ماجستير علم نفس .... هل من تعاون !

[مادلينا]

المشاركة الأصلية كتبت بواسطة sbs قبل ماتاخذي شخصية حاولي تعرفي مين حيدرسها مناهج واحصاء تمام ولو قياس معاهم افضل لانهم قريبين من بعض

شخصية مو مكتوب عندنا مين يدرسها الخانة فاضية

وكمان إحصاء مو مكتوب

انتي أخذتي إحصاء وشخصية مع مين ؟ وكيف درجاتك فيها ؟

وكيف أسلوبهم ؟ وامتحاناتهم وتكاليفه ؟

بس مكتوب جنب شخصية المبنى التاسع يمكن ناخذها مع دكتور

وأنا سألت هنا مين يعطي شخصية قسم الطلاب قالوا رئيس القسم د. خالد ******

اش رايك أخذها معاه و أو أأجل المادة وأخذها مع دكتورة ؟؟

ومشكورة مقدما

[مادلينا]

عائشة

اش اخبارك

رحتي الجامعة

أضفتي مواد ؟ والا لسه .

[عائشة الشهري]

المشاركة الأصلية كتبت بواسطة مادلينا عائشة اش اخبارك رحتي الجامعة أضفتي مواد ؟ والا لسه .

مساء الخير اهلا مادلينا

بعد التفكير والتردد والتأمل قررت اضافة مادتين هي شخصية ومقاييس نفسية مع الدورة البديلة للتوفل
اوقاتها مناسبة وفيه يومين اوف لاننا نحتاج اوف حسب ظني وبصراحةا نا اعتبر هذا الفصل تسخين للقادم

مادلينا من وين تعرفي اسماء الاستاذات اللي بيدرسوا المواد واماكن المحاضرات..

وخبريني عن اخبارك :)

[مادلينا]

المشاركة الأصلية كتبت بواسطة عائشة الشهري مساء الخير اهلا مادلينا بعد التفكير والتردد والتأمل قررت اضافة مادتين هي شخصية ومقاييس نفسية مع الدورة البديلة للتوفل اوقاتها مناسبة وفيه يومين اوف لاننا نحتاج اوف حسب ظني وبصراحةا نا اعتبر هذا الفصل تسخين للقادم مادلينا من وين تعرفي اسماء الاستاذات اللي بيدرسوا المواد واماكن المحاضرات.. وخبريني عن اخبارك :)

هلا عائشة

اعذريني على التأخير
تعرفين أسماء الأستاذات كالتالي:

تدخلين أودس وتلقين خانة على اليمين مكتوب قائمة الشعب الدراسية اضغطي عليها ويطلع لك رمز المادة اكتبي psy بعدين السنة 2012 واختاري الفصل الأول

يطلع لك المواد ومواعيد المحاضرات وأسماء الأستاذات

بس الى الآن مو مكتوب من حيدرسنا

إحصاء و شخصية


بالنسبة لي خلاص استقريت على مناهج واحصاء وشخصية

الله يوفق الجميع

[آلميآسه]

الله يوفقكم .. وعقبال ماانقبل بالماااااستر


عمموووما استاذات قسم علم النفس .. مررررررررررررررررررره كويسسسسسسات .. وياليت ارجعع ادرس عندهم ..


مريم عثمان اخذت معهااا مرتين قياس وتدريب .. بجد تفيدناااا بمعلومات كثيره وماتلتزم بانه تقول الحكي اللي بالمنهج ..

و برضوووو فايقه بدر اخذت معها مرتين تجريبي وبحث .. مرررررررره راايقه و لازم تركزوووا معهااا .. لبى قلبهااا اليوم قابلتهااا بالجامعه

[مادلينا]

المشاركة الأصلية كتبت بواسطة آلميآسه الله يوفقكم .. وعقبال ماانقبل بالماااااستر عمموووما استاذات قسم علم النفس .. مررررررررررررررررررره كويسسسسسسات .. وياليت ارجعع ادرس عندهم .. مريم عثمان اخذت معهااا مرتين قياس وتدريب .. بجد تفيدناااا بمعلومات كثيره وماتلتزم بانه تقول الحكي اللي بالمنهج .. و برضوووو فايقه بدر اخذت معها مرتين تجريبي وبحث .. مرررررررره راايقه و لازم تركزوووا معهااا .. لبى قلبهااا اليوم قابلتهااا بالجامعه

مشكورة الله يسعدك على المشاركة

[امووون3]

مرحبا جميعا
مره كويس فتحتو تجمع الله يسعدكم
انا معاكم وكمانا معايا الدورة البديلة
حأقلكم المعلومات اللي عندي
بالنسبة للدورة راح تنكون سبت واتنين وربوع من 2 ونص لما 4 ونص
في المبنى التالت غرفة 355 و333

انا سجلت بس مادتين احصاء وراح يكون مع د. سهير قالولي جديدة
وقياس راح يكون مع د. مريم
وحيكونو يوم الاثنين والاربعاء
اليوم كلمت دكتورة رضية قالتلي انو في اجتماع معانا احنا الطالبات حيكون يوم الاحد بس قالتلي حأرسلكم مسجات تأكيد للموعد والمكان
وبس
سنة خير علينا جميعا إن شاء الله

[مادلينا]

نعم كلام أمون صحيح

في اجتماع يوم الاحد ضروري لكل طالبات الماجستير المستجدات من 9.30-11
في معمل علم النفس المبنى الثامن

[عائشة الشهري]

المشاركة الأصلية كتبت بواسطة امووون3 مرحبا جميعا مره كويس فتحتو تجمع الله يسعدكم انا معاكم وكمانا معايا الدورة البديلة حأقلكم المعلومات اللي عندي بالنسبة للدورة راح تنكون سبت واتنين وربوع من 2 ونص لما 4 ونص في المبنى التالت غرفة 355 و333 انا سجلت بس مادتين احصاء وراح يكون مع د. سهير قالولي جديدة وقياس راح يكون مع د. مريم وحيكونو يوم الاثنين والاربعاء اليوم كلمت دكتورة رضية قالتلي انو في اجتماع معانا احنا الطالبات حيكون يوم الاحد بس قالتلي حأرسلكم مسجات تأكيد للموعد والمكان وبس سنة خير علينا جميعا إن شاء الله

بالنسبة للدورة البديلة كمان فيه في المبنى الثامن وبنفس الوقت .. لكن ما ااعرف مين يدرسها ..
وفعلا وصلتني رسالة بموعد الاجتماع في معمل علم النفس المبنى الثامن .. لكن ما ااعرف الغاية من الاجتماع

وانا ايضا مادتين فقط قياس و شخصية

وتسلمي مادلينا على الشرح


وتحية للكل

[مادلينا]

يابنات

مين بيروح السبت ؟