تجمع بنات الاحياء ( مااايكروو )

[omniha1]

كيفكم يا بنات
انا اخدت مايكرو عام مع دكتورة منال كيكي

دكتورة منال شرحها حلو ما تحب الدش تعطيكى دش الكتاب فى عرض بور مرتب فى نقاط انتو اطلبوه منها

وكانت تقلنا ذاكرو من العرض والكتاب اشرو بس معايا فى المحاضرة الملاحظات والتعاليل الى اقولها

تحسيها ادمية تحب عملها وتعطيكى الشرح بذمة وتجيب اسئلتها على قد شرحها واسألتها واضحة متوسطة

دقيقة فى الحضور ما تحب احد يدخل بعدها بس وعلى حسب ما افتكر ابدا ما تعيد اختبارات بس منى متأكدة

تعشق شئ اسمه مصطلحات انجليزى واحنا فى البداية زعلنا واتذمرنا من هادا الشئ لاكن الدكتورة الحق ينقال فهمتنا وجه نظرها

قالتلنا انتو ليه ما تحبو المصطلحات وهاد الشئ يفيدكم فى مستقبلكم قالت انا كنت مسؤولة عن التدريب

حق البنات السنة الى راحت وتقول قعدت ادور لبناتى على مستشفيات تدريبها حلو ومحترمة وما فيها

اختلاط كتير عشان تقول يهمنى راحت بناتى لاكن كل ما الاقى مكان يقولو ما نبغى بناتكم قالت لهم

ليش قالولها بنات الكلية ما يفهمو

وما يدرسو انجليزى واحنا نتعب معاهم فتقول انا انقهرت وما قدرت ارد عليها وحرام ليه يفضلو

عليكم بنات الجامعة بس الفرق انو هما يدرسو انجليزى انتو لا

بس من يومها معد ساراحد يعترض على الانجليزى بعد كدة

واختبارتها كانت شاملة ما تحب الموضوعى تحب المقالى قارنى وعللى وفراغات وكانت تجيب

اختيارى وكانت تسألنا ايش تبغو اسئلة لمن كنا نعترض وكانت متعاونة معانا وكانت تجيب فى

الدوريات 6 او7 مصطلحات بالعربى واحنا نكتبها بالانجليزى وفى النهائي جابت 8او اكثر

بالانجليزى واحنا نكتبها بالعربى وجابت كمان 8 مكتوبة بالعربى واحنا نكتبها بالانجليزى وكانت

تجيب لنا رسمات وكانت تبغانا نكتبلها البيانات بالانجليزى وكانت سهلة ما كانت صعبة وتحدد معاكى

الرسمات

وللعلم فى بنات اخدو عندها حرمان عشان كانو يغيبو كتير وما جابو اعذار وفى 2 من صاحباتى

رسبو و3 جابو معاها +a عندها عشان الحق ينقال وانتو واختياركم ان شاء الله اكون ما ظلمتها او اعطيتها فوق ما

تستحق

[doodi09]

مررررررررررررا يسسسسسسسلمو اومنيه

انااا اخدت معااها بكتتترياا وياارب يووفقنا ويسسسسهل ع الجميع

[آخت ـآلقمر.!!]

بنات انا مرا يآئسه من جدولي الفيروسات مو راضيه تنضاف عندي ابدا متعارضه مع جدولي


وقفلت كل الشعب

عسآه خيره يَ رب

[آخت ـآلقمر.!!]

اضفت بيئه ميكروبيه مع رقيه قشري درستني قبل طلعت عيونا بس شسوي جدولي فاضي حتى فيروسات مايضيف

فاضطريت اني اضيفها لان ماعندي غير 3 مواد :(

[om saqer]

المشاركة الأصلية كتبت بواسطة آخت ـآلقمر.!! اضفت بيئه ميكروبيه مع رقيه قشري درستني قبل طلعت عيونا بس شسوي جدولي فاضي حتى فيروسات مايضيف فاضطريت اني اضيفها لان ماعندي غير 3 مواد :(

بالعكس رقيقة قشررري عسسسسسسسل انا اول ماعرفت انو هيا اللي هادرسني بيئة ميكوربية امبسسسسط كثير ....... درستني احياء دقيقة عامة واخذت عندها 90 بصراحه ماتظلم بالدرجات وتحب البنات الدوافير وشرحهاااااا مره خطير

[* المعاصرة *]

كيفكم بنات مع الجداول
ابغي اعرف ايش هي المواد الحره واحسنها
لانى الى الان ماأخذت ماده حره

[* المعاصرة *]

ابغي اعرف ايش اسهل المواد الحرة واعرف اسلوب الاستاذات
المواد الحره: 1- نظام وبناء المجتمع السعودي
2- منظمات دولية 3- مصادر معلومات 4- علم النفس الاجتماعية
ارجو الرد ضرووووووووووري

[دنيا غريبه عجيبه]

السلام عليكم ياحلوين

كيف اوضاعكم مع الجـــــدوال
انا عني اضفت 5مواد بس بس ماقدرت اضيف بيولوجيا جزئيه لانه بيتعارض مع جدولي
فقلت بلاش منه اخذه الترم الى بعده بس بنااااااااااات هوا له متطلب الترم الجاي ولا لا


وشغله ثانيه بسأأأألكم فيها
مين جرب د/منال كيكي لانه انا اخذه عندها
وكمان د/نهاد قم قم جي

<<لانه ماجربتهم قبل كذااااااا


والى يســــأل عن د/امل النجاااااااار
عسسسسسسسسسل مررره وكويسه
واسئلتها تمام التمام مررره


يلا لاتنسون ردوا على اسئلتي


في حفظ الرحمن

[حلا الورد]

دنيا غريبه عجيبه

البيولوجيا مالها اي متطلبات ابدااا حسب الخطه اللي عندي ..
وبالنسبه لسؤالك عن الدكتورات انا ماجربت ولا وحده,,
بس اسممممع فيهم :
د/منال كيكي شوفي رد omniha1 فووووق عنها ..
د/نهاد قم قم جي مره تمدحها صديقتي واخذت عندها هذا الترم وتقول طيبه ..

[dooodah]

مين جرب د/منال كيكي لانه انا اخذه عندها
وكمان د/نهاد قم قم جي

<<لانه ماجربتهم قبل كذااااااا

د.نهـاد قم قم جي

عسسسسسسسسسسسسسل وتجنن وممتازة واخلاق وعلم وتفهمك المعلوومة

الله يحفظها يارب .. اذا بتاخذي معاها فطريات ماحتندمي ابدا وتدعيلنا