كلية الكيمياء اللحيوية ^_*

[لوفه]

المشاركة الأصلية كتبت بواسطة لمسات الورد ماحدث معنا انا و مجموعة من النبات انه بعد ماتخرجنا رحنا ندور على وظيفة في المستشفيات ولمن قدمنا شهادتنا قالوا لازم تكون معاكم بطاقة التصنيف والتسجيل المهني من الهئيه العامة ورحنا على الهيئه العامة للتخصصات الطبية ومن هناك عرفنا انه لازم نتدرب لمدة سنة كاملة في أحد المستشفيات المعترفه لدى الوزارة و بدفع مبلغ 12 الف ريال (الف كل شهر) للمركز التدريب والابتعاث الواقع بالتحديد على بالقرب من مستشفى الملك فهد الحكومي وبعد مانخلص تدريب ندخل امتحان وندفع رسوم الامتحان 700 او 800 ريال مو فاكره المبلغ بالتمام بعدين اذا عدينا نحصل على البطاقة ... قلت للموظف ليش ندفع هذا المبلغ واحنا دارسين بدون فلوس ومتخرجين بمعدلات عاليه قال هذا قرار من الوزاره قلت له طيب اذا تدربت ودفعت تضمن الوزاره توظيفي بعد انتهاء مدة التدريب قال لآ لانه في تعميم بمنع توظيف خريجين الكيمياء الحيوية والاحياء...قلت اجل ليش تدربونا؟؟؟ وتاخذون هذا المبلغ..!! قال انتم تدربوا ماتدرون امكن التعميم بنقذ وينزل تعميم جديد بتاهيلكم الموهيم قدمت خطاب له باني ارغب في التدريب وموافقه على دفع المبلغ ووقعت وقال راجعينا بعد اسبوعين وراجعتهم واخذت منهم ورقة ورحت للمركز التدريب والابتعاث وهناك طرحت نفس السؤال في القسم النسائي وقالت لي المسؤولة هذي اوامر بتجينا احنا مالنا فيها مو عاجبك خاطبي الوزاره >>>>قمة في الآخلاق بعدين قالت لي عندك 3 مستشفيات معترفه في منطقة جده:الملك فهد الحكومي . والملك عبدالعزيز ومركز الاورام..والثغر.ايش تبي واحد منهم.. قلت لها الملك عبدالعزيز وارسلت خطاب عليهم ووافقوا انه اتدرب عندهم وباشرت التدريب وفي اثناء التدريب ماجلسنا انا والبنات قابضين ايدينا رحنا للديوان الملكي وارسلنا عليهم خطابات وبرقيات للملك. رحنا للديوان المظالم وقدمنا شكوى وحددوا جلسه مع مسؤول او محامي لدى وزاره الصحة وماجاء الجلسه الاولى وحددوا جلسه ثانيه واحنا سارت عندنا ظروف ومارحنا فاتصلنا عليهم وقالوا الغيناها لانكم ماحضرتوا قلنا له هو ماحضر الجلسه الاولى ومالغيتوها قال لانكم انتم اللي متقدمين بس ممكن نعطيكم موعد ثاني قلنا طيبـ ولمن حسينا انهم مابياخذو حقنا بدانا بارسال خطاابات للوزاره هناك ووصلنا للفاكس الوزير نفسه. د. عبدالله الربيعة وارسلنا عليه خطاب وتواقيع عدد من الطالبات اتصلنا على السكرتاريه وقلنا له ارسلنا خطاب للدكتور عبدالله بخصوص موضوع الكيمياء الحيويه الدفع والتوظيف قال تم تحويله للدكتوره عفاف التويجري ولحدكم اليوم واحنا مو قادرين نوصل لهذي الدكتورهـ لا على مكتبها بترد وعلى ايميلاتها وكلمت اخ في الرياض من الشؤون الصحية قال انا بساعدك وهو اللي وصلني للرقم فاكس الوزير الله يكتب اجره وقالي تحتاجون احد يتابع لكم هذي الاوراق في الرياض واحنا مالقينا احد يتابعها بالصراحه ... ولمن راجعنا البرقيات اللي ارسلناها على الملك لقينا وحده منها متحوله على الوزاره ومن الوزاره على د.عفاف التويجري يقولون هي المسؤوله عن التدريب والابتعاث وبالنسبه للجامعة رحنا بانفسنا للرئيسه القسم وقالت ليش بيطلبوا منكم هذا المبلغ >>ماعندهم علم بالسالفه ولمن قلت لها عن منع التوظيف قالت خاطبوا مدير الجامعة قلنا كيف نوصل له قالت خذوا ايميله وارسلوا له الخطاب قمنا اخذنا ايميله من الموقع وارسلنا عليه ولاحياة لمن تنادي مااافي رد وبالنسبه للقسم الاولاد اعطيناهم خبر عن طريق الدكتوره انه احنا مقدمين شكوى واللي بغى يتضامن مع هذه الشكوى يوقع ويكتب رقمه السجل المدني وللاسف لمن راجعنا الدكتوره مره ثانيه لقيناها ضيعت الاوراق ولاجمعوا تواقيع لا من البنين ولا من البنات وبعد هالسالفه كلها قال لي شخص الله يعطيه العافيه انه اذا بترفعون شكوى ارفعوا على مدير الجامعه لانه هو اللي بعث للوزاره بعدم تاهيلكم بعد مافتتح قسم المختبرات الطبية بكلية الطب (وجمعنا خلال هذي الفتره جميع التعاميم سواء بمنع التوظيف او بدفع المبلغ) والله أعلم هذا اللي سار معانا اخي دافيء الاحساس وانا معاكم باي خطوووة صح انه مالقينا رد على تعبنا اللي بذلناه بس ربي مايضيع تعب مسلم والله ينتقم من المسبب لاننا تمرمطنا مرمطه كل قسم يرمي السبب على الثااااني الوزاره تقول الجامعه والجامعه تقول الوزارة والله حسيبنا ونعم الوكيل..

الله يجازي الي منع توظيفنآآآ دنيآآآ وآخره الله يمهل ولا يهمل

آحنآ بنفسنآ نجمع تواقيع البنآت اذا اعتمدنا على احد رح نتعب ع الفاضي

[لوفه]

المشاركة الأصلية كتبت بواسطة دافئ الإحساس شوفو الرابط دا http://www.bdr130.net/vb/t93177.html

سيفت الرقم عندي ان شاء الله يجي بنتيجة

[لمسات الورد]

ربي يسهل والله ينصرنا
انا بنفس الوقت نزلت موضوع في المنتدى وبالصراحه ابدا مالقيت اي تفاعل عشان نجمع التواقيع ولااحد رد على الموضوع
والله المستعان وهذا رآبط الموضوع:
http://www.skaau.com/vb/showthread.php?t=294329

[- لغة القرأن -]

حسبي الله ونعم الوكيل عليهم

بنااات انا معكم الي تبوني اسويه راح اسوية انتو بس قولوا شو المطلوب

[دافئ الإحساس]

حسبي الله ع من كان السبب

انا اعرف واحد في الدراسات العليا

هو صحيح موظف عادي

بس لو معارف ماشاء الله

واعرف منو كيف اقدر اقابل مدير الجامعه

وإن شاء الله نقدر نوصل لنتيجة يارب

حسبي الله ونعم الوكيل

[دافئ الإحساس]

المشاركة الأصلية كتبت بواسطة لوفه سيفت الرقم عندي ان شاء الله يجي بنتيجة

انا مني من الرياض

والتردد دا بس للرياض

ياريت لو كان لكل المناطق :(

[قلبي مملكه]

المشاركة الأصلية كتبت بواسطة دافئ الإحساس وكيف نوصلها؟

الي عرفتة ان الملك فيه يوم يقابل فية المواطنيين في قصرة سواء في جدة او الرياض
وممكن عن طريق برقية ترسلها للديوان الملكي

[دافئ الإحساس]

يبالي اشوف حكاية البرقية إن شاء الله

تسملي

وشاكر لمرورك

[شذاالورد]

سؤال ع الطاير حبايبي ..
الحين اللي وقف عنا الوظايف الله يحسسوا بالذنب هالايام ويرجع هالقرار في العشر الاواخر وتفتح في وجوهنا الارزاق والارزاق بيد الله مو بيد اللي يمنعوها عنا الله يمهل ولا يهمل بنااات دعاويكم بهالشهر الفضيل وفي العشر الاواخر وفي الثلث الاخير من الليل والله مايرد دعوه مظلوم
الحين هو وقفها بس في المستشفيات ..؟ يعني في امل تتوظفو في شركات ليش ماتشوفو ارامكو ..؟ وبعدين بسال ما تقدروا تسيروا معيدات في الجامعه ..؟

اتمنى انكم تجاوبون عليها كلها

يارب انت تشهد بإنا عبيدك بنو عبيدك ،، رجوتك يا الله ان تفتح في وجوهنا ابواب الخير وتفتح بوجهنا ما عقد من الامور امامنا انت بوحدك قادرع هذا كله يا رزاق ياكريم اكرم ع طلاب هذا القسم بما يتمنوه وياملوه من وظايف لمساعده اهليهم ،، انتوحدك فارج الكرب فافرج كربتنا ،، ياكريم فاكرمنا بما هو خير لنا و اللهم صلي وسلم وبارك ع عبدك ورسولك محمد عليه افضل الصلاه واتم التسليم

[dunhill.1990]

والله ياجماعة اللي يقول مافي وظايف


:)


مستحيل تبا وظيفة ومعدلك مو مرتفع كيف كدا ؟؟؟


جيب معدل حلو يمديك تكمل درسة لو تبا


جيب معدل حلو تتوظف إن شاء الله


كيف بتتوظف ومعدل 3 او 2 من جد حرام يوظفوك وفي عالم 4 و 4.5 و 5


ترا الموضوع كلو في المعدل

مرررررررررة مرررررررررة قفلت في وجهك


اله يخلي الابتعاث ماتبا مادك الا كلية الملك فهد الامنية :) بس