قروب كيميا حيوي ..ضروري الدخول

[miss pink]

يابنات مين اخذ مع دكتوره نجوى الصاوي كويسه ولا لا

[DNA..~]

بنآآت معليش ممكن طلب

^_^

ياليت من اي وحده تكتب تجربتهآ مع الاستاذات في المستوى الثآالث<<وحده خ ـآيفه حبتين

بايوك201

بايو201

كيم201

ثقافه101

عربي101

<<وحده تجبر بخآطرهآ<< :d

[banoota mnkoosha]

كووووووووووووووول :)


عربي 101 = أ/ هدى البطاطي ...

روووووووووووعة ... والمنهج جيد بس عربي 201 احلى واسهل .... يقولو انهم غيرو المنهج بدل نحو صار ادب !! الله اعلم

واذا ما لقيتيها .. خديها مع أ/ تيسير الشريف ...





ثقافة 101 = أ/ رقية السعودي ....

عادي جدا ... دي المادة لاتهتمي بمين يدرسك هيا .. لانو شرحهم كلو واحد ...




بايوك 201 = د/ امينة مدحت

نصيحة خدي معاها ... المنهج جدا رائع .. وشرحها حلو .. وملازمها حلوة كمان

بس عيبها تحب الرسم .. وتجيبي 100 بالراحة

في د/سوسن خوجة ... برضو كويسة وسمعتها زي الفل ...

ابعدي قد ما تقدري عن سوسن رحيم الدين ... جدا سييييييييئة انا درست معاها اسبوع واحد وكرهت المادة .. بعدين

غيرت وروحت لامينة مدحت ..

اغلب مواد التخصص ماتكون موحدة بين الدكاترة ... يعني مثلا بايوك 201 في 3 مراجع لها كل دكتورة بكيفها تاخد من اي

كتاب تحبه ... وحتى الاسئلة مو موحدة لا نصفي ولانهائي ...




بايو 201 = د/ زينب المديفر او ناجية الزنبقي ...


سمعتهم كويسة :) ...




كيم 201 = د/ امل الحسيني ...

رووووووووووووعة .. شرح وتعامل وكل شي ... بس المنهج شوية رزل .... ركزي معاها وافهمي وخلاص مايحتاج تذاكري

في البيت ....


ولو تقدري تاخدي مادة اخيارية .. خدي في السمستر التالت مادة مصطلحات حتساعدك على كلام البنات :)

طبعا انا راحت على بالي دي الفكرة ..


بالتوفيق ياقمر ... ولاتشيلي هم ....




بالنسبة للي بتسأل عن د/ نجوي الصاوي ... بنت خالتي اخدت معاها .. وتقول ماشي حلها .. بس مو مرة تمام لاشرح ولا

اسألة,,,

[مختلفة وكفى]

بنات سمعت ان زينب المديفر كويزاتها كثير وبدون فايدة هذا الكلام صحيح ؟؟
ياليت تفيدوني عشان أقرر آخذ بايو 201معاها ولا لأ ؟؟

وسؤال ثاني : أغلب الشعب خانة أسامي الأساتذة فاضية وماني عارفة على اساس ايش أرتب جدولي ,, سؤالي راح يحطون أسامي الأساتذة قبل الجداول ولا راح تجلس فاضية كذا ؟؟

اللي يعرف لا يبخل علي ومشكوووووورين

[الملكة]

اذا ماتبغي زينب المديفر فيه ناجية الزنبقي زي ماقالو البنات
انشاء الله وحدة غيري تفيدك تكون أخذت مع زينب المديفر
وشكرااااااااااااا

[miss pink]

بنات مين جربت نجوى الصاوي

[banoota mnkoosha]

المشاركة الأصلية كتبت بواسطة miss pink بنات مين جربت نجوى الصاوي

ياعسل رديت عليكي فوق ....

بنت خالتي اخدت معاها ... تقول ماشي حالها ... بس مو مرة كوووووويسة !!


كوووول ...

لا شكر على واجب .... ويسعدك كمان ...

[DNA..~]

بنوته منكوشه مره شكراً

ربي يسعدك :)

[قطرة مطر]

طيب بنات مين افضل نجوى الصاوي والا نجلاء وتكون اسئلتها سهلة وكويسة

[northstar]

والله مدري

ياليت اقدر افيدك