30%

[ime149]

شوري ياقلبي

احنا معاك لوتبغي صورة درجات بنات الجامعة اوريك

لان الحال من بعضه


والجامعة مو احسن من الفرع

احنا اربع شعب عند استاذه لميس

في الاحصاء يعني فوق 70 بنت

ماجابت 30 الا وحده...

لك ودي

لجين

[د-فوفه]

مـــــــــــــــــــــــــــــــــــــــــــــــــ ـــــــعاكـ

[الساهر12]

المشاركة الأصلية كتبت بواسطة sho0ory لاتقولي لي اللحين ولا اقولك ............................. كل الدكاتره قالو لنا احنا لما انعرض علينا الاسئله جلسنا 3 دقايق نفكر في فكره السؤال وكيف جات وهما دكاتره عارفه ايش يعني دكاتره يعني اللي يدرسونا هو هو تخصصهمممم افهمي واستوعبي الكلام كووووويسسسسس ايوا نظام جامعه ولازم اتعود عليه اذا كان بنفس صيغه الكتاب اسكت واقول التقصير مني لكن كلنا قلنا مو نفس الصيغه وددكتورتنا قالت مو بنفس الصيغه قالت فيها تغير 70 في الميه يعني الفتكه بالانقلشششش تحل وهيا متردده انا عارفه ايش كنت انا بالمدرسه وانا ايش سرت بالجامعه

لا لا لا لا حدك هنا

تبغين تقوليلي انو الدكاترة استصعبوا الاسئلة التافهة حقت التحضيرية ؟ ههههههههههههه

خيالك واسع اختي. :)


طيب ليش فيه ناس كثير جابوا 30 و 29 و 28 و 27 و 26 و 25

على راسهم ريشة يعني ؟؟ ولا غششوهم الاسئلة ؟


اللي خبص الله يعوضه ... ولازم يشد حيله من دحين ولا تضيعون وقت في المواضيع السخيفة اللي لا تودي ولا تجيب.

وانا أحلفلكم ... والله العظيم محد راح يعدل الدرجات ولا حيعيدوا الاختبار ... ممكن يزودونا كلنا كم درجة ... بس هذا آخر الترم ومو أكيد.

[sho0ory]

اول شي مو انتا تحكم اذا موضوعي سخيف او لا

واذا موضوعي لايودي ولايجيب تراه يتعذرك


وكان ماتعبت نفسك ونزلت رد يجنن كذا

انا من قالك اني ابغى اعدل الدرجات

مين قالك انو درجاتي مو عاجبتني

شكلك ماتفهم المواضيع صح وتخبص بالردود

ارجع افهم الموضوع من البدايه

واقرى كوووويسسسس


انا مقتنعه انو الجاي احلى وكل دا اقرى في كذا موضوع لشوري

انا رافضه فكرت انو الكل غلطططط

ونسبه ضئيله هيا اللي صح


واذا انتا كنت من النسبه الضئيله اللي صح


ياريت تجاوبني وتقلي كيف درجاتك وانتا راضي عنها وكيف ممكن تساعدنا


ومن اي مصادر ذاكرت


وايش طموحك طب ولا هندسه


اتمنى ترد عليا

[ذبحتني الدراسه]

الي جابوا 30 و 29 و 28 و 27 و 26 و 25
هذولي قله ياغلاا يعني تخيل كل 100 طالبه تجيب منهم 30 طالبه هذي الدجات واقل والباقي رسوب
شي صعب اذا كنا احنا في الفرع 9 شعب ونقول في كل شعبه 60 طالبه على ما اتوقع طيب يعني من 540طالبه ينجحوا
بس 160 طالبه تقريبا
ما قد شفت نسب رسوب كذا وهذا بس على مستوى فررع البناااات

وبعدين شوري صادقه الدكتوره تقول انا لما جيت احل ترددة في الاجابه قعدت افكر هو ايش يبغ بضيط
كيف احنا الي مستونا في الانقلش ليفل ون

شوري احنا معك لمتى بنظل ساكتين وربي ما بيرحمونا

كفااااااايه الدرجات الي راحت بلهبل كفااايه

[dail]

عالعموم حتى اذا الأسئله سهله راح تكون صعبه لأنها بالانكلش وكمان الوقت ماهو كافي ..أحس كل الااختبارات معتمدة عالانكلش اذا كانت الوحده ممتازه بس ما عندها لغة ايش راح تسوي >>والله حرام ظلم ...

[الساهر12]

أنا من طبيعتي ما ارد وانتقد أي احد إلا اذا طفح الكيل ...

وبالنسبة لفهمي للموضوع ... اللي فهمته انك تبغين تحطين اللوم كله على الكمبيوتر والتصحيح ... وتتناسين انكم مقصرين في الدراسة

طيب أنا اسألك بالله ... تذاكرين كل يوم ؟؟ ولا ذاكرتي قبل الاختبار باسبوع ؟

أنا الحمد لله ما واجهت مشاكلكم هذي كلها والاختبارات كانت سهلة وجبت درجات الحمد لله راضي عنها ( 27 في الاحصاء )

مذاكرتي كانت مع الدكتور ... يشرح من هنا وانا اعلم في الكتاب .... ووقت الاختبارات استعنت بالملخصات والاسئلة السنة اللي فاتت ( على فكرة بعض الملخصات المنهج فيها ناقص .. هذا اللي لاحظته )


وللعلم ... معدلي بالثانوية 89% ........

اذا انا اقدر اجيب درجات عالية .. انتم تقدرون.

[dail]

المشاركة الأصلية كتبت بواسطة الساهر12 أنا من طبيعتي ما ارد وانتقد أي احد إلا اذا طفح الكيل ... وبالنسبة لفهمي للموضوع ... اللي فهمته انك تبغين تحطين اللوم كله على الكمبيوتر والتصحيح ... وتتناسين انكم مقصرين في الدراسة طيب أنا اسألك بالله ... تذاكرين كل يوم ؟؟ ولا ذاكرتي قبل الاختبار باسبوع ؟ أنا الحمد لله ما واجهت مشاكلكم هذي كلها والاختبارات كانت سهلة وجبت درجات الحمد لله راضي عنها ( 27 في الاحصاء ) مذاكرتي كانت مع الدكتور ... يشرح من هنا وانا اعلم في الكتاب .... ووقت الاختبارات استعنت بالملخصات والاسئلة السنة اللي فاتت ( على فكرة بعض الملخصات المنهج فيها ناقص .. هذا اللي لاحظته ) وللعلم ... معدلي بالثانوية 89% ........ اذا انا اقدر اجيب درجات عالية .. انتم تقدرون.

على فكره معظم البنات ذاكروا من الكتاب ومن الملخصات وتعبوا وخرجوا وهما مبسوطين يعتقدوا درجاتهم عاليه وانا منهم ...>>على فكره انا اتخرجت بمعدل 99 وكنت جدا ممتازه بس انا ماني شاطره في الانكلش يعني بالله هذا ماهو ظلم ...والوقت كمان ماهو كافي ..يضيعوا الوقت في الترتيب وتوزيع الاسئله!

[SOMAH SWEET]

شوووووووووووووووووووووووووووووووري مو بس انتي احنااااااااا كلناااااااااااااااااا ضايعه درجاتنا بس بليزززززززز وصلي صوتنا لاي احد

[عيون الحقيقة]

*أولا: يابنات مين قال إنه الآلة بتصحح غلط؟! أنا وكل زميلاتي اللي راجعوا أوراقهم كانت درجاتنا فعلا هي اللي نستحقها ولا درجة زايدة ولا درجة ناقصة، ومو نحن اللي نحكم عليها لأنه مو نحن اللي بنستخدمها

*ثانيا: البنات اللي يجيبوا 99% في المدرسة مو شرط يجيبوا درجات عالية في الجامعة لأنه ممكن يكونوا من الناس الصمامين اللي مو فاهمين أو إنه المدارس متساهلة، ونحن في الإحصاء قالت الأستاذة من أول محاضرة إنه لازم نفهم ونذاكر ونحل الواجبات أول بأول

*ثالثا: انتو يا بنات الكلية مو تبغوا تدخلوا الكليات الطبية؟ فكيف تقولوا نحن ميح في الانجليش وما نقدر نمشي؟! لأنه الكليات الطبية كل دراستها بالانجليش..فلازم تقووا نفسكم فيه

*رابعا: الأستاذة قالت إنه المذاكرة الأساسية من الكتاب فليش تلخبطوا نفسكم وتروحوا للملخصات اللي هي بالعربي وبخط اليد وأي كلام؟!

*خامسا: مو كان عندنا نموذج للاختبار شفناه وعرفنا منه طريقة الأسئلة، حتى مساكين اللي اختبروه كان عندهم 60 سؤال فإذا إنتو تقولوا إنه الوقت ماكفاكم مع 45 سؤال يعني هم إيش سووا وقتها؟!!

*سادسا: لغة الاختبار كانت أسهل من الكتاب وحتى في أسئلة كانت بالظبط زي أسئلة الكتاب بس محد حيلاحظ دا الشي الا اللي تحل التمارين والكويزات

*سابعا: الدرجة الكاملة يابنات سواء في الإحصاء أو في اي مادة تانية مو لازم الكل ياخدها..ما تاخد الفل مارك الا الطالبة اللي تستحقها وتكون بتذاكر أول بأول مو اللي تذاكر بس وقت الاختبار <<<<مع العلم اني نقصت ما اخدت فل
مارك

*ثامنا: شكلي حانضرب بس هادي كلمة حق حبيت اقولها بدل ما دايما نحن الطالبات نقول الاختبار فيه ويخطيه والمكينة اكيد غلطانة والدكتورة ماتعرف تشرح والأنظمة بتظلمنا..ليش ما نفكر إنه اللي بنزرعه هو اللي بنلاقيه فإذا كنا مهتمين حنلاقي النتيجة اللي ترضينا ولو كنا لعابين حنلاقي اللي نستحقه، والدليل انه في بنات جابوا فل مارك فمعناها الموضوع مو مستحيل!!
طولت عليكم بس أتمنى تكون فكرتي وصلت، والله يوفقنا جميعا ونجيب اعلى الدرجات