مافيه حل غير نحط لها السم في الأكل وبكذا نريح الطالبات

[قمر هالكون]

والله ان صااااادقة

البسس الي بالجامعة تجيب القرف

وخصوصا عند المبنى الثامن الي ماله داعي اصلا

مضلم ومكتوم وفيه بسس كمااان

ووووع

لا وبسس سوداء بعد

[Biba]

من جد هادا الموضوع لازم نكلم المسئولين عنو

لأنو البسس هادي حالها زايد -----> ما تخاف من أحد
والأدهى والأمّر إنو مركز تجمعهم بين العيادة الطبية والمبنى السادس ----> المبنى اللي فيه اكتر محاضراتي

لا تحسبوا إني خايفة منهم -----> No Way
بس شكلهم مقرف -----> خاصةً البس الدب أبو يد مكسورة
وأنا شكلي يوم من الأيام حأجيب درزن كلاب وأفلتهم في الجامعة

[سارونه]

إذا بسبوسك دا يأخ x-bioc في الجامعه قول على الجامعه السلام ... الظاهر هو الي مشجع البسس على التمرد..
بس باين من المنشفه انه ولد عز ...
.................................................
اهلين قمر هالكون عن جدوالله المبنى الثامن مو ناقص ...
................................................
ياحبيبتي يا Biba تخيلي البس اللي تقولي عليه(الدب أبو يد مكسورة) بيسموه البنات صحباتي بالجامعه (ميقالووووو) لأنه الشبه بينهم كبير ...
وبعدين مو دا بس فيه بسس حوامل وشي عجيييييييييييب ...

[x_bioc]

عشان اوريكي يا سارونة انك افتريتي على بسبوسي


انا حصلتو المسكين ضايع في التحلية


واحد شاف صورتو في المنتدى وجبلي هوا

ومن داك اليوم ارسلتو المعهد السويسري البريطاني في سويسرا

عشان يتعلم الاي تي كيت وياخدلو دروس كمبيوتر



على فكرة موضوعك قديم بس ما ادري جاب نتيجة ايجابية مع تجمع البساس المتشردة عندكم

والا جالسين ننفخ في قربة مخرومة؟

[yes@no]

انا اشوف ان وجود ( القطط ) مو مسببة ازمة ولا شي

واستغرب من فئة كبيرة من البنات المتواجدات بالجامعه

ردة فعلهم اللي تكون فيها شوية مبالفة .. يعني على ايش؟؟

اصلا البسه لمن تشوف البنات هي اللي بتخاف وتشررد

فما بالك لو وحده تصرخ قدامها ... يعني في وجهة نظر
القطة اكيد بيكون الشعور متبادل .. هي طبعا بتخاف منكم

بس للاسف ماعندهم منتديات يعرضوا فيه الازمه..

على العموم كلام الاخوان صحيح اذا تعبتوا من هالمشكله
ماااااااااااالكم الا الجرااائد

[jeddaweyya]

اي والله خصوصا تكون عند اقتصاد منزلي وفي الشارع الخامس
الواحد مايعرف ياكل والا يقعد يكش البسبس المشكلة انها متوحححشة بدل ماحنا نخوفها ونجري وراها العكس اللي بيصير بالظبط مدري من وين جايبة قوة العين هذي

[wizard]

من بسس لصراصير لمخلوق غريب شفته انا ونودي والسفيرة في النادي لباب النادي الى يجيب القلق مع كل وحده خارجة وداخلة ل لكلاسات يا باردة تلاجة يا حارة فرن للمبنى التامن وهدي حال الجامعه وياقلبي لا

[سارونه]

المشكلة انها متوحححشة بدل ماحنا نخوفها ونجري وراها العكس اللي بيصير بالظبط مدري من وين جايبة قوة العين هذي

............................
المشكله يأختي اني لاحظة فيه أعضاء في المنتدى مو مصدقين انه هذي البسس متمره وبيقولوا أننا نبالغ...
خصوصأ الأولا
بس يلا أنا عاذرتهم لأنهم مو عايشين معانا المشكله ...يعني مايشوفوا اللي نشوفه كل يوم...
الشكوى لله

[Princess Samaher]

هاي سارونة


عندي حل

يحطوا اعلان تبرع للبيسس

علشان يجيبولها ناني تعتني بها وبكده تمشي بيسس نضيفة حولنا لانهم امورينا اكترهم قليل منهم يخوفو دول الي شوفتهم بحكم دورتي البسيطة جداًً

بعدين شو مئعدك بره كليتك انا بكرة اقعد غير بالعلوم واكل يا عمري من الأكل الي بيبيعوااا

تعرفي لشوا عايزة اترك الجامعه بسبب عدم الأهتمام والأكل الي هوا اهم شي بحياتي ((نحيفة مرة انا بس اكل ))

[رمروم]

يعني في رايكم نغير اسم الجامعة الى حديقة الانعام ولا كيف ؟
والله من جد كان الله في عونكم يابنات