استفسار عن شروط قبول ماستر حاسب؟ واختبار القسم؟

[طالب المزيد]

هل هذه البيانات صحيحة ؟؟ في حسابي الجامعي ؟؟ المرفقات

يعني كيف

الفصل : 3
السنة الدراسية : 9

أحد عنده نفس بياناتي !!

[اللمار]

المشاركة الأصلية كتبت بواسطة طالب المزيد هل هذه البيانات صحيحة ؟؟ في حسابي الجامعي ؟؟ المرفقات يعني كيف الفصل : 3 السنة الدراسية : 9 أحد عنده نفس بياناتي !!

طالب المزيد

أتوقع أن
3 = الفصل الصيفي
09 = السنة الدراسية 2009

هل سجلت فصل صيفي؟؟

[w-gh]

السلام عليكمـ ..

وكل عام وانتم بخير .. بمناسبة قرب حلول شهر رمضان المباركـ

اخ طالب المزيد .. لا بياناتي تختلف عن بياناتك

السنة : ١٠ ... الفصل : ١

[اللمار]

وبالمناسبة هل الجميع انتهى من اجراءات موافقة جهة العمل؟؟

أو فيه أحد مثلي ما حصل على الموافقة حتى الآن؟؟

وهل فيه أحد استلموا أوراقه قبل مايعطيهم موافقة جهة العمل؟

وهل يمكن أن احصل على رقم جامعي فبل ما أسلمهم موافقة جهة العمل؟

وإذا كان التأجيل الكتروني وأنا ما عندي رقم جامعي طيب كيف أأجل الفصل؟؟؟

وحسب المكتوب في افادة القبول أنه القبول سيعتبر لاغيا بنهاية الفصل الدراسي الأول؟ طيب هل يمكنني البدء في الدراسة الفصل الأول حتى تنتهي اجراءات موافقة جهة العمل؟ طيب لماذا إذن لم يستلموا مننا الأوراق؟

[طالب المزيد]

لا ما سجلت ترم صيفي .. غريبة لازم اراجعهم

أنا الحمد لله انتهيت من جهة العمل .. واستخرجت البطاقة

وأعتقد إنه إذا تأخرت المواقفة .. في خيار إني أكتب تعهد علي نفسي بجلب المواقفة

أنا أمام شخص كتب تعهد علي نفسه بخصوص هذا الموضوع

بصراحة اللي يفيدك أكثر عمادة الدراسات العليا

والله يوفقك الجميع

[اللمار]

المشاركة الأصلية كتبت بواسطة طالب المزيد وأعتقد إنه إذا تأخرت المواقفة .. في خيار إني أكتب تعهد علي نفسي بجلب المواقفة أنا أمام شخص كتب تعهد علي نفسه بخصوص هذا الموضوع

اول مره اسمع أنه ممكن نكتب تعهد؟؟
أعتقد هذا الشئ فقط عند قسم الطلاب. لأنهم دائما يتفهمون الوضع.

أما عمادة الدراسات العليا عند الطالبات
لايوجد لديهم تفاهم . كل ما تكلمهم يقولوا أعملي تأجيل؟ بكل بساطة
ويرفضوا استلام الأوراق.

ياليت بقية اللي مشاركين يردوا على أستفساراتي رجاءاً.
أريد أن أجد حل لأنه اجراءات الحصول على موافقة جهة العمل بالنسبة لي ستطول ؟

[w-gh]

اللمار

ماتقدري تاتي بموافقه من مديرك المباشر .. خطاب عادي يوضح فيه بان الجهة موافقه على اكمالك للماجستير
وختم وتوقيع وبس !!
وبعدين تجيبيلهم الموافقه النهائية

وبعدين يوم استلمت بطاقتي الجامعية كان فيه ورقه توقعين عليها فيه جمبها اسماء بنات استلموا منهم اوراقهم واعطوهم بطاقات جامعية بس مكتوب جمب اسمائهم ( باقي موافقة جهة العمل )

وفيه ورقة يعطوك هي اول مايستلموا منك اوراقك ويكتبوا لك فيها باقي موافقة جهة العمل .. مثلا تعهد انك تجيبين الموافقه

انا صار لي كذا .. جبت لهم موافقة مبدئيه وقالوا لا لازم جهة العمل تكتب كم عدد السنوات اللي مسموح لك التفرغ فيها وقلت لهم اجيبها لكم .. فاستلموا مني اوراقي ووقعت على ورقه اني اجيب الموافقه ويوم جيت استلم بطاقتي الجامعه اعطيتهم الموافقه واستلمت البطاقه

الله يسهل لك يارب

[اللمار]

المشاركة الأصلية كتبت بواسطة w-gh اللمار ماتقدري تاتي بموافقه من مديرك المباشر .. خطاب عادي يوضح فيه بان الجهة موافقه على اكمالك للماجستير وختم وتوقيع وبس !! وبعدين تجيبيلهم الموافقه النهائية وبعدين يوم استلمت بطاقتي الجامعية كان فيه ورقه توقعين عليها فيه جمبها اسماء بنات استلموا منهم اوراقهم واعطوهم بطاقات جامعية بس مكتوب جمب اسمائهم ( باقي موافقة جهة العمل ) وفيه ورقة يعطوك هي اول مايستلموا منك اوراقك ويكتبوا لك فيها باقي موافقة جهة العمل .. مثلا تعهد انك تجيبين الموافقه انا صار لي كذا .. جبت لهم موافقة مبدئيه وقالوا لا لازم جهة العمل تكتب كم عدد السنوات اللي مسموح لك التفرغ فيها وقلت لهم اجيبها لكم .. فاستلموا مني اوراقي ووقعت على ورقه اني اجيب الموافقه ويوم جيت استلم بطاقتي الجامعه اعطيتهم الموافقه واستلمت البطاقه الله يسهل لك يارب

بس أنا أول مارحت أسلم الأوراق رفضت الموظفة ورجعتنا وقالت ما معك موافقة جهة العمل مانستلم منك أوراقك

أما موافقة مبدئية والله ما أعتقد أنه جهتي ممكن تعطي.
لكن إن شاء الله راح أحاول معهم.

بروح أراجع الدراسات العليا يوم الأحد يمكن ألاقي حل ويستلموا الأوراق.

شاكرة لك والله ينور عليك

بس ما عندك فكرة إذا ممكن أوقع تعهد بدون ماأجيب موافقة مبدئية؟؟؟

[طالب المزيد]

المشاركة الأصلية كتبت بواسطة اللمار بس ما عندك فكرة إذا ممكن أوقع تعهد بدون ماأجيب موافقة مبدئية؟؟؟

شفي يا اللمار سوى الآن زي ما أقلك .. وربنا راح يسهلها

روح لقسم الدراسات العليا للخاص بالبنات

وقولي لهم الوضع وإن موافقتي راح تتأخر (طبعا إذا قالوا لاءه .. ولازم .. وما يصير)

قولي لهم بنفس اللهجة هذه :

بصرامة وشدة (طيب إذا ما تقدروا تخدموني بخصوص هذا الموضوع أبغى اكلم اللي بيده البت في المواضيع اللي مثل هذه علي سبيل المثال أ.فيصل البلادي اتصلوا به الآن وأخبروني عن وضعي

يعني مستحيل أتأخر عن التقديم بخصوص هذا الموضوع في حل لازم .. أكتب تعهد .. أقدم أوراقي وأجيب الموافقة بعدين .. مستحيل لازم في حل .

راح يقولوا لاءه .. ونظام وخرابيط .. أنت قولي يا جماعة الخير ما يصير الكلام هذا ابغاكم تشوفوا ليه حل .. ما يصير إللي يصير)

طبعا هم لما يشوفوكي جاده .. راح يرتبكوا .. وخاصة لما تجيبي طاري موضوع عميد الجامعة

بس أنت قولي لهم يا أخوات حلوا موضوعي الآن لا تخلوا الموضوع يطلع من حدود هذه الغرفة ويوصل للمسوؤلين إللي فوق

أنا متأكد مليون في الميه إن في وحده منهم راح ترفع سماعة التلفون وتقولوا : يا أستاذ فيصل في وحده عندنا ...... الخ وراح يقولوا الأستاذ فيصل .. خلوها تكتب تعهد علي نفسها

والله يعين .. والله في ناس ما تجي إلا بهذا الاسلوب .. وآسف للإطالة

شي يقهر والله (تفاعلت مع الموضوع وحسيت إني أنا اللي في المشهد اللي فوق)

[اللمار]

المشاركة الأصلية كتبت بواسطة طالب المزيد والله يعين .. والله في ناس ما تجي إلا بهذا الاسلوب .. وآسف للإطالة شي يقهر والله (تفاعلت مع الموضوع وحسيت إني أنا اللي في المشهد اللي فوق)

والله معاك حق شئ يقهر.
لأن أحس النظام يتغير حسب الموظفة اللي واقفة. وهذا اللي رافع ضغطي.
والمشكلة أن المعاملة في جهة عملي تمشي ببطئ لأن بعض الموظفين اللي في يدهم القرار في إجازات.
إن شاء الله بروح غدا إذا ربي أراد وفعلا مالي الا هذه الطريقة.
أشكر تفاعلك .. وجزاك الله خير