F بكل جدارة ..!!

[بنت المؤسس]

عزيزاتي طالبات الانتساب:
أنا طالبه مع الدكتورة ناريمان في مادة براكتيكم 1 وهي مادة مختصة بالتدريب في الترجمة وجزء من دراستنا كانت التدرب على تصحيح نماذج من إجابات الطالبات وقد أحضرت لنا نماذج من بعض الأوراق مع مسح الأسماء وكانت الصراحة مستويات ضعيفة جدا إذا كذا مستواهم في الترجمة وهي تعتبر مادة سهلة فأنا أتسأل عن مستواهم في باقي المواد الصعبة وقد كانت الدكتورة حريصة على إنها ما تنقصهم وتحاول تعطيهم درجات على نصف الإجابة. الدكتورة ناريمان أكثر دكتورة في القسم تخاف على مستوى الطالبات و ما عمري سمعت أحد يقول إنها ظالمه وهذي كلمة حق لأنها أستاذة راقية و ملتزمة و ما تغيب ولا تكلف البنات فوق طاقتهم و تعرف طالباتها بأسمائهم وهذا شيء نادر في الأستاذات. أخيرا أقولكم أن الدرجة التي تحصلون عليها أكيد تكون صحيحة لان الدكتورة ما تظلم وأتمنى من طالباتها اللي كانوا معانا هذا الترم يشاركوا ويقولوا رأيهم في مستوى طالبات الانتساب اللي شفناه

[روزري]

المشاركة الأصلية كتبت بواسطة حنين الود حقولكم من دحين حتعصب ..وحتصرخ بس عآدي إسمعوآ من هنآ وطلعوآ من هنآ ..مآفرقت ..لآزم تصبروآ ..طبعهآ كدآ بس من نآحيه الإختبآر الإعآده لآ إلي صآر في الإنتظآم دوري مو نهآئي..

ايوا ياسكره ان شاء الله راح نستحمل ..
خساره ياليت في اعادة اختبار لنا .....

[روزري]

المشاركة الأصلية كتبت بواسطة طيف أوراقي حسبي الله ونعم الوكيل حتى في جامعتكم هالظلم تدرون انا بجامعة الملك فيصل الfعندهم مافي اسهل منها لاذمه ولاضمير وعندنا دكتوره مصريه هالسنه بتمشي اخر سنه تعطينا syntaxولعبت فينا بالماده سوت الماده معضله الاجابات كلها في الدكشنري وتجيب منه كلمات وتبيننا نجاوب والمشكله ان ممكنوع ندخل الدكشنري معنا القاعه شدعوه عقلنا كمبيوتر يعني حلنا بالتخمين اسئلتها صعبه صعبه مالها حل في حياتي ماشفت مثلها يعني بذمتكم اذا في الكوزات القاعه كلها 2 و3 والميد تيرم القاعه كلها 5و6 و7 الغلط فيننا ولافيها يالتني حذفت الماده من البدايه شقول حسبي الله ونعم الوكيل بالاخير كل البنات f ويقولون هي بتراعيننا لان هذا اخر سمستر بس الامانه مو موجوده عندهم لا والمشكله مسويين لها واجبات بعد اسفه على الاطاله بس حبيت افضفض لكم ارجوا ان تقبلوني صديقه خفيفه وشكرا

هلا بيك اكيد بنقبلك صديقه عزيزه ..الله يحيك

بالنسبة لكلامك والله ياعزيزتي المشكله صارت ان مافي امانه لا في الاسئله ولا في التصحيح

وصار الواحد ياخذ ماياخذ الي يستحقه يانه مستواه ضعيف وياخذ اكثر مما يستحق او العكس صحيح..

[روزري]

المشاركة الأصلية كتبت بواسطة المحروم..@ اذا ما مشت زين اجتمعوا عليها كلكن مع بعض واضربوها ضربة بنت وحده عشان لا احد .. يمسك عليكم شيء

هههههههههه لا خيو مو لهذه الدرجه مهما كان لازم يكون في احترام ..
وع قولة البنات شكلها كيوت وماتستاهل...

[روزري]

المشاركة الأصلية كتبت بواسطة ioooi دكتورة ناريمان قلبها ابيض يابنات وسوت المستحيل في البويتري عشان البنات ينجحوا كلموها بأسلوب حلو وراقي وحاولوا تتحملوها وبلاش تتكلموا عن اي دكتورة بالشكل دا لانهم يدخلوا المنتدى ويشوفوا الكلام واكيد بيعرفوكم لو كلمتوهم بخصوص الموضوع واكيد التعامل راح يكون سو باد good luck

الساكت عن الحق شيطان اخرس

مشكوره ياسكره ماتكلمنا بشكل سو باد مجرد ردة فعل من اللي حصل

[روزري]

المشاركة الأصلية كتبت بواسطة trace of hope السلام عليكم ورحمة الله وبركاته.. الله ييسر لكم ويعينكم على اختبارتكم يارب.. أنا بصراحة مستغربة من إسلوبكم: (رح نضربها، إش سالفتك، حسبي الله عليك.... ) كبنات جامعيات مثقفات. بصراحة أتوقع أن يكون نقدكم وملاحظاتكم على الدكتورات فيها شيء من الموضوعية والاحترام ولا تنسوا في النهاية إنو كل الأستاذات بشر قد يخطئون ويصيبون في تدريسهم وتعاملهم معنا.. وللأمانة.. أنا أخدت مع د. ناريمان ولمن كانت تعصب كنت أعتبرها زي والدتي لما تعصب علي عشان أكون أفضل مو لأنها ما تحبني.. هيه مرة زعلانة من مستوانا في الإنجليزي مقارنة بجامعة عفت ودار الحكمة ومعاها حق .. لأنو هذا الشي صح مليووووون في المية.. يا بنات د. ناريمان أطيب من قلبها ما في.. بالله في دكتورة في القسم تسوي إعادة للاختبارات زيها!! والكلمة اللي دايما على لسانها لمن تقول: لمن بنت ترسب عندي كإنو أنا اللي رسبت.. صحيح إنو الدكتورة تطلب واجبات كتير.. بس كل واجب بتحليه يرفع مستواك من جد.. أفتكر لما أخدت معاها ترجمة أول قطعة كان طولها 5 سطور وأخدت مني ساعات!! بعدين كل يوم كانت تعطينا قطعة وكنت أترجمها.. وفي آخر الترم حسيت إني من جد أستفدت من هذا الكورس.. وقدرت أترجم بسرعة وبطريقة صح.. أما لما تكوني غايبة طول الترم وتجي على النهاية تبي تنجحي وإنت مو عارفة إش أخطائك.. كمان الدكتورة مسؤولة إذا نجحت بنت.. يا حلوات.. المشكلة فينا إحنا إنو تعودنا في المدارس نذاكر شي بسيط وكلو مأشر.. إحنا اللي مرة مدلعين ومو قادرين إنو نشد حيلنا للمستوى المناسب لطالبات الإنجليزي.. يا بنات أعطوا كل دكتورة حقها.. ما يجوز دا الشي.. ومرة تانية حأقول يا ريت لمن نكتب عن أستاذة.. نكتب بطريقة موضوعية بناءة متوافقة مع مستوانا الأكاديمي.. أنا الشي اللي خلاني أكتب هنا.. إنو أنا أخدت في أول أختبار مع د. ناريمان درجة واطية.. بس لما عرفت خطئي عرفت إني كنت أستاهل الدرجة الأولى وقدرت إني أرفع مستواي بشكل كبير.. بس اعرفوا أخطاءكم وعدلوها وحتلاقوا نتيجة.. الله يوفقكم كلكم يارب وينجحكم..

عفوا اختي ...

راح نضربك ماقلناها

ايش سالفتك ؟<<<

حسبي الله عليك .. لو كانت من جد ظالمتنا ليش مانقول ؟؟!!

واخيرا عزيزتي

لا مجال للمقارنة بين بنات الانتظام وبنات الانتساب

وبرضوا لا مجال للمقارنه بين دراسة البنات في كلية عفت او غيره وبين دراستنا لانه من جد الواحد ينقهر على هذا الشئ ومالومها والله

احنا بنات انتساب الماده تنشرح لنا في 3 اسابيع ايام معينه بنات يحضروا وبنات للأسف مايقدروا

مافي احد يدربنا وحتى لو كان الاجتهاد فردي بيكون تدريب نوعا ما ناقص مافي احد يصحح ..

احنا اخطائنا نعرفها في النهائي وفي هذا الوقت يايصيب يايخيب..
مشكوره ع المرور وع رأيك

[روزري]

المشاركة الأصلية كتبت بواسطة الإمبراطورة اتفآهموآ معهآ بِـ أُسلوب مُحترم وإنْ شآء الله تنحل مُشكلتكم.. ترى الدكتورة نآريمآنْ طيبة جدآ جدآ (اسألوني) مهمآ عصبّت و و و تلقيهآ بعد شوي تسلّم عليكِ بابتسآمة.. ونست كُل اللي صآر.. أحس تعآمل البنآت كأنهآ أمُهم.. وتخآف على مُستقبلهم أكثر منهم..,, ~ بالتوفيق لكم مُيسّرة أموركم أجمعينْ.. :) مع احترآمي لك.. كُنْ محضــر خير,, كُل شيء بالتفآهم والحوآر.. والأسلوب الهمجي مآ منه فآيده ,, هذآ الكلآآآآآم مرفووووض في مُنتدآنآ نحنُ طلبة جآمعيينْ..وآعينْ ومُثفقينْ :) أتمنى ان يكوونْ كلآمك مزح ,, ومآ تقصد..

ياهلا والله

كلامك صحيح والله

تصدقي وقت المحاضره قسما بالله شويه واروح واكلها من جد آدميه مهضومه وكنت اشارك معاها في نفس المحاضره ومرت من عندي واحنا نترجم قطعه وجلست تصحح لي وقالت لي good
وعجبتها ترجمتي وعجبتها اشياء ثانيه ...
ولما اختبرنا كان الاختبار روووووعه وسهل مويه جدا
وكنت متحمسه لدرجة هذه الماده وبعدين انصدمت اني اخذت f

بس ان شاء الله لما تشوفني تتذكرني وتحاول تراجع ورقتي

ودعاوتكم ومشكوره ع المرور

[روزري]

المشاركة الأصلية كتبت بواسطة الــــغــــلا ايـــــــــــــــــــــــــــــــــــــوه 7 7 7 7 7 7 7 7 7 ابشركم بفضل من الله نجحت في الماده

ألف ألف ألف مبرووووووووووووووووووووك

ماشاء الله تبارك الله

العقبى لنا يارب نبشركم بانه في غلط

[روزري]

المشاركة الأصلية كتبت بواسطة wed0o0 الرسول قال اذا ضُيعت الامانة فانتظروا الساعة والمفروض العلم اللي بيعطونا هو والاختبارات والدرجات تكون امانه عندهم بس للاسف مافي خوف منالله مايصير يستعجلو في تصحيح الاوراق ويظلمونا والله انا متأكدة اني حالة في السينتاكس وكنت متوقعة اقل شي 80 واذا مرة مرة 70 ويطلعلي الf

من علامات قرب وقوع الساعه ..في آخر الزمان

يأخذ الانسان مالا يستحقه ..

الحديث اللي ذكرتيه كان في افضل القرون مابالك في قرننا احنا

الله يعوضك خير ويعضونا معاك
والله العظيم اني برضوا زيك قلت كحد ادني يعني مره مره ممكن اخذ 80 او 70 بس تفاجأت والله

[الأمواج]

الله يكون في عونكم يارب ويسهل لكم من عنده..
ويكون مجرد خطأ من النظام...
أو من الكومبيوتر..
وحدة من صديقاتي تقول وحدة من البنات جابت درجة في مادة من المواد 90 وهي مقتنعة ماهي درجتها لإنها ماجاوبت..
راجعتها واكتشفت إنه خطأ ودرجتها اللي حصلت عليها ثانية بس نازلة..

المهم بالتوفيق لكم يارب وبشرونا عنكم..