اللي انقبلو في الماجستير ممكن من وقتكم شوية

[طامحة للدكتوراة]

[quote=shada_Ak;1613192][align=center]

عند يشوية اسئلة ياليت تجاوبوني عليها اذا ما عندكم مانع

هل سبق لك وقدمت على الماجستير قبل كدا وما انقبلت ولا اول مره ؟
قدمت في المرة الاولى دخلت وكان عندي ظروف ما كنت متحمسة مرة بس عرفت طريقة الاسئلة ( معلومة عن الاسئلة:
سؤال لازم في البحث العلمي او بحث تخرجكم ممكن يتكون من كذا فقرة
وسؤال عن اساسيات العلم اللي حتتخصصي فيه ممكن تعريفة او الرواد او النظريات طبعا هذا السؤال يتكون من عدة فقرات
اسئلة عامة عن العلم اللي حتتخصصي فية
رابع سؤال كان ترجمة مقالة او كلمات يطلبوا معنها بالعربي وطبعا في تخصصك
ثاني مرة دخلت ومتحمسة بس بصراحة ما توقعت انه في سؤال عن البحث العلمي فلخبط في السؤال يعني ما حليت بالشكل المطلوب < اعتراف حلو على الرغم انه العدد اللي اختبر كان مرة قليل اعتقد ما وصل ال18 طالبة
المرة الثالثة دخلت وانا مذاكرة خاصة سؤال البحث العلمي حليته لدرجة خلص الوقت وانا لسه احل < خلاص حفظت الاختبار
والعدد كان مرة مرة كبير تقريبا 80 او اكثر
والمفاجئة اني انقبلت
كم معدلك في البكالوريوس ؟
84%
ايش تخصصك في البكالوريوس؟

اداب وعلوم انسانية
هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)

نفس تخصصي
بالنسبه لكليه الاداب او كلية الاداره هل احضرت درجه اختبار التوفيل مع اوراقك او كنت تستنى تسجل في دوره اللغه لطلبه الماجستير ؟

ما كان مطلوب كانوا مكتفين في السؤال اللي في الاختبار اللي هو السؤال الرابع ترجمة او كلمات
اخر سؤال واللي عاملي احباط

هل في احد منكم تقديره العام جيد مرتفع وقدم على الماجستيرالعام وانقبل ؟؟

نعم فية زميلتي جيد وانقبلت

و بس خلصت اسئلتي اتمنى تجاوبوني عليها

الله يوفقكم ويوفقنا ويكتبلنا اللي فيه الخير كلنا
امييييييين يارب

[تقنية حيوية]

عند يشوية اسئلة ياليت تجاوبوني عليها اذا ما عندكم مانع هل سبق لك وقدمت على الماجستير قبل كدا وما انقبلت ولا اول مره ؟
انا اول مرة اقدم بس للاسف ماانقبلت

كم معدلك في البكالوريوس ؟
امتياز مع مرتبة الشرف الاولى

تخصص البكالوريس ؟
تقنية حيوية ويمكن هذا السبب لانو تخصص جديد (بالرغم من انو برا مهم ومطلوب )


هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)
لا قدمت ع كيمياء حيوية لانو اقرب قسم لتخصصي وكمان جايبة في المادة أ+
اخير ا استاذنك اختي في طرح سؤال آخر
وهو ليه اذا كان الشخص متخرج من جامعة اخرى غير المقدم فيها ع الماستر لايقبل وحتى امتيازة وشهادات تفوقة الجامعية لاتشفع له بحجة ان غيره اولى منه
وعلى فرض انو ظروف هذا الشخص لا تسمح له السكن خارج جدة وشهادته من جامعة مدينة اخرى هل ينتهي مستقبلة وطموحه عند هذا الحد بس لانو من مدينة اخرى
اتمنى احد يجاوبني لانو منطق عجيب حطم كل طموحاتي بس لاني موخريجة جامعة عبدالعزيز
واسفة ع الاطالة

[ام تيم]

عند يشوية اسئلة ياليت تجاوبوني عليها اذا ما عندكم مانع هل سبق لك وقدمت على الماجستير قبل كدا وما انقبلت ولا اول مره ؟

اول مره اقدم بعد سنه ونصف من تخرجي .. لان مره ماكنت ابغى في نفس تخصصي.. بس اضطريت ادخله
وانقبلت الحمد لله
كم معدلك في البكالوريوس ؟
4.47
تخصص البكالوريس ؟
كيمياء.....

هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)

قدمت ع نفس تخصصي..
بس كنت اتمنى اقدم ع ماجستير تغذيه حاسه اني ببكي كل ماتذكر اني مااقدر ادخله.. بسبب ان البكالوريوس حقي غير وان وحده اعرفها كيمياء اخذت فيه 8 سنين يعني طبقت البكالوريوس مرتين..اتمنى احد يشجعني؟؟؟

[@إستغفاري سر سعادتي@]

عند يشوية اسئلة ياليت تجاوبوني عليها اذا ما عندكم مانع
ابدا ماعندي مانع وكلي صدر رحب للإجابه على اسألتك

هل سبق لك وقدمت على الماجستير قبل كدا وما انقبلت ولا اول مره ؟
قولوا ماشاء الله اولا لإن العين حق كما قال الرسول الكريم لكن حبيت اطرح قصتي اليكم ليستفيد الجميع
انا تخرجت قبل سنه من جامعة الملك عبد العزيز وأول مره أقدم على الماجستير وانقبلت ولله الحمد والفضل والمنه
مع العلم اني مقدمه على وظيفة معيده بجامعه اخرى قبل مااقدم الماجستير بشهرين وسويت مقابله شخصيه انا واربع طالبات وكانوا دكاتره رجال وكانت المقابله بالانجلش ومشترطين علي بعثة لدراسة اللغه وبعد شهر من المقابله تفاجأت اني نجحت بالمقابله وانقبلت معيده وسوف اباشر العمل مع بداية السنة الجديده بإذن الله وبعدها قدمت ماجستير مع العلم اني لم اتوقع اني انقبل بس قلت اقدم واشوف كيف طريقة الاسئله اختبرت الكفايات ونجحت ولله الحمد وبعدها اختبار القسم وبعدها بشهر ونص تفأجأت اني انقبلت في الماجستير اللهم لك الحمد كما ينبغي لجلال وجهك وعظيم سلطانك كله بفضل الرحمن وليس بفضل مني.
ولكني محتاره ماذا افعل هل اكمل الماجستير ام اذهب للجامعة الاخرى واشتغل كمعيده مع العلم انها جامعئه ناشئه وبمنطقه اخرى ام اني استطيع الجمع بين الأثنين اريد نصيحتكم.
لإن وظائف المعيده والمحاضره اصبح نادر الحصول عليها وكذلك القبول بالماستر اصبح صعب جدا وكل سنه تصبح شروط القبول بالماستر اصعب


كم معدلك في البكالوريوس ؟
4.33 مع مرتبة الشرف الثانيه

ايش تخصصك في البكالوريوس؟
كيمياء حيوية من كلية العلوم جامعة الملك عبد العزيز


هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)
قدمت على نفس تخصصي لانني ارى انه من الأفضل للشخص ان يكمل بنفس تخصصه خصوصا للمعيدات لانه يساعدهم في مجال عملهم ثانيا الشخص اذا قدم بنفس التخصص فأن لديه الاساسيات لديه نصف المشوار ويكمل باقي المشوار بنفس تخصصه هذا من وجهة نظري ولا يحتاج لدراسة مواد تكميليه.


بالنسبه لكليه الاداب او كلية الاداره هل احضرت درجه اختبار التوفيل مع اوراقك او كنت تستنى تسجل في دوره اللغه لطلبه الماجستير ؟
اختبرت اختبار الكفايات قبل اختبار القسم ونجحت ولله الحمدوالفضل


اخر سؤال واللي عاملي احباط

هل في احد منكم تقديره العام جيد مرتفع وقدم على الماجستيرالعام وانقبل ؟؟
اريد ان اقول لك سر النجاح وهو الدعاء ثم الدعاء ثم الدعاء والاخلاص والالحاح بالدعاء وثقي تمام الثقه بالله واحسني الظن بالله فانه سر النجاح في الدنيا والاخره واللي يكتبه الله للانسان فانه خير حتى وان كان عكس رغبتنا الصبر ثم الصبر مع الدعاء والثقه اتمنى ان تتمسكي بنصيحتي فانها والله سر النجاح في كل امور الدنيا والاخره
اللهم لك الحمد كماي ينبغي لجلال وجهك وعظيم سلطانك



و بس خلصت اسئلتي اتمنى تجاوبوني عليها
اختي تقنيه حيويه اتمنى تكوني عرفتيني انا قابلتك يوم اختبار القسم هل تتذكرني اتمنى ان تحاولي عدة مرات في التقديم بالماستر وان تقرأي كلامي اتمنى لي و لكي التوفيق بالدنيا والاخره


الله يوفقكم ويوفقنا ويكتبلنا اللي فيه الخير كلنا
اميييييييييييييييييييين اجمعييييييييييييييييييييين


[/align]
[/quote]

[م/عزوز]

هل سبق لك وقدمت على الماجستير قبل كدا وما انقبلت ولا اول مره ؟
أول مرة في جامعة الملك عبدالعزيز
لكن كنت ادرس بجامعة الملك سعود وتركتها لاسباب العمل.

كم معدلك في البكالوريوس ؟
3.14 من 4

ايش تخصصك في البكالوريوس؟
مهندس كهرباء وحاسبات


هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)
تخصص تاني " ادراة اعمال" طبعا كلية آخرى.


بالنسبه لكليه الاداب او كلية الاداره هل احضرت درجه اختبار التوفيل مع اوراقك او كنت تستنى تسجل في دوره اللغه لطلبه الماجستير ؟
انا اجتزت اختبار step واساسا ادارة الاعمال لاتحتاج الى دورة لغة اتوقع يكفي كفايات اللغة الانجليزية.


اخر سؤال واللي عاملي احباط

هل في احد منكم تقديره العام جيد مرتفع وقدم على الماجستيرالعام وانقبل ؟؟
انا جيدجدا مرتفع.

[رحلة احساس]

عندي شوية اسئلة ياليت تجاوبوني عليها اذا ما عندكم مانع.

على الرحب والسعة : )


كم معدلك في البكالوريوس ؟
امتياز الحمد لله.


ايش تخصصك في البكالوريوس؟
علوم حاسبات.


هل قدمت على نفس تخصصك في الماجستير او تخصص تاني ؟ اذا تخصص تاني هل التتخصص في نفس كليتك أو كلية اخرى؟( وايش التخصص اللي قدمت علية)
قدّمت على تخصص ثاني في كلية أخرى ( إدارة أعمال ).


بالنسبه لكليه الاداب او كلية الاداره هل احضرت درجه اختبار التوفيل مع اوراقك او كنت تستنى تسجل في دوره اللغه لطلبه الماجستير ؟
الحمد لله اختبرت GEE قبل الماجستير بفترة وأرفقت نتيجتي مع الأوراق.



اخر سؤال واللي عاملي احباط
هل في احد منكم تقديره العام جيد مرتفع وقدم على الماجستيرالعام وانقبل ؟؟
أتوقع بعد قراءتك للردود في هذا الموضوع .. زال احباطك بالكلية : )
الله يسعدك وييسر أمرك
بجد الواحد يقرأ المشاركات يقول ( سبحان الله ) !
يزداد يقينًا أن الأسباب ( معدل مرتفع أو مرتبة شرف أو حل كويس في الاختبار ) لا شيء أمام قدرة الله
يعني ناس عندهم مرتبة الشرف وما انقبلوا ! وناس جيد مرتفع وانقبلوا !
ناس 3 مرات يقدموا وما انقبلوا ! وناس من أول مرة ينقبلوا !
ما نملك إلا أن نقول ( الله أكبر ) الله أكبر من كل شيء .. كل شيء
وعلى قد ما سمعت إنه إذا مالك واسطة فنسبة قبولك ضعيفة !! ماشاء الله تبارك الله انقبلت بدون واسطة ولا يحزنون مع إنه عدد البنات اللي قدموا بكليتي كثير
لكن هو توفيق وفضل من الله محض، نسأله أن يوزعنا شكر نعمه.
والله مثل هذه المواقف تزيد توكلنا واعتمادنا على الله وعدم التفات قلوبنا للأسباب
نعم نبذل الأسباب لأننا أُمرنا بذلك لكن ما يأتي في خواطرنا إنها عائق أبداً !!
بل نؤمن بحق أنّه " مَا يَفْتَحِ اللَّهُ لِلنَّاسِ مِنْ رَحْمَةٍ فَلا مُمْسِكَ لَهَا وَمَا يُمْسِكْ فَلا مُرْسِلَ لَهُ مِنْ بَعْدِهِ وَهُوَ الْعَزِيزُ الْحَكِيمُ "






فيه مقولة لابن رجب أحبها:

( لو حقق العباد التوكل على الله بقلوبهم
لساق الله إليهم أرزاقهم مع أدنى سبب )



الله يوفقك ويفتح لك أبواب فضله : )

ًا

[طامحة للدكتوراة]

ما شاء الله تباك الله
[quote=@إستغفاري سر سعادتي@;2152018]
عند يشوية اسئلة ياليت تجاوبوني عليها اذا ما عندكم مانع
ابدا ماعندي مانع وكلي صدر رحب للإجابه على اسألتك

هل سبق لك وقدمت على الماجستير قبل كدا وما انقبلت ولا اول مره ؟
قولوا ماشاء الله اولا لإن العين حق كما قال الرسول الكريم لكن حبيت اطرح قصتي اليكم ليستفيد الجميع
انا تخرجت قبل سنه من جامعة الملك عبد العزيز وأول مره أقدم على الماجستير وانقبلت ولله الحمد والفضل والمنه
مع العلم اني مقدمه على وظيفة معيده بجامعه اخرى قبل مااقدم الماجستير بشهرين وسويت مقابله شخصيه انا واربع طالبات وكانوا دكاتره رجال وكانت المقابله بالانجلش ومشترطين علي بعثة لدراسة اللغه وبعد شهر من المقابله تفاجأت اني نجحت بالمقابله وانقبلت معيده وسوف اباشر العمل مع بداية السنة الجديده بإذن الله وبعدها قدمت ماجستير مع العلم اني لم اتوقع اني انقبل بس قلت اقدم واشوف كيف طريقة الاسئله اختبرت الكفايات ونجحت ولله الحمد وبعدها اختبار القسم وبعدها بشهر ونص تفأجأت اني انقبلت في الماجستير اللهم لك الحمد كما ينبغي لجلال وجهك وعظيم سلطانك كله بفضل الرحمن وليس بفضل مني.
ولكني محتاره ماذا افعل هل اكمل الماجستير ام اذهب للجامعة الاخرى واشتغل كمعيده مع العلم انها جامعئه ناشئه وبمنطقه اخرى ام اني استطيع الجمع بين الأثنين اريد نصيحتكم.
لإن وظائف المعيده والمحاضره اصبح نادر الحصول عليها وكذلك القبول بالماستر اصبح صعب جدا وكل سنه تصبح شروط القبول بالماستر اصعب


نصيحتي استمري معيدة لا تضيعي الفرصة من يدك اخاف تاخذي الماجستير وما تلقي وظيفة

واستخيري ويارب يوفقك

[تقنية حيوية]

استغفاري سر سعادتي
الف الف مبروك على قبولك والله فرحتلك
والله يوفقك دنيا وآخرة ويحققلك اللي تطمحي فيه
بصراحة انا تحطمت بعد النتايج وقلت ماراح اقدم مرة ثانية لانو اسئلة القسم كانت مرة سهلة وثلاثة ارباعها من تخصصي وشهادتي كويسة اش باقي ثاني اسويه بس اش تقولي ربي ما اراد ليه الماستر هذي السنة
وترى راح الجألك مرة ثانية بخصوص القسم في الماستر الجاي ان شاء الله اذا ماعندك مانع عزيزتي

[@إستغفاري سر سعادتي@]

الله يبارك فيكي يااختي تقنيه حيويه
والله يوفقك ويسعدك وتتوفقين ان شاء الله بالتقديم السنه الجايه
وانا كلي استعداد اني اساعدك باللي اقدر عليه
الله يسهل لك امورك يااختي
وانا بإنتظارك السنه الجايه واشوفك من المقبولات بإذن الله ولاتزعلي لعدم قبولك هذه السنه لانه امر قد كتبه الله لنا جميعا ولعل في الامر خير بإذن الله
تحياتي ودعواتي لكي
بالتوفيق للجميع

[@إستغفاري سر سعادتي@]

اختي طامحه للدكتوراه
مشكوره على النصيحه
واسعدني ردك
تقبلي تحياتي وبالتوفيق لي ولك بالدنيا والاخره