنا كتيب فيلو شركات كتيره نختار منها وحده ونسوي عليها دراسة حالة

أكيد انفجعتي اكتر بعد ما قريتي كلامي وشفتي عفش المادة

بس والله اقولها لك وانا اختك وابا مصلحتكِ .. د. اقبال من اروع الدكاترة اللي استمتعت معاها بس انتي اللي عليك انك تنتبهي معاها وتحافظي على حضورك بدري

فهد العيتاني بصراحه محد من زميلاتي اخدت معاه ..

موفقه خيتو وصدقيني حتستمتعي في المادة وتتوفقي فيها وفي كل المواد يارب