تجمع المستجدين و المستجدات دفعة 2012 - استفساراتكم هنا||~

[gedo]

السلام عليكم
انا رتبت تخصصاتي حسب الأولوية ،،، واخترت فيزياء بمشيئة الله ،،
سؤالي ،، هما غالبا يحطو لي الرغبة الأولى ؟
طيب ،، أنا بالفيصلية حبيت اسأل عن اللبس هو زي ماكنا بالسليمانية ..
وايش الفرق بين فرع السليمانية والفيصلية ؟
لو ابغى أحول لفرع السليمانية كيف ؟ ومتى ؟
لمن راح ينزل الجدول عادي أدرسه زي ماهو ولا لازم أسوي حذف واضافة ؟
كمان المواد الحرة تكون بالجدول ولا انا أختارها ؟ وكيف ؟
عذرا على الاطالة ... وشكرا مقدما.

[LeLou]

المشاركة الأصلية كتبت بواسطة gedo السلام عليكم انا رتبت تخصصاتي حسب الأولوية ،،، واخترت فيزياء بمشيئة الله ،، سؤالي ،، هما غالبا يحطو لي الرغبة الأولى ؟

و عليكم السلام و رحمة الله و بركاته..

يب غالبًا إن شاء الله لو كان معدلك كويس،، و خصوصًا لو فيزياء بتنقبلي أكيد..
لأنه في عزوف عن دا القسم و ما أحد يدخله كثير..
//

طيب ،، أنا بالفيصلية حبيت اسأل عن اللبس هو زي ماكنا بالسليمانية .. وايش الفرق بين فرع السليمانية والفيصلية ؟

بالنسبة للزي هناك على حسب ما أسمع أنه الفيصلية دائمًا متشددين أكثر من السليمانية,,
أنصحك تسألي في منتدى كلية العلوم للبنات عن الزي..

الفرق الواضح بين الفرعين،، أنه الدراسة في الفيصلية بالعربي و السليمانية إنجليش..
//

لو ابغى أحول لفرع السليمانية كيف ؟ ومتى ؟

بالنسبة للتحويل راجعي عمادة القبول و التسجيل في الفرعين,, و الله يعينك أسمع يقولوا العملية يبغالها متابعة دائمة لهم..
و روحي لهم من أول السنة و شوفي كيف,,
الله يسهل عليكِ..
//

لمن راح ينزل الجدول عادي أدرسه زي ماهو ولا لازم أسوي حذف واضافة ؟ كمان المواد الحرة تكون بالجدول ولا انا أختارها ؟ وكيف ؟ عذرا على الاطالة ... وشكرا مقدما.

يب عادي تدرسي الجدول زي ما هو،، أو تحذفي و تضيفي و تغيري شعب إذا حابة..

المواد الحرة إنتِ تختاريها..
تروحي تشوفي من قائمة الشعب الدراسية المواد الحرة المتاحة..
و بعدين تضيفيها عن طريق الحذف و الإضافة..
أو تروحي للشؤون الأكاديمية,, تعبي نموذج حذف و إضافة و تديهم هو يسووها لك..


بالتوفيق||~

[RAWAN^_^]

بناااات طيب لما اختار للشعب من ذحين احدد في الودس يعني اختارها

ولا اكتبها عندي بورقه واذا بدأ الحذف والاضافه اختتتتار


الله يسعدكممم فهممممموني

[LeLou]

المشاركة الأصلية كتبت بواسطة rawan^_^ بناااات طيب لما اختار للشعب من ذحين احدد في الودس يعني اختارها ولا اكتبها عندي بورقه واذا بدأ الحذف والاضافه اختتتتار الله يسعدكممم فهممممموني

دحين تسوي بحث الشعب و تشوفي الشعب و المواعيد اللي تناسبك..
و تكتبيها في ورقة..
عشان لما يفتح الحذف و الإضافة تضيفي بسرعة و تكوني عارفة وضعك قبل لا تقفل عليكِ الشعب..
بالتوفيق||~

[dooma]

بنات لو سمحتوا انا اانقبلت كيمياء الحمدلله
ودخلت على الخظة الدراسية للقسم لقيت المشتوى الاول والثاني احصار ورياضيات وانجليزي وماعرف ايش
درسناها في التحضيري حنرجع ندرسها تاني ؟؟؟؟؟؟؟

[LeLou]

المشاركة الأصلية كتبت بواسطة dooma بنات لو سمحتوا انا اانقبلت كيمياء الحمدلله ودخلت على الخظة الدراسية للقسم لقيت المشتوى الاول والثاني احصار ورياضيات وانجليزي وماعرف ايش درسناها في التحضيري حنرجع ندرسها تاني ؟؟؟؟؟؟؟

أول شي مبروك :)
ثاني شي:
بالنسبة للخطة الدراسية طالعي المستوى الثالث..
لأنه المستوى الأول و الثاني إللي درستيه في التحضيري..
إنت الآن مستوى ثالث ^_×

بالتوفيق||~

[RAWAN^_^]

آذآ كآنت مآده بثلآث سآعآت لآزم آخذهآ ثلآث آيآم بالآسبوع ؟

ولآ آقدر بنفس اليوم ؟

[LeLou]

المشاركة الأصلية كتبت بواسطة rawan^_^ آذآ كآنت مآده بثلآث سآعآت لآزم آخذهآ ثلآث آيآم بالآسبوع ؟ ولآ آقدر بنفس اليوم ؟

دا مو إنتِ إللي تقرريه..
دا زي ما هي موضحة مواعيد المحاضرات في قائمة الشعب الدراسية..
إنت ما تقدري تقرري المواعيد،، إنت تختاري من المواعيد المحددة في قائمة الشعب..
زي أيام التحضيري..
دايمًا تكون يا إما 3 محاضرات في الأسبوع مدتها ساعة..
أو محاضرتين في الأسبوع مدتها ساعة و نص..

[RAWAN^_^]

شوفو هاذي الماده أسس كيمياء عضويه


هاذي الماده بأربع ساعات ..

شوفو الصوره ما فهمت الايام يعني اخذها كل سبت واثنين وربوع من 10 الى 11 بكذا سارت 3 ساعات بالاسبوع مو المفروض 4 ساعات

وبرضو مكتوب الاثنين وهيا نفس الشعبه من 11الى 2 ونفس الشي 3 ساعات مو المفروض 4 ساعات؟؟؟؟!

يعني اقدر اخختار سبت و اثنين وربوع وآقدر بس آثنين صحح ؟؟

بس فهموني حكآية السآعآت >< :'(

[LeLou]

المشاركة الأصلية كتبت بواسطة rawan^_^ شوفو هاذي الماده أسس كيمياء عضويه هاذي الماده بأربع ساعات .. شوفو الصوره ما فهمت الايام يعني اخذها كل سبت واثنين وربوع من 10 الى 11 بكذا سارت 3 ساعات بالاسبوع مو المفروض 4 ساعات وبرضو مكتوب الاثنين وهيا نفس الشعبه من 11الى 2 ونفس الشي 3 ساعات مو المفروض 4 ساعات؟؟؟؟! يعني اقدر اخختار سبت و اثنين وربوع وآقدر بس آثنين صحح ؟؟ بس فهموني حكآية السآعآت >< :'(

فين الصورة؟!
بس ما عليكِ أنا فهمت قصدك..

الكيمياء العضوية دي مادة لها معمل..
الثلاث ساعات سبت و إثنين و ربوع دي محاضرة المادة نفسها (9النظري)..
و اللي من 11 لــ 2 دا المعمل..
المعمل 3 ساعات مرة واحدة في الأسبوع و المعتمد ساعة (يعني ينحسب بساعة)..
يعني المادة دي نظري 3 ساعات + عملي ساعة = 4 ساعات..

يعني ما تختاري دا كله للمادة نفسها..
دا حال كل المواد إللي لها معامل..
بأتمنى إنك فهمتِ..
بالتوفيق||~