مراجعة فاينل إدارة العمليات د. هاني + سيده (أول رد)

[Joda Majed]

هيا كلمه وحدا بس الي تتقال بوضع زي كذا = )

الله ينتقم من الي تفلسفت وقالت يادكتور مانبغى محاضره الاثنين يخليني اشوفها منهاره تبكي من قلب وقت الاختبار ماتعرف حتى تكتب اسمها .. تشوف فلسفتها الزايده فين توصلها




كذا كويس ؟ انبسطتي يا هانم ؟ عجبك الوضع يلا وريني فين بتروحي من دعاوينا عليك
شوفي كم بنت ماحضرت يلا احسبي كل بنت قديش بتدعي عليك وكم من اهلها بتخليه يدعي عليك كمان .. يووه ياشيخه حتتعبي وانتِ تحسبي

والله اني من المغرب من وقت ماسمعت الخبر الى اللحظه هذي وحستمر الى لحظه تسليم ورقه الاختبار منتهيه منه

وبكل ركعه وبكل ساعه استجابه وبكل قيام ليل ووتر حادعي ربي يوفقنا وينتقم من الي سوو الحركه البايخه هذي فينا



الي عارفين المنهج طويل وجدا معقد ونحتاج لو ساعه مراجعه فيه مع الدكتور وتجين بكل برود لا يادكتور مانحتاج مراجعه ؟

بس بادن الله بادن الله بادن الله يرد الله ربي يبرد علينا ويفتح على بصائرنا وقت الاختبار
ونحل ويحرق دم الي لغو المراجعه ويضيعهم زي ماضيعونا بالماده



وكلمه لاستاذه الفاضله قيرل ،

افرحي يلا بالناس الي تجلسي تتعبي لها وتسهري وتكسري ظهرك عشانها وتنزلي ملخصات
ويضيع وقتك وانتي تكتبي وماتلحقي تراجعي ببيتك زي الناس ،، شوفي اش عملو فيك بالاخير = )

[عبود الفهلاوي]

يا الربع. احم. احم. عبود هنا
لبس حزام ناسف ليحل المشكلة الي هو مهو داري انه مش سبب فيها
الي حصل. اتصلت بالدكتور هاني. وهذا الحوار الدار بيننا.
نر نر
الو
الو دكتور
نعم مين معايا
انا عبود من شعبة ادارة عمليات
خير يا اخي في شي متصل هل الوقت
اية. احنا في مشكلة والمنتدي بتحرق والناس تدعي
طيب وش السلفة
اصل القصة اننا حضرنا يوم السبت
طيب
وما قصرت معانا خلصنا كل المقرر وراجعنا وخلافة
طيب
المشكلة انه في ناس تانية ما حضرت كانت تبغي تحضر
ايش تقول
اقصد انه ممكن يكون في محاضرة بكرة مراجعة تانية علشان الي ماىيعرفوا اننا حضرنا السبت
الوو
الووو دكتور.
قفل الخط في وجهي وقفل الجوال
زعل مني

[girl.k.s.a]

المشاركة الأصلية كتبت بواسطة joda majed وكلمه لاستاذه الفاضله قيرل ، افرحي يلا بالناس الي تجلسي تتعبي لها وتسهري وتكسري ظهرك عشانها وتنزلي ملخصات ويضيع وقتك وانتي تكتبي وماتلحقي تراجعي ببيتك زي الناس ،، شوفي اش عملو فيك بالاخير = )

خلا أنا دعيت لنا إنو ربي يوفقنا ويسهل أمورنا وإن شآء الله الأمور بتكون في السليم
والله يسامحهم

----------
بالنسبة للكلمة
ههههههههههههه أتفرج على نفسك ياللي فرحت كتير باللي حصلي
وياريتك فكرت تداري

----------
أنا بأعمل دي الحاجات لوجه الله وصدقة عن مامي الله يرحمها وعن جميع موتى المسلمين
بس الحمدلله في ناس كتير فيهم خير ويقدروا وحيصيروا شطار وحيعطونا المراجعة
^
ههههههههههههههههههههآي ، أعطيهم أمل شويا يمقن ربي يصلح حالهم

------------------------

خلاص ترى مسخناها حأتدعس في الأخير

------------------------

عبود وي وي أما كدا
لا بجد الله يستتتتتر
خلاص خلاص ما نبغى ولا شي
كل واحد يدبر نفسو

[مجهول الهوية 007]

^^^^

تعليقي لجادو ...

انا من الناس اللي كتبت وشرحت اشياء بالبهبل والهدف منها مو اني عشان ازيد عدد مشاركاتي وزي كذا لا والله الهدف اني ابغى الواحد يدعيلي وقبلها اكسب الاجر والثواب من الله ، ومحد يدري يمكن انا ماشي في الكلية بسبب واحد سويته له خدمة ودعالي من قلبه والله استجاب دعاءه ....

على العموم اتمنى انكم تتصالحوا ولازم نتعاون خصوصا في المادة ذي لانها مادة مشتركة وتعتبر اصعب مادة في السمستر ....


اما بالنسبة لقيرل ... انا احب اقول لك لو مو الله ثم مجهودات امثالك ما كان مشينا في بعض المواد واسأل الله ان يجزاك الف خير عن كل من استفاد من مواضيعك واتمنى تستمري بهذا المنوال ولا تخلين احد يأثر عليك لان الهدف اللي يجعلك تقومين بالمساعدة هو كسب الاجر والثواب ...


اسال الله ان يوفق الجميع

[girl.k.s.a]

أما نتصالح ؟

إيشبنا أتزاعلنا عشان نتصالح ههههههههه هيا فضفضة بس خخخخ
أنا عن نفسي مسامحة الجميع وعارفة إنو ربي معايا بس كانت تعليقاتي على الحركة وأتمنى محد يعيدها
وأتذكروا حديث النبي صل الله عليه وسلم : (حب لأخيك كما تحب لنفسك)
وبعد كدا الدنيا بتصير بخير
المعذرة للجميع

[مجهول الهوية 007]

المشاركة الأصلية كتبت بواسطة girl.k.s.a أما نتصالح ؟ إيشبنا أتزاعلنا عشان نتصالح ههههههههه هيا فضفضة بس خخخخ أنا عن نفسي مسامحة الجميع وعارفة إنو ربي معايا بس كانت تعليقاتي على الحركة وأتمنى محد يعيدها وأتذكروا حديث النبي صل الله عليه وسلم : (حب لأخيك كما تحب لنفسك) وبعد كدا الدنيا بتصير بخير المعذرة للجميع

الله يجزاك الف خير ، واتمنى من اللي حضروا المحاضرة انهم يفيدونا بالمراجعه ..

[عبود الفهلاوي]

المشاركة الأصلية كتبت بواسطة girl.k.s.a أما نتصالح ؟ إيشبنا أتزاعلنا عشان نتصالح ههههههههه هيا فضفضة بس خخخخ أنا عن نفسي مسامحة الجميع وعارفة إنو ربي معايا بس كانت تعليقاتي على الحركة وأتمنى محد يعيدها وأتذكروا حديث النبي صل الله عليه وسلم : (حب لأخيك كما تحب لنفسك) وبعد كدا الدنيا بتصير بخير المعذرة للجميع

نهاية الموضوع
انا شخصيا بكرة رايح المحاضرة يمكن الدكتور يحضر من الرسايل تعالوا نتوسم خير
الدكتور. لا قال اي. ولا. قال لا
ان شالله يحضر
ولو حضر. اعرف منة المطلوب
ولو ما حضر. اروح له المكتب علشان خاطر الجميع
كلنا اخوان ولا نزعل من بعض

وانتي قيرل لا زم تحضري بكرة وكوني مثل علشان نتونس بدل ما اكون لوحدي
نراكم غدا في المحاضرة. يارب في محاضرة

[girl.k.s.a]

^
قصدك عشان نتدعس من الدكتور سوا

أنا إن شاء الله ادا ربي اراد راح أحضر مع سيدهـ وإن شاء الله خير
وحأصير نذله شويا وأنزل لكم المراجعة قبل الاختبار خخخخ

[Basmah.t.b]

المشكلة انا ما اقدر أجي على أساس ايوا او لا ، لانه بيتي بعيد في أبحر الشمالية :(

المفروض بس يعطينا الدكتور رد ، بس المشكلة انه زعلان

[koooka]

الدكتور هاني رد قال فيه حيسوي بكرا مراجعه
الحممممممممممدلله
الله يسعدو ويجزاه ألف خييييييير
يلا نشوفكم بكرا ولا وحدة تسحب على المراجعة
بالتوفيق