حلمك بعد دراسة الطب العــــــام .. (2)

[FrfoSha]

المشاركة الأصلية كتبت بواسطة Иiтяσgεи✿ حلوووو التخصص بس انا اخاف لما اسير دكتورة في التخصصات اللي زي كذا اخذ الموضوع بجدية اكثر_ وهذا اللي بيسير معايا دائما_ واروح اتوهم حاجات واطبق ع نفسي يعني زي حكاية اللي في علم النفس والطب النفسي يقال عنهم غالبا انهم يفلسعوا اتمنى اكون وضحت قصدي .. أصلو التعبير عندي مضروووووووووووب بس مى ما طرأت اي تغيرات لا تنسي تدينا خبر ..خخخخ

ترى دا شيء صحيح و من جد .. اسمو
Medical Student Syndrome

يعني كل ما ندرس مرض نحس باعراضه فينا و مانكون بنستهبل لا من جد بس مايكون المرض حقيقي

و في ناس يعانوا من الشيء دا .. ان شاء الله مانكون منهم ^^

[Иiтяσgεи✿]

المشاركة الأصلية كتبت بواسطة عبدالسلام الغامدي مستعجلين ليش؟؟؟ باقي قدامكم 6 سنوات

لانو من صفات الاشخاص الناجحين << ابسط اجابة

احنا مستعجلين لانو في اكثر من سبب
يعني مثلا لما تحط ببالك تخصص .. ووقت الدراسة تمروا عليه .. انت بحكم حبك له راح تستزيد في المعلومات
يسير بدل ماتذاكر من الملخصات ترجع للمراجع
يعني تعمل أساس جيد ومتماسك لتخصصك المستقبليي

كمان مايحتاج اتكلم عن ناحية تطوير الذات وكلام علماءه ..اللي بيقول كل ماتحط هدف قدامك كل ما تسخر قدراتك وامكاناتك للوصول له

لو باتكلم ما ح انتهي
اتمنى منك فعلا تفكر بكلامي هذا وتتطلع على فيديوهات وافلام طبية..
انا متأكدة بعد فترة راح اشوف لك رد ثاني هنا تكون كاتبلنا ميولك وهدفك -عندي تمام الثقة انو ح يكون تخصص رائع بروعتك اخي الكريم -

[Иiтяσgεи✿]

المشاركة الأصلية كتبت بواسطة losfer ما أدري بصرآحة إذا هو مناسب أن الواحد يفكر من الآن -وهو لسه ما بدأ يدرس الطب- في تخصص معين ممكن يكون هذا مجرد تشتيت وكلام طلاب لسه ما عايشوا الواقع لكن ما أنكر أن التفكير في هذا الموضوع ممتع وفكرة الموضوع حلوة . أذكر قبل فترة سألت الوالد عن شغلة متعلقة بالبورد الأمريكي ,,,قال - بعد ما جاوبني طبعا- انتا زي اللي دوبه يحبي وقاعد يفكر في الماراثون . بالنسبة لسؤال الموضوع ايش نفسك تتخصص بعد الطب العام مع ذكر السبب ان وجد صعب اني اجاوب على هذا السؤال لأني ما فكرت أصلا بجدية في موضوع دراسة الطب إلا خلال السنة التحضيرية قبلها كنت حاط لنفسي خيارات كثير وبدأت استبعدها في السنة اللي عدت الين صفيت على الطب . لكن بشكل عام أنا متعود اني أحكَم القدرة قبل الرغبة ,,, ممكن تخصصات زي الجراحة تكون مبهرة ومثيرة ليا من النظرة الأولى لكني أشوف في نفسي أني في التنظير أفضل بكثير من التطبيق . وهذا السبب اللي يخليني أستبعد وأشيل من بالي التخصصات اللي تستلزم في غالبها المهارة اليدوية . شكراً لصاحبة الموضوع وبالتوفيق للجميع .

الشكر لك لاضافتك الرائعة في موضوعي

جملة رائعة لاتقل روعة عن شخصك الكريم
"لكن بشكل عام أنا متعود اني أحكَم القدرة قبل الرغبة "

ارى فيك شخصا عقلانيا وواعيا
مثلك لايستبعد ان نراهم من رواد الطب في بلدنا


انك تشوف نفسك بعيد عن التخصصات الدقيقة هذي بداية

نورت متصفحي بوجودك

[د. أسامة]

Psychiatrist
or
Endocrinologist
or
Plastic surgery
or
Cardiologist

نصيحة ع الطاير ،،
شوفوا المسلسلات الطبية تروها جداً مشوقة و تحمسكم حماس مو طبيعي :) ،،

[彡yS❤Ry彡]

المشاركة الأصلية كتبت بواسطة Иiтяσgεи✿ كمان مايحتاج اتكلم عن ناحية تطوير الذات وكلام علماءه ..اللي بيقول كل ماتحط هدف قدامك كل ما تسخر قدراتك وامكاناتك للوصول له

قمه في الروعه السطر هذا

انا صراحه امـــيل بعض الاحيان للطب النفسي
احب اقرى تفكير الناس وخاصة "الريفيرس سايكولوجي" يعني الاشياء اللي تقراها من شخص ماتكلم قدامك لسى يعني تقرا حركات جسده بدون مايكلمك ونزيد عليها كيف افهم طريقه تفكير شخص معين
من اول ماتعرف عليه ( ششششي مررا فله )
بس اللي يحبطني دايم في هذا التخصص شيئين
الأول ان اغلب مرضى الطب النفسي مايتحسنون واذا كان فيه تحسن بيكون ع المدى البعيد
يعني العلاج يكون ع مدى 6 شهور والخ

الثاني أنه بتجيني نفسيه مافيها كلام من الحالات اللي بشوفها

[طالب طب في المستقبل]

المشاركة الأصلية كتبت بواسطة Иiтяσgεи✿ ترا صدقت اول شي احسو حرام تدخل طب وتكرف وفي النهاية فاميلي ميدسن!!! ولو انو كلهم فيهم خير وبركة بس ماقولتلنا ايش في بالك - مؤقتاً- خخخخ

خخخخخخخ اهم شي انك صدقتي

اممممم احس كلامك صح

انا راح ادخل ob

> في اعترض .. اللي عنده اعتراض يعطيني بنق

[FrfoSha]

^
^
^

ob !!!!!!!!

الله يوفقك

/

سبحان الله احس في ناس في الدفعة " دفعتي طبعا " احس يركب عليهم تخصصات معينة من جد !!

د.أسامة اتوقع من جد راح تطلع cardiologist .. و كويس كمان ان شاء الله < اتوقعي لنفسك اول

[Иiтяσgεи✿]

المشاركة الأصلية كتبت بواسطة د. أسامة Psychiatrist or Endocrinologist or Plastic surgery or Cardiologist نصيحة ع الطاير ،، شوفوا المسلسلات الطبية تروها جداً مشوقة و تحمسكم حماس مو طبيعي :) ،،

امممممممم بصراحة اول اثنين ماعرفهم

بس الباقي مررررررررررررة حلوين
ربنا يوفقك ويكتبلك اللي ببالك

ps.
اذا عندك سيزونات ER كاملة تفكلي ازمة

[Иiтяσgεи✿]

المشاركة الأصلية كتبت بواسطة 彡ys❤ry彡 قمه في الروعه السطر هذا انا صراحه امـــيل بعض الاحيان للطب النفسي احب اقرى تفكير الناس وخاصة "الريفيرس سايكولوجي" يعني الاشياء اللي تقراها من شخص ماتكلم قدامك لسى يعني تقرا حركات جسده بدون مايكلمك ونزيد عليها كيف افهم طريقه تفكير شخص معين من اول ماتعرف عليه ( ششششي مررا فله ) بس اللي يحبطني دايم في هذا التخصص شيئين الأول ان اغلب مرضى الطب النفسي مايتحسنون واذا كان فيه تحسن بيكون ع المدى البعيد يعني العلاج يكون ع مدى 6 شهور والخ الثاني أنه بتجيني نفسيه مافيها كلام من الحالات اللي بشوفها

ههههههه ربنا يخليك لآهلك

ابعد عنو قد ماتقدر لانو مالو مستقبل هنا بتاتا البتة
حتى لو هوا حلو.. ماعندنا ثقافة علاج نفسي
انت لو شوفت مسلسل mental ح تعزم وتقرر قرار نهائي كمان انو مارح تدخل غير طب نفسي

الله يوفقك في اي مجال تختاره دكتوري العزيز

[Иiтяσgεи✿]

المشاركة الأصلية كتبت بواسطة طالب طب في المستقبل خخخخخخخ اهم شي انك صدقتي اممممم احس كلامك صح انا راح ادخل ob > في اعترض .. اللي عنده اعتراض يعطيني بنق

ههههههههههههه

بس والله راح تكسب
اللي اعرفهم كووووولهم يطلبوا دكاترة رجال ترا