بنات دراسات طفوله

[المخلصه]

من جيد انا ماني عارفه كيف عديت من مادة صحة فرد
هههههههههههه هيا لها مواد تانيه غيرها؟ الله يستر

[ساكنه في بيتنا]

المشاركة الأصلية كتبت بواسطة المخلصه من جيد انا ماني عارفه كيف عديت من مادة صحة فرد هههههههههههه هيا لها مواد تانيه غيرها؟ الله يستر

ههههههه ايوه لها ..

صحه فرد و مجتمع و مني فاكره صحه طفل و تغذيته كمان تعطيها ولا لا ..

[المخلصه]

الله يخلف علينا

يارب تكون المواد التانيه خفيفه

لاني مااتعب راسي بالتفكير في الاستازات كتير الا وحده بس ويارب مااوقع في يدها

[روح الربيع]

مين هي الي خايفة توقعي في يدها ؟؟
عشان احنا كمان مانوقع في يدها =)

[ساكنه في بيتنا]

يب

انا كمان معاكي يا مخلصه .. ما احب اصدع راسي بالأستاذات كتير ..

في وحده الله يذكرها بالخير قالولي لا تآخدي معاها .. بس ما حطيت في بالي و الحمد لله
أخدت معاها 3 مواد ..

[فرفشة]

الله يعين انا اكثر شي شايله همه التكاليف ؟ ماادري ليش ؟ كل ما افكر اقول القسم داخل شويتين في مزاجي وحابه اتعلم اكثر عن الطفل بس شايله هم التكاليف (لاني متعودة اشتغل جماعي فماادري بيكون فردي ولا جماعي )
واتمنى انكم تدعون لي بان الله يسرلي الي فيه الخير ويريحني ويطمني لاني شايله هم وقلق الله يجزاها خير ساكنة في بيتنا افادتنا كثير واي وحده اضافتلنا معلومة بس اخاف من كلمة ساكنة في بيتنا لمن تقول التكاليف قد شعر راسك احس بتوتر وقلق بس لا تزعلي ياساكنة تسلمين بس قليلي من كتابة الكلمة شوي عشان الفجعات

[ساكنه في بيتنا]

التكاليف فيه منها الفردي و فيه الحماعي

..

سوري .. لو كنت شيلتك هم .. ما كان قصدي اخوفكم بس حبيت تكونوا على اطلاع بالقسم ,, و كمان عشان فيه ناس تدخل الطفوله على اساس انو سهل ,, فحبيت يكونوا على بينه من البدايه ..

[المخلصه]

فرفشه ياعسل
انا عن نفسي احب الفردي ودي حاجه معذبتني شويتين

استاذاتنا ودكتوراتنا يعزو الجماعي مره
لكن الحمدلله في نفس الوقت تلقي في مراعاه
يعني لو وحده طنشت الجماعه او شي والدكتورة عرفت تتحاسب أيما محاسبه
وكمان عندي نصيحه حلوة لو انتي ماشالله حريصه مره على شغلك الجماعي
نصبي نفسك حتى لو بدون اتفاق مع الدكتورة رئيسة الجروب
يعني ارقامهم كلهم واسمائهم تكون معاكي
والمهمات تتقسم
وحتلقي الشغل ماشالله زي الحلاوة
اما بالنسبة للفردي حيكون فعلا كتير شويتين خصوصا في حالة كونك عالخطه بالظبط
لكن خفيف ان شالله
يعني لو عندك تقرير مثلا
تفتحي الوورد وتدوني كلام يمكن تكوني كاتبتو في مسوده اصلا
بحوث مافي قد كدا
لو وسيلة مثلا حتشتري خاماتها حسب الفكرة الي جات في بالك وتشتغليها على طول
وركزي على نقطة الابداع في الاعمال الفردية
في مره كان على الابداع والابتكار في الشغل 10 درجات
بس ان شاءالله على ضمانتي حتنبسطي وتنشدي وتلعبي شيلي شي اسمو استحي ولا انكسف من قاموسك
خليكي عفوية ومرحه زي اسمك
وااااه احس اني كترت في الكلام
يارب اكون افدتك
في حفظ الله
ولا تنسيني من دعواتك

[ساكنه في بيتنا]

ان شاءالله على ضمانتي حتنبسطي وتنشدي وتلعبي شيلي شي اسمو استحي ولا انكسف من قاموسك خليكي عفوية ومرحه زي اسمك

انا كمان ان شاء الله اضمنلك تعيشي حياه سعيده في أحلى تخصص في الكون ..

ربنا ييسرلكم أموركم يارب ..

[فرفشة]

جزاكم الله خير وجعل الفردوس الاعلى مأواكم ومأوي شكرا على المبادرة الطيبة
انا بصراحة ما احب التكاليف والاعمال بس اذا اضريت ممكن ماتكون في فكرة كاملة براسي فاشيل هم بس عشان اخر سنتين في الثانوي كنت اسوي تكاليف المدرسة والانشطة مع صديقاتي فكان المهام متوزع وعارفة كل حدة اش تسوي وفي افكار كثيرة تطرح وننتقي الجميل حتى في مرة سوينا في فصل كامل من مادة الرياضيات وخليناه عبارة عن قصة وفي الاخر سويناها مجلة عشان كذا اقول جماعي اهون من الفردي في افكار والشغل متوزع بس الله يقدم الي فيه الخير بس الان ما تدري مين البنات الي معاكي وكيف همتهم وافكارهم مع اني مو ذاك الشي في الافكار عشان لا تقولوا شايفه نفسها بس ان شاء الله الي اكون معاهم قلوبهم على بعض وفيهم الخير والبركة ومشكورين على الاجابات بس لاتزالون طمنوني اكثر على القسم كيف المواد ؟ (سهلة -صعبة - وسط ) وكيف الاستاذات ؟
والكتاب كله تختبروا فيه مثلا العملي والنظري تختبرون فيه وضحيلي وانتي يا المخلصة اتوقع انك مخلصة سنة في التخصص كيف كان معاكي ؟ والتكاليف الي سويتيها كثير ولا لسه شويه بدري (سهلة ولا صعبة) ومعليش كثرت كلام بس استحملوني الله يجزاكم الجنة