((((( طريقة الحذف والإضافة وإختيار الأساتذة))))) ‏

[نونا العسوله]

يعطيكم العافيه

انا انتساب مستوى 3 في اللغات الاوروبيه نزل جدولي ونزلت مواد الخطه تبعي بس باقي الشعب

قائمة المواد المتاحة للطالب قائمة الشعب للمادة المختارة
( المتاحة وغير متعارضة مع الجدول الحالي )

فاضيه مافي تحتها رابط عشان اختار شعبه ليا اذا مااقدر اختار شعبه تضرني في شي ولا مو مشكله ؟

[نونا العسوله]

أب

أنتظر الرد ماعرف اش اسوي

[شمعة الجامعة]

المشاركة الأصلية كتبت بواسطة نونا العسوله يعطيكم العافيه انا انتساب مستوى 3 في اللغات الاوروبيه نزل جدولي ونزلت مواد الخطه تبعي بس باقي الشعب قائمة المواد المتاحة للطالب قائمة الشعب للمادة المختارة ( المتاحة وغير متعارضة مع الجدول الحالي ) فاضيه مافي تحتها رابط عشان اختار شعبه ليا اذا مااقدر اختار شعبه تضرني في شي ولا مو مشكله ؟

الله يعافيك نونا
إيش قصدك بــ"باقي الشعب "؟
إذا موادك نازلة معناه عندك شعب
كيف فاضية ؟؟
إذا حابة تضيفي شعبة غير الشعبة اللي انتي فيها ...فلازم تحذفي المادة وترجعي تضيفيها من جديد
لأنه لو موجودة في جدولك وحابة تغيري الشعبة لأستاذة ثانية فما حتقدري إلا لما تحذفيها
إذا عندك أي سؤال تفضلي ؟؟
بالتوفيق

[نونا العسوله]

ياقلبي ماني عارفه الشعب تبعي كيف اعرفها

لمن اضفت المواد وعدلت جدولي الخانات الموجوده فيه

الماده واسم الماده الوحدات الايام الوقت المبني الغرفه النوع

حاولت انسخ جدولي واضيفه في ردي بس ماعرفت


طيب هو بيصير مشكله لو ماني عارفه شعبي او مااخترت شعبه

[شمعة الجامعة]

المشاركة الأصلية كتبت بواسطة نونا العسوله ياقلبي ماني عارفه الشعب تبعي كيف اعرفها لمن اضفت المواد وعدلت جدولي الخانات الموجوده فيه الماده واسم الماده الوحدات الايام الوقت المبني الغرفه النوع حاولت انسخ جدولي واضيفه في ردي بس ماعرفت طيب هو بيصير مشكله لو ماني عارفه شعبي او مااخترت شعبه

إنتي لما تختاري مادة دايركت بتكون في شعبة
أفتحي على أيقونة "الجدول الدراسي"
بتلاقي عند خانة المادة 3 خانات صغيرة
الأولى/ فيها رمز المادة
والثانية / رقم المادة
والثالثة / هي رقم الشعبة
......
والوحدات هي عدد ساعات كل مادة ..
الإختبار ممكن مايكون موحد فبذلك بيكون كل شعبة إختبارها غير ..
ولكل شعبة أستاذة أو كل شعبتين أستاذة ..
وفي يوم الإختبار تدخلي القاعة اللي فيها رقم شعبتك لأن كل أستاذة تصحح أوراق شعبتها ..
بالتوفيق

[نونا العسوله]

يا قلبي انا

سويت زي ما قلتي اذا تالت خانه تكون الشعبه مكتوب عندي 01

هذي شعبتي؟؟؟؟؟؟؟؟؟؟

افتكر في التحضيري كانت حروف ab

[نونا العسوله]

لقيت هذي الصوره في النت شفتي خانة الشعب قائمه ويقدرو يختاروا الشعبه انا مو شغاله عندي هذي القائمه



اش اسوي وربي قلقاااااااااااااااااااااااااااااانه ماعرف اش اعمل اش الحل

بلييييييييييييييييييييييز احد يرد

[شمعة الجامعة]

المشاركة الأصلية كتبت بواسطة نونا العسوله يا قلبي انا سويت زي ما قلتي اذا تالت خانه تكون الشعبه مكتوب عندي 01 هذي شعبتي؟؟؟؟؟؟؟؟؟؟ افتكر في التحضيري كانت حروف ab

إيوة حتكون شعبك أرقام ..
وطبعاً كل مادة رقم شعبتها غير ..

المشاركة الأصلية كتبت بواسطة نونا العسوله لقيت هذي الصوره في النت شفتي خانة الشعب قائمه ويقدرو يختاروا الشعبه انا مو شغاله عندي هذي القائمه اش اسوي وربي قلقاااااااااااااااااااااااااااااانه ماعرف اش اعمل اش الحل بلييييييييييييييييييييييز احد يرد

شوفي ياقمر
إذا ضغطي عليها وماجاتك قائمة منسدلة
معناه يا إما الشعب مليانة أو في تعارض مع مواد ثانية ..
افتحي أيقونة "قائمة الشعب الدراسية "
إذا لون الخط بالأحمر معناه الشعبة مليانة وبتشوفي في آخر خانة أنه العدد الفعلي والأقصى زي بعض ..
وإذا عادي بالأزرق ..معناه في تعارض مع مادة ثانية ..يعني المادة اللي حابة تضيفيها وقتها نفس وقت مادة عندك موجودة في جدولك حالياً ..
بالتوفيق ..وإذا عندك سؤال اتفضلي :)

[نونا العسوله]

ربي يسعدك يا شمعه المنتدى كلو

بس الصوره اللي فوق مو تبعي اخذتها من موقع تاني عشان ابين انو هذي القائمه اللي معروضه للشعب مو موجوده عندي

وربي حبكي حبكي حبكي

الرموز اللي انتي قلتي عليها تحت الماده تالت رمز قلتي الشعبه انا الرمز اللي موجود عندي 01

هذي تعتبر شعبه ياناس ولا لا

خلاص خلاص بكييييييت

اقولك حاجه اسهل

انا لو ماخترت شعب انضر يعني شي مو تمام سبيكي من الدكتوره تبع الماده وانو اعرفها الخ الخ

انا خلاص مابغى شعب اروح يوم الاختبار واسئل في العماده

اقدر اكمل بدون شعب خلاص عقدتني هذي الشعب كرهتها ما ابغاهااااا

<<<<<<<<< اعذروها دوبها ختمت الثقافه الاسلاميه

سوووووووووووووووري

[شمعة الجامعة]

المشاركة الأصلية كتبت بواسطة نونا العسوله ربي يسعدك يا شمعه المنتدى كلو بس الصوره اللي فوق مو تبعي اخذتها من موقع تاني عشان ابين انو هذي القائمه اللي معروضه للشعب مو موجوده عندي وربي حبكي حبكي حبكي الرموز اللي انتي قلتي عليها تحت الماده تالت رمز قلتي الشعبه انا الرمز اللي موجود عندي 01 هذي تعتبر شعبه ياناس ولا لا خلاص خلاص بكييييييت اقولك حاجه اسهل انا لو ماخترت شعب انضر يعني شي مو تمام سبيكي من الدكتوره تبع الماده وانو اعرفها الخ الخ انا خلاص مابغى شعب اروح يوم الاختبار واسئل في العماده اقدر اكمل بدون شعب خلاص عقدتني هذي الشعب كرهتها ما ابغاهااااا <<<<<<<<< اعذروها دوبها ختمت الثقافه الاسلاميه سوووووووووووووووري

هلا عزيزتي
ريحي بالك ..
إنتي ماشية صح والرمز اللي قلتي عليه هو رقم شعبة لوحدة من المواد
وصاحب الجدول رمز شعبته لأول مادة "العربي " هي ba
الأمر سهل مو زي اللي تتخيليه ..
ربي يوفقك ..وإذا عندك إستفسار ثاني اتفضلي حياك الله