(2)تجآرب الطآلبآت مع موآد الــEnglishالترم 2لعـآم 2010 with colors

[I will do]

رايتنق1 اخذته مع مس سحر كانت المواضيع حلوة ودرجاتي مرضيه تعاملها كان فيه تفضيل بس الحمدلله نجحت ومشيت ع الخطوات اللي طلبتها والاسلوب اللي تبغاه في الكتابه
رايتنق2اخذته مع د-امل تعاملها مررررررررة حلو وتاسست معاها صح تعلممت اشياء اكثر من اللي توقعته

براكتكم1 اخذته مع مس ناريمان كان طول الترم رعب وكلام يخوف و الاختبارات القصيرة كانت وراء بعض وبرزينتشين على نهاية الترم وكان فيها ا ختباردوري واحد والنهائي كان حلو واللي تبغى راحه نفسيه تاخذ مع مس ايمان وتعررف كوعها من بوعها مع اني ماارتاح لها بلاسبب

الدراما مع مس مائسة مرررررررررة حلو وممتع اختبار دوري واحد-ومسرحيه- واجبات بسيطة لكن درجاتنا اقل من اللي توقعنااااااااااااااااا

مودرن مع د-نجوى من اروع المواد اللي درستها والحمدلله الراويات تعتمد ع الفهم واهم المعلومات -اختباراتها القصيرة سوال او 2ا-ذا حضرتي الكلاس تعرفي المفيد وتذ اكريه اسلوبها رائع وراقي تعطيك فرصه2وتعذرك - درجااات البنات كانت مرررررررررة حلوة

[doll]

فونتكس مع Miss.ليلى هاشم، الصراحة على قد ما كنت مترددة و بشدة إني أخد معاها لكني و اللهِ و بدون مبالغة كان من أفضل الكورسات في دا القسم و هي ما شاء الله بشوشة و تحب تبسط المعلومة قدر الإمكان. توزيع الدرجات: 20 على كل كويز بس هي تحب تكتر الفقرات عشان تساعدنا. جزاكي الله خير يا Miss.ليلى...
بويتري مع د.ناريمان الصراحة كل شيء عليكي يعني self-study، و التهزيء شغّال طول السمستر بس تعتبر أحسن من غيرها و قلبها طيب و تزعل لما ما نحل كويس ف الكويزات بس تزعل علينا مو مننا و تحاول تعرف ايش السبب و إلخ. توزيع الدرجات: الصراحة ماني عارفة كيف وزعت الدرجات لأنها كذا مرة تغير التوزيع بس حسب ما فهمت 4 كويزات تاخد أحسن 3 و 2 بريزنتيشنز تاخد الأفضل. أسئلتها: أول واحد كان 5 أسئلة تختاري 1 و تجاوبي عليه بشكل ايساي، التاني برجراف كويسشنز كل 1 عليه 5 و ع حسب ما أفتكر إنها تكون مجموعة أسئلة تختاري منها 4، و الكويز3 و 4برضوا أسئلة و تجاوبي عليها. أما الفاينل 20 فقرة اختاري السهل الممتنع تشوفي الإجابات تتشابه لكن واحدة هي الصح و أحيانا الإجابات تقولك أناااا هناااا و الـ20 الباقية على الأسئلة افتكر 4 و كل واحد فيه فقرات بس انتي تختاري واحد من الأربعة و تقريباً كل سؤال كانت فقراته عبارة عن مقارنة بين قصيدتين. الزبدة انو د.ناريمان تعاملها صعب شويتين و ما تناسب البنوتات الحساسات لكنها طيوبة .
مورفولوجي مع د.منال التاودي، عن نفسي أشوف شرحها جدًا عادي و تقريبًا 3\4 الكلاس تقرأ من الكتاب و أحيانًا تعطينا notes نكتبها معاها، تموووووت ف الحضور و الغياب حتى لدرجة انو لما خلصت كشف الأسماء جابت واحد جديد و احنا مفكرينها خلاص ما راح تحاسب=( توزيع الدرجات: 3 كويزات كل واحد بــ20 و 40 فاينل، لكن التوزيع جدًا مجحف كل اسبلنغ مستايك بـنص درجة و كل شيء تقريبا عليه درجة لو مو أكتر. اختباراتها: فراغات غالبًا تكون إما مصطلح أو تعريف بس أحيانًا تجيب من وسط السطور و الباقي نفس طريقة الاكسرسايز اللي ف الكلاس(حنين ما عرفت اللون).
سنتاكس مع د.مآثر ما شاء الله عليها أخلااااااااااااق و طيوبة و عسل بس الشرح ليكي عليه، توزيع الدرجات:20 essay + برزنتيشن و 20 كويز و الـ 20 الباقية paired quizes ، الصراحة نفسيًا كنت مرة مرتاحة ف كلاسها و هي كمان إنسانة هادئة و دائمًا مبتسمة ما شاء الله عليها. حاولي تحلي الاكسرسايز اللي بعد كل محاضرة و توريها اياه عشان على نفس النمط يكون الاختبار.
فكشن مع أ\إيمان حمزة، ركزي معاها تحلي تمام و لو غبتي كلاس حاولي تاخديه من البنات لأنو من جد كل شيء بتقولوا غالبًا يجي منو، ما تاخد حضور و غياب لكنها تعرف البنات اللي يغيبوا و اللي يجوا. توزيع الدرجات: اختبارين على كل واحد 20 تجاوبي على سؤالين ايساي، و 2 برزنتيشنز على كل واحد2 و نص، 10 درجات تسوي ريسيرش على شورت ستوري هي تختارها و تختار عنصر معين تتكلمي عنو و 5 درجات برزنتيشن على نفس الموضوع، الفاينل صححي الخطأ و essay كويسشنز. بنات انتبهوا حيكون على كل رواية فترة تاريخية حاولوا قدر الإمكان تحفظوها أول بأول لأنها دسمة حبتين. الكورس عمومًا ممتع لا بأس فيه.

[dreams sky]

المشاركة الأصلية كتبت بواسطة i will do الدراما مع مس مائسة مرررررررررة حلو وممتع اختبار دوري واحد-ومسرحيه- واجبات بسيطة لكن درجاتنا اقل من اللي توقعنااااااااااااااااا

شكرا ياقلبي على الإفادة .. طيب اهم شي كيف شرحها ؟؟ واضح ؟؟

[ღحلا الدنيـاღ]

بنات يعني افهم من كلامكم ان مسز مائسه حتكون موجوده تعطي دراما

هذا السمستر بإذن الله ؟؟

بليز اللي عندها خبر يقين تقول ..

[MISS_GUCCI]

بالنسبه لبراكتكم 1 اخذتها مع مس سحر صراحه يابنات كان كلاسها مرررررررررررررررررررررره كوول
درجتي معاها مررره الحمد الله كانت حلوه
انسانه متفهمه ماعندها تعقيد
الكتاب كله دش وكلام كثير بس ماكنا نحفظ اهم شي الفهم عندها حتى فالاختبار الفراغات كانت تبغانا نكتب بفهمنا
وابدا ماتنقص على اجابه خارجيه (حتى لو في التعدادات تجيبين شي من راسك بس يكون منطقي تحسبه صح)
يعني مافي شي ينصم عندها لانها تكرره الحفظ
مررره صراحه كانت مريحه في الدرجات بس البنات مايحبوا حاجتين عندها وهي :
1 - التحضير وانا ابدا ما شوفها مشكله لان الكورس كلو كلاس ديسكشن واحيانا كنت اروح وانا مو محضره بس كنت اشارك براي اوي مداخله لها علاقه بالموضوع والوضع يمشي تمااام ( يعني بالمختصر المفيد تدخلين كلاس دردشه ووناسه )
2- الشغل عندها شويه اكثر من غيرها بس والله يابنات لمصلحتنا
من جد الله يجزاها بالخير استفدت معها كثير
يعني طول الترم كنا نعمل 4 بريزنتيشن << الشي ذا فادني مرررررررررررره سرت الحمد الله احسن من اول واكتسبت ثقه بنفسي اكثر من اول يعني موضوع البرزنتيشن ما سار يعمل قلق زي اول
كان في ترجمه لكم مقال
وعملنا مقابله عمل معاها << يعني عودتنا عالمجال العمل
هذي النقطتين اللي ممكن البنات يتحسسو منها شويه
بس والله يابنات اللي بتسويه للمصلحتنا
اسفه مره علاطاله س حبيت افيدكم بشكل مفصل

[بنوووووتة]

يا جماعة الي اخذ براكتكم 2 يقولنا مين احسن استاذة

[I will do]

المشاركة الأصلية كتبت بواسطة dreams sky شكرا ياقلبي على الإفادة .. طيب اهم شي كيف شرحها ؟؟ واضح ؟؟

الكتاب ماكان يحتاج شرح كانت تقرا اهم النقاط وتتكلم عنها شويه اهتمت في المسرحيه اكثر لان الكتاب كان بس عليه الاختبار الدوري والنهائي خلاص عرفنا اهم الاشياء وذاكرنها
اتمنى تتدرس هذا الترم

[ام حمدان]

بنات الانتساب
عادة الي بيعطوا مقدمة فاللغويات
الاء المحمدي
منى صابر
ليلى هاشم

فأتمنى منكم تقولوا لنا بتجاربكم معاهم كيف كانت ومن الافضل فيهم من ناحيه الشرح والتصحيح

في انتظار افادتكم

[nooni]

المشاركة الأصلية كتبت بواسطة i will do الكتاب ماكان يحتاج شرح كانت تقرا اهم النقاط وتتكلم عنها شويه اهتمت في المسرحيه اكثر لان الكتاب كان بس عليه الاختبار الدوري والنهائي خلاص عرفنا اهم الاشياء وذاكرنها اتمنى تتدرس هذا الترم

ايش الكتاب وايش المسرحية يعني ايش كنتو تدرسو بالضبط

[nooni]

فكشن مع مس إيمان حمزه 3 نوفلز حلوين ذا بدن هد و ذا سكارلت لاتر و وذرينق هايست والباك قراوند كوزين على كل واحد 20 درجة تحدد الموعد من بدري << اهم شيء وبعدين اي سي وتقدمي برزنتيشن عليه 5 درجات تحدد بالسيريال نمبر كل وحده عن ايش تكتب مثلا الأوثر او الكراكتر ووو الكويزات سؤالين مقالي تعطيك كوتيشن وسؤال عليه الفاينل منوع مقالي وأسئلة متعدده كووولكم اكيد تعرفوها مس إيمان نظاميه وتعطيك حقك بس لازم تشدي حيلك من بداية الترم الكورس كان كثير بس الكلاس ممتع

دراما مع مس إيمان باسلامه اخدنا ترايفلز و ادولز اوف هاوس و ديث اوف سيلز مان وكانت تعطينا كمان الباك قراوند بس مايدخل معنا في الإختبار كان إختبارين عليهم 20 وبرزنتيشن وكريتكل ريفيو و درجات ع الحضور والمشاركة ونسيت إذا كمان فيه شيء تاني بس من قلبي ما انصح احد ياخد معاها
تكرفي بدون فااااايده


بويتري مع د ناريمان كل شيء عليك سلف ستدي ومواعيدها مضروووبه حتى بالإختبارات بالكلاس تدخل من بدري وماتحب احد يدخل بعدها <<< أكبر مشكله عندي
وطول الكلاس تهزيء وصراخ وو
البنات تكلمو عن المنهج ماعندي إضافة بس بالنسبة لي
في البويتري اول كورس اخدته مع ناريمان وإن شاء الله اخر كورس
ترجمة مع مس خديجة
كان وقت الكلاس متأخر اكبر مشكله بس احلى كلاس كأنو بريك تطلب مننا نترجم ونقرا من الكتاب شويه وكل كلاس تعطينا هوم وورك نعمل لو ترجمة ونسلمه الكلاس إلي بعدو وإلي تسلم متأخر ماتاخده منها يعني متاخر بكم يوم والإختبارات رووووعه وتختاري موضوع تتكلمي عنو عليه عشرين درجة وتاخديه بالعربي وتترجميه
والفاينل كمان كان مره سهل في الكويز الأول فيه بنات ما اخدو درجات كويسه قالت إلي بتعيد الكويز الأول تعيده بعد إختبار الفاينل وتعطيك وقتك
الله يسعدها اي مااااده مع مس خديجة لا تترددي ابداا ما تتعوض
مو بس تعطيكي الماده تتعلمي معاها في كل شيء وتتكلم بأي موضوع دائما نترجم بالبيت والكلاس نتناقش فيه