كل عــــــ وآنتم ـــــــآم بخير ... عيدياتكم للعيد ....

[سنفورة موت]

المشاركة الأصلية كتبت بواسطة eng.midooo آول حاجه ابارك لكل اعضاء المنتدى والامه الاسلاميه ولصاحبه الموضوع يالله احاول انام ليله العيد مقدر متعود على السهر المهم من قبل الصلاه بساعه اكون قدام المرايه ازبط بالشماغ والعقال وياليل اجلس ساعه احوس فيها واخر شيء اركب السياره وتخرب الموهيم بعد الصلاه نرجع البيت اعايد امي واخواتي وكل العايله وخالي الي ساكن جنبنا ههههههه ولازم افطر انا انسان لو ماافطر مااحس بطعم الاكل واعيد على جيرانا اصدقائي منذ الصغر وبعدها تجي ناس تعيد خوالي وكدا وبعدها نروح لبيت جدي نعيد خوالي مره ثانيه ههههههههههه لا لا بس نروح نعيد على الباقين وفله ووناسه ولازم نتغداء هناك وبعدها ارجع البيت واسحبها نوووم وبالليل زيات لناس كثير واليوم الثاني نروح لاعمامي لانهم بعديدين عنا ونعيد اما العيديه مافي خلاص صرت جامعي وبس مررره متحمس قلت قصه حياتي<<< ماينعطي وجه نسيت شيء سبحان الله الجوال يوم العيد لازم يسوي ازعاج

الله يسعدك تسلم يااخوي

من جد ليلة العيد مين ينام فيها

ههههههههههههههههههههههههههههه ضحكتني الشماغ والعقال هههههههههههههههههههه يعني مو بس حنا متعذبين

ماشاءالله الله يقويك يارب

ياحرام انتوا يالعيال تنحرون منها احنا لين الان ناخذها

لاعادي يااخوي شرفت الموضوع وربي هههههههههههه الجوال دايم ازعاج بس يوم العيد غير

ربي يسعدك يااخوي

[bint aboha]

السلام عليكم ورحمه الله وبركاته

وكل عام وانتي بصحه وسلامه

حقيقة انا لست فرحه بسبب مايحصل للأخواننا المسلمين

رغم ان عيدي كله نوم للأنني لاأحب التجمعات كثيرا

لذلك لن أشعر بالعيد بتاتا

شكرا سنفوره ومن العايدين عزيزتي


تقبلي مروري

[* تركي *]

/


- قَبل العيد بـ كمن يوم أروح عِند أقرب مَطبخ وَ أصرف 100 (ريآلآت) وَ 100 ثآنية بـ رآسهآ. الريآلآت لجل الصغآر ، وَ الـ 100 الثانية أنآ كل عيد أعلمهم أول من يسلم علي أعطيه هـ العيدية. وَ مآدري منو سعيد الحظ هـ السنة .

- قَبل فَجر العيد بـِ سآعآت وَ آنآ صَآف سِرآ عند حَلآق (الطويل) هندي ، وَ الي يمي كلهم هنود. طَبعاً هـَ الحلآق يدخل مَزآجي لـِ أنه هو الوَحيد الي يعرف وش أبي وَ بـ النهآية بـ 15 ريآل بدون أي مبآلغة . موب مثل التونسيين وَ المغآربة وَ الأترآك يـَ الي يمسحون وجهك بـ (منشفة حآرة) وَ يسحب منك 100 ريآل. تَو أجلس عَ الكرسي بعد دورن طويل ، الجوآل يرن وَ امي تهآوش وينك بـ هـ الوقت الضآيع تحلق ، طَبعاً هـ الموقف كل سنة يتكرر سبحآن الله يعني تو أجلس يتصلون علي.

- أَصلي المشهد في مسجد (بن دهيش) نفس الخطيب نَفس الركن الي أجلس فيه وَ نفس والله الخطبة الي تتكرر كل سنة وَ نفس البخور يـ الي يكتمني. وَ أعيد عَلى الشبآب وَ الأصدقآ وَ العيآل عند المسجد وَ على أخوآني وَ أبوي. بَعد كذآ أرجع البيت وَ أعيد على أمي وَ خوآتي وَ بنآتهم الأميرآت وَ أفطر سوآ مع أهلي وَ مَع هـَ الجمعة الطيبة. بعد كذآ تبدأ الزيآرآت حَتى الظهر. بَعد الظهر الأقآرب وَ الجيرآن مَعزومين على غدا عندنآ (دورنآ أول يوم كل سنة).

- أصلي العصر وَ أنآم. وَ أصحى عَلى صيآح فهد وَ دحمي أنآظر بـ السآعة توهآ 8 المسا ، أخرج لهم من الطآقة أهآوشهم يـ عآلم في اختراع اسمه جوال موب تصيحون أزعجتم العالم ، أحصلهم متشيكين وَ يلآ قم ودنآ جدة . أحلف على دحمي مآنيب موديك لين تشيل هـ النظآرة عن وجهك آي عآلم جيت منه انت !. أحآول أصرفهم عني لكن يصرون لأن سيآرتين مشيت من الحآرة ولآ كفتهم. هـَ النشبة كل سنة تتكرر . يمكن هـ السنة لأ ، يآرب ، لأن أزمة السيآرة انحلت.

- عآدة مآ أكمل مَعهم السَهرة ، أرجع البيت عَلى 12 كذآ. وَ من هـ الحين حتى الفجر هي من أحلى لحظات العيد.

- اليوم الثاني أقضيه كامل بـ جدة مَع أهلي لجل نعيد على النصف الثآني يـ الي هنآك. وَ تفآصيل كثيرة ،’




::

[O-DODY-O]

وااااااااا

انتي تتكلمي عن العيد

اول حاجه كل عام وانتوووووو بألف ومليون خير

ثاني حاجه اممممممممم

العيد من اسمو عيد يعني حلو يعني فرحه يعني كل شي في ذي الدنيا

امممممم

انا مااسمح لشخص يدخل البيت من غير مايديني عيديه ههههههههه

بس اول شي اروح لابويا واخذ عيديتي وبعدين امي وبعدين اخواني نفراً نفر

والبزوره اخذ من عندهم عيديه (مساكين يدوني ريال او ريالين واذا كثرت 5 ريال ههههههه (بس اسمها عيديه)

حتى حريم اخواني اخذ من عندهم عيديات ومن اخواتي ههههههه من كل الناس يعني

وبعض الاحيان يجونا ضيوف ويدوني عيديه (استحي مررررررررره احس نفسي بزره)


امممممممم

بس مررررره حلو العيد

[رنيم سليمان]

وعليكِ السلام ورحمة الله وبركاته

وأنتِ بخير سنفوره = )

ان بتكون هذه الصفحة لعياديكم من تعايدون وش تقولولهم ؟!!..


إذا كُنتِ تقصدين الهدايا


اشتريت للوالده : حذاء - أكرمكم الله - من كلفن كلاين

وللوالد وأخي الأكبر : بدلة رسمية للعمل مِن زارا

أمًا أخي الثاني : اشتريت له بلوزه سماويه تحتوي على كلمات انجليزيه باللون الأبيض

وأشتريت عليها بلوزه بيضاء تُلبس تحت البلوزه السماوية ، أيضًا من زارا

شقيقتي الكبرى : تعشق الكتب فاشتريت لها أظن 4 كُتب من جرير وغلفتها في سنديان

شقيقتي الصغرى : احترت معها كثيرا في البدايه قررت أن أشتري لَها " وِي "

ثم فكرت أنها ستحتاج كل مره إلى أن تشتري شريط بـ 100 مما سيسبب لَها التكاسل

بالإضافة إلى أنني استصعبت الأمر لأن الوي بـ 1000 وحذاء أمي بـ 350

صحيح أن المقارنة ليست بالسعر ولكن خشيت أن يأتي في قلب أمي شعور لا أرضاه ()


بعدها فكرت بإحدى الألعاب في تويز بـ 475 - مثل الزلاجة

ثم قالت لي الوالده بأنها لَن تناسبها ورفضت حتى لاتتزلج على سيراميك المنزل

أخيرًا قررت أن أعطيها 200 ريال وأربطها بشريطة حَمراء وكَرت مُعايدة



أما بقية الأقارب وأبنائهم فأبي وأمي يتولون مسؤولية إهدائهم .


وكمان سؤالين : وش تسووون اول يوم العيد كل شخص يكتب اول يوم العيد له ووين يروح ويجي ؟!


ربما يكون عيدنا رَتيب بعض الشيء ، يغلب عليه الزيارات وصلة رحم

في الصباح بعد صلاة العيد بفترة نقوم بزيارة أهل الوالد و الوالدة - نفطر معهم - حتى الظُهر

وفي المساء نُكمل زيارات إن استطعنا، في اليوم الثاني أستقبل الزُوار في منزلنا

وأحيانا تطلب مني شقيقتي الصغرى أن أرافقها مع بنات خالاتي

إلى ملاهي أو أي تسلية تُسعدها ~



وهل تعطي عيديات ولا يعطونك عيديات؟!!


حينما كُنت صغيرة كنت أحصل على عيديات من الأقارب أمًا حاليًا فلا = )

طبعا يختلف من سنة لأخرى فمثلا هذه السنة قال لي أخي بأن لَنا هدايا فابحثوا عنها في الدور الثاني

وهذه أول مَره لَه أمًا أبي وأمي أحيانا يكتفي أبي بمبلغ معين وأحيانا أخرى هدية مُشتركة بينهما

ولا نَعلم مالمستجد في كُل سنة .


رُبما ستتغير الأوضاع لأجل وفاة جَدي في شهر شعبان - رحمه الله - وأجزاه الجَنة ~


بشكل عام : لاتهمني هذه الأمور ولا أحب المحاسبة فيها تَكفيني الفرحة والابتسامة

وبالوصال يَكُن خيرُ عيد .

[يلدرم]

كل عام والجميع بخير

وابشروا بالعيدية من اختياركم

ايقاف عضوية او منع الرسائل او الحرمان من الصور الشخصية او التوقيع او عدم السماح بالمشاركة في منتدى ما او تقرير فسح المشاركات بيد المشرف<<<< شايفين انا قد ايش احبكم

[غرك غرورك]

^
^
^


لا تكفـــى مانبغـــا عيـــديــه

[غرك غرورك]

كـــــــــــل عـــــــــــــــام وانتــــــــم بالف خيـــــــــــــــــــــــــــــــــر

حلاااة العيــد الصبـــــاح بــــــــس

[سكون الورد k.a.u]

هلاااا ببنت العم ..

وعليكم السلام ورحمة الله وبركاته

وانت ِ بخير ياااارب ومن يعز عليك ِ ، ومن الفاااايزين ان شاء الله ..

كل عام والموحدين بألف خييييييير ..

وكل عام ومنتدى سكاو وذويه بألف خيييييييييييييييييير ...

الله يعودهـ علينا اعوام عديده ، وازمنه مديده ..

حسااااااااااافه يااارمضــــــــــــــان .. والله اننا على فراقك لمحزونون ...

>> اعزي نفسي بإنقضاء شهر الرحمه والغفران ...


دمتم بود

[سكون الورد k.a.u]

المشاركة الأصلية كتبت بواسطة يلدرم كل عام والجميع بخير وابشروا بالعيدية من اختياركم ايقاف عضوية او منع الرسائل او الحرمان من الصور الشخصية او التوقيع او عدم السماح بالمشاركة في منتدى ما او تقرير فسح المشاركات بيد المشرف<<<< شايفين انا قد ايش احبكم

هههههههههههههههههههههههه ، لاااا مانبي نكلف عليك ...

متنازلين عن العيديه .. ، صح ياسنفوره ؟؟؟

ههههههههههههه