للمستجدين والمستجدات, كل ما تحتاجون معرفته عن السنة الأولى + معلومات أخرى*

[M7mmd.Y]

^

وياكِ يارب

ايوا مضبوط, هوا دا الكتاب

بالتوفيق

[Mr.ELI]

الله يعطيك العآفيةة .. موضوع شآمل

[Al-Thaqafi]

يعطيك العافية أخوي محمد ..

سؤال خارج النص ..
وش صار ما كنت بهندسة ميكانيكية ؟!
وش اللي غيّر رغبتك للكيميائية ؟

[M7mmd.Y]

المشاركة الأصلية كتبت بواسطة al-thaqafi يعطيك العافية أخوي محمد .. سؤال خارج النص .. وش صار ما كنت بهندسة ميكانيكية ؟! وش اللي غيّر رغبتك للكيميائية ؟

ويعافيك يارب,

انا حالتي صعبة , من اول ما طبيت الجامعة وانا محتار, لكن اشوف الموضوع طبيعي

لان ماشاء الله التخصصات الهندسية كلها حلوة, ولي ميول في كل قسم, وهذا اللي سببلي الحيرة.

بداية, الكيميائية كانت رغبتي من اول ما طبيت الجامعة, قسم كرف, لكن ممتع - بالنسبة لي -

دراسته حلوة ومستقبله رائع, اللي خلاني اغير ان لي قريب مهندس ميكانيكي خبرة طويلة وجالس يكمل دراسات الله يوفقه

شفت كيف الطلب عليه في الوظايف, وشفته مستمتع بتخصصه مع انه مكروف مرة

فـ لما جلست معاه افهم ايش طبيعة عمله وكيف مستقبل هذا التخصص, حمسني

خصوصا انه الميكانيكا + الكهرباء مطلوبين في كل مكان في الممكلة,

ازيدك كمان, قبل الميكانيكا كنت كهرباء الكترونيات , اقلك كنت حايس وحالتي صعبة

الكيميائية وظائفها في الغالب تتمركز في الشرقية وينبع الجبيل... المناطق الصناعية

كنت احسب انه مافي الا كدا, ومن فترة لقيت صاحب اخويا - مهندس كيميائي - متوظف هنا في جدة

في شركة مرموقة.. جداً! وقالي ان كثير طلبوه هو ودفعته في مناطق مختلفة في جدة, وفي غيرها طبعا

بعدها رميت موضوع الوظيفة هذا ورا ظهري وقلت ادخل اللي ابغاه

وادرس شي احبه احسن من اني اغصب نفسي وفي الاخير اكره عمري, والوظيفة عاد اخليها على ربي الكريم

والحمدلله بعد الصراع المرير اللي دام قرابة السنة ونصف رجعت لرغبتي =)


,,,

ربي يسعدك الثقفي

[AbsolutioN]

لأهمية الموضع و خاصه مع بدء عملية تسجيل الرغبات لطلاب وطالبات السنه التحضيرية

تم رفع الموضوع و عرضة بالقسم العام للكلية

[M7mmd.Y]

ربي يسعدك ابسلوشن،،، =)

اذا عندكم اي استفسارات، احنا حاضرين

اسأل الله التوفيق لكم، ولي

[fdo ldo]

انا نفسي اخش هندسة بس ابا اعرف كيف دوامكم الين الساعه كم تجلسو كتير ولا لا وكيف الرياضيات زي التحضيري ولا اصعب وكم سنوات الدراسه

[fancy face]

السلام عليكم
اجازة سعيدة للجميع ..


انا سكنت كلية الهندسة و ان شاء الله اكون فيها..بس حابة اسأل بالنسبة لهندسة الحاسبات للبنات هل حيفتحوا فيها الاربعه شعب زي حقت الاولاد ؟؟
الي هيا : طبية حيوية و شعبة الالكترونيات و في كمان شعبتين بس مو فاكرتهم


اتمنى احد يجاوبني

[M7mmd.Y]

المشاركة الأصلية كتبت بواسطة fdo ldo انا نفسي اخش هندسة بس ابا اعرف كيف دوامكم الين الساعه كم تجلسو كتير ولا لا وكيف الرياضيات زي التحضيري ولا اصعب وكم سنوات الدراسه

على حسب الجدول اللي انتي مسويته، يعني ممكن اسوي جدول من 4 - 5 مواد وتكون مافيها

لا معامل ولا توتوريال ( محاضرة اضافية لحل التمارين ) .. ويصير دوامي

مثلا سبت واثنين وربوع 3 ساعات بس، ويوم الاحد والثلوث ساعة بس، وممكن تكون مواد ثقيلة

يعني محاضراتها بـ ساعتين، ف بدل 3 ساعات تصير 6 ساعات، وممكن واحد ينزل

5 مواد أو 6 ويكون فيها معامل وتوتوريال، يعني بيكون دوامه طويل،

لكن اغلب الطلاب يكون دوامهم من 8 لين 2 ... ويحتمل وجود بريكات في النص

الهندسة انتي تسوي الجدول فـ انتي اللي تتحكمي بدوامك، بس البنات على ما اعتقد انو ينزلكم الجدول

جاهز بالمواد، فممكن يكون نظامكم زي التحضيري،،، ما اقدر ااكدلك صراحة كيف نظام البنات

في الحالتين الدوام حيكون زي ما قلتلك، ويوم واحد للمعمل او التوتوريال بتتأخري فيه كمان ساعتين

*

حـ اكذب عليكي لو قلت الماث نفس التحضيري، لا هنا فيه ماث 202، ماث 203، ماث 204

ماث 205، وبعض التخصصات ( زي الهندسة الصناعية ) ماث 241

مستوى 110 حق التحضيري سهل جدًا وخفيف

اصعب مادة من اللي فوق هي ماث 202، هذي فعلًا اصعبهم وكلها تكامل،

الباقي اسهل منها ولكن منهج طويييييل، زي 203 هذي سهلة، وتتكلم عن القطوع، والمتجهات

وشوية عن المستويات وخطوط التقارب والمماس.. وكدا

و 204 لازم تاخذيها بعد 202 علطول لأنها شبيهه لها، بس اسهل منها

205 لسه ما اخذتها لكن الشباب يقولو شبيهه بـ 203 بس منهجها طويل برضو

الخلاصة... إن شاء الله اذا دخلتي هندسة، شدي حيلك في الماث لأن مواده كثير، وصراحة

مو صعب لو اهتميتي فيه، لكن لو اهملتي او اجلتي المذاكرة، بتكرهي عمرك

ربي يوفقك

المشاركة الأصلية كتبت بواسطة fancy face السلام عليكم اجازة سعيدة للجميع .. انا سكنت كلية الهندسة و ان شاء الله اكون فيها..بس حابة اسأل بالنسبة لهندسة الحاسبات للبنات هل حيفتحوا فيها الاربعه شعب زي حقت الاولاد ؟؟ الي هيا : طبية حيوية و شعبة الالكترونيات و في كمان شعبتين بس مو فاكرتهم اتمنى احد يجاوبني

وعليكم السلام ورحمة الله وبركاته،،

اهلين اختي

لحد الآن مافي اي اخبار وصلتنا عن تخصصات جديدة، كل اللي سمعناه من اول الترم

انهم قالو رح يزيدو عدد المقاعد ( المقبولات ) في الكلية، واحتمال يفتحو تخصصات جديدة

الهندسة الكهربائية: الكترونيات واتصالات - قُوى وآلات - حيوية - حاسبات

لحد الآن البنات بس لهم تخصص الهندسة الصناعية + تخصص الهندسة الكهربائية حاسبات

وكل اللي سمعناه كلام لسه ما وصلو لأي قرار

ربي يسهل لك امرك

[fdo ldo]

المشاركة الأصلية كتبت بواسطة m7mmd.y على حسب الجدول اللي انتي مسويته، يعني ممكن اسوي جدول من 4 - 5 مواد وتكون مافيها لا معامل ولا توتوريال ( محاضرة اضافية لحل التمارين ) .. ويصير دوامي مثلا سبت واثنين وربوع 3 ساعات بس، ويوم الاحد والثلوث ساعة بس، وممكن تكون مواد ثقيلة يعني محاضراتها بـ ساعتين، ف بدل 3 ساعات تصير 6 ساعات، وممكن واحد ينزل 5 مواد أو 6 ويكون فيها معامل وتوتوريال، يعني بيكون دوامه طويل، لكن اغلب الطلاب يكون دوامهم من 8 لين 2 ... ويحتمل وجود بريكات في النص الهندسة انتي تسوي الجدول فـ انتي اللي تتحكمي بدوامك، بس البنات على ما اعتقد انو ينزلكم الجدول جاهز بالمواد، فممكن يكون نظامكم زي التحضيري،،، ما اقدر ااكدلك صراحة كيف نظام البنات في الحالتين الدوام حيكون زي ما قلتلك، ويوم واحد للمعمل او التوتوريال بتتأخري فيه كمان ساعتين * حـ اكذب عليكي لو قلت الماث نفس التحضيري، لا هنا فيه ماث 202، ماث 203، ماث 204 ماث 205، وبعض التخصصات ( زي الهندسة الصناعية ) ماث 241 مستوى 110 حق التحضيري سهل جدًا وخفيف اصعب مادة من اللي فوق هي ماث 202، هذي فعلًا اصعبهم وكلها تكامل، الباقي اسهل منها ولكن منهج طويييييل، زي 203 هذي سهلة، وتتكلم عن القطوع، والمتجهات وشوية عن المستويات وخطوط التقارب والمماس.. وكدا و 204 لازم تاخذيها بعد 202 علطول لأنها شبيهه لها، بس اسهل منها 205 لسه ما اخذتها لكن الشباب يقولو شبيهه بـ 203 بس منهجها طويل برضو الخلاصة... إن شاء الله اذا دخلتي هندسة، شدي حيلك في الماث لأن مواده كثير، وصراحة مو صعب لو اهتميتي فيه، لكن لو اهملتي او اجلتي المذاكرة، بتكرهي عمرك ربي يوفقك وعليكم السلام ورحمة الله وبركاته،، اهلين اختي لحد الآن مافي اي اخبار وصلتنا عن تخصصات جديدة، كل اللي سمعناه من اول الترم انهم قالو رح يزيدو عدد المقاعد ( المقبولات ) في الكلية، واحتمال يفتحو تخصصات جديدة الهندسة الكهربائية: الكترونيات واتصالات - قُوى وآلات - حيوية - حاسبات لحد الآن البنات بس لهم تخصص الهندسة الصناعية + تخصص الهندسة الكهربائية حاسبات وكل اللي سمعناه كلام لسه ما وصلو لأي قرار ربي يسهل لك امرك

جزاك الله خير بس ابا اعرف هل الهندسة فيها احصاء لاني مااحوب الاحصاء مراا