رحلتـــي باختصار!!

[bint aboha]

السلام عليكم ورحمه الله وبركاته

د.سيليا يارب يسهل عليكي طريقك ويونور دربك ويسعدكي دوم مو يوم ويحقق مرادك وإن شاء

الله تدخلي القسم اللي تبغيه وتتقني ف والله أمس قاعده أفتكركي ودعيتلك يابعدي إنتي الله يوفقك

بس سؤال معليش أنا سألت د.مزاج و أحلى سكر وجاوبوني بإجابات مريحه ومره إستانست وهذا

هوا أسإلتي لهم وبس أبغا تضيفي الشي الجديد عندك ولهم دعوه ف ظهر الغيب وفقهم ربي

هذا جواب الدكتور مزاج

السلام عليكم ورحمه الله وبركاته
د.مزاج ممكن سؤال أنا ماتوفقت ف الإحصاء وأخذت إف ودرجاتي
كماهي كيمياء 68 والأحياء 69 والإنجليزي 78 تعتقد إن ف
مقدوري إني أشد حيلي ف الترم الثاني إن شاء الله هوا اكيد لابد
وأجيب مثلا معدل حلو طيب وأذخ ترم صيفي وجبت درجه حلوه
بإذن الله طيب تقبلني الطب ولا خلاص تروح ع وكمان ياليت من
بعد إذنك تقولي معلومات عن الطب الموازي أكن لك شاكره
ومعليش ع التعب ولك جزيل الشكر موفق
وعليكم السلام ..

ششـوفي هوا نظام الطب سنـوٍي ..

وكليات الطب وطب الأسنان والموازي والصيدله هذي كل الكليآت تطلع نتآئج التسكين بعد نهآيـة التحضيري تقريباً بأسبوعين يعي قبل الصيفي ..

الموازي نفس الطب البشري في كل شئ .. الفرق فقـط انو الموازي مآ يأخذ مكآفآهـ .. هذا الفرق الوحيـد !!

فـللأسف الي يرسب تروح عليه جميـع فرص القبول في الكليآت الصحيـه ..

الطب مو نهآية الدنيـآ .. ممكن تبدعي في تخصصآت ثآنيـه ..

الله يوفقكـِ يآرب !!


وهنا عندك أحلى سكر فديتها


السلام عليكم ورحمه الله وبركاته

كيفك حياتي معليش ع الإزعاج بس عندي سؤال من زمان ودي

أحد يجاوبني ولمن شفت إنك مراقبه العلوم الطبيه التطبيقيه إرتحت

حبيبتي أنا درجاتي مره خايسه ف هذا الترم وحملت معايا الإحصاء

وطبعا حلمي الطب إن شاء الله أدخله بس التكسين يبدأ بعد إنتهاء

الإختبارات النهائيه يعني تقدري تقولي راحت ع بس بسألك لو دخلت

إن شاء الله أحياء (قسم الحيوان) لمده 3 سنوات صح لاتحسبي

السنه التحضيريه وبعدين أدخل طب لمده سنتين وبعدها إمتياز

صح كلامي ولا خطأ للأن هذا هوا أملي الوحيد للوصول إلى الطب

وكمان سؤال ثاني من بعد إذنك ف وحده من الأعضاء كان نفسها

تدخل أشعه بس هيا حملت مادتين الإحصاء والكيمياء إيش راح

تسوي عشان تحقق حلمها أعرف إني طولت عليكي بس والله إني

حايسه وخايفه ومقهروه الله يسعدكي يارب ومشكوره مقدما وفقك

الله

محبتك : بنت أبوها

وعليكم السلآم ورحمة الله وبركآته
يآهلآ حبيبتي
لآ إزعآج ولآ حآجه نحنآ بالخدمة

بالنسبة لموضوعك
فكرة درآسة قسم أحيآء ومن بعدهآ التحويل إلى طب تكون كالآتي
تدرسي سنة بكلية العلوم أي تخصص "كيميآء - فيزيآء - أحيآء ..."
ومن بعد مآتجيبي معدل عآلي جدن وحسب الإمكآنية في توآفر المقآعد يتم تحويلك لطب

أنآ عندي لك فكرة ثآنية
تكملي درآستك في التحضيري
وتشدي حيلك أضعآف مضآعفه
وتجيبي معدل حلو يأهلك لدخول الكليآت الصحية
وتأخدي "الإحصآء" بالصيف
وإطلبي تخصص "علوم طبية تطبيقة" وتدرسي فيهآ سنة
وبعدهآ تطلبي التحويل للطب

الفرق في الحالة الأولى التحويل من العلوم
والحالة التآنية التحويل من العلوم الطبية التطبيقية:
إنو فرصتك في النقل تكون أعلى لأنهآ كلهآ تحت دآئرة الكليآت الصحية
ولمن تتعآدل الموآد رآح تتعآدل لك موآد كتير لأننآ في سنة تآنية ندرس كلنآ الكليآت الصحية نفس الموآد بس كم مآدة تختلف حقت التخصص

ومآننسى زميلتك
المفروض تخلي حملهآ لهآلمآدتين حآفز لتقديم الأفضل
عندهآ فرصتين لسآ
إنهآ تقدم أفضل مآعندهآ السمستر الجآي
وتشد حيلهآ بالصيفي
وبكدهـ يكون عندهآ معدل حلو يأهلهآ لدخول
"كلية العلوم الطبية التطبيقية - أشعة"
وخصوصن إنو تسكينهآ يبدأ بعد الصيفي

الله يكتب لكم إللي فيه الخير
وأمنيآتي لكم بدوآم التوفيق والنجآح
وإن شآء الله بالصيف أسمع البشآرة منكم
وأي خدمة أنآ حآضرة
=)

عارفه طولت عليكي سامحيني بس أبغا أعرف إيش هيا المواد اللي راح أخذها ف العلوم الطبيه ومشكوره يالغلا

[senorita]

أوووه أنا جايه مرره متأخر

لكن قرأت موضوعك القيم يا د.سيليا أشكرك عليه واتمنى لك التوفيق

=)

[dr.CILIA]

شكرا على تواصلكم .. موفقيــــن ان شاءالله جميعا

أختي بنت ابوها معلوماتي جدا ضئيلة عن حكاية نظام السنه التحضيريه والتسكين لأني من النظام القديم وبصراحه مااعرف ايش أفضل بالنسبه لك بس اقتراح الاخت سكر اشوف انه تمام والله يوفقك ويختار لك الافضل
وبالنسبه للمواد للي في العلوم الطبيه ممكن تسألي في منتداهم واكييد ماحيقصروا معاكِ لأني كمان مااعرف
اعتذر منكِ اخيتي وبالتوفيق

[bint aboha]

المشاركة الأصلية كتبت بواسطة dr.cilia شكرا على تواصلكم .. موفقيــــن ان شاءالله جميعا أختي بنت ابوها معلوماتي جدا ضئيلة عن حكاية نظام السنه التحضيريه والتسكين لأني من النظام القديم وبصراحه مااعرف ايش أفضل بالنسبه لك بس اقتراح الاخت سكر اشوف انه تمام والله يوفقك ويختار لك الافضل وبالنسبه للمواد للي في العلوم الطبيه ممكن تسألي في منتداهم واكييد ماحيقصروا معاكِ لأني كمان مااعرف اعتذر منكِ اخيتي وبالتوفيق

د.سيليا مشكوره غناتي ع الملعولمات القيمه ولك ودي وإحترامي غاليتي عذرا ع الإزعاج دعواتي

القلبيه لك ودعوتكي لنا بأن يسهل علينا كل صعب أستغفر الله ومشكوره ماقصرتي وإن شاء الله

أروح أسأل وعذرك مرفوض للأنك ماشاء الله عليكي ساعدتينا ف أشياء كثيره من خلال هذه

الرحله وأنا اللي لازم أعتذر ع الإطاله مشكوره مره أخرى أختي ولي الشرف

[JuStice]

.

يعطيكي ألف ألف عافية د.سيليا والله يوفقك يا رب ..

بصراحة الأسئلة كانت قليلة يا ريتني كترتها شوية خخخخ أحسها خلصت بسرعة ^^"

فيه سؤال مهم مرة نسيت أضيفه ,

عن مادة البايوكمستري "رعب الطلاب" ! كيف المادي دي بالزبط ؟ وكم مستوى فيها ؟ وإلى متى دراستها ؟ وفين مكمن الصعوبة فيها ؟

هل في المنهج نفسه لكثافته ولا في الدكاترة ولا اختباراتها صعبة ؟

وإيش الحلّ معاها ؟ هل فيه أحد بيجيب فيها a مثلاً ؟ ولا الدرجات فيها نازلة ؟ وكيف كنتوا تتعاملوا معاها وتذاكروها ؟ وهل فيه مدرسين خصوصيين لها بفلوس؟

حبذا لو تحكينا كل شي عن المادة دي لأني أصلاً ما أحب الكيمياء وسمعت من كتيرين إنها أصعب شي دي البايوكمستري !

لدرجة إن واحد صاحبي في طب أسنان سألته قبل الإختبارات الأخيرة دي بمدة عن البايوكمستري ..

قالي بالحرف الواحد : المادة دي إلى الآن محنا فاهمين فيها شي !!

.

[dr.CILIA]

الله يعافيك Justice

لو عند اسئلة زياده انا حاااضره في الخدمه :)

الماده هذي بإختصار تدرس التفاعلات الحيويه واللي يحصل في الجسم على مستوى الخليه والنواه يعني اشياء كلها دقيقه هي زي الكيمياء تفاعلات وانزيمات وشغلات صغيره بس داخل الجسم
بالنسبه للمستويات احنا زمان درسناها على سنتين ثانيه وثالث اخذنا على مدار السنه يعني 4 مستويات في النظام الجديد اللي دحين انا عرفت انهم يأخذوها الترم الاول في السنه الثانيه -يعني اول سنه بعد التحضيري- وماعرف اذا يكملوها في الترم التاني ولا لأ
مكمن الصعوبه فيها التدريس يعني دكاتره مرره قليل اللي يشرحوها مزبوط ولا يمكن عشان محاضرة ساعه ماتكفي فالدكاتره يضطروا لأنهم يكروتوا الشرح فبالتالي مانفهم وكمان المنهج دسم زي الكيمياء العاديه معلوماتها كثير وتطير بسرعه من الدماغ بس لو جلس الواحد وفهمها مزبوط ماراح يلاقي صعوبه فيها
وبالنسبه للإكتحانات جدا سهله والاسئله فيها سطحيه بس لأن الطلبه مو فاهمين مايحلوا ويجيبوا درجات منخفضه والرسوب فيها جدا عااالي -بالنسبه لطلبة الطب-
بس في ناس يجيبوا ممتاز يعني انا تجربتي فيها كانت رسوب في الترم الاول وإمتياز الترم التاني جبت درجه مرره عاليه لمن عرفت كيف نذاكرها كنت الترم الاول اعتمد بس على شرح الدكاتره واحيان ماافهم وامشي عادي لكن الترم التاني جلست لها جلسه مزبوطه والحمدلله
حكاية المدرسين الخصوصين مااعرف اذا في بس دكاترتنا مايقصروا لو رحت لهم خارج المحاضرات بس المشكله مو دايما تلاقيهم

اعتذر عن الإطاله وحاضرين للخدمه

[dr.CILIA]

أختي بنت ابوها

الله يعطيك العافيه ويجبر خاطرك وكرمك من واسع فضله
الله ييسر أمورك ويختار لك الأفضل

[Heba EB]

رائـع :)

استمتعت كثيراً بالقراءة
الله يبارك فيك ، ويوفقك يآرب

اممم .. قد يكون لي عودة بـ سؤال :$

ماتقصري يـ دكتورة :)

[NaSeM]

استمتعت كثيير مع رحلتك

وأسلوب الفوق رائع

أثابك الله .. وبارك فيكي

وكثر من أمثالك

[.,.نيــــــــــــــــــــران.,.]

كنت اتابع بصمت

استمتعت بالقراءة واتمنيت فعلا اني احقق حلمي الصغير مثلك - ماشاء الله تبارك الله

بالتوفيق لك