( بايولوجي / هندسة وراثية )

[بيو كيميائية ^_^]

المشاركة الأصلية كتبت بواسطة pinkberry مممممممممممم غريبه والله بس ترى احنا كل الي عندنا تيست بانك والاختبار يجي نفسو بالزبط ممكن انتو على ايامكم غير دا الكلام الي انا باقولو انبح صوتي عليه :( يبغو معدلات عاليه يا بيو !!! لا نضحك على بعض وليه ؟ تداوم 8 ولا 9 ساعات وفي النهايه تستلم 3 ولا 4 !!! حرام والله الفنيين احسن ! انا اشوف الاداره حلوه هيا في الفيصليه تبى البنت ما بتدرس اول باول تجي وقت الاختبار وكلو يتراكم عليها ودي مشكله اكتر الطلاب الاحياء 99% حفظ عكس الكيميا الحيوي!!!!! تصفيق وبس !!! تحسب انو عشان طالبين نسبه 66 يعني سهل !!! ما جبتي شي جديد هيا دحين عندها انذار اول وحرموها من المكافاهوالله يعين الجميع

إلا كان عندنا تست بنـكـ بس أنا أشوفه دسم وكمية كبيرة ثلاثة أرباع الكتاب أخذناهـ في التحضيري +أنا ماأحب الحفظ ولا أحب الأحياء

شوفي المعدل لين 3 في آرامكو وهذا كلام مدير من آرامكو جاء قسم الأولاد والأخ دافئ قال لنا كذا

وترا اللي يطولون في الجامعة وحتى لو معدلهم إمتياز نسبة قبولهم ضعيفة لأنهم طولوا

من قال الفنين أحسن

لما تدربت معاي واحد فني سمعته يقول لواحد يتدرب معانـا أن كان أربع شهور يداوم دوامين صبح وليل وكان راتبه 1800 بعدهـا زودوهـ وصار 2300

بس هو يشتغل عشان ياخذ خبرة وبس

وعلى فكرة أشتغل وأكرف وآخذ لي خبرة ولا أجلس في البيت

اها يعني بقى لهـا إنذارين ومعدلها تحت 2ونص إمنعوهم بكل الطرق

وإن شاء الله ماتدخل علومـ

بس المشكلة لو الجامعة دخلتها علومـ هنا مصيبة

[جيزان]

المشاركة الأصلية كتبت بواسطة بيو كيميائية ^_^ إلا كان عندنا تست بنـكـ بس أنا أشوفه دسم وكمية كبيرة ثلاثة أرباع الكتاب أخذناهـ في التحضيري +أنا ماأحب الحفظ ولا أحب الأحياء شوفي المعدل لين 3 في آرامكو وهذا كلام مدير من آرامكو جاء قسم الأولاد والأخ دافئ قال لنا كذا وترا اللي يطولون في الجامعة وحتى لو معدلهم إمتياز نسبة قبولهم ضعيفة لأنهم طولوا من قال الفنين أحسن لما تدربت معاي واحد فني سمعته يقول لواحد يتدرب معانـا أن كان أربع شهور يداوم دوامين صبح وليل وكان راتبه 1800 بعدهـا زودوهـ وصار 2300 بس هو يشتغل عشان ياخذ خبرة وبس وعلى فكرة أشتغل وأكرف وآخذ لي خبرة ولا أجلس في البيت اها يعني بقى لهـا إنذارين ومعدلها تحت 2ونص إمنعوهم بكل الطرق وإن شاء الله ماتدخل علومـ بس المشكلة لو الجامعة دخلتها علومـ هنا مصيبة

الله يوفقك ياااحبيبتي وانشاءالله نشووفك احلى بروفسورة

اسسسفه على الرد الي داخل غلط ,,, بس بجد يااخت بيوكيميائيه ماشاءالله تبارك الله عليكي ,, يعني لو انا بتخصص علوم راح احط في بالي 95 % بعد الترم الاول او السنه الاولى راح احول اي تخصص حاسب او ادارة واقتصاد اي شي بس مااكمل علوم ,, والسبب انه اكثر الناس لما تقولي تخصصي كيمياء او رياضيات او فيزياء او احياء علطول يقولوا تخصص مو حلو ومااله مستقبل انا مررررررررررررة تعقدت من هالكلمه

بس بجد اثبتي انك قويه ,, وعندك ماشاءالله طموح و حلم الله يوفقك يااااااااااااااارب ويحقق لك الي في بالك يااااااااعسسل

[بيو كيميائية ^_^]

المشاركة الأصلية كتبت بواسطة جيزان الله يوفقك ياااحبيبتي وانشاءالله نشووفك احلى بروفسورة اسسسفه على الرد الي داخل غلط ,,, بس بجد يااخت بيوكيميائيه ماشاءالله تبارك الله عليكي ,, يعني لو انا بتخصص علوم راح احط في بالي 95 % بعد الترم الاول او السنه الاولى راح احول اي تخصص حاسب او ادارة واقتصاد اي شي بس مااكمل علوم ,, والسبب انه اكثر الناس لما تقولي تخصصي كيمياء او رياضيات او فيزياء او احياء علطول يقولوا تخصص مو حلو ومااله مستقبل انا مررررررررررررة تعقدت من هالكلمه بس بجد اثبتي انك قويه ,, وعندك ماشاءالله طموح و حلم الله يوفقك يااااااااااااااارب ويحقق لك الي في بالك يااااااااعسسل

آمـين يارب

شوفي لو بنسمـع كلامـ الناس ماراح ننجح

والناس مافيه تخصص يعجبهم كل شيء حطوا فيه عيب

والمجتمع يعرف اسم تخصصين فقط طب + هندسة

وياريت يعرفوا شيء فيها

فلازم الكل يصير عندهـ إصرار وعزمـ وإرادة

[دافئ الإحساس]

المشاركة الأصلية كتبت بواسطة بيو كيميائية ^_^ آمـين يارب شوفي لو بنسمـع كلامـ الناس ماراح ننجح والناس مافيه تخصص يعجبهم كل شيء حطوا فيه عيب والمجتمع يعرف اسم تخصصين فقط طب + هندسة وياريت يعرفوا شيء فيها فلازم الكل يصير عندهـ إصرار وعزمـ وإرادة

والاقسام كتيرة

والتخصصات اكتر

يس للي يفهملها وعارف ميلو فين بالزبط حيرعف فين يختار

كتير من الناس مايحب قسم علم النفس

وكلهم يقولو مالو مستقبل ومالو داعي في الحياة

مع انو في نموذج من دا القسم

الا وهوا البرفيسور طالرق الحبيب اكيد الكل يعرفو

كان بيجي كلي جمعة في ام بي سي

وكلامو كان كلو مفيد وحلو

طيب ازا هادا القسم مالو داعي كيف سار دا البرفيسور بالدرجة دي ؟؟؟

انا كنت في زمان مره في المتوسطة اقول زي دا الكلام

انو احسن شي طب وهندسة وبس

والباقي مالو داعي في الحياة

لكن اول ما دخلت الثنوي والله بدأت اتفتح واشوف اش اللي يناسبني

من اللي ما يناسبني

وفعلا طلعت اكره الحساب كره العمى

واحب الحفظ لكن مو اي حفظ قدامي احفظو

لازم اكون احبوو مره كمان

ولمن جيت ابا اعرف كيف ادخل التخصص اللي اباا

ع طول شوفت الجانب اللي احبو الحفظ (الفهم طبعا)

فكرت في الاحياء وكنت احب المادة دي طبعا

لنو درجتي ايام الثنوي ما تنزل عن ال 97 الحمدلله

وبعدين قلت انا الاحياء ما احبو كلو

واتزكرت انو الاحياء ينقسم لاقسام

وعرفت انو اللي يتعلق بجسم الانسان هوا اللي اعشقو

ع طول فكيت موقع الجامعه وشفت اش الاقسم اللي في الكلية دي

وبحثت عن قسم الكيميا الحيوية والاحياء الدقيقة

ولقيت اللي ناسبني ع حسب اللي كنت احبو الكيميا الحيوية

وفعلا حبيتو وعجبني وشايف نفسي مبسوط فيلو اكتر من اني لو رحت الطب

وربنا كتب انو ارسب في التحضيري

عشين ادخل القسم دا اللي احبو

وكلي حاجه بتسير في الدنيا خيرة من ربنا

والواحد ما يدري الخير من فين حيجيلو

وحشيل من راسي فكرة الوظيفة

لنو اللي مكتوب حيسير ومقعدي موجود لو ليا نصيب فيه ومحد حياخدو لو من كان

لنو مكتوب من قبل لا اتولد انو ليا

واهم شي الواحد يدرس شي يتمنا ويحبوو ويبدع فيه في النهاية

موفقين يارب

[جيزان]

^
^
^
ماشاء الله عليك بصراااحه ماااعندي كلام بعد كلامك ,,, بس ليه ننكر الواقع ,, يعني كنت في الثانوي اكرف واتعب واقل نسبه اجيبها 98 في الميه وانا ربي شاهد عليا مااخذت هالنسبه بسهوووله والله اخذتها بعد تعب وكرف وسهر ليالي كنت ايام الاختبارات اجلس باليومين موااصله ,,, بس في الاخير لقيت نتيجه والحمدالله اخذت نسبه عااليه
بس لما دخلت الجامعه انخسفت خسسف مو طبيعي كنت احلم بطب ,,, تنازلت لعلوم طبيه ,, وبعدين تمريض ,, وبعدين حااسب ,, وبعدين ادارة واقتصاد
يعني يااخوي شوف قد ايش تنازلت وتحطمت ,, يعني على الاقل ادارة واقتصاد

بس كانت كليه العلوم الرغبه الخامسه واتوقع بعد الصيفي هيا الي راح انقبل فيها ,, لانو هيا اقرب شي لنسبتي

ثاني شي بالعكس كليه العلوم حلوة وجدا جدا رائعه يعني انا بصراحه ماده الفيزياء والاحياء هيا من اححلى المواد عندي
وفي الثانوي اخذت فيها درجات عاليه + السنه التحضيريه
الحمدالله الاحياء ممتاز والفيزياء 88
وانا ضد اني ادخل تخصص سهل .. بالعكس انا نفسي في تخصص صعب وكرف ومعامل انا مرررة احب هالاشياء
بس في الاخير اذا كان مالي وظيفه الا تدريس فقط
خصوصا نحن البنات الوظائف لنا جدا جدا محدودة ,,, اجل ممكن تقولي ايش فايده المعدل العالي والتعب الي تعبته طووول عمري ,,, انا هذا الشي جدا محطمني

[جيزان]

وبعدين فعلا اهم شي انك تحب التخصص .. اذا حبيته راح تمشي فيه بمعدل عااالي وفي نفس الوقت بسهوووله ,,,, والكيمياء الحيوي تقريبا هوا احسن شي في كليه العلوم وفي نفس الوقت ممتع ,, يااارب يوفقك ,, واهنيك انت والاخت بيوكيميائيه على روحكم الحلوة وحبكم للتخصص ومتعتكم فيه
هذا احسسسن شي فعلا اذا حبيت شي راح تبدع فيه

[بيو كيميائية ^_^]

شوفي ياحلوة الجامعة إختلاف كبير بينها وبين المدرسة رسبتي صح لكن مو نهاية الدنيا ولا معناتهـا فشلكـ

تعرفي في جامعة الملكـ سعود بعد ماتخلصي بكالوريس العلومـ تقدري تاخذي بكالوريس في التمريض

الأولاد فاتحين لهمـ طب وطب أسنان وتمريض وصيدلة

وشوفي الرابط هذا تبع الأولاد

http://www.ksau-hs.edu.sa/Arabic/Adm...hlorsM.aspx#aa

وهذا تبع البنات وإن شاء الله على ماتتخرجي يفتحوا الأقسامـ الباقية ومعدلك لازم مايقل عن 3

http://www.ksau-hs.edu.sa/Arabic/Adm...BachlorsF.aspx

يعني حلمـكـ ماضـاع بإذن الله بس يبي لكـ صبر وإجتهــــاد أكثر وسعي

كون إحتمـال تدخلي علومـ وصراحةً التحويل للإقتصاد والإدراة طلبوا العامـ 5 يعني مايبون أحد والحاسب كذلكـ فنسبة التحويل مو كبيرة

شيء آخر العلومـ صعبة ماهي سهلة وطول السنة إختبارات وتعب

والكيمياء الحيوي إذا أنتِ حابته شيء حلو وترا هو أهم شيء في العالمـ

بعدين باقول لكـ شيء ترا كونكـ في الجامعة السلمانية ماراح تصيري مدرسة إن كنتِ في الفيصلية تقدري تدرسي

بس إحنا لا لأن إحنا مو تربويين



خليكـ دومـ متفائلة وإن شاء الله تحققي أمالكـ وتعدي الصيفي

[جيزان]

واااااااااااو مررررة حلو
من جد انا مااادري عن الدنيا
يعني الحمدالله ماراح يضيع تعبي ,,, ومعدل 3 من 5 سهل الوصول له بإذن الله
بس حبيت اسألك حبيبتي
قصدك جااامعه الملك سعود الي هنا في جده

والله يسعدك ياحبيبتي ويوفقك ياااااارب

[بيو كيميائية ^_^]

جامعة الملك سعود اللي في الرياض وطبعًا كل ماكان معدلكـ عالي كل مازادت فرصة قبولكـ

وفيه عندهـمـ برنامج وفي الحرس بعد سمعت تتدربي سنتين مثل سنة الإمتياز وتكوني مثل خريجة المختبرات

بس أنتِ أتعبي وشدي حيلك والله مايضيع لكـ تعب إن شاء الله

وهذهـِ خطوة حلوة من جامعة الملكـ سعود للإهتمـامـ بنا

[دافئ الإحساس]

انا ما افضل انو اخد بكالوريوس من هنا

وكمان بكالوريوس تمريض مثلا من الرياض

انا اقدر لهم اهتمامهم لنا

لكن بالنسبة ليا ما افضلها ابدا

لنو ازا قدمت لاي وظيفة حاقدم للوظيفة وانا معايا وظيفتين طبعا >>شي حلو بالتاكيد

لكن اش الفايدة ادرس هنا 4 سنوات وكمان هناك 4 سنوات

وفي الاخير والله اعلم كمان اتوظف ولا لا !!!

انا اشوف من وجهة نظري الخاصة

انو اكمل الماستر بدلا من ان ادرس تخصص اخر من اي جامعه في السعودية

او انو بدلا من دراسة سنتين في الحرس

افضل اضيع سنتين في الماستر اهون ليا من سنتين في التدريب في الحرس

او 4 سنوات في الرياض

ع الاقل وظيفتي باذن الله موجودة

واضمن إن شاء الله

موفقين يارب

واسأل الله التوفيق لي وللجميع بالدرجات العالية بالدنيا والاخرة