الأسئلة والاستفسارات عن كلية طب الأسنان ..

[ABU-BAKER]

السلام عليكم ورحمة الله وبركاته ...
احتاج احد يساعدني انا جبت في الموازنه العلميه (79) وانا حلمي ادخل طب الآسنان ..
هل يا ترى استطيع الدخول هل له سنه تحضيريه خااصه ..؟

اعتذر عن الآطاله ..
شكراً ...

[hadeel a]

معلي حاسأل سؤالين جاوبتو عليها كم مره بس و الله مني فاهمة و متلخبطة
سؤالي عن المصطلحات الطبية يعني أنا أدور مكان في الدورة و أروح و لا المادة حناخدها السنة الجاية و لا أحفظ الأشياء اللي نزلتها DR.nanookبنفسي فالبيت و لا في دورة تعملها الجامعة ؟
و سؤالي التاني عن الدورة حقت يوم السبت يعني اللي راحوها السنة اللي فاتت ينصحونا نروحها و لا لا ؟
و مررره شكرا أنكم بتجاوبو على أسألتنا ما تتخيلو قد أي بتفيدونا يعطيكم العافية

[حاتم 1]

جزاك الله خير

لاعدمناك

[Glamor Mada]

المشاركة الأصلية كتبت بواسطة ABU-BAKER السلام عليكم ورحمة الله وبركاته ... احتاج احد يساعدني انا جبت في الموازنه العلميه (79) وانا حلمي ادخل طب الآسنان .. هل يا ترى استطيع الدخول هل له سنه تحضيريه خااصه ..؟ اعتذر عن الآطاله .. شكراً ...

وعليكم السلام ..
امممم ما فهمت ايش تقصد بالموازنة العلمية ! اذا كنت تقصد نستك الخاصه فا اعتقد انه نسبة 79 تعتبر قليله وصعبة تدخلك الكليه .. سوري
تقدر تعيد السنه التحضيريه من جديد وتجيب نسبه احلى إن شاء الله او انك تدرس في تخصص طبي وتحول للاسنان
بالتوفيق لك :)

المشاركة الأصلية كتبت بواسطة hadeel a معلي حاسأل سؤالين جاوبتو عليها كم مره بس و الله مني فاهمة و متلخبطة سؤالي عن المصطلحات الطبية يعني أنا أدور مكان في الدورة و أروح و لا المادة حناخدها السنة الجاية و لا أحفظ الأشياء اللي نزلتها DR.nanookبنفسي فالبيت و لا في دورة تعملها الجامعة ؟ و سؤالي التاني عن الدورة حقت يوم السبت يعني اللي راحوها السنة اللي فاتت ينصحونا نروحها و لا لا ؟ و مررره شكرا أنكم بتجاوبو على أسألتنا ما تتخيلو قد أي بتفيدونا يعطيكم العافية

ليه حاسكم خايفين من المصطلحات الطبيه ؟؟ اتطمنو صدقوني ما حتكون عقبه فطريقكم لو ما عرفتوها قبل بداية الدراسة .. لكن لو اخذتو عنها خلفيه هيكون احسن بس مو ضروري تشغلو بالكم فيها
شوفي انا لما خلصت التحضيريه واتسكنت في الكلية كانت في دورتين .. دوره خاصه بالمصطلحات الطبيه عملتها الجامعه بس انا ماقدرت احضرها لاني كنت مسافر لكن هيا كانت خاصه (بالمصطلحات الطبيه فقط ) ..
وكانت في دوره ثانيه عملوها طلاب البشري دفعة 09.. اللي هتكون لكم يوم السبت وهاذي انا حضرتها وكانت الدوره لمدة 5 ايام لكن ما كانت خاصه بالمصطلحات الطبيه .. يعني كانت دورة تعريفيه لكلية الطب البشري واعطونا بعض النصايح وخلفية عن كل ماده اللي منها مادة المصطلحات (مادة لطلاب البشري )وكيف نتعامل مع المواد والصعوبات ووو يعني نصايح عموما .. بس هيا كانت موجهه لطلاب البشري يعني اللي ممكن تستفيدي منو هيا بعض المواد المشتركه بيننا وبصراحه يعني مو مره مهمه .. لانه حيعطوكي مقدمه وبعض المعلومات عن ماده بخلال كم ساعه فقط والماده حتدرسيها خلال سنه كامله ! بس لو كنتي فاضيه ومتحمسه فا سجلي فيها .. حتستفيدي شويا ومنها تتعرفي على زميلاتك .. ولا تشيلي هم المصطلحات ترا والله اغلب دفعتنا دخلو الكليه وهما ما يعرفو ولا كلمه طبيه لكن مع التعود خلاص عرفناها كلها ..
مافي ماده بالجدول اسمها مصطلحات طبيه .. بس حاولو تكلمو دكتوره هبه من اول يوم انكم تاخذو الماده زي طلاب البشري او تاخذوها ولو حتا باسبوع واحد عشان ما تلخبطو المواد الثانيه..
والملف اللي حطتو دكتوره نانوك الله يعطيها العافيه .. ملف مرتب وفيلو تقريبا اهم الاشياء اللي هتدرسوها .. لكن انا اشوف انه صعب تذاكرو شي انتو لسه ما اخذتوه وما عندكم خلفيه عنو يعني المعلومه ما هتثبت في دماغكم يعني مثلا لما تقرأي معنى كلمه مثلا اممممم Cerebro .. هتلاقي الشرح للكلمة مكتوب cerebral cortex .. grey matter فا ما هتفهمي الشرح الا لو الدكتوره بتفهمك معناها لانه حتا الشرح يبغالو شرح كطلاب ماعندهم اي خلفيه طبيه ^^"
بس انتي حملي الملف وحاولي تفهمي منو اللي تقدري عليه وعاد إن شاء الله بعد كم شهر لما تبدا الدراسه تكوني فاكره شويا منها :P
سوري رغيت كثييير >_< بس انا كذا ماعرف اوصل اللي ابغاه بكلام قليل هههههه

[ABU-BAKER]

مشكوره اختي انا خريج الثانوي وحاب اقدم في الجامعه و معدل التراكوي +القدرات +التحصيلي= (79)
من الممكن اني ادخل سنه تحضيريه ...؟ وياليت تفيدوني ...

[PuRpLe_BoXeR]

دكتورة نانوك ودكتور مزاج ودكتور مادا و دكتور يونيك
صراحة انتو مافش زيكم ربي يديكم العافية ويوفقكم فين ما تروحو

[nonoo]

السلام عليكم و رحمة الله و بركاته


كنت حابه أسألكم عن .. مادة الحاسب الآلي

لأني شفت خطة القسم و حاطين الحاسب من ضمن المواد إللي راح ندرسها ..

يا ترى شو طبيعة المواد إللي راح ندرسها ..
؟؟؟

[hadeel a]

المشاركة الأصلية كتبت بواسطة glamor mada ليه حاسكم خايفين من المصطلحات الطبيه ؟؟ اتطمنو صدقوني ما حتكون عقبه فطريقكم لو ما عرفتوها قبل بداية الدراسة .. لكن لو اخذتو عنها خلفيه هيكون احسن بس مو ضروري تشغلو بالكم فيها شوفي انا لما خلصت التحضيريه واتسكنت في الكلية كانت في دورتين .. دوره خاصه بالمصطلحات الطبيه عملتها الجامعه بس انا ماقدرت احضرها لاني كنت مسافر لكن هيا كانت خاصه (بالمصطلحات الطبيه فقط ) .. وكانت في دوره ثانيه عملوها طلاب البشري دفعة 09.. اللي هتكون لكم يوم السبت وهاذي انا حضرتها وكانت الدوره لمدة 5 ايام لكن ما كانت خاصه بالمصطلحات الطبيه .. يعني كانت دورة تعريفيه لكلية الطب البشري واعطونا بعض النصايح وخلفية عن كل ماده اللي منها مادة المصطلحات (مادة لطلاب البشري )وكيف نتعامل مع المواد والصعوبات ووو يعني نصايح عموما .. بس هيا كانت موجهه لطلاب البشري يعني اللي ممكن تستفيدي منو هيا بعض المواد المشتركه بيننا وبصراحه يعني مو مره مهمه .. لانه حيعطوكي مقدمه وبعض المعلومات عن ماده بخلال كم ساعه فقط والماده حتدرسيها خلال سنه كامله ! بس لو كنتي فاضيه ومتحمسه فا سجلي فيها .. حتستفيدي شويا ومنها تتعرفي على زميلاتك .. ولا تشيلي هم المصطلحات ترا والله اغلب دفعتنا دخلو الكليه وهما ما يعرفو ولا كلمه طبيه لكن مع التعود خلاص عرفناها كلها .. مافي ماده بالجدول اسمها مصطلحات طبيه .. بس حاولو تكلمو دكتوره هبه من اول يوم انكم تاخذو الماده زي طلاب البشري او تاخذوها ولو حتا باسبوع واحد عشان ما تلخبطو المواد الثانيه.. والملف اللي حطتو دكتوره نانوك الله يعطيها العافيه .. ملف مرتب وفيلو تقريبا اهم الاشياء اللي هتدرسوها .. لكن انا اشوف انه صعب تذاكرو شي انتو لسه ما اخذتوه وما عندكم خلفيه عنو يعني المعلومه ما هتثبت في دماغكم يعني مثلا لما تقرأي معنى كلمه مثلا اممممم cerebro .. هتلاقي الشرح للكلمة مكتوب cerebral cortex .. Grey matter فا ما هتفهمي الشرح الا لو الدكتوره بتفهمك معناها لانه حتا الشرح يبغالو شرح كطلاب ماعندهم اي خلفيه طبيه ^^" بس انتي حملي الملف وحاولي تفهمي منو اللي تقدري عليه وعاد إن شاء الله بعد كم شهر لما تبدا الدراسه تكوني فاكره شويا منها :p سوري رغيت كثييير >_< بس انا كذا ماعرف اوصل اللي ابغاه بكلام قليل هههههه

مرره شكرا يعطيك العافية ..
و الله أنا اللي اسفة عشان خليتك تكتب كلام كتير ..
و شكرا لك مرره تانية وصلت المعلومة ..

[Glamor Mada]

المشاركة الأصلية كتبت بواسطة ABU-BAKER مشكوره اختي انا خريج الثانوي وحاب اقدم في الجامعه و معدل التراكوي +القدرات +التحصيلي= (79) من الممكن اني ادخل سنه تحضيريه ...؟ وياليت تفيدوني ...

اهااا .. سوري ما فهمتك اول مره
ايوا إن شاء الله نسبتك الموزونه تدخلك السنه التحضيريه .. بس المهم انك تشد حيلك فيها وتجيب معدل عالي عشان تدخل الكلية اللي تحبها
ولا تنسى تأكد طلب التقديم في الجامعه لانه اعتقد اخر يوم لتأكيد الطلب هوا بكره او بعده لأنه لو ما أكدت طلب التقديم هتروح عليك الفرصه
الله يوفقك ويحققلك حلمك :)

المشاركة الأصلية كتبت بواسطة PuRpLe_BoXeR دكتورة نانوك ودكتور مزاج ودكتور مادا و دكتور يونيك صراحة انتو مافش زيكم ربي يديكم العافية ويوفقكم فين ما تروحو

ويوفقك ويعطيك العافيه شكرا .. ما بنعمل شي ذا واجبنا :)

المشاركة الأصلية كتبت بواسطة nonoo السلام عليكم و رحمة الله و بركاته كنت حابه أسألكم عن .. مادة الحاسب الآلي لأني شفت خطة القسم و حاطين الحاسب من ضمن المواد إللي راح ندرسها .. يا ترى شو طبيعة المواد إللي راح ندرسها .. ؟؟؟

وعليكم السلام ..
الخطه الجديده مافيها ماده اسمها حاسب آلي .. لكن اعتقد انه الدفعات القديمه كانو بياخذو هالماده بس على الخطه الجديده مافيها حاسب
اممممم المواد اللي حتدرسوها هيا اناتومي + هيستولوجي & امبريولوجي + بايوكيمستري + فيسيولوجي + دينتال اناتومي + عربي + ثقافه اسلاميه
ياليت لو تتطلعي على هالموضوع عشان تاخذي فكره عن كل ماده حتدرسيها .. وتلاقي اجوبه لاسفساراتك :)
http://www.skaau.com/vb/showthread.php?t=94958

[ABADI14]

سلام عليكم
اشكر دكتور نانووك ومزاج ويونيك و Glamor Mada ما اطول عليكم
سؤالي على دورة المصطلحات الطبيه متى الدوره في يوم السبت الي يوافق 16\8 او 15\8 الي هوا الاسبوع الجاي ولا السبت الي امس وتكون راحت علينا
ومشكور مقدما