.. { قرووـب بنات إدآرهـ آعمال ~~~> مســآر دولــيه ( جميع المستويات )

[أم نوال]

صباح الخير بنااااات
انا ع وشك تخرج وبدي أحد يساعدني أذا عندة خلفية عن المواد أو بتأخذهاااا زي
بحث وتدريب مع أسماء باهرمز
أدارة أعمال دولية بالأنجليزي مع ناصر كدسة
أدارة أعمال في ثقافات متعددة مع فايزة دمنهوري
أحصاء للتخصصات النظرية مع عبير سيد عبدالرحيم
النظام السياسي السعودي مع زينب عبد العظيم أحمد


بليز الى تقدر تساعدني أو تحضر الدورة تقولي ايش يسير معاهااا

[لولو جامعيه]

حتى انا ثقافات متعدده مع فايزهـ
احد يفيدنآ

[ريانه أمير]

المشاركة الأصلية كتبت بواسطة لولو جامعيه حتى انا ثقافات متعدده مع فايزهـ احد يفيدنآ

أنا الترم الي فات اخدت الماده هادي مع د. فايزه دمنهوري
صراحه كانت تمام و جبت معاها درجات حلوه
بس لازم مزاكره كويسه
المحاضره بتكون بس كلام و شويه ممله و تنوم
بس خططو كويس معاها و كل شي تقولو اكتبو و زاكرو كويس
اختبارها مره سهل بس تجيب سؤال أو اتنين مقالي ، تعداد بشرح واحد منهم

[أم نوال]

هاااااي لولو أنتي حتحضري الدورة ولا لا ......

أنا بدي أعرف من فين نذاكر وأية المقرر لانة مافي وقت أبدا للمذاكرة

[طموح متنحه]

السلام عليكم ورحمة الله

انا وقريبتي نزل لنا نفس الجدول معا اختلاف ماده

وابي اضبط شعبنا معا بعضمعا دكتورات كويسات واسالتهم سهله

المحاسبه ما فيه اسم دكتوره وهي سحر احمد الجبروني

قانون تجاري لي امل محمد خضرجي وهي سوزان علي حسن محمود

مبادى اداره لي خديجه سالم احمد ضباب وهي نفس الشي

اقتصاد جزئي لي ايمان حسن علي وهي كوثر مصطفى سيد كغراب

تحليل كمي2 لي سوزان ابو العينين وهي مانزل لها اسم

وعربي من افضل دكتوره واسالتها سهله والثقافه نزل لها رحاب علي بدوي

ادري اني كثررت كلام بس يلايت تفيدوني وجزاكم الله خيرر

والله يووفق الجميع يارب

[صدر الحنون]

المحاسبه عندك انيسه تركستاني كويسه مره
وكمان عندك شريفه


قانون تجاري امل شلبي مره تمام


مبادى اداره ماده نظريه خذيها عند اي وحده
اقتصاد جزئي هدي خيري


تحليل كمي2 لي سوزان ابو العينين الا نزل اسماء انا معاكي في نفس ماده
شعب هbd او bf كلها تدرسها سوزان

[طموح متنحه]

المشاركة الأصلية كتبت بواسطة صدر الحنون المحاسبه عندك انيسه تركستاني كويسه مره وكمان عندك شريفه قانون تجاري امل شلبي مره تمام مبادى اداره ماده نظريه خذيها عند اي وحده اقتصاد جزئي هدي خيري تحليل كمي2 لي سوزان ابو العينين الا نزل اسماء انا معاكي في نفس ماده شعب هbd او bf كلها تدرسها سوزان

كل عام وانت بخيرر مقدما

ويعطيك العافيه اختي

[أم نوال]

طموح كيفك انا انصحك نصيحة وامشي فيهااا طول دراستك في الجامعة اي مادة نظرية لاتهتمي في استاذتهاا لانها حتكون معتمده على مذاكرتك والاستاذة ماتفرق بس المهم المواد الي فيهااا حل ومسائل هذي هي المهم تختاري الاستاذة او الدكتورة حقتهااا خصوصا لو حتحضري الدورة وبدك وحدة تشرح كويس هذي نصيحتي وانت بكيفك من تجربتي ف الجامعه وهذا اخر ترم تخرج واللة يوفق الجميع وشدي حيلك لان جدولك بدو مذاكرة عندك تلات مواد كلهااا مسائل يعني ابدا لاتلعبي وشدي حالك

[طموح متنحه]

المشاركة الأصلية كتبت بواسطة أم نوال طموح كيفك انا انصحك نصيحة وامشي فيهااا طول دراستك في الجامعة اي مادة نظرية لاتهتمي في استاذتهاا لانها حتكون معتمده على مذاكرتك والاستاذة ماتفرق بس المهم المواد الي فيهااا حل ومسائل هذي هي المهم تختاري الاستاذة او الدكتورة حقتهااا خصوصا لو حتحضري الدورة وبدك وحدة تشرح كويس هذي نصيحتي وانت بكيفك من تجربتي ف الجامعه وهذا اخر ترم تخرج واللة يوفق الجميع وشدي حيلك لان جدولك بدو مذاكرة عندك تلات مواد كلهااا مسائل يعني ابدا لاتلعبي وشدي حالك

الله يسلمك ام نوال على النصيحه

انا ما بديت مذاكره وبعد العيد بسوي عمليه يعني بتااخر شوي بالمذاكره الله يعين ويعديها على خيرر يارب

والدووره الله يخلي البنات الحلوات اللي راح يحضرونها لانه ما اقدر اروح جده صعب

الله يوفقك ويوفق الجميع

[LOLO0O]

بنات انا المستوى السابع يعني مابقي شي على التخرج وموادي كدا

مالية دولية
تحليل كمي
e المستوى التاني
رياضيات
ادارة استراتيجية
استثمار

ابغى ارفع المعدل وحاسة ان المواد صعبة وبنفس الوقت ابغى اخلص بسرعه مابغى احذف
الي درس هالمواد اش رايه احذف منها ولالا نصيحتكم بليز