تــجــمع طـالبات الــدراسـات الأســلامية ..

[بسمة جوري]

طيب ياسيمو ربنا يسعدك يااااااارب

ممكن تفهميني بالتفصيل شو سويتي
الحين اول شيء اروح للشؤن اخذ اخلاء طرف طيب الشئون الي بكليتنا صح اسمها شؤن الدراسات
بعدين اروح للعمادة هذي بالكلية ولا برة

[نانا99]

هااااااااااااااااي سيمو
بسألك سؤال ذ( اعطوك هديه لما اخذتي الشهاده)
ومين الأولى ومين الأولى مكرر
ولبستي فستان منفشوووووووش مع شنطه
ههههههههههههههههههههههه
عم بمزح

المهم ( المعدل زي ماهو ولا زي ماقالوا الغوا حق اولى الكليه)

[*{سيموو]

المشاركة الأصلية كتبت بواسطة بسمة جوري طيب ياسيمو ربنا يسعدك يااااااارب ممكن تفهميني بالتفصيل شو سويتي الحين اول شيء اروح للشؤن اخذ اخلاء طرف طيب الشئون الي بكليتنا صح اسمها شؤن الدراسات بعدين اروح للعمادة هذي بالكلية ولا برة

ااااااامين يارب ويأأأك قلبونتي

المهم . . . اول شي لاااازم تجيبين معك نظارة شمسية ومظله لانو الشمس تذووووب . . . الله يعينكم

انا وربي صدع راسي من الشمس . . .

تروحين الشؤن مو مكتوب عليه دراسات او غيرة واذا ماعرفتي توصلينه روحي لآمنه باشراحيل . . . وتقولين لها ابغى إخلاء طرف ,, تديكي هيه مختمة بس ناقصها ختمين انتي تروحين تختمينهم من عند الوكيلة د. فاطمة ومن عند أمينة المكتبة .

وتروحين لمبنى العمادى على رجولك لانهم مايدخلون من البوابة حقتهم إلا المظفات

ومبنى العمادة وراااااااا مباني العلمي وراااااا الحضانة . . .

بعد ما ياخذون اخلاء الطرف والبطاقة وتشوفين اوراقك كااامله يوقعونك انك استلمتي اوراقك كاملة . . .

بعدين ترجعين عند هيفاء تصورين الوثيقة كذا نسخه ( العدد اللي تبين ) وشهادة حسن سيرة وسلوك وترجعين للعمادة تختمينها طبق الأصل . . . لانو لمن تقدمين على وظيفة ماتدينهم الأصل أببببببدا. . .

اما كشف الدرجات ( سااالفته سالفه , , , بما انو حنتخرج فقالو خلونا نستفيد من وراهم لو بعشرين . . . لمن تروحين العمادة تختمين الوثيقة تسألك كم تبغين صورة للكشف . . . تقولين لها مثلا 4
تقوم تكتبلك سند بـ 40 ريال تروحين تسددينه ببنك سانبا وترجعين معك الوصل انك سددتي وساعتها يدونك صور لكشف الدرجات ) فكل صورة للكشف بـ 10 . . . سواء طلبتي واحد او 10 ,, ياخذون على كل صورة 10 ريال

وبس

الله ييسرلك , , , بس اهم شي الشمس الشمس الشمس . . جيبي معك مظظظله

[*{سيموو]

المشاركة الأصلية كتبت بواسطة نانا99 هااااااااااااااااي سيمو بسألك سؤال ذ( اعطوك هديه لما اخذتي الشهاده) ومين الأولى ومين الأولى مكرر ولبستي فستان منفشوووووووش مع شنطه ههههههههههههههههههههههه عم بمزح المهم ( المعدل زي ماهو ولا زي ماقالوا الغوا حق اولى الكليه)

هههههههههههههههههههههههههه ابشششرك ادوني احلا هديه . . . صداع وشمس تذووب ورجيم اجباري. . . صراحه ماقصصصرو أأأبدا

لا تبكيني ولا تذكريني . . . اول ما ادوني الوثيقه افتتحها بسسرعه ابغى اشوف المعدل . . . والاقيهم ماغيروه . . . يعني ماشالو سنه اولى

وربي اننننقهرت وماسألت ليه لان بجد بجد كنت تعباااانه. . .

مشكلتي انهم حمممسوني واخر مره استاذة تضرب صدرها وتقول محذوووفه . . . ليش طيب يدوني امل . . . حسبي الله بس

المهم الله يعينك يا اخية . .. رجيم سعيد ^ــــــــ^

[تاج الووقار]

تسلمي ياسيمووو جد ناس متخلفه لااخر قطره ياخذوون من عندنا فلوووس من جد غش عيني عينك اهم شي ناخذها وارتاح منهم وينكم يابنات ماتدرررون وش صار لصاحبتك والمفاجا الي حصلت له مالت عليكم كل واحده في ديره

[موجة تفاؤل]

يلا الحمد لله أخذتيها سيموو
وافتكيتي ( مبرووووووك عليك :) )

بنوتات اللي بتروح تستلم الوثيقه تسألنا متى آخر يوم ضرووري

[عالمي حزن]

الف الف مبرووك سيمووو عالوثيقه ارتحتي بجد
الله يكون بعونا
طيب ياقلبوو استحمليني بتعبك بأسألتي شووي
1-قصدك الشؤن اللي داايما واحنا مرتزين عندهم اللي جنب تصوير هيفاء سابقا؟؟ اللي فيها صالحه الشريف؟؟
2- العماده هذي اللي وراا الحضانه وينها فيه بالضبط اول مره اسمع فيها واول مره اعرف ان عندنا حضانه وايش مكتوب فيها لوحه او بدون اخاف اضيع ؟ وبعدين مايمدي اروح بالسياره من برا ؟؟
3-ومين اللي اوقعها منهم فاطمه ايش؟وامنه ايش؟؟ << القابهم.. ووين احصلهم؟
4-وبالنسبه للوثيقه وش اصور الوثيقه ولاحسن السيره؟ ولاالكشف؟؟ وش اصور منهم بالضبط؟ ووش اللي اختمه منهم الوثيقه بس ولاكلهم ياليت تشرحيلي هالنقطه مافهمتها مرره؟ يعني استغربت تقول كم تبغي صوره للكشف؟ وش قصدها بالكشف؟
5- اروح بنك ساممبا اللي بالكليه؟؟ ولا لازم اخررج براا اسدده وارجعلهم؟؟ الله يااخذهم وش هالمرمره كلها..
ومعليش ياقلبي تعبتك بالاسئله بس ودي اروح وانا فاهمه كل شي

[*{سيموو]

الف الف مبرووك سيمووو عالوثيقه ارتحتي بجد الله يكون بعونا طيب ياقلبوو استحمليني بتعبك بأسألتي شووي

الله يبارك فيك يارب . . . ويلا هانت كلها كم مشوار ونباركلك ان شاء الله

1-قصدك الشؤن اللي داايما واحنا مرتزين عندهم اللي جنب تصوير هيفاء سابقا؟؟ اللي فيها صالحه الشريف؟؟

لا قلبو مو ذا . . . تعرفين القاعات اللي كنا ندرس فيها حاسب . . . هناك سيبين واحد فيه الدراسات العليا وكم مكتب والسيب الثاني في الشؤن ومكتب آمنه باشراحيل . . . تروحين يا مكتب الشؤن يا عند آمنه واذا ماعرفتي توصلين لهم ادخلي اي مكتب وقولي ابغى اخلاء طرف وهما حيقولون لك اي مكتب . . .

2- العماده هذي اللي وراا الحضانه وينها فيه بالضبط اول مره اسمع فيها واول مره اعرف ان عندنا حضانه وايش مكتوب فيها لوحه او بدون اخاف اضيع ؟ وبعدين مايمدي اروح بالسياره من برا ؟؟

مكتب العمادة اخر مبنى ورا مباني العلمي . . . انتي روحي مباني العلمي واطلعي من البوابة الثانية تلاقين مبنى الحضانه . . . مكتوب عليه . . . كمان امشيييييي تلاقين مبنى العمادة . . . هيه لها بوابة خاصة بس ممنوع الطالبات يدخلون منها بس الموظفات

3-ومين اللي اوقعها منهم فاطمه ايش؟وامنه ايش؟؟ << القابهم.. ووين احصلهم؟

د. فاطمة . . . انتي بس قولي ابغى الوكيلة د. فاطمة. . ومكتبها جنب مكتب العميدة
وأمينة المكتبه هما الموظفات اللي تستعيرين من عندها الكتب . . . مو محددين اسم معين . . . روحي لاي وحده فيهم تختملك

4-وبالنسبه للوثيقه وش اصور الوثيقه ولاحسن السيره؟ ولاالكشف؟؟ وش اصور منهم بالضبط؟ ووش اللي اختمه منهم الوثيقه بس ولاكلهم ياليت تشرحيلي هالنقطه مافهمتها مرره؟ يعني استغربت تقول كم تبغي صوره للكشف؟ وش قصدها بالكشف؟

بعد ما تستلمين ملفك . . . حيكون فيه الوثيقة وشهادة حسن سيرة وسلوك وكشف الدراجات . . . وفيه حقت الثنوي
المهم بعد ما تاخذينهم تروحين لهيفاء تصورين الوثيقة وحسن السيرة والسلوك . . . العدد اللي تبين بس الافضل ما تقل عن 4 . . . بعدين ترجعين للعمادة يختمون لك هيه طبق الاصل . . .
اما كشف الدرجات غير . . . هيه حتسألك كم تبغين صورة لكشف الدرجات . . . بتقولين مثلا 4 . . . تقوم تكتبلك سند بـ 40 ريال تسددينه ببنك سانبا من برا الكلية اي فرع وحيدونك وصل بأنك سددتي خلاص . . . فترجعين للعمادة وتدينهم الوصل ويدونك 4 كشوفات للدرجات . . . . هالحركة مسوينها عشان يترزقون الله من ورانا حسبي الله . . . عموما على كل نسخة من كشف الدرجات 10 ريال . . . وانتي اللي تحددين كم كشف تبين

تبغي صوره للكشف؟ وش قصدها بالكشف؟ 5- اروح بنك ساممبا اللي بالكليه؟؟ ولا لازم اخررج براا اسدده وارجعلهم؟؟

لا قلبو ماعندنا فرع للبنك . . . احنا عندنا بس صرافة . . . فلازم تروحين اي فرع برا الكلية وتسددين

ومعليش ياقلبي تعبتك بالاسئله بس ودي اروح وانا فاهمه كل شي

لا عادي. . . الله ييسرلك يارب ويسهلك

[عالمي حزن]

سيموووو ربي يسعدك دنيا واخره
مشكوووره ياقلبي عالرد
طيب معليش بقولك شي
الحين حسن السيره والسلوك اصورها 4
والوثيقه 4؟؟
ولا حسن السيره 2 والوثيقه 2 انتي وش سويتي؟؟
والكشف ليه اصوره 4 وش رايك بـ2 ؟ يعني يوم اروح اتوظف ماراح يطلبوني كشفي
اكثر شي الوثيقه والسيره
يعني احس الكشف ماله اهميه بيجلس بالبيت ولا وش رايك انتي؟ نوريني؟؟
وختم امينه وفاطمه لازم ختمهم الثنتين ولا وحده منهم تختم لي تكفي؟

[*{سيموو]

كشف الدرجات تحتاجينة لمن تقدمين على مدرسة اهليه او اي قطاع تعليمي . . . مهم يكون عندك منه صور

انا ختمت 4 صور للوثيقة . . . وبكرة بروح اخذ 4 صور لكشف الدرجات واختم 4 صور لحسن السيرة ان شاء الله . . . وانتي براحت . . . انا ختمت 4 عشان لا ارجع لهم مره ثانية ان شاء الله

وامينة المكتبة تلاقينها بالمكتبه فوق . . . والوكيلة تلاقينها جنب العميدة وختومات الثنتين مهمه لانهم مراح يدونك الوثيقة بدون ختمهم

الله ييسرلنا يارب ويفتحها علينا جميع