تجمع طالبات إنتسآب reading1 & writing1 & lisiting1 &فرنسي 1 الترم 2-2010

[عبير العسيري]

المشاركة الأصلية كتبت بواسطة غريبة الدار مشكووووووره عبوره الله يسعدك عالردود الحلوه كفيتي ووفيتي بس ابسألك عن القواعد اللي نلتزم فيها لما نكتب الموضوع ما قالت لكم الاستاذه عنها شي

والله ماحددت شي معين بس لازم يكون نطقك صحيح والقرامر كمان صحيح

انا كمان متخوفه من هذا الامتحان لانه اول بزنتيشن راح اقدمه

يارب تتسهل

[سوسه نوسه]

يارب توفقنا وتسهل علينا اختبااار بزنتيشن ياااااااااارب

[غريبة الدار]

Iam so sorry عارفه والله غثيتك بس سؤال اخير عن هالاختبار نقدم لها الورقه ولا بس نتكلم عن الموضوع
أو الاثنين مع بعض

[goglin]

لا بس تتكلمين عن الموضوع ماتطلب الورقة لأن أهم شئ ثقتك في نفسك والنطق

[ام حمدان]

بنوتات اهم شي فالبرزنتيشن
تلقونه على الاستاذه غيب بس تحاولون ماتبينون انكم حافظينه لا بينوا لها انكم فاهمين ايش تقولون وممكن تسألكم على نفس موضوعكم وفي هالحاله ضروري تجاوبونها بجمل كامله لان لو قلتولها يس او نو او اجابة مختصرة راح تنقصكم وكمان حالوا مايضهر ارتباككم لها لان برضو عليه درجات اعتقد الثقه عليها درجتين من العشرين درجه والباقي يتوزع على تراكيب الجمل الي تقولينها وعلى نطقكم للكلام وخلافه
موفقين

[حنين الود]

خطوات مهمة لعمل برزنتيشن جيد إن شاء الله
اهم حاجة في البرزنتيشن الثقه في النفس+تقولوا بسم الله الرحمن الرحيم +الحلوين لو سمحتوا(إتحصنوآ)
1- لازم تعرفي انو كل الناس بتخاف من البرزنتيشن واكيد شي طبيعي ..
2- اتكملي عن شي انتي تحبينه او تهتمي فيه
3- اتكلمي بهدوء ومو تتكلمي بسرعه عشان ترتاحي وتخلصي منه مو مشكله لو تخلي فاصل بسيط يعني ثواني لو تكلمتي بسرعه يبان الاغلاط والخوف وتصير اخطآئك كثيييييييييره
4-قبل ماتبدأي اسكتي شويه جمعي افكارك على بال ماترتاحي للجو وتتأقلمي
5-لآزم التدريب يعني مو مشكله تقرأي البرزنتيشن عشره عشرين مره
6- لازم تتأكدي من البرزنتيشن نفسه مايكون فيه اغلاط املائيه +لازم تشوفي في النت اذا كان نطقك للكلمات صحيح أو لأ حاولي تتدربي على النطق وكرري مع الدكشنري الناطق الكلمات
7- خذي افكار من البنات الي عملوا البرزنتيشن
8-إسألوا وتأكدوآ لو الأستاذه بتسأل الطالبه بعد البرزنتيشن أسئله أو لأ عشآن تآخذوآ إحتيآطآتكم...
9-لو حصل شي لخبطك لاتعيدي من الأول أو ترتبكي كملي عادي كأنه ماحصل شي
10-لو حصل وانك قدمتي البرزنتيشن قدام بنات كثير لمآ تقرأي طآلعي في بنات تحسيهم منتبهين او عاجبهم الموضوع وحآولوآ يآبنات تدعموا بعض في النقطه هذي ..لو طالعتي في بنات يربكوا يبان عليكي
11-لازم يدينك ماتكتفينها(لانو يبان انك مو مرتاحه وماتبغي احد ينتقدك) خليكي مرتاحه في الوقفه ولاتتحركي كثير وانتي واقفه ولو لازم تشغلي يدينك حاولي تحركيها حركات بسيطه يعني 3 او 4 بس طول البرزنتيشن كشرح يعني وأفضل شي طبعا تحطي يدينك في جيبك ..
12- الإبتسامه +الهدوء والكلام البطئ نوعا ما + نبرات الصوت حاولوا تتابعوا المذيعات اكيد بتشوفوا انهم بغيروا نبره الصوت من وقت للثاني عشان يلفتوا النظر للموضوع المهم او الموضوع المضحك او الموضوع السياسي وزي كدا

^
هذي الخطوآت الي تحضرني حآليآ ..

[حنين الود]

المشاركة الأصلية كتبت بواسطة ام حمدان بنوتات اهم شي فالبرزنتيشن تلقونه على الاستاذه غيب بس تحاولون ماتبينون انكم حافظينه لا بينوا لها انكم فاهمين ايش تقولون وممكن تسألكم على نفس موضوعكم وفي هالحاله ضروري تجاوبونها بجمل كامله لان لو قلتولها يس او نو او اجابة مختصرة راح تنقصكم وكمان حالوا مايضهر ارتباككم لها لان برضو عليه درجات اعتقد الثقه عليها درجتين من العشرين درجه والباقي يتوزع على تراكيب الجمل الي تقولينها وعلى نطقكم للكلام وخلافه موفقين

شي مهم نسيته الجمل زي ماقالت ام حمدآن الجمل على أي سؤال تكوووون كآملة وفيه أشياء كثير تساعد لو مو عارفه ترتبي الجمله استخدمي I think that the answer of this quistion will be different from on to another تقوليها على بال ماتدوري اجابه للسؤال وتقول من ناحيتي انا جوابي كذا كذا كذا ..
طولي الجمل وبيني انك متكلمة ماهره وشي بسيط تقدري تسويه لو تدربني ساعتين على الموضوع خلاص استحاله تغلطي ..
ركزوا في الوقت الحالي على الموضوع نفسه اختيارك للموضوع +المعلومات الي فيه +الجمل الصحيحه الأخطاء الإملائيه + الموضوع الملفت والجميل + طريقة النطق +موضوع يعجب الناس بالغالب .. زي كذا يعني ..(حطوآ في بالكم 20 درجة بيدك تقدري تضمنيها +ترفع وتنزل وشي بسيط وسهل تصمينه في البيت وتروحي تسمعيه ووقته قليل وهم وينزاح إن شاء الله على خير وكلكم تنجحوا بدرجات ارفع الراس ماده سهله ويبغالها تركيز )بالتوفيق إن شاء الله

[عبير العسيري]

مساء الورد والفل والياسمين

كيفكم حبيباتي

اليوم اخذنا محاضرة رايتنق بس لان استاذة الفرنسي اعتذرت

اكثر المحاضرات اللي استفدت منها هي محاضرة الرايتنق لان الاستاذه اسلوبها حلو وشرحها وااااضح

وراح احط لكم المرفق فيه كل الازمنه اللي شرحتها لنا وكلها سهله وحلوه وتقول كلها تساعد في كتابة البراقراف وهذا الملف لي فتره اجمع فيه وشافته الاستاذه وتقول جدا رائع

وهي
الماضي البسيط
والماضي المستمر
والمضارع البسيط
والمضارع المستمر
والمستقبل
والمضارع التام
والمضارع التام المستمر

[سلسبيل الجنه]

الف شكر يابنات..تعبناكم معنا
الله يرزقكم الاجر الكامل يارب اللهم امين

[غريبة الدار]

كنت ابسأل البنات منزلين في قسم الملخصات والمواضيع المميزه ملفات مرفقه كثيره للمواد حقتنا طبعا كلها استماع فما ادري ضروري نفتحها ونسمعها لانه احسها تاخذ وقت طويل وهل الاستاذات كانوا بيفتحوا لكم مسجل خلال المحاضره
وسااااااااااااااااااااااااااانكيو لكل البنوتاااااااااات