ما هي أفضل التخصصات الجامعية المطلوبة وظيفياً [البنات فقط] ؟!.

[خالد9921]

ما قلنا شي خلها تفكر زي ما تبي ... بس لكل حدث حديث و لكل شي اولويه ... وش اولويتها الحين ؟؟؟ انها تجيب درجات بالقدرات و التحصيلي و الثانوي عشان تدخل الجامعا ... يعني وش الفايده تفكر و في النهايه ما تقبلها الجامعه؟؟؟

اوكي صح انها اولوية بالوقت الحاضر
بس هذا ما يعني انها ما تحدد رؤيتها القريبه من الآن
واعتقد ان طالبه زيها عارفه ايش تعمل وعارفه اهمية الدرجات العالية بخصوص القبول بالجامعات
غير كذا موضوعها هو إستفسار عن التخصصات المناسبة .. الخ
مو معاايير القبول بالجامعه والدرجات المطلوبه للجامعه !!
فـ ليش نقولها روحي شدي حيلك ويصير خير بعدين ؟
انا احب اركز على صلب إستفسار الشخص
ورأيي ان الطالب يحدد رؤيته من بدري تجاه اموره المستقبلية
ولكن بالطبع رأيك احترمه وفيه من الصحّة الشي الكثير
بالتوفيق

[rubi]

سلااام

شوفي لو انتي سعودية تقدري تدخلي البترجي وابن سينا بمنحة صدوق الموارد يدفعوها

والتخصصات بعد الطب اقوى تخصص هو ادارة الاعمال لبنات السعودية وخصوصا مسارين الموارد والدولية بس ما بهون من قيمة المسارات الباقية زي التسويق

المهم ,,,, السنة التحضيرية حتخليكي تفتحي عينك وتعرفي ايش حابة مو زي وانتي حاليا ما اخدتي احصاء ولا الحاجات دي,,, التحضيري حيساعدك في حديد تخصصك

,,,, وحابة اقلك شي مهم في تخصصات بالجامعة تتعبي فيها مررة بس بالنهاية ماتلاقي وظيفة حلوة براتب محترم زي الرياضيات والاحياء التخصصات دي تتعب اثناء الدراسة واللي يدرسها فاكر انو دافور لكن مع الاسف دا الشي غلط وينصدم بعد التخرج بان صععععب يلاقي وظيفة ,,,واللي يقولك رزق ربنا مايمنعه اي تخصص واتوكلي انا اقلك كلامه صح لكن بنفس الوقت الاخذ بالاسباب مهم عند ربنا ,,, اختم ردي بجملة,,, ليس للانسان الا ماسعى ,,,,

[No_0ne]

المشاركة الأصلية كتبت بواسطة خالد9921 اوكي صح انها اولوية بالوقت الحاضر بس هذا ما يعني انها ما تحدد رؤيتها القريبه من الآن واعتقد ان طالبه زيها عارفه ايش تعمل وعارفه اهمية الدرجات العالية بخصوص القبول بالجامعات غير كذا موضوعها هو إستفسار عن التخصصات المناسبة .. الخ ماهو معاايير القبول بالجامعه والدرجات المطلوبه للجامعه !! فـ ليش نقولها روحي شدي حيلك ويصير خير بعدين ؟ انا احب اركز على صلب إستفسار الشخص ورأيي ان الطالب يحدد رؤيته من بدري تجاه اموره المستقبلية ولكن بالطبع رأيك احترمه وفيه من الصحّة الشي الكثير بالتوفيق

معاك 100 %
وصح لازوم الانسان يحدد هدفه من الدراسه ... لانه بدون هدف لن يصل الانسان للنجاح...
لكن انا بقولها ان لا تخلي الموضوع ذا يشغلها عن الي هي فيه :)
و بالتوفيق لك و لها و للجميع

[Dr.Passed]

المشاركة الأصلية كتبت بواسطة majed7 طبعا القطاعات الحكومية غالبا ما تكون رواتبها ضعيفه .. والقطاعات الاهلية ممكن تلقيـ فيها رواتب عالية في هذي التخصصات : حاسب .. إدارة وإقتصاد .. هندسة - ما عندكم هندسة يالبنات - .. وطبعا تميزك في تخصص أيا كان يفتح لك أبواب ورواتب ما كنتيـ تحلمين بيها بعد توفيق رب العالمين :)

ازا انتي حابة هندسة ولا لسا حاتفكري فيها تلاقي في عفت..

بالنسبة للشغل بعد كدة ولا ايش حابة تتخصصي...فكري انتي ميولك وقدراتك تأهلك لي ايش..
سوي الي تبغي تسوي..لاتخلي شي يجبرك..هادا مستقبلك انتي وبعدين لاتشيليي هم بعدين اصلا مو واجب عليكي تصروفي على نفسك ياقلبي ههههههههههههه =)

امزح ===> ازا انتي تبغي طب لاتخلي كم شي حبطك ورجعك على ورى يخليكي سنين قدام تسيري تقولي لنفسك " أنا طول عمري كان نفسي اكون...." فاهمة عليا؟ هو تعب...مافي شي جاهز..انا عارفة انك تعبتي وحاسة نفسك خلاص...بس ازا في كلي حاجة حاتتنازلي وتتخلي بكلي سهولة..عمرك محاتحققي اي حاجة تبغيها في حياتك...لازم تقوني قوية وقدها...لازم تتحملي...ازا هادا شي انتي فعلا تبغي حتحاربي عشان تخلي يحصل في حياتك. لا تخلي كم شي سارلك..وكم درجة نقصتي ترجعك ورى..ترا كلنا كده...انا حالي حالك...وامكن اكتر منك...بس مستحيل افكر اتخلى بكل سهوله..حتى لوحاسة انو مستحيل دا الشي يحصل برضو استمري....وقتها انتي حاكوني راضية عن نفسك لأنو خلاص مافي شي ماسويتي نفسيا ومعنويا....خلاص انتي سويتي كل حاجة..ايش باقي كمان؟ ...حتى ازا ماانقبلتي هنا بعد كل التعب دا...في اماكن تانية...الدنيا واسعة وكبيرة...مادام التخصص الي تبغي موجود في الحياه يعني هو مو بعيد عليكي..لاتخافي ولا تقلقي بس بينك وبين نفسك فهمي نفسك انتي ايش تبغي وصري علي بقوة وصدقيني الي تبغي حيسير..

[~ سايتوسين ~]

مآ شآء الله عليك حلو انك تفكري من الحين ..

بدأت البطاله في الطب الحين يعني مو كل متخرج لقي له وظيفه الآ اذا بنى له عياده ^__^
وبصراحه الحااسب مطللووب بسوق العمل الحين والشركات " لغة + حاسب " تتوظفي عندهم


..>> اهم شي انك داخله شي تحبيه وينفعك والوظيفه ع حسب مؤهلاتك والانسان يثبت نفسه مو يشوف الراتب 1500 يقول لا انا دكتور راتبي ما يقل عن 9000 >> مثلا

فالواحد يرضى بالمقسوم ..

[ahmed 19]

اختي التعليم وبالذات المواد العلمية

يعني مدرسة

وبالتوفيق

[ahmed 19]

المشاركة الأصلية كتبت بواسطة ~ سايتوسين ~ مآ شآء الله عليك حلو انك تفكري من الحين .. بدأت البطاله في الطب الحين يعني مو كل متخرج لقي له وظيفه الآ اذا بنى له عياده ^__^ وبصراحه الحااسب مطللووب بسوق العمل الحين والشركات " لغة + حاسب " تتوظفي عندهم ..>> اهم شي انك داخله شي تحبيه وينفعك والوظيفه ع حسب مؤهلاتك والانسان يثبت نفسه مو يشوف الراتب 1500 يقول لا انا دكتور راتبي ما يقل عن 9000 >> مثلا فالواحد يرضى بالمقسوم ..

بطالة في الطب قوية ذي الله يهديكي

لا تخليها مررا قوية

[عزتي أجمل صفاتي]

^^
+1

[طالبة طب قريبا]

شكرا خالد من جد اقتنعت في كلامك ....انا معاك مية بالمية واعتقد لازم افكر كويس قبل لا ادخل طب لانو فعلا شكلي مو قده...نفسية تتعب بسرعة وفقاعدة احاول الاقي شي في طب حلو ومريح ..لاني من جد حااابة ادخل طب
وطبعا الجميع ما قصرتوووو وشكرا واتمنالكم التوفيق:):)

[مَـزٍآج ..}..]

على قول خآلد اذآ طب الأسنان مقرف مآ بآلكـ بالبلاوي الي في البشري

طبيب الجلدية الله يعافينا امراضه كلها تخوف والواحد حتى ما يحب يطالع فيها

كمان الجرااح شغله ككله تقطيع . . الطبيب المختص بالأورام كلها تعمل تشوهات . .

بصفه عامه هوا مريض وراح تشوفي شئ مو طبيعي . . ف عيدي النظر في التخصص


وانا معآك انه طب الاسنان كمان فيه اشيآء مو حلوهـ . . لكن على فكره انتي لسه مآ شفتي اي شئ من القرف الي شفناه

يمكن انتي حكمتي على اشيآء مره سطحيه . . لكن لو تبغي اوريكي صور القرف على اصوله لكن على البرايفت عشان الناس لا يكرهوني ههههههه . .

الواحد مآ يقول الا الحمد لله ع العافيه . .

لكن بيجي وقت ترا خلاص تتعودي على المنآظر يعني لا تحطي هالحاجز وتغيري التخصص عشانه ..

بيجي وقت احسآسك مع السلامه بيموت . . يعني اول يوم دخلناا المشرحه كنآ متخوفين مره

ومحد اكل نفسه مسدودهـ .. بعد كم مره الواحد صآر بعد المشرحه يطلع المطعم يآكل ولا كانه شآف شئ

الموهيم انك تفكري كويس وبالتوفـيق !!