~~ شــــــتــــــات ~~ ♥ مُصرهـ علـى قــراري ♥..

[مصره على قراري]

حلقة امس من خواطر جابتلي الجنان
ما اقول غير الله يسامحك يا داليا
الحلقه ما كانت في المستوى المطلوب
والسبب العنااااد
~~~~~~~~~~~~~~~~~~~
بما ان الحلقه عن الطوابير
والجرس
تذكرت موقف حصلي في الطابور
الطابور بالنسبه لي عالم ثاني
كنت ثالث ثانوي
وعلمي وحركات<<العلمي لهم وضع خاص ومتوقع منهم تصرفات معينه
اما انا كسرت القاااعده ورميت القاعده ذي في الزباله<<هههههههه
واقفه في الطابور وطبعا اخر وحده وظهري على الجدار
وسارحه في ملكوت الله<<بالاحرى مسطوله نوم^^
ومن يومي ما احب اقول النشيد الوطني
احس اني مخفه
هههههه
والمديره من يوم ما دخلت المدرسه وهي مركزه معي
احسهم موظفينها عشان تصيدني
وكما هي العاده<<متعوب عليها الجمله^^
صادتني المديره وانا ساكته وما اقول النشيد
وبكل هدوء
اخذت المايك ونادتني<<فضحتني على الهواء^^
وانا ياحليلي رحت
بس طبعا جلست سنه امشي<<نعسانه وحالتي صعبه^^
و اخيرا وصلت عندها
وقالت
مريم وين الوطنيه ليه ما قلتي النشيد؟؟
قلتلها
استاذه كنت استغفر استغل الوقت يعني
<<ياربي سامحني كانت تصريفه
هههههههههه
وانفجرت المدرسه ضحك
ومن يومها كل ما شافتي تقول
استغلي الوقت يابنتي لا تضيعينه^^

والله لوما كنت شاطره واشارك بالاذاعه والنشاط
وامثل المدرسه في مسابقات الوزاره
كان مصخرتني وشغلتني عندها فراشه
ههههههههههههههه
هذا الموقف ما انساه ابدا
وكل ما اقابل صحباتي من الثنوي نتذكره ونضحك
~~~~~~~~~~~~~~~~~~~
وفي موقف ما انساه كمان حصلي في المتوسط
كان عندنا استاذه تدرسنا توحيد اسمها(منيره)<<الله يذكرها بالخير^^
كانت تبيع (ايس كريم)<<احس الكلمه غلط
حقها صراحه يسمونه(عسكريم)<<ههههههههههه
فيمتو في اكياس وتجمده ويلا الواحد بريال^^
المشكله ان المدرسه في حي راقي
واغب البنات من عائلات غنيه
بس شكلها تحسبنا سياح
ونلتفت للفوكلور
ههههههههههههههههههههههه
المدرسه كلها كانت تمصخرها
وهي باسطه فيه بنص الساحه
بصراحه انا ما كنت اعلق
على الموضوع بالعكس كانت تكسر خاطري
بس البنات كانوا يقولون انها غنيه
ولها كذا عماره في جي الشعله<<الكلام على ذمتهم
المهم
يوم من الايام
خرجت انا وصحباتي للفسحه
وكان عندنا درس توحيد مع ابله منيره الحصه الرابعه
طبعا كالعاده الفصل كله تأخر على الحصه
لأنا ماكنا نحب الابله هذي
وعاد جات المديره
وكرشتنا للفصل
لقينا بوجهنا ابله منيره
واول وحده دخلت الفصل انا
وكانوا وراي البنات
يوم دخلت
قالت ابله منيره~
مريم هاتي ريال
عاد انا هنا انطلقت
(والله يا ابله ما اشتريت من الايس كريم حقك اصلن اقرف من الاشياء ذي)
وعاد الفصل كله ضحك ومحد قدر يسكته
طلعت الابله المسكينه تبغى ريال النشاط
(كانت تجمع من كل البنات ريال والله العالم وين تروح الفلوس)
وانا مصخرتها بدلاختي
هههههههههههههههههههههه

ومن بعدها بطلت تبيع<<قطعت رزقها ياحرام

~~~~~~~~~~
وهذا اقوى موقف خسرني انا وريم مبلغ وقدره<<مو مره بس انا بخيله^^
كان عندنا مشرفه في الثنوي كنا نسميها(جيب الهيئه)هههههههه
بسم الله عليها
تقتحم الفصول
وتصيد البنات
ومره كنت افرفر في الاسياب انا و ريم^^
وقابلنا (الهيئه) هههههههههه
عاد تورطنا
ابله سحر(الهيئه)+مخالفه (الفرفره في الاسياب)=تعهد عند الجنرال نوره <<ههههههههه
وبما ان الحاجه ام الاختراع
طلعت في بالي فكره <<خطيررررره
مشيت جهة ايله سحر وريم تسحبني (يامخفه وين رايحه)
وانا مطنشه(تعالي وانا اسنعك)<<واثقه هههه
المهم تقابلت مع الهيئه وجها لوجه<<لقاء السحااب ههههههه
وكانت بتمصخرني
بس سبقتها وقلت
ابله سحر وينك؟؟
من اليوم ادور عليك انا وريم؟؟
قالت خير وش فيه؟؟؟
قلت ابله بكره اذاعتنا
وفصلنا وده يكرمك في الاذاعه على مجهودك في تطبيق النظام الله يعطيك العافيه
<<<قويه ادري بس ارحم من الجنرال نوره
ههههههههههههههههههههههههههه
عاد الحرمه استحت ياحرام
وقامت تشكرني
وتقول
خلا ص ابشروا بكره مارح اغيب<<ياقلبي كسرت خاطري بس كله ولا التعهد^^
رحت الفصل و جلست ساعه اضحك
حسيت نفسي نذله
وطبعا لان فكرتي انقذت ريم كمان
نسيت الضحك
وقلت:ريم يالمخفه قطه على السريع
قالت:ليه قطه عشان ايش؟؟
قلتلها:مو طلعتك من الورطه قبل شوي
اجل هدية (الهيئه) قطه بيني وبينك
واخذت فلوس منها
وحطيت انا من عندي وجبنا هديه لأبله سحر
كانت درع+مصحف
ومن بعد التكريم
صارت تحبني وتموت علي
ولو تشوف الفصل كله جالس يفرفر
معي ما تكلمه
وتسوي نفسها ما شافته
ههههههههههههه
لو تدري ان السالفه كلها عشان اداري على بلوتي
تنحرني اكيد<<<هههههههههه
والله ايام حلوه^_^
بكل امانه~~
(كنت داخل اوقات الدوام-الـ45 دقيقه-شاطره بس لابد من التعليقات والمحشات الخفيفه^^)والحمد الله كنت من الاوائل بالمدرسه
وتخرجت من الثنوي بنسبه عاااليه
اما الاوقات الثانيه(حصص الفراغ+النشاط+العشر دقايق الي تتأخر فيها الاستاذه)
اوقات المغامرات والخططوالفزعات^^
وعلى كثر البلاوي الي كنت اسويها
كانوا الاستاذات يحبوني مره
واذا غبت يفقدوني
اذكر ابله(مريم الشمري)<<الله يذكرها بالخير
ما كانت تعطي حصه لو كنت غايبه
تقول كيف اعطي حصه من غير
تعليقات مريم^^
والبنات اذا يبغون ينفكون من الحصه
يقولون تكفين مريم غيبي
بس بما اني شاطره ما كنت احب اغيب
لان بتفوتني حصص كثير^^
صراحه ايام المدرسه احلى من الجامعه
خصوصا اللحين في البترجي
الدراسه مريحه(احسن من ايام عزوز)
بس تحتاج جديه واهتمام اكثر
لكن نشاطات الرجه عندي ما زالت قائمه
مدري متى بعقل^^
~~~~~~~~~~~~

[مصره على قراري]

~ على فكره ما احب اللون الوردي بس مدري ليه اخترته لون لخطي في المنتديات~
يمكن عشان اثبت بالقوه اني بنت<<ههههه امزح طبعا

يمكن لأني اكتب ردودي بأريحيه
واخويه واللون الوردي لون لطيف
ويوصل احساس


هذا انسب تفسير~~

بس بالمجمل ما احب الالوان الكثير
وافضل الالوان الغامقه~

بفكر في موضوع اللون الوردي
واحاول اعرف سبب اختياري له
رغم اني مااا احبه
موضوع محير فعلا...
~~~~~~~~~~~~~~

[مصره على قراري]

~هذا ردي لكل الي سألوني ليش مالك تواجد في المواضيع السياسيه او المواضيع(الي فيها جدل)في الساحه العامه~
تطبيق هذه العباره من وجهة نظري
يكمن في انه ليس بالضروري ان اقول اني ملمه بالمواضيع السياسيه
وابدي راي او بالاصح(افرد عضلاتي) في موضوع انا متأكده
اني لن اخرج منه بأي فائده
ومعرفتي بهذه المواضيع لا تقاس بمدى نقاشي فيها

بصراحه الي يحصل في الساحه
من وجهة نظري المتواضعه
(فرد عضلات وتكسير راس لا اكثر)
يعني لايمت لنقاش واجتذاب الاراء بصله
فلم ولن ادخل في اي نقاش تكون هذه اهدافه
~~~~~~~~~~~~~~~~~~~~~~~~~~~~

[مصره على قراري]

~اتمنى اكون صفحه بيضاء لان الصفحه الببيضاء تستفز كل قلم للكتابه عليها~

فلسفه من فلسفاتي الغريبه ولكنها تحمل بعد عميق وشامل~~

~~

[مصره على قراري]

هل فعلا ان الذوق العام (مطاطي)؟؟؟
ام انه يوجد (خطوط عريضه) لذوق يجمع عليها الكل؟؟؟
وان وجدت هذه (الخطوط العريضه) لما ذا لا نعلم ماهي؟؟؟
حتى نتفادى رفض بعض الاطروحات ونزن حدود الاطروحه
على ميزان هذه الخطوط العريضه
ونكسب رهان التقبل من الجميع؟؟؟












عدت الى نفس النقطه((الذوق العام مطاطي))~~

[مصره على قراري]

كلِّ ما شقّ الورق واكتب قصيدة

حبرها دمّي وقلبي لك ورق

أشعر بتقصير ودّي بالجديدة
كلِّ حرفٍ في بحر حِبّك غرق

من هو غيري بس يرخِص لك وريده

الله اللي خالقك والله فرق

من عرفتك يا رِقيقة يا عنيدة

ليه قلبك يا الحبيبة ما يرق

ذكّري قلبي ليالينا السعيدة

العيون أبطت سهر ملّت أرق

نبض قلبي نظرة عيوني بريدة

ليه رعّادك سبق برق (ن) برق

اكتب إحساسي على شانِك وعيدة

ردّي إحساسي عليّ اللي انسرق

ردّي إحساسي عليّ اكتب قصيدة

حبرها دمّي وقلبي لك ورق

لشاعر ساااااري~~


يقولون ان القصيده مكتوبه عشاني~

وانا اقول الله يعين~
^_^

[مصره على قراري]

الله يسعدكم يا اعضاء سكاو
هههههههههههههههههههههههه

طلعتوني سديريه^^
عجبتني الاشاعه صراحه^^
لهذي الدرجه الفضول مدمركم عشان تعرفون لقبي
قسما بالله انكم عسل^^

يالله دوروا على لقبي واذا عرفتوه لكم جائزه قيمه
^_^

[مصره على قراري]

>>سبحان الله...ثلث الشهر مر سريعا..اللهم أعنا على تعويض ما فات..والاستعداد لما هو ات. واغفر لنا كافة الزلات.<<

[مصره على قراري]

قبل شوي كنت فاتحه المدونه واكتب
(والله وحشتني قلبي اماراتي الله يجعل غيابها عنا انشغال بأكبر افراح حياتها)
وكنت بعتمد الرد
وتنط بوجهي على المسن
ما تتخيلون قد ايش فرحت
الله يوفقها يارب ويسعدها
^_^

[مصره على قراري]

أنا السما والي يبي يشوفني فوق
هذا مكاني رغم صعبات الأقدار
إسمي شموخ وفعلي يبين الذوق
طبعي كسبته من بعد مجد الأحرار
ماني من الي يتقي الوقت والعوق
وإن مال وقته كثر القول بأعذار
مابيع راسي في مضاريبة السوق
الدار داري والهوى عندي يانار
من كثر القيلات ماهو بمرفوق
كسٌرت فنجاله ولاتحشمـه دار
والي يزمل كلمته بزين منطـوق
انقدمـه عالكل لو صار ماصار
مجدي صنعته بين اضلاع وعروق
يلين صارت سيرتي للكل تذكار
اعرف قلوب الناس من مقله الموق
واميز الطيب من الناس واختار
اهديها للناموس من خيل ونوق
والمركز الأول يبا عزم وابهار
يلي اتحداني ولا تدري العوق
ابوي علمني التحدي والإصرار
أتوق توق الريم واشعاري اتوق
وغيري مكانه ماتحرك ولاسار

احب هالقصيده بشكل مو طبيعي
هيا اغنيه لراشد بس بعد ما تركت الاغاني ولله الحمد<<من فتره قريبه
صرت اجمع كلمات الاغاني الي كنت احبها واكتشفت
ان الابيات احسن بكثير من صوت الازعاج والموسيقه