نحن هنا لاي استفسار عن تقنية المختبرات الطبية.

[rawan ba]

احلى فوفا مرررررا شكرا ريحتيني الله يريحك حسيت انو حالتك نفسسسي

قلت لبابا وقعدت افهمو وكل شي بس ابد ما غير رأيه
تعرفي وين المشكلة في نظرة الناس لك

الي صدمني مرا رحت لدكتور في المستشفى
وبسم الله عليه هرج للصبح المهم سألني ايش تبي تتخصصي قلتله مختبرات

الله لايوريك النظرة الي اداني هيا بيقولي دا قرف تخخيلي دا الكلام يطلع من دكتور فاهم

اقدر اتجاهل واحد اتنين بالكتير عشرة مو كل االمجتمع

المهم هوا لازم اكون توب في الانقليش ؟

الله يوفقك يا عسل =)

[a7la foOofoOo]

المشاركة الأصلية كتبت بواسطة rawan ba احلى فوفا مرررررا شكرا ريحتيني الله يريحك حسيت انو حالتك نفسسسي قلت لبابا وقعدت افهمو وكل شي بس ابد ما غير رأيه تعرفي وين المشكلة في نظرة الناس لك الي صدمني مرا رحت لدكتور في المستشفى وبسم الله عليه هرج للصبح المهم سألني ايش تبي تتخصصي قلتله مختبرات الله لايوريك النظرة الي اداني هيا بيقولي دا قرف تخخيلي دا الكلام يطلع من دكتور فاهم اقدر اتجاهل واحد اتنين بالكتير عشرة مو كل االمجتمع المهم هوا لازم اكون توب في الانقليش ؟ الله يوفقك يا عسل =)

ايش الدكتور المريض دا هههههههههههههه قوليلو بدون مختبر ماتقدر تسوي ولاشي حتى دواا ماتقدر تعطي المريض معليش دا دكتور جاهل خخخخخ

بالنسبه للانجليزي والله الانجليزي حققي لمن دخلت كان على قدي مع الوقت حيتحسن ولاتخافي من دي الناحيه مرااا

والله يوفقك يارب

[Kjal]

السلام عليكم
مساء الخير

لو سمحتم ابغى كتب او مواقع طبيه
تفيدني ببحث التخرج
عن Virology
وبالتحديد
hepatitis B ,C

اخوي قصه غروب
فضلا لا امرا ياليت تفيدني بمواقع طبيه
استفدت منها ببحثك بما انك عملت بحث التخرج
وايضا عن كل مايخص بحث التخرج

والله يعطيكم العافيه جميعا

[قصة غروب]

وعليكم السلام ورحمة الله وبركاته.
الله يسعدك اختي انا بحثي كان شي ف الجيناتك والماتيريال والميثود والريسلت والديسكشن والكونكلوجن هذي كلها انا كاتبها واخذت من النت اشياء كنت احتاجها.
عموما من المواقع المميزه موقع بوب ميد ومادر اذا تعرفي تستخدمي جوجل الباحث العلمي او لا؟
هذا برضو يجيبلك اشياء كلها علميه.
اتمنى اني اكون افدتك واي شي تحتاجينه ان شاء الله مابنقصر معك.
ربي يوفقك

[نور الدني]

السلام عليكم كيفكممم ياحقين المختبرات :p

ابغا اسال كم كان معدلاتكم بالتحضيرية/ حتى لو انه بيتغير من سنة الى اخرى بس ابغا احط رقم براسي


وتشكرات

[نور الدني]

^^

وابغا اسالكم عن مادة كمان ايش هيا الكيميياء السريرية تشخيصية

عبارة عن ايش المادة دي ؟ يعني ملخص سريع لها

[قصة غروب]

وعليكم السلام ورحمة الله وبركاته.
اهلا وسهلا اختي الغاليه.
بالنسبه للمعدلات الصراحه انا مااعرف كم معدلات بالضبط لكن البنات ف العاده ماشاء الله معدلاتهم عاليه يعني 4 ونص وفوق وماني متاكد والله وان شاء الله احد الاخوات يفيدك ف النقطه هذي.
بالنسبه لمادة الكيمياء السريريه. هي مادة ام لاغلب المواد ولها علاقه باغلب المواد وهي تتكلم عن العمليات الايضيه بجسم الانسان وعلاقتها بالامراض. يعني مثلا ايش اللي يصير في مرضى السكر وكيف مثلا جسمنا يقدر ينتج الطاقه ونعرف ايش وظايف الدهون وايش البروتينات والفيتامينات في جسمنا ومن ايش تتكون وكيف طريقة عملها وكيفية تشخيص الامراض اللي لها علاقه بالاشياء اللي ذكرتها.
هذا بشكل مبسط جدا واذا في اي استسفار حابه تعرفيه ف الماده هذي اكثر احنا تحت امرك.
اتمنى لك التوفيق.

[قصة غروب]

up up
للمتخصصين الجدد