تجمع المتقدمات لمعيدات مهارات الأتصال (( الأختبار التحريري )) أدخلي لكي نفيد ونستفيد

[شاكرة لله]

حياتي هي امي..
انا معاكي واليوم كملت الاوراق وقال الموظف للوالد انهم بيحاولون يكون التعيين قبل محرم...
بس من جد غريبة حالتنا المعروف ان قرار التعيين يصدر في نفس يوم استكمال الاوراق..انا قلت يمكن كانوا بيأجلو الاتصال علينا الين شهر واحد يعني لين تنزل الارقام..بس خافوا اننا نضغط عليهم بسبب التأخير..فقالوا خلاص خلينا ندق عليهم يستكملو الاوراق بعدين لكل حادث حديث...
الحمد لله على كل حال وكل تأخيرة وفيها خيرة...

[mola]

الف مبروك ل حياتي هي امي و شاكرة لله
الله يوفقكم ان شاء الله

[مادلينا]

ألف مبرووووووك لحبيباتنا المرشحات

حياتي هي امي وشاكرة لله

الله يطرح لكم فيها البركة

ويهنيكم فيها

قولوا آمين

وعقبالنا ياااارب

[مادلينا]

تذكرت كلام أختي الغالية واللي أعزها من كل قلبي ( مطلع الفجر) مع إني ما أعرفها شخصياً
اقرأوا الكلام استوعبوا كل كلمة تقولها صدقوني ماراح تزعلون أبداً إن الوظيفة ما جات من نصيبنا
((أختي الغالية مادلينا أبغى أقولك لو الوظيفة هذي من نصيبك ومكتوبة لكِ راح تاخذيها مهما كانت الأسباب ، وربنا سبحانه يقدر للأنسان الأسباب اللي تيسر له الأمور اللي فيها خير لها ، ويقدر الأسباب اللي تبعد عنه الأمور اللي فيها شر له .

فلا تحزني إذا ماكنت الوظيفة هذي من نصيبك ..لأنه ماراح تختاري لنفسك أفضل من اللي راح يختاره لكِ رب العالمين ، واسجدي لله شكر وحمد إذا ربي وفقك في القبول فيها .

واسأل الله لك التوفيق وأن ييسر لك الخير ))

وعلى فكرة الجملة اللي بالأحمر هي اللي دايما أتذكرها وما راحت عن بالي أبداً وأول ما عرفت إني ما ترشحت لوظيفة السلامة تذكرتها على طول

الله يسعدك يا مطلع الفجر وين ماتكوني

[حياتي هي امي]

ونعم بالله
اناعن نفسي مرات كثيره قدمت علي وظايف معيدات ماينزل اعلان الاوقدمت لدرجه ان في احد المرات نفسيتي جدا تعبت لاني كنت الاول على الدفعه وصاحبتي ماشاءالله اللي قدم معاي اوبعدي انقبلوا وكنت هذا المره لمن قدمت كنت اقول هذا اخر مره اقدم بس كنت مرتاحه ان لو ماجاتني مافيه خير لي وان كتبها لي ربي الله يجعلها وظيفه السعاده وامي على طول تدعي لي ( الله يكتب لك الخير) والحمدالله الحين تسهلت والله يتمم على خير وثاني شي الاستغفار

[سبحان الله]

مبروك للجميع
الله يبارك لكم فيها
ويرزقنا من واسع فضله

بخصوص التقديمات
ياكثر ماقدمت وقابلت ورحت وجيت
وياكثر مااكتئبت وانا معدلي في الماستر قريب 5
وخبرة ودورات
والكل يقولوي مو معقول...لسا ماتوضفتي... من اللي يشوفوه عليه من نشاط ومتابعة

احيان اتضايق واقول متى ...بس متى
لكن دايما متيقنة ومؤمنة ان ربي كاتبها لي وكاتب لي فيها الخير وان كل وضيفة تروح مني اكيد اللي لي افضل لاتقولون كيف مقتنعة وراح عمرك ومتى حتيجي الناس اتوضفت الا انتي وانتي مو منطقية وراعية امل

مؤمنة ان ربي اذا علم صدق حاجة عبده
وتمام اتكاله عليه
فلن يخيب رجاه

تحياتي للجميع
وبالتوفيق للجميع

[hanaa_11]

الله يسعدكم أخواتي,,

تبارك الرحمن عليكم متفائلين وواثقين بالله

هكذا لنكن وإلا فلا ^_^

<< ما أنسى كلام شيخ قبل أسبوعين, قال:(إذا شيء أتمنيته كوظيفة أو رزق ولم يأتيك وذهب لغيرك فلا تقول ليش راح لغيري وليش هو مو من نصيبي وليش وليش, فهذا اللي ربي كاتبه,
تبغى تاخذ رزق مو لك!!
تبغى تاخذ شي غصبا عن الله!!
ولا تقول واسطة..
اللي لك حيجيك غصب عن كل الناس
واللي مو لك ما حتاخذه لو ايش سويت)


وبالتوفيق للجميع
خالص ودي واحترامي

[طالبة نجيبة]

أهلين صبايا
مبروك للي انقبلوا وانا منكم ان شالله,, والله يعوض الباقيات الصالحات خير منها يارب

بالنسبة لتأخر قرار التعيين, راجعت الكلية , وقالوا روحي للجامعة عند أ.عائشة شطوان كملي اجراءاتك,,
ولما رحت افادتني انو مو من عندهم التوظيف , والمسؤولة عنه في كلية السلامة وحدة اسمها أ.شرف
وقالت استني قرار التعيين, قلت مو من المفترض يصدر على طوول ؟ قالت لا مو شرط , يمكن مانزلت وظايف ووقت ماتنزل يعبوا اللستة بأسماءكم. قلت اشلون مانزلت وظايف طب احنا انقبلنا!!!!
المهم ارسلت رسالة باللي صار لي لجوال أ. لمياء من الكلية . بس مااحد رد علي .
هذا اللي صار معايا واتمنى اللي يستجد معاها شي أو يطلع قرار تعيينها تخبرنا ,,

بالتوفيق بنوتات

[شاكرة لله]

انا اليوم دقيت على صديقة لي لها خبرة وقالت ان التعيين بيكون في شهر محرم تزامنًا مع الميزانية، يعني لاتخافي اصبري شوي، انت الان قطعتي شوط كبير في الموضوع وماعاد باقي الا قرار التعيين، وتوي ادري انك تقدرين تستصدرين القرار قبل ماينزل هو من تلقاء نفسه طبعا بعد نزول ارقام التعيين.. عالعمووم كل وحدة يابنات تسرد تجربتها وخلونا على تواصل

[رحاب ال منصور]

المشاركة الأصلية كتبت بواسطة شاكرة لله انا اليوم دقيت على صديقة لي لها خبرة وقالت ان التعيين بيكون في شهر محرم تزامنًا مع الميزانية، يعني لاتخافي اصبري شوي، انت الان قطعتي شوط كبير في الموضوع وماعاد باقي الا قرار التعيين، وتوي ادري انك تقدرين تستصدرين القرار قبل ماينزل هو من تلقاء نفسه طبعا بعد نزول ارقام التعيين.. عالعمووم كل وحدة يابنات تسرد تجربتها وخلونا على تواصل

السلام عليكم اخواتي

الف مليون مبروك للمرشحات

والله يرزق الباقيات بوظيفة احسن منها يارب

كلام الاخت سليم ,,, مريت بنفس وضعكم بالضبط

الحين اللي اترشحوا خلاص قطعتوا شوط كبير

مع بداية السنة المالية راح تنزل ارقام وظيفية بعدين يوزعونها عليكم

الله ييسر اموركم ويوفقكم يارب

باقي لي حاجه مهمة استغلوا هالوقت اللين تنزل فيه الارقام الوظيفية بالاستغفار والدعاء

دعواتي لكم