التدريب الصيفي في ارامكو

[اسامة كردي]

الغريب انهم ماردوا عليا
لا بالموافقة ولا بالرفض

يآآآرب جيب الخير يآآرب

[مارية]

ألف مبارك للي انقبلوا .. وعقبال للباقيين .. إن شاء الله ..

[حأقعد عالكاشير]

المشاركة الأصلية كتبت بواسطة ~..candy..~ بناااااااات ابغى اسأل ايش شروط التقديم ؟؟ وهل هوا لكل الكليات ؟؟ وكيف قدمتو ؟؟ ووش ظروف العمل مختلط ولا لأ والسكن لو طلع في الشرقيه هما يوفرو ولا احنا اللي نوفر السكن لكم مني جزززيل الشكر

السكن انتي توفري
وظروف العمل الله اعلم في المنتدى قالوا ماهو اختلاط
قدمنا من موقع ارامكو بالنت عبينا البيانات المطلوبة وارسلناها
ولجميع الكليات التدريب ماهم مشترطين تخصص معين
شروط التقديم ماني متذكرتها بس اهم شي لازم تكوني معدية عالاقل 60 ساعة بنظام جامعتنا
ومذكورة الشروط في موقعهم ^^

سابو حبيبي وشرد
ارسل لهم كاستفسار عن نتيجة القبول
ترى يردوا عليك
وعلى قولك ربي يجيب اللي فيه الخير :)

باتوفيق للجميع

[LAYAN89]

مبروك الي انقبلوا

حأقعد على الكاشير متى أرسلوا لك؟!

عندي سؤال معليش لو اعتبرتيه تطفل بإمكانك ماتجاوبي

معدلك فوق ولا تحت ال4 ولا فوق ال4.5؟! نفسي اعرف يعني القبول للجميع على اساس المعدل ولا إيه :) ومتى أرسلوا لك الربوع؟؟

لان لما سألت قالوا تخصص المحاسبة نتايجهم يوم السبت او بعده

والف مبروك ياعسل

[حأقعد عالكاشير]

^
^
وصلتني رسالتك ياعسل عالخاص وارسلتلك الرد ^^

[أنا وبس]

^^^^^^

ياريت تردي هنا عشان كلنا نستفيد واكون شاكره

[SPIDER]

القبول يكون على أساس المعدل

[حأقعد عالكاشير]

القبول على أساس المعدل
مو على أساس اي شي ثاني

وانا ارسلولي الربوع في الظهر
والحمد لله معدلي فوق 4.5 بكم تكة ^^

والله يبارك فيكي :)

وترى اللي سألوا اختلاط ولا لأ
تراه اختلاط ويعطوكي 4000 عالشهرين اللي حتدريبها
وطبعا السكن موعليهم واذا تبغي يكون مشروع البحث والتدريب تبعك
مرررره عااادي يرضولك
ويعطوكي كمان شهادة خبرة

هذا الكلام جبتو من وحدة اتدربت السنة اللي فاتت في ارامكو

وبالتوفيق للجميع

[شموع32]

مبروووووك حاقعد عالكاشير

ربي يوفقك ان شاءالله

ويخترلنا الي فيه الخير

[السيدة نكتة]

حأقعد عالكاشير

مبروك القبول ماشاء الله . وإن شاء الله ماتقعدي عالكاشير تقعدي على مكتب المدير

ودي اسألك :

تخرج هالترم إن شاء الله لو بقدم مستقبلاً على أساس أخذ خبرة بيعطوني وجهه؟

وكمان لايكون يهمهم اللغة الانجليزية ؟ > واضح متعقدة من الانجليزي خخخ

هما لهم وقت للتسجيل يعني بس للصيف التدريب ولا لا ؟

آسفه على كثرت الأسئلة

- بالتوفيق لك ويابعدي حصني نفسك لأنك كتبتي معدلك وكتبتي إنك انقبلتي ترى العين حق

عاد ما أدري إذا العين بتوصل عن طريق الشاشة عين إلكترونية

مع السلامة